熨烤達人 (已結業)

呢間餐廳係荷里活商場既入面，星期六日d一家大仔黎晒行街就會好多人。餐廳主打係燒肉，熨烤既意思係燒肉既時候用一塊類似係熨斗既金屬，壓住d肉黎燒。除左呢個gimmick之後，佢仲有個主題係超人，我估個超人卡通應該係參考美國隊長，除左餐廳佈置，仲有餐牌，圓桶櫈同好多其他嘢都係設計到好配合主題，好有心意。如果叫三款肉以上蛋漿可以無限refill架！叫左五花腩同和牛，五花腩既部位我就覺得肥左d，和牛就好正，入口即溶。仲有生菜俾你包住d肉食，不過d生菜就唔係洗得好乾淨，大打折扣。呢個就係佢舖頭主打，用個鐵熨斗黎烤肉啦。d肉燒好要快d食呀，放得係個火爐上面會太乾。有好多款特色飲品，主要係冰沙為主，建議出多幾款唔太凍既飲品，適合女仕。

去到啱啱好有位, 唔使等! Yeah!食韓燒, 先食配菜。主菜：特級雪花牛，好鮮，又帶點惹味！調味五花腩：好入味, 唔太咸，好肥肉人仕必like!本來叫左牛舌, 但係賣哂, 所以轉左呢個極尚牛舌條，有驚喜, 啖啖肉, 好正！水牛城雞翼：大愛呀！夠哂味, 再辣d 應該仲正！好邪惡呀！叫咗個大腸呀！拎到埋o黎就已經好香, 再加埋d邪惡芝士, 好正呀!食完先算！見隔離枱的飲品賣相唔錯，於是我都點了柸荔枝cider, 多到滿瀉，清甜好fresh! 同食韓燒好夾！

今次陪友人去左好耐無去過既荷里活廣場，重遊舊地，懷緬下過去既青蔥歲月。友人話店鋪都改變左唔少，仲遇見Mr. iron好有型格咁企左喺度，我地就緊係去入拜訪佢啦！入到店內有好多影相位，牆上有唔同既圖畫同飾物，仲有大量props 比你用！啱哂用尼打咭啦！Menu 同用具都好有心思！影完相快快叫野食，尼到緊係要燒一燒，先上泡菜等小配菜，仲有芝士同粟米比我地配爐邊蛋！芝士同蛋真係 perfect match..有拉絲嫁！先尼一份牛舌條，睇d紋理已經想像到佢係幾爽口，柱體狀、極厚切！食起上尼大大啖，好啱味，牛舌控真係好滿足另外仲叫左五花腩同雪花牛，調味得宜，輕輕一燒已經好香口！店員仲好細心幫我地轉左個網燒，唔容易痴底！食完燒物仲叫左buffalo wings同埋芝士大腸。buffalo wing 好香脆，店員話佢地做法係掃完醬汁上去再去焗，咁就入哂味，又唔會太多醬痴住隻雞翼！大腸好肥美，不過如果芝士多d就好喇！一邊食，一邊飲住杯荔枝cider...一啖凍，一啖熱， 好滿足呀！

好耐無食過韓燒，個日行街見到呢間餐廳就入左去，餐廳裝修有心思，電視仲播著K-pop，充滿韓風。我同朋友點左墨鬚炒飯、特級雪花牛、磚頭五花肉同芝士炸雞，飲品就揀左芒果橙乳酪。墨鬚炒飯好普通，反而招牌菜磚頭五花肉有驚喜，不但有專人幫你用特色熨斗燒好，仲幫你剪開，五花肉肥瘦分佈均勻，味道唔錯，點醬油後包菜食更好。餐廳職員亦好細心，燒完五花肉後自動幫我地換另一款烤肉架，我地自己燒特級雪花牛，雪花牛花紋吸引，食落亦不過不失，唔會好肥膩。之後嘅芝士炸雞係全晚最出色嘅食物，溶左嘅芝士汁配上適量番茄，味道的確正，流質嘅芝士醬包著火喉炸得剛好嘅雞肉，令人食完一件又一件。最後飲品芒果橙乳酪好大杯，味道唔太甜幾清新，邊食烤肉邊飲就啱啱好！

