熊本牛鍋 (永勝商業中心)

營業中

休息中

山林道一向都係多唔同種類既食肆，今日黎山林道食呢間有火鍋任食既熊本牛涮鍋食餐勁既！由大廈旁邊通道行入lift lobby，搭上2樓，一出就係熊本牛涮鍋喇！大大個招牌係度~呢度舖面唔算大，不過一應俱全，有任飲罐裝飲品(啤酒都有！)、多款蔬菜肉類麵食任拎，仲有飯、小食同埋雪糕。唔飲凍野既有茶包熱水供應。呢度既套餐形式係咁既，全枱叫同一個價錢既餐，但比個個價錢低既餐既肉都可以任點。所以今日試叫呢個牛小排set，照可以食埋牛肩胛、豚肉同雞肉。湯底方面就揀左蕃茄薯仔豚骨濃湯，蕃味好濃，加湯係加豚骨湯，不過一樣keep 到啲蕃味。4款肉食過哂，雞肉夠滑、豚肉品質好好，唔韌、牛肩胛帶有少少脂肪好濃牛味、牛小排脂肪更均勻，更淋身，口感更佳，加多$50絕對值得。呢度係難得既兩小時任食，唔洗太趕慢慢食又夠哂飽。食到七七八八就食雪糕，雪糕都係任食架~岩哂我呢啲甜品係第2個胃既人。呢度坐得舒服，食物質素又好，店員反應又快，值得一食再食！

早前朋友向我推介呢間餐廳打邊撈，雖然地點有啲偏僻，但整體算係唔錯，環境黎講地方都幾大，人唔算多，同朋友食飯傾計就啱哂我同朋友揀左美國安格斯極品牛小排放題，呢個套餐包括埋豚肉 / 雞肉，仲有牛肩胛。⭐️重點推介：牛小排⭐️肉質好厚，而且牛味濃郁，建議唔洗淥咁耐，啲肉質會爽口啲😆👉🏾另外牛肩胛同豚肉都唔差，只不過係牛小排實在太出色👉🏾既然係放題，食哂啲肉之後可以叫服務員幫你添肉，佢地好樂意為你服務👍🏾除左肉類之外，仲有好多配菜任你揀，而整體配菜質素都唔差！🍅蕃茄薯仔豚骨濃湯👉🏾蕃茄味道尚算突出，每款食物都可以沾上蕃茄味最後甜品方面仲有Haagen Dazs任食，而且仲有好多款韓式任品任飲🥰

今個夏天特別喜歡食火鍋，熱辣辣既天氣再食住熱辣辣既火鍋，有種特別既感覺呢度既自助吧位同樣係非常多既選擇，蔬菜類都非常新鮮，因為好快就會清空，所以店員都補充得非常頻密，蔬菜都保持水旺旺！丸類都有好多種多樣豐富，除左丸類都仲有餃子類，非常特別！最特別既係呢度有生雞蛋拎！好多任食地方都比較少見，不錯！調味料既位置非常乾淨，旁邊有白飯同咖哩，仲有炸雞！門口的汽水櫃非常多選擇，而且飲品都非常凍，火鍋必備冰凍飲品！加分！最貼心既係有自家既涼茶，有夏枯草同五花茶，五花茶味道剛好唔會太甜，飲涼茶食火鍋係有種可以食幾多都唔會熱氣既感覺！加拿大豚肉（左）豚肉薄薄的，即切即出，食落唔韌美國牛肩胛（右）鮮紅既牛肩胛，牛肉既脂肪較少，食落唔算韌，牛味亦都算不錯美國牛小排牛肉既油脂份佈比較平均，食落較牛肩胛嫩口，任食既話比較推薦牛小排！任食火鍋見到蝦滑真係比較少見，蝦滑食落蝦味十足，食落彈牙爽口，非常吸味！當然唔少得食韮菜餃等餃子類，食落餃子皮唔厚，肉質亦都嫩滑，不錯！最後必備要食既係雪糕，呢度仲有泡芙可以選擇！總結：二百幾蚊既任食，食到咁多不同種類既食物，仲可以任食雪糕，真係性價比高！

