熊本牛鍋 (永勝商業中心)

營業中

休息中

火鍋店位於山林道比較近佐敦地鐵站火鍋店似係新開裝修好新淨！價錢方面劇同其他日式火鍋店一樣，有幾種唔同級數的肉類選擇！可以俾你任食！睇吓你會揀邊一隻！湯底方面呢個選擇比較多，大約有八款！而我覺得最吸引嘅係個龍蝦湯底！而我哋揀咗龍蝦湯底，嚟到些時候龍蝦湯湯底個都好香味，好香濃嘅龍蝦味！嘢飲方面比較特別，有自家涼茶飲五花茶同埋夏枯草！而且仲有牛蒡茶，有啲好特別嘅韓式飲料！呢啲係日式火鍋店比較少有嘅！配菜方面都係可以任食，應有盡有！特別嘅特別之處係佢有蝦滑話俾你食😁其他日式任食火鍋店係冇見過嘅！而且仲有韓式公仔麵！雪糕方面雖然唔係獨立包裝，但係有Häagen-Dazs嘅四種味俾你任食😁

今日嚟到尖沙咀行街食飯，行到咁上下同女朋友商討究竟我哋去邊度食飯好呢？係尖沙咀食飯但多數都係日本野拉麵放題為主，最後我哋就選擇咗去山林道食一間新開嘅熊本牛刷鍋放題，山林道就出名最多嘢食嘅唔知呢一間個味道又如何呢因為實在好耐未食過牛刷鍋 上到餐廳店員為我地安排位置然後就介紹放題嘅幾種唔同肉款，坐嘅位置其實亦都好歡堂好舒服，未叫嘢食嘅時候已經聞到一陣陣香噴噴嘅火鍋味道 美國頂級牛小排，肉味非常之香濃油份同肉味亦都成正比 豚肉非常之好味，肉味非常之香濃 餐廳所有嘅配菜亦都非常之好食，有芝士腸，貢丸牛丸，豆卜，蔬菜類，仲有食放題必食嘅韓國麵

平時都唔知原來山林道咁多火鍋店 今日朋友帶我黎食呢間熊本牛涮鍋 話有我鍾意既牛小排食😋其實形式係類似啲連鎖一人一鍋 不過呢到就係幾人一鍋 咁先係打邊爐嫁嘛🍲🤣坐低無耐 已經俾佢個飲品櫃吸引左 除左係街行完真係好熱外 呢到既飲品種類都好多選擇 要甜有甜 要無咁邪惡既就無咁邪惡 仲要勁有心有自家製出品既涼茶！到揀湯底 6款湯底任揀 全部都好吸引 最後我地揀左蕃茄湯底 睇下啲蕃茄味同豬骨湯夠唔夠濃😋湯底一上到 見到有蕃茄肉 證明好足料🤣除左預設既肉外 仲有個雪櫃擺左好多唔同配料任夾 配料之多係可以滿足晒你既願望 仲要我平時鍾意食既 大部分呢到都有😋🥰好正到到最重要既肉喇！食左豚肉、牛肩胛同牛小排🥩 豚肉值得大讚 厚薄剛好 肉質唔鞋 食落係爽脆！因為食左牛小排 所以頓時覺得牛肩胛無咁正（本身就咁食都正）🤣牛小排肉身薄啲 同肉既脂肪多啲 食落會滑啲同易嚼 唔會太乾爭爭！去到尾聲 有任食四款口味既haagen dazs雪糕！！唔係平時食個啲一盒盒 係真係自己筆 感覺好似好食啲 同埋啲味特別啲 我今日食分別有焦糖脆餅、藍莓、夏威夷果仁、朱古力～😋食完好滿足 食物整體都比連鎖個啲邊爐高質 環境都幾靚

聽聞係山林道有間新開既涮涮鍋，味道都唔錯，趁放假試下先。地方好隱蔽，大廈既電梯係巷仔入面，要好注意，如果唔係就錯過啦😭餐廳既地方唔算好大，但都坐得舒服，座位下面都有籃比你放袋，但最好唔好帶太大既袋啦😬呢到既涮涮鍋分左4種價錢，最平既就得豚同雞肉，最貴既係A4黑毛和牛任食，今日梗係叫和牛啦，承惠$328再另加一。除左肉任食，配料都有成廿幾款，我幾鐘意佢既水餃，食左好多隻🤤另外仲有好多款丸類, 蝦滑, 有機新鮮蔬菜及菇菌類等等，任你食。熟食有兩款，咖哩飯同炸雞翼。咖哩飯一般般，雞翼同麥記脆香雞翼一樣，所以都唔錯☺️🥢🥢加拿大豚肉，顏色粉嫩，涮熟後口感爽口👍🏾美國牛肩胛，鮮紅色，證明好新鮮，肉質係較瘦，睇到油花係冇乜，但入口濃牛味，有咬口，適合怕膩既人。主魚A4 黑毛和牛，係日本直送，油花平均分佈，入口雖未至於入口即融，但可以食食豐富油香同肉香，食多幾碟一定回本😝呢到仲有Haagen Dazs雪糕任食，有四個味道，又一回本位👍👍佢既飲品都有好多，其中最正係有涼茶呀，清熱氣一流

