熊拉麵 (蘇杭街)

營業中

休息中

上環實在太多食店，路過熊拉麵多時，總是人多，今日一個人，1:30pm, 有吉枱，便第1次去食。因為不愛食吾熟的蛋， 於是叫左個「 白熊」。葱和木耳，可選要吾要。面都有粗幼可選。叉燒也有得揀肥瘦。 今回就要瘦叉燒+1.5mm中幼面。。2片叉燒真的一點肥肉也沒有。豬骨湯底，不是濃郁那種，但係入口仍有點膠膠的感覺 ，特登食完，吾飲冰水，返到公司都唔覺得口渴，看來正係㷛出來的骨膠唷，冇加味精哩！整體來說，好味，份量適中，價錢合理，冇加一。

自己經過上環肚餓餓，行左入間充滿和式風味的拉麵鋪鍾意食辣野ge我梗係叫赤熊拉麵加隻蛋！湯底唔算好辣，但無乜味精抵讚得一塊肉覺得少左d不過肉肥瘦岩岩好唔會覺得太油麵我選左硬度中等都幾好食，我自己覺得好適中我最驚喜係糖心蛋超級好味，同係日本食差唔多個一刻我真係以為自己係日本食到熱熱地叫左啤酒唔錯 夠凍夠曬解渴！！1下一定會再黎

招牌熊拉麵：除左湯底、麵條，叉燒亦係一碗好拉麵不可或缺嘅部分。每間拉麵都會選定一種叉燒作為配料。不過呢間拉麵店就有3款唔同質地嘅叉燒可以揀，豐富拉麵嘅口感之餘，又可以滿足想要變化嘅食客。今次我就揀左相對比較瘦嘅梅頭試一試！個人比較喜歡多配料，再額外多加叉燒。店員遞上新鮮嘅拉麵，已經聞到湯底濃郁嘅香味。試一口湯，豬骨味佔多，配合少許鰹魚味增加其鮮甜度。湯底濃而不膩，亦唔會飲完後好口乾。叉燒好大塊，梅頭脂肪唔多，肉味夠，而且肉質夠軟。溏心蛋光滑，色澤唔錯，口感好柔軟，蛋黃味道濃厚。個人比較喜歡煙韌、有咬勁嘅麵條，揀左較硬、粗身嘅麵條，但略嫌煮太耐，麵條唔夠硬。不過整體拉麵好食，店舖環境整潔，店員態度好好。定期有限定湯底口味嘅拉麵可供選擇，有興趣嘅朋友可以一試。

有朋友食過佐敦間「熊拉麵」話超級好味 小妹上OpenRice一查 發現港島都有分店 就喺上環！當然即刻約人去餐廳唔近大馬路 就算大門打開關上都唔會特別有噪音或者廢氣 不過 都唔難搵 出咗上環站A出口 喺禧利街直行入內街好易見到店內有bar檯 也有普通長檯 檯底有幾個藤籃畀客人放袋 每個座位檯面都編號 落單上菜非常方便檯面除咗筷子 紙巾 仲有水杯同凍水 如果需要熱水 都可以請店員斟畀你同好多拉麵店一樣 可以選擇麵嘅軟硬度等等細節 可惜飲品裡面無波子汽水...適逢期間限定嘅「櫻花濃蝦拉麵」 當然要試！（其實有另一款落單紙 不過小妹手快快畫咗 免得浪費資源啦...）同人友人係櫻花蝦迷 佢解釋 一到秋天 櫻花蝦就會游去北海道附近海域 所以唔係一年四季都有 算係幾罕見 佢哋一隻好細粒 得蝦米咁大 要煮成濃湯 需要好多隻 所以一般都貴貴哋... 令人意外嘅係 「櫻花濃蝦拉麵」唔係畀店內其他拉麵特別貴 都係$88一碗而已賣相已經值滿分！蝦、木耳、叉燒份量豐富 叉燒有半個碗咁大塊（小妹忘記揀叉燒 廚房自動畀咗「梅頭瘦肉叉燒」 果然一吋肥膏都無 浮喺湯面嘅油亦唔多）湯係名副其實嘅濃湯 顏色夠深 質地夠「

咁岩今日去灣仔演藝學院睇舞台劇，睇之前去食個午餐，有朋友推介呢一間上環嘅日式拉麵店。平日有好多客人，好彩今日嘅中午時段不是太多人，唔需要等位，一於食呢一間同一般日式拉麵店差不多，自己選擇湯底，再選擇埋叉燒，有肥叉燒同瘦叉燒揀，再揀埋配料，例如蔥既多少，然後揀埋拉麵嘅軟硬度，我自己本人比較喜歡食硬一點，所以揀咗硬一點拉麵赤紅拉麵個湯底冇得頂，非常好味，而且只係小小辣，啱哂我呢d鍾意食辣但又唔食得好辣既人。個湯底味道好啱，濃得黎唔會太咸又唔會唔夠味，好鍾意佢個瘦叉燒，好有咬口，好煙靭，除咗痩叉燒之外，仲有其他配料，例如：紫菜同木耳，紫菜好香，浸落湯底到索晒啲湯底再食好好味，木耳又好爽口，拉麵亦都好彈牙同埋拉麵可以掛係湯底味道好夠整體非常喜歡這間拉麵店，尤其拉麵個湯底，非常出色，十個讚

