熊本牛鍋 (永勝商業中心)

營業中

休息中

前幾日朋友帶我去呢間樓上嘅打邊爐餐廳，佢話之前收到宣傳單張，對呢間餐廳好有興趣，所以就約埋我一齊去。呢度係有晚市90分鐘自助放題嘅，我哋揀咗日本A四黑毛和牛套餐，我哋揀咗個鴛鴦湯底，即係馬來沙嗲風味同埋鮮龍蝦濃湯。而且出面仲有好多配料可以自己揀，除咗蔬菜之外仲有好多餃子，同埋麵或者烏冬。首先嚟咗美國牛小排先，顏色都好鮮紅色，而且雪花分布得好平均，好有肉味。呢個係就係日本A4黑毛和牛，顏色係偏向比較粉紅色，而且雪花嘅分布亦都比之前嗰個多，牛肉都比較嫰口。出面仲有雪糕可以拎添。

經過尖沙咀想食涮涮鍋， 竟然見到呢間舖頭話A4和牛任食， 我同朋友都係牛魔王 ， 一食就知啲牛cheap定貴,呢度價錢都唔算貴，睇下佢性價比係點先。鋪頭喺尖沙咀山林道商業大廈，搭地鐵就佐敦恆豐出口比尖沙咀站較近， 坐巴士就喺彌敦道落， 地理位置十分方便。呢度湯底有好多，有六款可揀，湯底包括蘿蔔豚骨濃湯、和風味噌湯、 泰式冬陰功湯、 馬來西亞沙嗲風味、 木魚昆布……媽、我好亂呀、 牛小排、牛肩胛、肥牛肉、 全部都係牛。encore多碟和牛同埋豬肉第一次見到自助涮涮鍋有蝦滑食我最鍾意食呢兩款丸， 墨魚丸同沙拉龍蝦丸場內亦有自助飲品亦有哈根大使雪糕食可能仲係新開業 ， 人手不足尚待改善

返工返到心力交瘁，又是慰勞自己的時候。打邊爐是不二之選。今次來這間地點有點隱閉新店（要在側邊進入大廈上2樓）。地方不大不過環境氣氛不錯。自助區的食物擺放得井然有序，乾淨衛生。 肉類放題有幾種。但看到A4黑毛和牛就不作他選，$328。這個套餐連其他肉都包齊，真是涮肉涮不停😆。除了雞類在自助區自取，豬、牛類都是order就新鮮送上。我坐的位置剛好看到師傅將產地直送的大大件新鮮肉切片，對肉類的品質信心大增，連食慾也加強了。加拿大豚肉鮮滑無比，對比牛肩胛、牛小排更覺上乘。A4黑毛和牛當然很高質，看它的色澤紋理就知道不會令人失望，牛味濃郁而肉嫩。A4黑毛和牛和加拿大豚肉讓我涮不停👍!其他食材在自助區自取。款式滿多的。丸類較有特色，味道不錯有驚喜。蔬菜類也新鮮。還有少量熱食。這個炸物一口一粒香脆好味。4 款口味Häagen-Dazs 雪糕任食當然也不能錯過。湯底有6款，要了蘿白豚骨濃湯。湯底很濃郁，除了因為喜歡用麻醬配肉吃，其他食材我也是涮完就原汁原味吃了👍。吃完後，再看這個5小時馬拉松式仼食真的好吸引。

#熊本牛刷鍋前日同朋友去尖沙咀行完街。諗住去山林道睇吓有咩嘢食！ 上網搵左少少資料，見到有間新開主打日式打邊爐 $298就可以任食日本A4黑毛和牛🐮見到咁抵😁就上去試試！ 餐廳地點唔起眼，🙈開係商業大廈2樓，以為會冇咩人因為樓下都幾簡陋。點知入到去都有8/9成滿座。雖然地方不大，但一應俱全。有禾稈冚珍珠feel。 👀自助吧同一般大型連鎖日式火鍋放題冇咩分別，各種配料、蔬菜、丸類、餃子都有！ 但最特別嘅就係飲品櫃有自家整嘅夏枯草同五花茶！#夏枯草 #五花茶味道唔會太甜唔會苦同出面枝裝涼茶差不多。下火無咁熱氣，🙌🏻最適合打邊爐飲。#泰式冬陰公湯湯底方面我哋就揀咗日式餐廳🧐少見嘅冬陰公湯 湯底味道唔似平時餐廳咁濃烈，較溫和但又夠味。🤪食開濃味既朋友可以揀。#A4黑毛和牛黑毛和牛，🤩脂肪分佈平均，牛味好香而脂肪入口即溶。😋但油膩感較重，🤗食多左會要食返啲菜平衡下。#美國牛小排美國牛小排🐮食落較有咬勁，🤓相比和牛感覺無咁油膩但又好濃牛味。#日式豚肉 （圖左）豚肉肉質好好，雖然係🐷豬肉但油脂均勻，有小小爽口。其他配料質素都好平均，🗣各色各類既火鍋配料都有，蔬菜類都好新鮮。值得一提嘅就係有日式生雞蛋