呢個廣場有好多餐廳，呢間比較突出嘅係佢嘅裝修、菜牌、菜式都好有特色，以金仔同marvel 英雄結合嘅主題吸引人眼球。玩味十足之餘，座椅有靠背，坐得幾寬敞舒適。食物方面，今次點得唔多，但係點嘅嘢味道都唔錯，芝士大腸同芝士爐邊蛋都幾好味！大隊腸支支 $88首先一上台就覺得佢顏色好靚，橙黃色影相好sharp。豬大腸份量都算足，豬大腸同底下配菜都煮得入味，啖啖都有芝士香味。唔錯。寒冰水冷麵 $68平時冷麵係將湯底雪冰，以保持冰凍之餘又唔會令湯底變淡，但係佢將湯底雪成雪條樣，仲有生果係入面，望落又靚又得意～加入醋之後冰凍又酸酸地，更加清爽。冷麵用蒟蒻麵，所以好爽口彈牙，浸泡幾耐都唔會變軟爛。ps：其實d 生果吸收左雞湯味食落有d 怪😂😂特級雪花牛 $108肥牛得6片有d 少，但係牛肉味濃郁，而且幾香，建議唔好烤到全熟食會軟滑d。白飯$15食韓燒一定要點個白飯，撈芝士汁或者熱辣辣芝士/粟米爐邊蛋都好好味！呢間餐廳裝修幾特別，成間餐廳每個細節都貫徹主題，例如餐牌、座椅、食物名等等都呼應金仔、英雄主題。同朋友一齊食嘢傾計會幾舒服。

作為openrice多年來的忠實fans, 無論活動聚會定慶生，都一定會開app揾餐廳， 睇就睇左咁多年， 終於決定寫下第1篇食評！！！午餐去左荷里活熨烤達人食lunch set, 咁就埋下左(伏) 線啦。 深深體驗到圖片及文字都只是只供參考這個說法.我和友人分別叫了<泡菜燉豚肉> 及<辣雞薯湯飯>, 另外隨午餐附送的特飲 <柚子蜜>及<蘋果茶>首先，講講個<泡菜燉豚肉>睇圖片顯示，係好靚的5花肉片， 現實係-湯渣豬肉!!! 無錯， 無論肉的部位，味道及咬口， 都令我覺得自已食緊煲完湯的瘦肉！瘦肉完全un到咬唔開， 完全唔入味。而湯底就係一般的咪精湯！！(已經食了一陣子， 實在忍唔到，才打算拍照寫食評)我敢講， 屋企煲完湯的肉都仲嫩過佢論到友人的<辣雞薯湯飯>, 好矛盾的一個飯餐， 唔知應該讚好或彈好！！其實個餐，味道不差， 唔難食， 但實物同文字所表達的內容卻極為不附。大家忽視佢個<薯> 同<湯> 字啦，實物個飯似係多汁的飯，而非湯飯，而飯入面亦只係揾到

quality was good as usual ~we have got a free drink as they currently doing a promotion ( Like FB to get free drink)!The drink was blueberry syrup  with soda~ ( not too sweet, its acceptable)佢地嘅啤酒雞扒真係好重啤酒味 呢間可能未做到炑八咁大 所以都仲會有staff 幫你燒野食 感覺良好 🤤可惜嘅係 佢爐邊嘅野食燒得比較慢 冇得不停食泡菜蛋😭

男友最最最鐘意燒野食，今次係鑽石山就同佢食呢個「熨烤達人」，之前同朋友黎食過。價錢其實唔算貴，而且質素都唔差。服務又好好。而且小妹鐘情於「啤酒雞扒」，今次決定再叫。前菜依舊都係咁豐富。我地叫了食材之後，職員就將蛋漿倒落爐邊等佢慢慢熟啦。趁佢未熟既時候我地仲加左芝士同粟米。唔係講笑，呢間d蛋漿其實幾有蛋味，而且食落好香，所以就算之後食到幾飽都好啦，小妹都食曬長長果一邊蛋。男友都嚇親。黎到小妹二話不說就點了「啤酒雞扒」，男友就點了「牛肩胛肉」和「調味牛排肉」。之後仲點了個「金仔炸雞飯」。由於「啤酒雞扒」都幾大塊同有一定厚道。職員都非常周到時不時黎幫我地睇下塊扒熟唔熟。而好體貼咁幫我地剪到細細塊。如果無點炸雞飯小妹一定會再點多一塊。因為真係好好味。韓式啤酒雞扒顧名思義係由啤酒醃製。肉質經啤酒醃過變得鬆軟，而且經高溫燒過都仲可以維持到雞肉既鮮嫩，仲要好入味。下次再黎食一定再點。牛肩胛肉牛味香濃，食過有嚼頭，非常岩男友口味。而調味牛排肉牛脂味好香。兩份肉既分量都唔少。其實都唔算貴。至於「金仔炸雞飯」就係小妹第一次點。我同男友都估唔到咁有驚喜。首先炸雞新鮮即炸，再淋上特製既芝士汁，令炸雞同飯更有層