今日放工有啲口痕想食牛肉 上網search到呢間開左應該唔算好耐嘅日式火鍋等埋阿妹就去試啦 入面都裝修得幾靚 又新淨 唔會話好污漕我地揀左個蘿白豚骨濃湯 清清地又幾甜bar枱都幾多選擇 有幾種菜 又有金菇冬菇芋絲 魚皮餃 仲有蝦滑添 幾特別架 另外仲有芝士魚豆腐 獅子狗 蟹柳 豆腐卜我見到仲有啲熱食 首先上嚟啊就係豚肉 成日都覺得豚肉好鞋食落口會好唔舒服 但呢個都好滑 食完又再食仲有牛肩脊 店員都介紹話會比臀肉再滑啲牛小排 呢個真係好正 好有牛味 又好滑擺落去兩三秒就熟哂 見到隔離枱有A4和牛 望落都覺得好正下次一定要試下呢隻A4和牛同其他有咩唔同先打邊爐最怕成身一浸味喺度打完都唔會覺得好臭 又唔會好吸味

見到呢間都幾多好評 所以決定試試佢😂老實講 個位置都算隔涉架 但都有唔少好評所以我都有信心唔會中伏🙈店內其實唔算大 我平日放工嚟都有8成full難得嚟到緊係揀日本直送極上A4黑毛和牛放題啦聽講係產地直送！飲品任飲 都唔少特別款係出面未必有😂打邊爐咁熱氣 一定要飲佢地自己製涼茶！大支又好飲！拍得住外面自己買既質素熟食嚟講 主要係咖哩飯同炸物 今晚係炸雞翼 想講炸物都算高汁！有8成似xx勞既脆香雞翼因爲我本身係勁中意 xx勞既雞翼 所以我好興奮咁啪左好幾隻😂重頭戲嚟啦 就咁睇紋路都覺得肥瘦分佈均勻 食落雖然未到日本和牛給即融 但係果個牛味好新鮮好好食 完全好食過出面啲牛系列既店出面仲有自助食物吧 有菜呀 丸類 蝦滑等等 最後緊係食甜品！係自助4款味既Haagen Dazs雪糕任食😂感覺扺返哂！

抵食高質牛肉放題, 識揀一定係揀A4和牛任食!講真呢間餐廳如果唔係朋友帶我黎，真係唔識黎呢邊搵好西食。佢係山林道其中一幢大廈嘅樓上鋪黎，可能因為係樓上鋪，鋪租無咁貴，所以呢間餐廳嘅價錢好貼地，而質素十分實在同高質。一去到門口，STAFF就俾左張個MENU我地揀。MENU上面有4個主題，每個主打放題價錢都會有D唔同，由最平嘅$168到最貴嘅$328任你簡，分別有豚肉雞肉、嚴選美國牛肩胛、美國頂級牛小排 同日本直送極上A4黑毛和牛套餐簡。因為我地上去之前已經做哂功課，亦都一心已經係諗住食和牛，同埋呢到既玩法係揀左貴嘅，可以食暈哂佢幾多野無限制，反正難得一次， 所以諗都無諗就已經同店員講簡日本直送極上A4黑毛和牛套餐。我地揀左蕃茄薯仔豚骨濃湯，我最喜歡既蕃茄薯仔，蕃茄味勁濃！呢度嘅食材都十分新鮮，豚肉爽身完全唔會鞋口；牛就分別有三種牛可以食，分別係美國牛肩胛、美國頂級牛小排 同埋A4黑毛和牛！美國牛肩胛，牛肉味濃，唔會韌！美國頂級牛小排，雪花紋靚脂肪分佈剛好，牛肉味好重，幾有口感！STAFF教最後先食A4黑毛和牛，好彩有聽佢講, 因為食完真係返唔到轉頭，感覺係入口即溶, 但係又唔覺得膩, 反

