影片
營業時間
今日營業
18:00 - 00:00
星期一至日
18:00 - 00:00
以上資料只供參考, 請與餐廳確認詳情
相關文章
天氣開始涼涼哋，又係打邊爐嘅好時間🤣，今次嚟到佐敦嘅熊本牛鍋，佢哋推出咗一個抵食嘅優惠，分別係$278皇牌套餐同埋$308澳洲和牛套餐，二人同行一人半價，星期日至四 110 cm以下兒童仲要免費，所有套餐都冇限時，真係抵到爛🫢❣️皇牌套餐 $278📍日式和風雞煲先食個雞煲，醬汁甜甜地，雞件頗多，而且好入味🩷📍蒸海鮮打卡送免費蒸海鮮🦐，只需要讚好專頁，like and share以及留言即可領取，每日數量有限，送完即止，提早預約將會優先安排📝，海鮮總共有五款，分別係鮑魚、蝦、貴妃蚌、蠔及帶子，會有計時器計時蒸，所以蒸得啱啱好，海鮮都好新鮮🤓📍火鍋食完雞煲可以加湯打邊爐，呢個套餐包括咗頂級牛肉、牛肩胛及豚肉，牛肉質素唔錯，牛味都濃👍🏻，無限Encore，出面仲有大量配料任夾，推介食牛柏葉同水魷魚，全部大大塊同雞煲嘅湯底味好夾🤪📍飲品及甜品有大量韓式飲品同啤酒🍻揀，款式都好多，甜品有雪糕、泡芙、豆腐花、木糠布甸、燉蛋，食完鹹再食甜真係大滿足🤩📍大閘蟹期間限定加$128就可以享用3隻四兩重大閘蟹，隻隻都肥美爆膏😁👅好味度：9（10分滿分）一次過可以試到雞煲、蒸海鮮同打邊爐，食物質素中常，而且冇限時⏰，可以慢慢食，食完真係飽到上心口😆
繼續閱讀
今次試咗澳洲和牛套餐，和牛油脂分布超正，牛肩胛牛味濃郁，仲有嫩滑豚肉任食！日式和風雞煲，甜辣醬汁好惹味，食完雞煲加湯變火鍋，一鍋兩食超抵！自助區選擇多到眼花：爆漿芝士龍蝦丸，爽脆水魷魚，鮮蝦雲吞，羽衣甘藍時令蔬菜等等飲品有韓國清酒同涼茶，甜品有雪糕同燉蛋等，完美結尾！店員服務貼心，會幫手蒸海鮮，環境寬敞適合聚會。記得提早預約啊！最新優惠• 打卡送豪華海鮮拼盤（鮑魚/蝦/蠔/帶子/蟶子）• 皇牌套餐｜澳洲和牛套餐二人同行一人半價• 110cm以下小童免費
繼續閱讀
🐻 熊本皇牌套餐成人$278｜小童或長者$228 (另有10%服務費)‼️ 所有套餐都是冇限時的，可以同朋友一邊食，一邊慢慢傾偈！🔥【日式和風雞煲】首先係食雞煲，濃郁雞湯底超足料！嫩滑雞件+吸汁金菇+芫荽+洋蔥🧅 🆓【專頁打卡送蒸海鮮】 📸要去餐廳FB/IG專頁： 👍🏻Like+Share+留言「領取蒸海鮮」🎁 每兩位顧客即送新鮮五款時令蒸海鮮(我哋今次食咗：鮑魚/蝦/貴妃蚌/生蠔/帶子)⏳跟足Timer蒸8分鐘，鮮味爆燈！ 🥩【任食火鍋區】 頂級牛肉/牛肩胛/保濕豬豚肉任叫 （同店員落單就得，唔使自己去拎） 🍢自助區有：蔬菜/餃子/丸類/魷魚/麵類等🍺飲品櫃超齊：可樂/韓國果汁/燒酒/啤酒 🍧【甜品】 自家製甜品+雪糕！食完熱嘢啱晒 💬優惠重點： ✅ 二人同行一人半價（$278皇牌套餐/$308澳洲和牛套餐適用） ✅ 110cm以下小童免費（日～四） ✅ 海鮮每日限量，記得提早預約！
繼續閱讀
