熊拉麵 (蘇杭街)

營業中

休息中

收工後有點差事要過嚟上環處理，加上老婆是夜約咗人傾功課，一支公就梗喺食埋先返屋企啦。醒起曾經晌蘇杭街有間賣亞洲特色麵食小店「Foxtail & Broomcorn」，嚟到先發覺已經轉為一間日本拉麵店，感覺有點可惜，小弟一向做人既來之，則安之，反正暑假初去完北海道到依家，都未有再食拉麵，就當今晚依一餐重溫吓拉麵嘅滋味。踏入店內，印象中跟之前嘅格局無變，最入嘅位置喺開放式廚房同吧位，近門口就有幾排枱櫈。裝修算喺簡約，木枱配木櫈，帶少少和風，環境比較光猛，出入通道又都做得比較闊落，而吧位下有掛勾同儲物籃，小弟一個就坐晌吧位靜靜地食麵。餐廳比較自助，枱上已放有一大壺冰水、玻璃杯，自己招呼自己；此外，餐具、紙巾亦放齊晌枱上，更備有幾罌伴菜：酸薑絲、辣芽菜、鹹高菜，口痕痕當前菜食又得，放落麵條拌勻食都得。一如大部分拉麵店咁，賣嘅拉麵款式都喺貴精不貴多，拉麵以外嘅單點料理，亦喺得三幾款。所以，一張落單紙就見晒店家嘅5款拉麵，以及相關選項，如叉燒肥瘦、麵條粗幼、硬度……等等。而單點料理就喺啲餃子、迷你丼飯。正當我想點個黑熊拉麵時，因為喜歡黑蒜吖嘛，店員推介新出無耐嘅「熟成昆布醬油拉麵」，喺期間限定嘅款

日式拉麵店有好多，今日去咗間叫熊拉麵，日本人喜歡熊，以牠作日式拉麵店名都夾。有唔同顔色的熊仔，我要個黑熊，墨汁湯底，朋友要赤熊，辣湯底。黑熊湯比較香，辣的都辣得幾美味，炙燒肥叉燒好香，入口即溶，真正肥美，拉麵有兩種幼度，幼及中幼，我們特登比一比，差少少而已。水準不錯，大家滿意。

好多年沒在蘇杭街出沒，面目全非，幾乎所有店都不認得了，就重新認識吧。一個人，就試拉麵。一貫作風，第一次試，就試最基本的，招牌熊拉麵1號。我留意到2號黑和3號赤都比1號平，所以1號湯底應該是真材實料價錢貴一些吧。先試湯，很鮮，不是純豬骨，另也加上魚介之類，魚的鮮味，而豬味又不會過濃至酥味，所以十分調和。麵方面，叫了軟，吃來還是覺得硬。但麵身幼細，掛湯一流。最驚喜的是义燒，十分肥美，脂肪部分不多，但到了完全融化的階段，口感極佳。我把整碗湯都喝乾，碗底現出了熊的真身。唯一美中不足的是，湯有MSG，所以十分口渴。大家不要怪我喝清碗湯，日本是吃完麵飲湯表示好味。否則熊先生都不會多謝我「ご完食」了。

心思思想食拉麵，黑熊、白熊、赤熊、巨熊，最後選了黑熊拉麵。調味料可以加入去拉麵度。黑熊拉麵$78（黑蒜油）一般的拉麵size，但呢款拉麵幾重黑蒜油味，呢個濃湯都算唔錯，值得推介。黑木耳爽口，豚肉叉燒可轉為五花腩，純個人喜好我轉左，又幾入味。一啖叉燒，一啖拉麵配湯，正！麵的軟度是普通，夠爽脆有咬口，很合我口味。仲有冰震大紅袍茶添＞＜！

放工時段上環站真係好多，好多，好多人！所以行入內街既餐廳搵野食！一路入黎都有好多間餐廳。因為本身鐘意食拉麵，見熊拉麵門面四四正正甘，就試下！因為主打拉麵，所以餐牌上既食物種類不多，貴精不貴多，有主食同小食等，主要係食唔同湯底同叉燒既拉麵！食客自行係餐紙上點餐，物都有得揀，配合你既需要！叫左熊拉麵，有叉燒，蔥，木耳同溫泉蛋！一碗份量都唔少，女仔食好夠飽，男仔就爭啲啲，可以叫多份小食或迷你飯叉燒好入味同林，唔肥，幾瘦。溫泉蛋流心，橙色既蛋黃！正！（可惜無影相）個湯底幾濃下，但唔係好油同不是太咸。枱上有三樽配菜自己加，有辣有唔辣。朋友就叫左白熊拉麵。分別在於少左只蛋。汽水啲冰分開上，慢慢倒，慢慢飲，好有飲日本清酒既feel , Haha 食到七點零就開始多人，不過都算靜，傾計都唔錯！環境乾淨，職員有禮，上麵快，抵讚！