聽同事講呢間熊本牛涮鍋個湯底幾正，加上有自家製涼茶，就忍唔住去左試放題任食2小時價錢，而湯底就係免費揀一款😋😋除左豚肉及牛肉，其他材料都可以係自選櫃到添加，推介蝦滑，蟹棒，牛丸，山根都非常正😁仲有蔬菜及金菇等等吸味食材雪糕及泡芙已經候命，等待客人作最後衝刺調味區及熟食，有咖喱飯😳呢到嘅自家製涼茶有兩款，分別係五花茶及羅漢果水，兩款都好正好清熱，平時係街食嘅放題多數都係汽水之類，好少咁有誠意自家製涼水😁👍🏻👍🏻🌌加拿大豚肉🌌脂肪唔多，肉汁微甜，有少許豬肉香，配沙爹湯底，一流😋🌠美國牛肩胛🌠同樣地油脂唔高，肉質有少少咬口，但非韌，放入火鍋湯大概5秒已經熟透😛🎇美國牛小排🎇油脂分布均勻，食落有安格斯獨特果種牛香味，肉質算是嫩口，呢個比牛肩胛嘅牛肉味更香更濃，如果主食牛嘅各位可以試下呢款食完肉緊係要食下蔬菜，因為個湯底已經吸收哂肉嘅精華，吸味嘅芋絲，山根，菜，金菇係必須要食嘅😂👍🏻推介蝦滑，幾香蝦味，又彈牙，唔錯總括而言，二百零蚊可以享受到咁豐盛嘅美食，絕對物超所值，咁多款食物比客人任揀任加，仲有自家製涼水，行過可以試下👍🏻👍🏻

熊本牛涮鍋 ⁎ ⁎ ⁎ ⁎ ⁎ ⁎ ⁎ ⁎ ⁎ ⁎ ⁎性價比超高既火鍋放題 全部料都好正仲有haagen dazs雪糕任食 ！晚市2小時自助火鍋放題 - 加拿大豚肉/日本雞肉放題 $168 - 美國牛肩胛放題 $188 - 美國安格斯極級別牛小排放題 $238 - 日本直送極上A4 黑毛和牛放題 $338 點選了牛小排套餐 亦可任食牛肩胛 豚肉及雞肉！全部肉都好靚料。肉質好軟稔 好香肉味 肥瘦適中。湯底方面加$20升級做龍蝦湯 非常濃 好香！ 第一次用龍蝦湯做湯底 原來咁正～自助 Buffet 吧有超多野食：好多特色丸類，唸到既都有！最正係蝦滑, 有粒粒蝦肉喺入面 手打超彈牙！要健康既有機新鮮蔬菜同菇菌，當然仲有唔同麵類。不得不提既係另有咖哩飯/炸雞。炸雞超受歡迎，又真係整得好好食，炸得鬆化，雞肉又多汁鮮嫩。最後仲有4款haagen dazs雪糕任食 4隻味都好正 好鐘意焦糖脆餅味！地址 尖沙咀山林道21號永勝商業中心2樓A號舖Shop A, 2/F, Vincent Commercial Centre, 21 Hillwood Road, Tsim Sha Tsui港鐵佐敦站 D 出

約左公司分行同事食飯，同事經常強調自己食量驚人，所以食放題就最好不過啦😆未到19:30已經九成滿座，幸好有book位，否則應該無法入座！我們揀選了「蕃茄薯仔豚骨濃湯」+「美國安格斯極級牛小排放題」，湯底有很香濃蕃茄味，食晒所有熬湯的蕃茄後，我們還自行添加蕃茄到湯底邊熬邊食😋放題除了可點牛小排外，還可點加拿大豚肉及美國牛肩胛，我們當然不會錯過試晒3款肉的機會😌豚肉爽口，不比牛肉失色；牛肩胛賣相鮮艷，油脂分佈較少，肉質比較有口感；而牛小排賣相也很吸引，油脂分佈均勻，但較牛肩胛相對地多，所以肉質比較軟嫩，而且牛肉味又較強烈👍🏻放題還包括多款火鍋配料、飲品及雪糕，配料選擇不少，食材新鮮；飲品則有汽水、韓國飲料及啤酒等，最驚喜是餐廳還提供自家製五花茶及夏枯草，非常適合健康人士；雪糕是Dreyer’s，而且還有泡芙供應😋餐廳除了2小時放題外，還有5小時放題，而且價錢還非常抵，一大班朋友聚會就最岩👍🏻