講起金仔我地會諗起核彈同落後既北韓但黎到呢到,你只會諗起好食==============================一入面門已經見到大大個金仔前菜都幾豐富又好味最鍾意泡菜同芽菜夠爽口又新鮮仲有D生菜比你夾肉食,冇咁膩仲有爐邊蛋仲可以加芝士同粟米作為牛魔王既我地梗係要叫牛我地叫左牛肩胛肉,調味牛排肉,同埋韓式啤酒雞扒牛肩胛肉脂肪分佈好平均,肉味香濃,入口軟淋淋調味牛排肉就有好香既牛脂味最有驚喜既韓式啤酒雞扒因為佢用左啤酒黎醃所以肉質好鬆軟得黎唔似落鬆肉粉果D咁冇晒口感令佢可以做到保持嫩滑亦都更帶得出肉既鮮味而且又大大塊夠抵食金仔炸雞飯又係好有驚喜既一個飯佢會附上特製既芝士汁令成個味更香濃有層次炸雞炸得好好炸法有D似KFC果種但佢炸得更脆不過略嫌厚粉同埋D油重用得太多次食咁多野連埋野飲埋單500唔洗抵食

#小秘書 一向都鍾意留意餐廳、店舖嘅 #裝修設計 🌐 試問大家都唔想日日踎大排檔、又或者食到成身油煙咁出嚟💨💨 除非有朋友介紹，否則我都會揀啲靚靚裝修、附有特色擺設嘅餐廳嚟搵自己做 #白老鼠... 因為就算食物麻麻，我都可以影啲相自娛吓吖嘛😝熨烤達人 一向係 #小秘書 想幫襯嘅餐廳之一👀 點解？咪就係因為門口個 #肥佬超人 夠哂吸引囉🤣 佢右手揸住嗰個 #熨斗 又夠晒 #騎呢🤣 原來係用嚟壓住啲 #豬腩肉 等肉心可以熟透啲香口啲👀 既然個 #熨斗 係呢度嘅 #名物，點都要叫份 #豬腩肉 嚟襯托。#熨烤達人 個 #買手 都得意，drink list上列出嘅飲品幾乎大部份都冇，連預設嘅四人餐都係無😅 咁我哋唯有續樣續樣叫啦🤩 #豬腩肉、#牛肋骨、#五花肉... 又點少得👍🏻👍🏻要讚一讚餐廳裡面幾位 #服務員，#小秘書 要佢哋來來回回幾次幫手加 #kimchi 、成枱人又要呢樣又要嗰樣... 搞到啲 #服務員 個個都 #劉華 上身咁，從無話say No🥳實在難得👍🏻 除咗 #Kimchi 、#牛肋骨 我覺得唔錯之外，其他食物都係只屬一般，尤其係嗰件 #磚頭五花肉👀 肉如其名... 服務員出盡

入庭前問咗有咩係無，職員答只係真露清蜆無，其餘都有，咁我地就好老定咁入去點餐喇，點知啲肉嚟晒之後，我地發現枱枱都有生菜，咁我地以為生菜都另外叫。問完職員先知原來生菜無晒，咁我都即刻問返職員，「我入座前問過你地有咩係無，你地淨係答無蜆」！呢間嘢請我食都唔再嚟