大熱天時，朋友話約我食shabu shabu涮涮鍋，我即時反應係，唔係卦？🤪不過諗深一層，香港地基本上一年四季都可以打邊爐啦，又有乜問題，最緊要有冷氣啫😬於是佢就帶左我去尖沙咀山林道「熊本牛涮鍋」🍲一上到去，好旺場，呢D熱閙氣氛我最喜歡😘，食嘢特別開心🥳首先巡下自助區，食物排放整齊，種類繁多，應該有嘅都齊哂👍🏻最特別嘅係呢度除左有汽水🥤飮品之外還有自家製五花茶、夏枯草涼茶，我試過好正氣，又唔會太甜，打邊爐啱哂❤️上面係牛小排，下面係A4和牛，好靚好新鮮，雪花均勻分布😍特別係A4黑毛和牛，油脂分佈平均，像點點天上繁星🌟一樣，極品即是極品😍湯底揀左蕃茄薯仔豚骨濃湯，蕃茄味好濃郁，用嚟食牛特別夾，當然還有其他不同湯底選擇🤗傾下講下又食下，120分鐘好快就到，呢餐食得好滿足，食材新鮮，氣氛熱鬧，地點又方便，食完仲可以係附近Shopping一番😂

女朋友係佐敦做完facial 去接佢食飯 簡左間任食牛肉既火鍋我地簡左蘿白豚骨濃湯，真係好濃，奶白色的！先試牛肩胛，肉質不錯，但牛味唔算濃豚肉有驚喜，薄切得黎唔會散修修，肥瘦平均牛小排，肉質十分好，肉味更濃，個人認為比A4和牛更正！A4和牛，油花好靚，但又唔會太肥，但口感牛小排好啲！自助區有熟食，日式咖哩飯好多種菜，丸，水餃、雲吞，魚皮餃，雞比肉，豆卜仲有自己煲既涼茶，試左夏枯草，唔會太甜，幾好！最後整番兩杯hagendaaz雪糕作結，超級飽！

老公又帶我去食野，今次竟然係樓上牛涮鍋，估唔到會係山林道，由於老公放低我去拍車，明明話山林道21號，但其實要23號坐 lift上2/F, 門口大大招牌但門口實似私人會所，推門入內另一翻風景，好多枱客人進餐中，女店員為我地安排枱，講解翻價錢可選牛肉質素同選擇，還有豬同雞肉，其實眼見長長配料吧枱，提供客人自助取。火鍋配料基本都有齊丸類，菇蔬菜，麵，菜都有幾款，皇帝菜，塘生菜，娃娃菜，還有熟食熱辣辣炸雞翼同咖喱牛肉，白飯任裝。最欣賞佢地自家製既夏枯草，唔太甜又解熱氣，掂！炸單骨雞亦雖然唔係熱辣辣，但仍然好脆外層用軟熟雞肉，至於咖喱牛肉伴飯之選，夠晒香辣惹味。一系列食物配料調味放左吧枱，數十款任囉任食，仲要乾乾淨淨衛生！$328 可以食晒咁多款牛最靚兼最貴的 日本極上A4黑毛和牛，油花夠多兼食落軟滑牛味濃！美國安格斯牛小排 肥瘦均衡 同樣夠牛味兼軟熟。加拿大豚肉 肥邊肉瘦 灼熟後又點爽口，食多幾件無罪惡感！牛肩胛 細細片 肉質亦淋 薄切好味食不停！手打虾滑真材實料，彈牙碌時亦無發大，即係無麵粉之類，好味道。甜品有四款 Haagen Dazs雪糕任食，比利時豬古力，藍莓， 夏威夷果仁雪糕， 仲有

今晚好友想食牛, 就帶我黎到TST 山林道既熊本牛涮鍋~~呢度有4個套餐: 加拿大豚肉/日本雞肉 $168, 美國牛肩胛$188, 安格斯極級別牛小排$238, 直送極上A4黑毛和牛 $328~我地揀左$328果SET, 咩牛都食得～～而湯底都有8種, 我地揀左蕃茄薯仔豚骨濃湯~一坐低D 野食未到時我地先出黎拎野食, 咩都有D~eg. 粟米、蕃茄、蟹柳、芋絲、菜、魚滑、豆腐、秋葵等等. 好新鮮, 洗得好乾淨, 仲好健康tim~~先講: 加拿大豚肉- 味道唔錯, 肉質爽口~美國牛肩胛肉- 肉質比較普通，但都幾有肉味~安格斯極級別牛小排- 牛肉味重，食落爽滑滑~直送極上A4黑毛和牛-入口即溶，鮮嫩可口. 必叫!!最後我地再出去筆haagen dasz 雪糕已經好滿足！