開餐啦！今晚想食拉麵！叫餐方式係自己畫紙點餐，配菜可以需要/不需要，麵可以選幼度同硬度，連叉燒都可以選梅頭瘦叉/火炙肥叉/角切叉粒，任均選擇，總有一款岩你！要讚一讚啲飲品，雖然唔係話平，但價錢同其他餐廳差不多，佢係罐裝可樂，另上一杯冰，甘樣飲得爽啲，好過裝好一杯甘上枱。枱面仲有葉製既豆芽、雪菜等自己夾白熊拉麵配菜有木耳，蔥，自己可以加錢另外加配菜。叫左火炙肥叉燒，叉燒面燒過，香口啲。叉燒好林，又入味。唔算話好肥，一層層肥同肉，正！豬骨湯好濃，少少杰，好香，唔會好多油，熱lala 甘上枱！呢個係最幼果種拉麵，唔會好林，又唔硬，熟透，軟硬剛好！！呢度既拉麵好食過一啲連鎖店成百蚊一碗既拉麵！其他果啲湯底好咸，食完會好口渴，但呢度無呢啲情況！下次想食拉麵時就會諗起白熊，！會再黎！

近期食左好多間拉麵，基本上女朋友都已經食到聽到拉麵都驚的地步。但連佢都話唔錯，幾好味，就知幾咁一流。但哩間拉麵的豬骨湯真係一流，濃郁非常，仲好膠添。可惜佢個叉燒得返瘦肉，無肥肥叉燒選擇（其他地方無得揀，但哩度有三種叉燒選擇）絕對係會返黎再食之選。

一直掛念九州拉麵，見到公司附近新開了拉麵店，而且同事叫到，於是一試。店面乾淨，座位尚算闊落，一般日式拉麵調味料齊備。要了最基本的熊拉麵，幼拉麵點了偏硬，水準尚可。瘦义燒肉味香濃，雖然稍為鞋口，但雪藏貨色有如此水準實不俗。魚介豚骨湯底，有點膠質的黏稠，不會過鹹，亦有豬骨香味，但當然不及日本水準拉麵店的那麼香濃。流心蛋有驚喜，蛋味香濃，不像是本地或大陸貨，加上經調味，畫龍點睛之作。整體水準中上，但在香港來說已算上品，總算可以一解拉麵癮。

黑熊、白熊、赤熊、巨熊，我唔敢多心，選本味熊，星期日在IFC看完電影後行過來醫肚。運作模式如一般日本拉麵店，用點心紙畫上自己口味，我哋一飯一麵分享。交咗點心紙一陣，迷你窩蛋叉燒飯就馬上到，細細碗，但叉燒大大粒都幾多，窩蛋圓大鮮黃色好吸引，仲有幾多汁，攪混食，好好味！好得！等咗8分鐘熊拉麵先到，似乎耐咗啲，即點即做無法，一見件叉燒已經傾心，燒香至焦焦地，肥瘦肉一半半，入口即溶，魔鬼美食，肥美但膩，二人分食啱啱好。幼麵做得幼滑，吸收咗湯，仲有食溫泉蛋，香滑。幾好食，值得介紹同事，平日食lunch又多個地方去。

終於看到太陽了，夏日未完天氣仍然非常炎熱，晚餐想吃點清涼降溫的食物。海之幸培煎芝麻醬冷麵。拉麵冷冷的，入口冰涼降溫，伴上濃香不膩的芝麻醬，的確令人胃口大開，生蝦鮮甜爽嫩，伴上大量火腿絲和青瓜絲，咸香清新不單調。拉麵掛上濃濃的芝麻醬，每一口都是香口的芝麻香味，味道的確惹味，愈吃愈是喜歡。