又一間新開火鍋店喺山林道！發覺最近約人食飯都係哩頭，真係好多食店喺哩頭想食。上到黎見到餐廳唔算大，估唔到新開都有好多食客。坐低後我地點左黑毛和牛放題餐，店員就叫我地揀湯底。經店員推介下就點左蘿白豚骨濃湯同馬來沙嗲風味湯。好快就有肉黎喇！我地既餐可以試晒所有肉類，見到牛肉顏色鮮豔，雪花分佈均勻，真係好心急個湯底可以快d滾起。A4黑毛和牛真係油脂最香，好柔軟，好好味！擺落沙嗲湯係夠晒味唔洗點醬油都得。安格斯牛小排都係好易咬冇根，又唔肥，不停encore冇難度呀！多款飲品係任飲，最特別係自家製夏枯草涼茶，岩晒打邊爐可以降火，食多少少都冇咁大罪惡感。自助bar有多款火鍋料任食，火鍋料新鮮，打邊爐最愛食好多蔬菜，粟米好甜。記得留肚食Haagen Dazs雪糕呀！有4款可揀，我個人最推介焦糖同朱古力味，好食到停唔到！

呢期最紅應該就係呢間火鍋鍾意食既我就梗係要黎啦竟然有A4黑毛和牛食自助吧任你拎最特別係有好少見既蒟蒻同萵筍同埋有日式咖哩飯,唔怕唔飽醬料區應有盡有仲有白飯任裝哈根大師雪糕任你「筆」叫左個雙併蘿白豚骨濃湯豚骨味幾香濃木魚昆布湯幾清香而且真係有昆布我就分別叫左豬肉,牛肩胛,牛小排同黑毛和牛豬肉都唔錯，唔會有騷味。牛肩胛就口感實少少牛小排就實得黎仲有牛味而呢到最出名既Ａ４黑毛和牛就當然最好食，食到有好香既油脂味

我們愛食的一族，去到哪裏都會搜尋附近有何美食，今日來到尖沙咀山林道附近，見有間食火鍋的熊本牛涮鍋，90分鐘自助放題，有四款套餐放題，有豚肉雞肉套餐、嚴選美國牛肩胛套餐、美國頂級牛小排套餐及日本直送極上A4黑毛和牛套餐，價錢由$158~$298。湯底有多款，有白蘿蔔豚骨濃湯、和風味噌湯、泰式冬陰功湯及馬來沙嗲風味...等等。我們要了蘿蔔豚骨濃湯底併馬來沙嗲風味湯底。放題食材任取任食的有餃子、丸類及蔬菜...等，除火鍋配料外，還有炸雞翼等熟食，及飲品有多款汽水及餐廳自製的夏枯草和五花茶等任飲任取。我們要了個日本直送極上A4黑毛和牛套餐$298。美國牛肩胛先上的是美國牛肩胛，牛肉顏色亮麗，肥瘦均勻，切得非常薄，灼4-5秒就可以食，很夠牛味。豚肉平時食火鍋比較少食豚肉，豚肉與牛肉一樣薄切，薄薄的豚肉真可謂入口即溶，吸收湯底的鮮味，很是入味。美國頂級牛小排美國頂級牛小排，每碟的份量雖然不是很多，但一上就是兩碟，相比起牛肩胛味道稍濃些。日本直送極上A4黑毛和牛A4黑毛和牛終於出埸啦，肥瘦分布均勻，真是入口即溶，牛味濃中帶油香，非常推薦。最開心就是食放題，自取吧我和朋友都愛喜食的有蝦餃、牛丸、餃子、