🌀開始踏入春天，天氣無咁凍都回涼少少，要捉緊冬日嘅尾巴就梗係打返個邊爐做結尾啦。📌喺尖沙咀山林道成條街都係食肆，之前聽朋友講過有間樓上火鍋店《熊本牛鍋》幾抵食，今次就同阿豬媽去試吓！📌位於山林道永勝商業中心2樓，舊式嘅大廈，門口係行仔側邊， 搭𨋢上去，門口就係。📌門口大大個banner顯示有三款套餐，分別食唔同嘅牛，當然越貴嘅牛套餐就越貴啦。每款套餐都一定會送和風雞煲🐥，同埋即蒸海鮮🦀，再加無限時任食全場火鍋配料同飲品，無限時真係好吸引！熊本皇牌套餐，$278/位熊妹同阿豬媽都唔食得多野，就試吓皇牌套餐。送日式和風雞煲店員會先奉上雞煲，加入了好多紫色洋蔥🧅同蒜頭🧄去煮的雞煲，醬汁味濃，另外，仲有紅蘿蔔🥕，豆卜同埋金菇🍄做配料，雞煲煮得好入味，雞肉為煮到好軟淋，主要係雞髀雞胸位🍗，食完雞煲就會加水打邊爐💦。送即蒸海鮮鍋有鮑魚、粉絲蟶子、扇貝、蝦同蠔，每款按人頭計，各兩件，成個海鮮鍋會喺隔離枱個電磁爐度蒸9️⃣分鐘，一路食雞煲一路就會聞到蒸出嘅海鮮香味，真係好吸引。色香味俱全，絕對可以用來形容這個海鮮鍋。新鮮嘅海鮮夠鮮味，輕輕放一點蒜蓉及辣椒仔🌶就已經好有味道。鮑魚超級彈牙，粉絲索晒蟶子嘅鮮味同埋蒜蓉味🧄，同蟶子一齊食好有咬口。扇貝大大隻，海蝦夠彈牙，蒸蠔夠飽滿，呢個海鮮鍋真係一流！任食頂級牛肉，牛肩胛，牛頸脊，保濕豬豚肉任食肉類方面，熊妹同阿豬媽都一致認為牛肩胛係最重牛味又有咬口，點豉油指天椒🌶️真係有牛入邊已經係最好嘅配搭！阿豬媽更加認為豬豚肉有驚喜， 洽熟咗之後識落係爽口嘅，薄薄嘅豬肉片估唔到用來打邊爐可以有咁嘅口感味道。火鍋配料自助區的火鍋配料都係大路嘅蔬菜有菠菜、娃娃菜、羽衣甘藍、菜心苗、油麥菜、番薯苗、生菜、萵筍、南瓜、翠玉瓜同粟米等等，另外仲有冬菇、雞髀菇、蘿蔔、豆卜、雲耳、芋絲、蒟蒻、鴨血、魷魚同牛柏葉等等。丸類🍢有牛丸、梅菜豬肉丸、沙拉龍蝦丸、魚腐魚蛋、炸魚角、貢丸、芝士腸同墨魚滑。餃類有魚皮餃、廣東雲吞同韭菜餃。麵食🍜有烏冬、韓國麵、粗麵等等。甜品甜品有木糠布甸、藍莓奶凍、燉蛋🍮、豆腐花、冰粉同埋自助雪糕：芒果、士多啤梨同曲奇味道。飲品飲品櫃都有好多款罐裝汽水同罐裝啤酒，好驚喜嘅係有好多款韓國飲品，連韓國樽裝清酒都有，打邊爐啤一啤，合哂可尺。📌整體來說，食物味道同材料正常，重點在無限時任食，打邊爐最適合大夥兒相聚一下，食吓停下傾吓偈🗣，飲下酒🍻又再繼續食過😋。
繼續閱讀
想搵地方同friend邊食邊傾計，好多任食火鍋店都會限時90或者120分鐘，依度就係無限時放題～聽到隔離枱講如果唔食雞煲嘅話，可以免費直接揀火鍋湯底，如果又食雞煲又想轉火鍋湯嘅話，就要加$20，和風雞煲味道偏甜，唔食得辣嘅人都應該無問題，雞件係有得添嘅🐓打卡會送竹籠蒸海鮮，海鮮包括蝦、扇貝、生蠔、鮑魚，依幾樣海鮮估唔到咁新鮮，樣樣都有鮮味又彈牙，配埋蒜蓉食就更惹味🧄再之後就可以開始打邊爐，揀咗中間價位嘅套餐，有澳洲和牛、牛肩胛、豬肉等6款肉，整體質素都唔錯👌除咗送海鮮，仲有二人同行、學生同埋小童優惠，所以整體嚟講幾抵食！
繼續閱讀