今晚又要去覓食，因為囝仔是邊爐控，係網上看到評語不錯，就一於去試下。今晚要了美國安格斯極級牛小排放題（$248），湯底就揀了蘿白豚骨濃湯，因我倆母子也是較喜歡原汁原味的愛好者。一開始先餄了一口湯底，又幾鮮甜喎！首先試了加拿大豚肉 - 油脂分佈平均，腍同肉味較濃，吃得出是高質豚肉，有驚喜。牛肩胛 - 質感較實，比較有「𡁻」口。牛小排 - 比牛肩胛腍，油脂較多，牛肉味較牛肩胛濃。其餘還有好多打邊爐食品如芝士腸 、芝士丸、金茹等。其中有幾款較為喜歡如蟹柳，可以吃到一絲絲和甜味的蟹柳，不像有時會吃到一「嚿嚿」又無味的蟹柳。炸腐皮角 - 味道就像吃了較為扁身的魚片頭一樣，又爽又有腐皮味。手打蝦滑 - 又鮮甜又夠彈牙，今晚忍不住也吃了幾趟。潮流興自家製飲品，這裏有夏枯草和五花茶，兩者也試過，個人較喜歡五花茶。飲品種類也頗多，最後食埋雪糕就感到非常滿足。而囝仔吃完後，已經為自己遲些的生日會籌備去試5小時的海鮮自助火鍋放題，因為至少要一日前訂位！

炎炎夏日仍是打邊爐的好日子，今天放工去了尖沙咀，找到朋友介紹的這家熊本牛涮鍋，試一試水準。餐廳位於一樓，餐廳面積不大，但位置空間感足夠，平日晚市亦接近滿座，記得要先訂位。餐廳有多款放題套餐選擇，今晚選擇了$248的美國安格斯極級牛小排放題，價錢已包括了美國牛肩胛放題。熟食下單後可以先取點熟食，今晚的是單骨雞翼及咖哩牛肉，兩者味道不錯。火鍋蘸料選擇不多，但每種都新鮮衛生，個人喜好只要醬油、蒜蓉加上芫茜，輕輕點綴即可，品嚐湯底及食材自身的味道。而湯底則選擇了蕃茄薯仔豚骨濃湯，湯底真材實料，有大量的蕃茄薯仔，一呷鮮香十足，回味悠長，並非街外連鎖店的化學湯底可相提並論。美國安格斯極級牛小排牛肉雪花紋理清晰，分佈均勻，因為油脂豐富，所以要切得比較薄，輕輕一灼即可食用，一咬油脂豐腴，入口即化，口感軟腍。美國牛肩胛基本的牛肩胛質素絕對不比牛小排遜色，是牛隻運動量較大的部位，肌肉發達且其肉質嫩度適中，油花比牛小排少，但肉味卻更加濃郁。加拿大豚肉而豬肉亦同樣出色，油脂分布恰如其分，厚薄適中，輕嚼一下，肉質鮮嫩，豬肉味濃郁。當然亦有不同的火鍋配料和新鮮蔬菜，全部在吧枱自行取用，火鍋料質素比一般的火鍋放題高

我老公同阿仔昨晚晚餐上咗去食火鍋，食物一般，冇太多選擇，侍應安排佢哋入了一間房仔坐，缺乏服務，仲要食食下有隻曱甴爬出嚟，上嚟喱度睇下，但食評寫得非常好，但我哋以後唔會再去