同朋友平時食開打邊爐，今次上網見到呢間新開既熊本牛涮鍋。我地點左最貴既和牛（$298）和牛條紋分明，而且賣相唔錯，但牛味唔算好突出令我驚喜嘅係佢既火鍋配料，選擇好多，包括有：丸類、韭菜餃、魚皮餃、萵筍、腐皮角、生根等等。種類非常之多，好多岀面既火鍋店冇提供既配料佢呢道都有，忍唔住食左好多～另外湯底方面，我地嗌左豚骨湯底同冬蔭功，冇諗過呢道竟然有冬陰公湯底可以選擇！😍味道都唔錯👍🏻最後唔少得既係甜品，餐廳提供haagen dazs雪糕，有四款味道選擇，食多啲就可以回本了😆

朋友約我出去食日式火鍋，話新開又標榜日本高級黑毛和牛此店火鍋共有4款套餐：加拿大豚肉/日本雞肉放題 $168；美國牛肩胛放題$188；安格斯極級別牛小排放題$238；直送極上A4黑毛和牛放題 $328！任食日本直送A4黑毛和牛都只係$328，抵，所以二話不說揀左嚟個set，而且因為叫最貴的set，可以試齊哂所有肉有成八種湯底咁多，分別係：蘿蔔豚骨濃湯、和風味噌湯、泰式冬陰功湯、馬來沙嗲風味、木魚昆布、蕃茄薯仔豚骨濃湯；還有兩款需要加$20，就係鮮龍蝦濃湯和期間限定湯底自助吧多款特色丸類, 蝦滑, 有機新鮮蔬菜及菇菌類任食另有炸蝦丸配咖哩，頗特別我哋加左$15要左轉鴛鴦火鍋，可任選基本六軟其中兩款，而我哋揀左蘿蔔豚骨濃湯拼蕃茄薯仔豚骨濃湯蘿蔔豚骨濃湯好濃郁得嚟有很重的清甜蘿蔔味；蕃茄薯仔豚骨濃湯的蕃茄味與豚骨味好平衡，兩者的味道都很出，不會過濃美國牛肩胛肉- 肉質普通，但勝在都幾有肉味安格斯極級別牛小排- 牛肉味很重，而且灼完有爽滑感，好好味，我試完不禁特登order多一客直送極上A4黑毛和牛-既然任食，我哋當然主攻貴嘢，灼十秒，入口即溶，牛油味香氣四溢，再來一客加拿大豚肉- 這個豚肉也

經朋友介紹下去左呢間熊本牛涮鍋，價錢合理，食材新鮮！豚肉牛肩胛牛小排A4和牛肉類整體十分滿意，肉質嫩滑，肉味濃，解凍時間夠，唔會好似其他店咁 凍到結哂冰食唔到有自助吧位自己夾野食，種類都算多，而且每樣都清潔得好乾淨，睇下啲金菇就知，冇泥，有切根，值得一讚另外仲可以自己夾咖哩炸雞飯，佢個炸雞翼味道好似mcdonald脆香雞翼味，好味到食左6隻！另外仲有haagen dazs雪糕任食 飲品任飲，十分有誠意！

雖然已經到咗夏天，但係都阻止唔到我去打邊爐嘅！今日同朋友去咗尖沙咀行街，行得攰就嚟咗呢一間熊本牛涮鍋，係任食嘅火鍋！為咗食到唔同嘅味道，我哋叫咗兩個湯底，一邊係木魚昆布，另一邊係龍蝦湯底！呢一度唔算好多座位，不過都見到有大夥兒黎包房，所以下次如果一大班朋友黎都可以考慮下！出面嘅自助枱，有唔少選擇，有牛丸、墨魚丸、魚片頭、芝士腸、其他蔬菜，仲有我最鍾意嘅沙律丸😍而呢一度嘅牛肉亦都係一叫便有切凍肉機即刻切架！主菜嚟喇！首先有豚肉，豚肉唔會好韌！🔸牛肩胛肉嘅脂肪唔多，咬落去有咬口但係唔會韌，新鮮之餘亦都好有牛味！🔸和牛脂肪比例會比牛肩胛多，入口果然牛味最重，牛脂很香🤤食到停唔到口！🔸牛小排牛小排有好多雪花，入口好嫩滑，不過都係和牛最重牛味！最尾呢一度仲有任食Häagen-Dazs雪糕，有我最鍾意嘅朱古力味，任食唔嬲，而飲品方面亦都係任飲，仲好有誠意有涼茶！唔怕熱氣！總括來講，呢一度嘅牛肉夠晒好味，牛味夠濃郁，對鍾意食牛肉嘅人來講係一個唔錯嘅選擇！