經過店外已聞到陣陣豬骨濃香，恰巧肚子餓了，就排隊試試吧！ 再一次食熊拉麵，水準依舊，味道好好！今次點了超級巨熊拉麵（$123）入面包左叉燒、糖心蛋、味付筍、紫菜，這個巨熊拉麵是比正常份量的多了好幾倍。🍜包羅所有配料的拉麵豬骨味濃厚而沒有膩感，鮮甜美味，麵質有咬勁和爽口，叉燒爽口軟腍。 糖心蛋流心度不錯，蛋香味濃且滑溜可口。 還有辣芽菜、薑和高麗菜任意添加！ 第一次食熊自家製煎餃子（$38）餃子好特別好出色，皮薄餡鮮，記得要趁熱吃！

It has been a long time I didn't write any food reviews. This time I went to a Japanese restaurant to eat Japanese style noodles. It is called Bear Ramen. The price level is acceptable, The price is between $70-$90.I chose the basic one which includes an sweet egg and a pork. The pork is very big but not very salty. It is my cup of tea! The egg is sweet but it is still a bit salty outside - Quite good. There were also some ingredients to add some taste and make it more valuable.Thin noodles are

平時我都鐘意食拉架, 今日行過見到呢間熊拉面店面幾靚喎, 見肚餓走入去試下! 店面其實幾四正, 不過太肚餓唔記得影低佢>< 坐低之後侍應姐姐遞上點餐紙, 呢度款式唔算特別多, 可以揀普通豬骨濃湯味、黑蒜油味同辣味, 不過肚餓就可以叫超級巨熊大大碗, 今次先試一試呢款普通的熊拉面, 仲升級埋呢個點餐紙上面冇的五花腩添!!除此之外, 原來呢度仲可以揀拉面條粗幼及軟硬度, 好貼心啊<3~ 今次揀左1.5mm的幼面, 指定要硬的面條~單看張點餐紙就知道呢樹的拉面行簡約風格, 呢碗拉面的賣相的確沒有花巧東東。食拉面之前通常都要嚐一口湯底, 呢款熊拉面湯底的確有超濃郁的豬骨湯味! 餐牌介紹話呢個湯以12小時猛火把大量豬骨、海鮮及新鮮蔬菜餚制而成, 味道的確令人難以忘懷!! 除湯底外, 師傅的煮面技巧亦值得一讚, 雖然我指定要硬的面條, 但煮出來的拉面的確硬得來煙刃有彈性又有咬勁, 口感十足, 如果煮親公仔面都唔歡喜太林的面, 我想來呢度揀硬身拉面就應該適合你喔~~ 雖然D面好味, 不過舊五花腩爭咁DD, 唔算特別突出, 早知揀番舊叉燒啦><” 食到尾都有小小

聽講上環呢間熊拉面師傅煮面技術唔錯, 今日專登去IFC行完街街走過去一試呢個拉面=P 間拉面店的拉面款式唔算特別多, 有黑熊拉面、白熊拉面、赤熊拉面同普通拉面, 不過可以揀超級巨熊拉面, 岩晒我呢個大食積今次點左呢個超級黑熊拉面, 要1.5mm中幼面, 普通軟度的面條~呢碗超級黑熊拉面賣相其實幾靚仔, 沒有過多花巧的點綴東西, 簡單的黑木耳、香葱、豚肉叉燒、黑蒜油及深綠海苔, 已為拉面調上cool cool的沉實色調。熊拉面出名在於可自選面條入口的軟硬度, 今次呢碗揀左 “普通”軟硬度, 拉面的確入口滑得來夠爽脆有咬口, 呢個抵讚! 不過可惜我叫得太大碗, 隨著一路食, 碗內熱湯中的面條逐漸變軟林就爭DD, 湯底味道的確唔錯, 略嫌黑蒜油有點點咸, 尤其是食到尾感覺有點膩.. 早知唔叫咁大碗, 哈哈!!! 唔好睇佢細細碗, 呢碗超級黑熊份量的確非一般! 如果有得揀, 我相信我會點一碗普通份量的, 建議叫普通份量夠了!

上環有間新開業的拉麵店。今晚一人行就來試試。芬達提子。黑熊拉麵。濃郁豬骨湯底濃香鮮甜，加上黑蒜油作調味，味道香口滋味，蒜味不會太重仍喝出豬骨湯的甜鮮，拉麵彈牙掛湯力高，叉燒燒得軟腍，油香重又香，喜歡流心的溏中蛋，蛋味濃厚出色。