呢排煩緊轉工事宜肥🐽就話搵間火鍋店SHABUSHABU可以邊食邊減壓最後我地搵左呢間「熊本手涮鍋」啦.熊本位於尖沙咀山林道但其實由佐敦站出會近好多山林道呢條街有好多火鍋店而佢係永勝商業中心嘅2樓即係樓上鋪上到去見到走廊冇人吾係玻璃大門亦冇任何裝飾以為搵錯地方點知一推開門哇，全店幾乎滿座，好熱鬧呀感覺上好似黎左間私房火鍋店.兩小時嘅自助火鍋放題一共有六款我地揀左美國牛肩胛放題 $198一位可以食盡牛肩胛，加拿大豚肉同日本雞肉添相當之抵食同枱要揀同一款放題架至於湯底我就揀左泰式冬陰功湯.落完ORDER第一件事緊係要四周圍望下，拎野食啦有飲品區，火鍋料自助區，甜品區同熟食區.主要係韓式飲品，如檸檬汁，蘆薈汁，烏龍茶亦有幾款啤酒值得一提嘅係仲有自然製涼茶有夏枯草，五花茶真係邊爐救星，食完都吾會熱氣呢.目測有39款火鍋料呀有丸類，餃子，蔬菜，烏冬麵類，蝦滑等款式多多，最重要係REFILL得快架.有咖啡牛肉飯同單骨雞翼咖哩牛肉味道濃郁，仲有好多一粒粒嘅牛肉添單骨雞翼更係不得了，勁搶手所以好快清空，不過REFILL就慢左少少雞翼味道好似KFC，香脆帶少少微辣，大讚.有雲尼拿，芝麻，藍莓味雪糕同泡芙最

推介熊本火鍋放題又到高質食店林立的山林道覓食。為了對抗MondayBlue 及避開人潮特登揀最少人的星期一去，點知都係坐無虛席～一入門口就見到凍飲櫃，最吸引眼球的就是兩款自家製涼茶。五花茶同夏枯草都不過甜，個人喜歡夏枯草味道甘甘地。亦有其他韓國飲品啤酒，全部任飲。老闆大力推薦的番茄薯仔濃湯番茄味好出，以豬骨及自製茄膏熬製幾個鐘而成，建議大家火鍋開始前先飲一碗湯～我們點了中價牛小排放題，性價比幾高，加拿大豚肉，牛肩胛，牛小排每樣先來兩底，兩小時內任點。看見員工密密切凍肉片。三款肉的肉質上乘，油脂分佈均勻，厚薄適中，汆燙兩下就食得。因為湯底夠濃，完全無需其他調味。旁邊的自助吧蔬菜丸類配料不欺場。店家貼心地將芋頭南瓜粟米切細塊，滾一陣就有得食。手打蝦滑好搶手，喜歡蝦滑的朋友一定要試。韭菜餃韭菜香氣四溢，不可錯過。需要澱粉質的話就有日本拉麵，烏冬等。熟食方面有咖喱飯及炸雞，但太飽食唔到了。雪糕都食唔到了。之前去過同一大廈另一餐廳食飯，同樣缺點係樓底矮有點嘈吵。定係老人家如我喜歡安靜？

同事介紹，尖沙咀山林道，有高質素又抵食火鍋放題，今晚收工去試下。晚餐時間真的幾乎滿座。選了美國安格斯極級牛小排放題248每位，加一服務費，同枱要選同一款套餐的。覺得這個款放題很最化算，因為可以吃盡加拿大豚肉、牛肩胛肉、安格斯極級牛小排三款肉。選了了木魚昆布湯底，不用加錢，上桌時已聞到非常香的木魚香味。還有自助任吃的食物，有蔬菜類、丸類、麵食，還有熟食呢！這個比較特別！今晚有單骨炸雞翼，和咖哩牛肉飯，在等湯底未滾的時候，就可以先吃熟食，非常貼心！飲品種類非常多，熊本自家製夏枯草、五花茶，適合愛健康人士。汽水有韓國果汁，啤酒都有我喜歡的黑啤，打邊爐怎少得了啤酒！還有四款Drayer's 雪糕啊！這個價錢，可以任飲任吃，同事無介紹錯。先來肉類。牛肩肉輕微灼熟就可以吃，質感非常滑，入口肉質非常嫩，又香牛肉味，超新鮮！滿分推介！加拿大豚肉，口感嫩滑之餘，豬肉味道非常香甜，食材也是很高質素呢！美國安格斯極級牛小排， 脂肪分佈很均勻，吃下口感煙韌，牛肉香味強烈。湯底煮完肉之後，味道更香甜，這時可以煮蔬菜類和丸類了。我最愛的芋絲和金菇，可以吸收湯底的味道，質感又爽口，是吃火鍋不能缺少的。手打蝦滑，味道

