熨烤達人 (已結業)

好耐無食過韓燒，個日行街見到呢間餐廳就入左去，餐廳裝修有心思，電視仲播著K-pop，充滿韓風。我同朋友點左墨鬚炒飯、特級雪花牛、磚頭五花肉同芝士炸雞，飲品就揀左芒果橙乳酪。墨鬚炒飯好普通，反而招牌菜磚頭五花肉有驚喜，不但有專人幫你用特色熨斗燒好，仲幫你剪開，五花肉肥瘦分佈均勻，味道唔錯，點醬油後包菜食更好。餐廳職員亦好細心，燒完五花肉後自動幫我地換另一款烤肉架，我地自己燒特級雪花牛，雪花牛花紋吸引，食落亦不過不失，唔會好肥膩。之後嘅芝士炸雞係全晚最出色嘅食物，溶左嘅芝士汁配上適量番茄，味道的確正，流質嘅芝士醬包著火喉炸得剛好嘅雞肉，令人食完一件又一件。最後飲品芒果橙乳酪好大杯，味道唔太甜幾清新，邊食烤肉邊飲就啱啱好！