今日三人食，點了超級熨斗烤壓餐(M5牛肉眼扒，牛肋骨，特級雪花牛，厚切五花肉片和調味豬皮) 絕對足夠三人食用。首先食調味豬皮，豬皮經過調味在烤煮過程中容易感覺煙黑，用他們的熨斗壓住，令豬皮不能卷起！煎好兩面之後就可以食用，但喜歡香脆的朋友可以把它剪細再用熨斗壓住再烤。因為有點兒肚餓，所以烤一些快熟的(特級雪花牛)這個我就覺得沒有什麼特別。(厚切五花肉片)就差不多1cm厚，烤煮過程中有很多油彈出。五花肉片可以用生菜夾一些泡菜和蒜頭一起食用。生菜、蒜頭和泡菜也是可以免費添加。牛肉眼扒，差不多一隻手掌這樣大，油脂分布均勻牛肉味很重。但食到差不多飽了，都是要把剪成小粒，再用生菜包住食如果不是就太油膩。烤爐旁邊的蛋漿可以加入芝士或粟米，這都是可以免費添加。大園手攪飯，正正！我覺得大人細路都會喜歡食。內有吞拿魚、蛋絲、青瓜絲、紫菜、脆脆粒和飛魚子，要把它攪勻，利用雪糕com黎食，當然就咁食都可以呀！得兩個雪糕com，其實最後都要就咁食。但服務就一般，可能因為侍應不足夠。環境外面睇就不錯既，但侍應幫我們開爐既時候，有隻小強仔走出黎！

今晚去咗荷里活廣場睇戲，我哋睇戲前去咗「熨烤達人」度食晚飯，晚飯時段都幾多人，要排隊等位～ 一坐低店員就送上前菜，有泡菜、白蘿蔔、芽菜，係無限添加～ 而且即刻會加上蛋液，可以加入芝士同粟米，而且都係無限添加！好抵食😍 我哋叫咗兩個燒肉，同一個拉麵，仲有生菜，可以配燒肉一齊食，都係任食嘅🤤 特級雪花牛$108 雪花牛有六片，唔算太厚身，相對起五花豬份量比較少，但味道唔錯，油脂都幾多，口感同味道都幾好～磚頭五花豬$138份量都幾多，店員會幫我地燒，用好似熨斗嘅鐵板壓着啲肉燒，好特別👍🏻 慢慢燒好之後會剪成一件件，五花豬味道唔錯，唔算太肥～自暴自棄速食麵$78公仔麵用一架貨車咁上碟，幾特別，配上濃郁嘅芝士，味道小小辣，非常邪惡😈 但好好味😋

首先，在聖誕節前已經在openrice上 book咗位，我哋book嘅時間係25號18:30、三人用餐。 當時店內人數並不多，冇book ge朋友仔建議七點前到達餐廳。 我哋點咗400幾蚊嘅餐，再加一個$188巨卵鰻魚飯。店員會先加蛋漿，客人可以選擇加粟米或芝士，大約十幾分鐘後上主菜，店員會幫客人砌磚頭五花肉，但其他食物就要客人自己搞掂，D肉都唔錯，但建議勿燒太耐。 個人認為呢個四百元嘅餐三個人很抵食，但巨輪鰻魚飯D飯就有啲少，不過依家十分美味、多汁。 店內環境大小適中，設計亦很北韓風味。最後埋單連同加一共$735，會再次幫襯

GU 剛喺鑽石山開咗分店, 呢日放工要去潮聖一下。印象鑽石山無咩好野食, 穩穩陣陣可以選擇連鎖食肆, 但又想試下新野…打開Open rice見到呢間餐排第一行, 幾多讚好的食評, 雖然知道廣告成份居多,但又無另外更好的選擇, 而且我見到有我喜愛嘅炸雞丼食,所以最後同朋友就決定一試了。去到大約19:00, 星期五嘅關係, 人多, 不過都係等一張枱就到, 大約15分鐘喇。等緊嘅其間, 見到張張枱都食燒肉, 我地無諗過食燒肉架喎,入到去唔食燒肉會唔會被人歧視架…果然, 我地一坐低, 侍應就乒乒乓乓幫我地SET 好哂食燒肉嘅用具,到我地點完餐, 侍應又問一次, 你地唔食燒肉?我地尷尷尬尬話唔食後, 佢又乒乒乓乓收返起啲燒肉SETTING,除咗氣氛尷尬, 我仲會諗, 其實係咪除咗燒肉, 其他有製作過程嘅野都唔好食架呢?但佢明明熟食嘅選擇都唔少喎…...頭盤嘅泡菜, 青瓜, 味道普通, 唔算好食, 3款我地都無食哂。炭燒半熟韓牛$108呢碟韓牛好似用來燒烤咁, 但侍應姐姐話係就咁食架,係咪好靚呢, 但係佢成碟野都未溶雪架,咬落去會食到一粒粒嘅雪, 又多根喎,基本上, 你見到白色一條條嗰啲雪花都係咬