收工前想食牛肉火鍋，同事提意到尖沙咀山林道一間叫《熊本牛涮鍋》，話呢間D牛肉不錯價錢又不貴，於是我們20:00收工三個人就去試一下，從佐敦站行過去《熊本牛涮鍋》約六分鐘左右，20:30 左右我們就到了，幸好還有枱，我們三個坐低後就選了$248 一位的放題，再加了$20 點了龍蝦湯底，這𥚃還可以每人加$68 升級海鮮盤，不過我們今晚主打食牛就沒有加，很快濃味的龍蝦湯底就來了，我們選的$248 分別可以食到安格斯牛小排、牛肩胛和加拿大豚肉及雞肉，三款肉除了賣相不錯，味道和口感都很好，果然同百幾蚊的火鍋放題無得比，這裡也有提供自助式放題的食物，如丸類、菌類、蔬菜和各式麵類等等，我最喜歡的是墨魚滑，熱食就有炸雞亦和咖哩飯，飲品方面除了啤酒汽水外也有涼茶可選，以兩百幾蚊來說質數真是不差，評語是可多來幾次。

呢排係社會咁緊張局勢既局勢之下 我相信大家都要去釋放下壓力既 而我同女友都希望可以透過食黎釋放壓力 咁就梗係要打個邊爐爽下先啦xd 於是就搵到呢間熊本牛涮鍋xd 主要係食牛啦 主打係加拿大豚肉 日本雞肉 美國牛肩胛 牛小排 同 A4和牛都係產地直送, 新鮮味美我地今次2個都點左牛肩胛 牛小排同加拿大豚肉餐 差在食埋和牛 我同女友都點左最原味最清既羅白豚骨湯底 希望可以試真d牛肉既鮮味~牛肩胛好有咬口 綠落去湯就知好新鮮 仲會有點紅紅地色 唔似香港一般既雪肥牛 會有黑黑地 豚肉都好鮮味 薄切 好易有咬口 唔會太多渣 同肉質十分鮮甜xd個人最鍾意既係牛小排 食落口有陣牛既鮮味 肉質鮮甜 入口都會溶溶地仲有唔同既醬料比你簡 令到成餐既味道都upgrade左tim佢地仲有多款唔同既飲品任飲 最特別都係佢地自家做既涼茶 2支飲過都好飲 唔會太苦 好岩打邊爐 清熱飲佢既自助吧有唔同款既特色丸類, 蝦滑, 有機新鮮蔬菜及菇菌類任食 另有咖哩飯 炸物小食 真係好食又多樣化蝦滑係手打既 彈牙又爽口 菜都好鮮 好綠仲有4 款口味Häagen-Dazs 雪糕任食 打底 好正下次同班友打邊爐一定會叫佢地再黎試

朋友生日去尖沙咀行街買嘢，行到肚餓當然要搵嘢食啦，之前友人介紹過一間叫「熊本牛涮鍋」食靚牛既打邊爐，位於山林道，朋友都是魔王，就決定去食野好嘢，門口都幾難搵，見到廣告牌才知道無行錯，上到2樓直接推門，店內地方雖然細小，但坐得不會覺得擠擁，裝修美觀實際，牆上還有很多圖片裝飾，服務員說比較多人食3號，我們就選了美國極級安格斯牛小排放題，有牛小排食都係248蚊，認真覺得超抵食，朋友喜歡吃辣又不想太辣，就選了泰式冬陰公湯底，很香很濃郁，分別叫了2碟牛小排,2碟牛肩胛和2碟加拿大豚肉。牛小排真的很好吃，牛肉和雪花黃金分佈，入口即溶很新鮮牛肉，件件厚切食完都幾飽吓，牛肩胛簿切一拖就熟，新鮮很有牛肉味，至於豚肉都唔差，很新鮮成碟食曬，另外還食咗啲菜，飲咗支涼茶和食咗4球雪糕，都是靚嘢，埋單都是5舊零水，認真抵食下次會再來幫襯。