對於我哋呢一種鍾意食牛肉嘅人來講打邊爐係一種天賜嘅美食經過我家姐介紹話新開有間打邊爐有高質牛肉食又抵咁我哋就即管去山林道試吓咁呢間叫做熊本牛涮鍋嘅鋪頭就係一棟商業大廈嘅樓上但位置都OK唔算難搵上到去夥計超級好招呼就叫咗我同男朋友兩個坐低 一係唔食一食就要食最好嘅就要左日本和牛嗰個套餐 正!!我哋湯底要一邊係蘿蔔豚骨濃湯令一邊係我最愛嘅沙嗲湯底首先係牛肉未上嚟之前我哋就先出去夾左自己想食嘅配料準備見到佢配料都有好多例如有各式各樣新鮮嘅菜 菇 一系列嘅丸仲有唔同類型嘅烏冬 面 種類都算唔錯OK而且佢自家仲有炸雞翼 味道同麥當勞嘅脆香雞翼幾乎九成九相似我自己都忍唔住食咗好多牛肩胛都幾新鮮幾香我見到佢喺廚房有自己一部機喺度磨牛肉好新奇牛小排嘅牛味非常濃我地好滿意個quality 而且唔使太長時間滾已經幾好味而且最期待嘅黑毛和牛上場啦!!首先見到色水真係好靚而且我哋錄左大概3秒左右就食啦入口即溶嘅感覺真係好懷念呀估唔到呢個價錢都食到啲咁高質嘅和牛火鍋而且呢間打邊爐店居然仲有Häagen-Dazs雪糕任食我自己都忍唔住食咗幾球先走正阿另外仲有嘢飲推介呀佢哋自家煲咗啲涼茶真係啱晒大眾過去打邊爐黎飲

是晚放工走到港式火鍋店林立既山林道，食日式涮涮鍋~ 若非之前上黎openrice search新食店，單靠大廈樓下既小燈箱實在不顯眼，店既入口亦有私房菜味道～食開日式涮涮鍋都知道用餐時間一般係90分鐘，而呢度既賣點2小時，可以慢慢食。唔洗咁趕又可以食好d~揀左極上A4黑毛和牛套餐，$298呢個價錢比其他涮涮鍋抵食，同時又可以試多點款式。點完餐，先到飲品柜拎野飲，要一讚呢度既自家制五花茶夏枯草已入樽，方便又衛生，味道唔太甜。　當然唔少得汽水、烏龍茶、韓國果汁，不過因為未領有酒牌，所以未有酒精飲品。　自助配料款式都齊全，丸類、蔬菜種類唔少～而我最中意係手打蝦滑，爽口彈牙。明太子丸、菜肉餃，鮮蝦雲吞都好食不過實在食到太多！　湯底揀左沙嗲湯，店員話用左潮州既做法，味道香得黎又唔太遮蓋肉味～　另外蕃茄薯仔豚骨湯，略帶酸甜味道食起上黎又會開胃D。肉方面，A4黑毛和牛當然唔會令我地失望啦！　雪白既油花，入口香滑充滿牛油香氣～頂級牛小排牛味較濃，油脂均勻，肉汁鮮嫩香甜。加拿大豚肉質素亦不錯，脂肪香滑爽口不油膩～　牛肩胛肉質較實淨，有咬口，肉味亦偏重。　最後留返10分鐘食雪糕cool down一下~ 呢

最近的家常菜吃多了，突然特别想吃各式各样的火锅。和男朋友来香港几天游玩和购物，搜了下附近的美食，偶然看到这家店，就来试试了。感觉还行。可能是饿了吧，吃得挺多的。

湯底揀了較清淡嘅和風味噌湯及木魚昆布鴛鴦鍋，個鍋一上枱已聞到好香昆布味，正！鍋底準備好，就開始涮肉喇😋日本🇯🇵直送極上A4黑毛和牛，油花分佈平均，入口即溶，真係冇得彈！美國安格斯牛小排，肉味濃厚，入口爽彈，口感佳，超好味！配菜方面，有十多款唔同嘅蔬菜、菇類，丸類等等⋯⋯最有驚喜係沙律芥末丸，一咬落去，啲餡多到咇出嚟，芥末味道真係ichiban👍🏼👍🏼食左咁多真係好飽，但咖哩牛肉嘅香味實在太誘惑，試左一細碗咖哩飯，係日式咖哩口味，超好味！最後當然唔少得甜品，有四款Haagen-Dazs雪糕任食，可惜個肚太飽，只食到一個round😆另外，餐廳提供多款飲料，更有五花茶及夏枯茶，咁就唔使怕打邊爐會熱氣喇！