牛肉打邊爐，已經成為一班人食飯傾計，兩個人情侶拍拖，一家人悠悠閒閒既好選擇。入去燈光暗暗地、好似西餐廳好格調嘅氣氛牆邊有一排燈泡💡加上有鏡，令成個空間都大左好多，好有空間感。除左有hot pot set指定嘅牛肉🐂🐄🐃，豚肉🐖等等，出面仲有一個有好多唔同款式嘅自助Bar, 比你去refull啲蔬菜🥬🌽🥕🥔🍠，又有雞肉🐥，丸，有小小熟食，同埋有雪糕🍦，又有一個有唔同選擇嘅調味，有我最愛嘅麻醬，打邊爐嘅靈魂所在。

牛魔王朋友告知尖沙咀山林道永勝商業中心開咗間任食A4黑毛和牛嘅《熊本牛涮鍋》，咁吸引，呢日一於約埋佢嚟試下。呢度一共提供四款放題，我哋當然係揀🇯🇵直送極上A4黑毛和牛放題啦，除咗本身嘅A4黑毛和牛外，仲可以試埋另外嗰幾款肉，啱曬我哋。蕃茄薯仔豚骨濃湯 - 蕃茄味濃郁，酸酸地嘅蕃茄用嚟配牛肉，即時牛肉都可以食得兩塊。🇯🇵直送極上A4黑毛和牛 - 色澤新鮮，油花豐富分佈均勻，牛味濃中帶有牛肉油脂嘅香味，口感相當腍滑，令人忍唔住食完一塊再一塊。美國安格斯極級別牛小排 - 色澤鮮紅，雪花分佈平均，牛味濃郁。美國牛肩胛 - 十分新鮮，牛味濃郁，爽口得嚟帶點咬口。加拿大豚肉 - 色澤粉紅，紋理均勻，有豬肉嘅鮮味。日本雞肉 - 放喺自助區嘅日本雞肉，新鮮有光澤，口感爽滑，相當唔錯。自助區仲有大量丸類、餃子、蔬菜、瓜類、菇類 、醬料、雪糕 …… 任君選擇。飲品方面，除咗一般罐裝飲品，仲有樽裝五花茶、菊花茶及夏枯草可以揀，打甂爐飲返樽涼茶就最適合不過喇！不得不提呢度嘅自助任食炸雞，熱辣辣炸起，外面香脆，入面嘅雞肉嫩滑得嚟仲保持到肉汁，相當有水準，鍾意食咖喱嘅朋友，仲可以加埋咖喱汁一齊食，正！最後食返兩杯

尖沙咀山林道出名美食林立，尤其係打邊爐，韓式，中式，港式，台式，應有盡有。今次同屋企人試呢間熊本牛涮鍋。4種唔同嘅配料，有4種價唔同嘅價錢，號稱牛魔王嘅我緊係要試300蚊嘅A4和牛啦，性價比好高。而湯底我就揀左馬來沙嗲同埋鮮龍蝦湯。湯一埋位已經聞到好香。牛肉既品質極高 ，油花分佈超靚 ，而且切到好薄，食落真係做到入口即溶嘅效果。配菜方面，有十多款唔同嘅蔬菜、菇類，丸類等等⋯⋯最有驚喜係沙律芥末丸，一咬落去，啲餡多到咇出嚟，差啲辣親個咀。另外芋頭亦都非常好味，好粉，好有芋香。另外餐廳嘅野飲都好多樣化，有韓式汽水類，同各式各樣嘅清熱涼茶，真係食完都唔會怕熱氣呀。食飽後甜品有哈根大師，任食! 冇可能唔食番3~4球先

診住太太同佢朋友去咗旅行，就約咗二哥去咗位於尖沙咀山林道21号永勝商業中心二樓嘅熊本牛涮鍋，食佢出名嘅美國安格斯牛小排放題，好在訂咗位，如果唔係又排等，因為係食二小時，侍應俾咗兩個位我地，二哥揀咗嗰蕃茄薯仔豚骨濃湯做湯底，有加拿大豚肉，日本雞肉，又有美國安格斯極級別嘅牛小排。大廳放咗一系列火煱配料，包括有蝦滑，牛丸，貢丸，芝心丸，粟米，蔬菜類都有多種，飲品都有許多選擇，我先試牛小排，好冧，牛味濃，二哥出去攞咗一大碗火煱配料，蝦滑都好彈牙，啲肉類不停咁重覆叫，飲品都飲咗幾款，二小時任食嘅時間過得特別快，唯有下次再來。