而家有好多地方都有日式拉麵食，當然唔係每一間都咁好味同正宗，但上環呢一間日式拉麵，認真不錯。位置尚算方便，地鐵站一出，大約行十分鐘就到，一入到店舖入面，好有日式風味，好似置身於日本既拉麵店，店面不算很大。熊拉麵碗麵送上來嘅時候好大陣香味一湯底好香。呢個豬骨湯底好濃，一飲就知道用咗好多豬骨同埋時間去淆製個湯底，呢間餐廳好窩心，你可以選擇梅頭瘦叉燒或者肥叉燒，我就揀咗瘦叉燒，呢個瘦叉燒都好香肉味，雖然收叉燒會鞋啲，但係冇咁肥，感覺健康啲，冇咁邪惡呀嘛。個糖心蛋蛋味好香，蛋黃流晒出嚟，而個拉麵粗幼適中，啱啱好足夠沾上湯底，而且好彈牙，一啲鹼水味都冇煎餃子外皮煎到好脆，而且個皮好薄，入面嘅餡料味道剛剛好，沾上日式醋食係好夾既呢一間日本拉麵店比普通嘅拉麵店好味好多，尤其是個湯底做得非常出色，絕對值得一試

濃到張住口@熊拉麵佐敦的熊拉麵在上環開設了分店，每間都有自己的限定口味。天氣轉冷想喝熱湯吃高卡露里的食物保暖，拉麵是其中好選擇。黑熊拉麵，要了1。5mm略粗的硬身麵，不怕很易變腍同口感紮實點。叉燒兩大片，要了瘦的但不影響風味，煮得好腍好滑。湯是豬骨湯，另加黑蒜油。濃郁得張口黏黏的又鹹甘，此質地當然成功排在麵身上。沒蛋加了10元追加，流心的誘惑，蛋黃甘香蛋白富彈性。黑木耳爽口而蔥花可添香配菜辣芽菜好開胃湯仍舊是精華所在，甘甜富豬骨味而不成鹹，濃縮一起的湯頭。還有不小食客是外國人，連外國人的舌頭都知那裡有好吃拉麵，身為香港人更要吃。

真係好難忘既拉麵！一上臺已經有濃濃既香味！一入落去就仲難忘！個濃底超濃郁！豬骨味道較重，不過好好食！我揀左火灸肥叉燒，真係好肥美火灸之後叉燒既油脂有半熔化的口感，叉燒味道好好，好正！我揀左較粗身既麵條，麵條掛湯力不錯，口感一流！拉麵另一主角糖心蛋見到個流心既蛋黃已好開心！好正！本身想試埋個叉燒流心蛋飯，可惜已經賣哂啦，就叫餃子試下。餃子味道都唔錯，煎得好香脆！食完濃味既拉麵，可以食下臺上既玩菜，清新一下味蕾。

今天中午飯我唔想食飯，轉為食麵，但由於唔想食雲吞麵，就一於食日式拉麵啦。因為唔想食咁多料，所以我就叫左白熊拉麵。白熊拉麵由於比較少配料，仲有湯底雖然擁有豚肉味，但湯底唔會好濃，淡而入味既豚肉味，與招牌既熊拉麵比較係無咁重味。至於拉麵條條分明而又口感夠爽。由於白熊比較淡味，所以配料都唔會有蛋。我見好似有點單調，就叫左份煎餃子黎食。餃子皮唔厚，而餡料唔算多，點埋個呈少辣既醬料，入口有點惹味，而且餃子皮夠脆口，令口感更佳。

由日本旅行返黎，當然對日本野依依不捨啦，所以返到黎專登揀返間拉麵黎食下，叫做緬懷一下日本既拉麵。黎到呢到當然食返碗招牌既熊拉麵。一第埋黎已經聞到豚骨香味的湯底，一啖啖試下湯味，濃濃的豚骨味加上蔥同埋木耳既香味。拉麵呈幼薄，麵條分明而口感幼嫩。至於份叉燒係梅頭，除左瘦之外亦夠薄，肉質結實但唔會鞋口。溏心蛋一篤即爆，蛋槳無流出黎但口感頗滑溜。由於我認為只有蔥同木耳既配料未夠，我再自己加上酸菜同辣芽菜吊吊味，即時令我胃酸增多，胃口大增，尤其辣芽菜像泡菜味似的，最後令我再追加一份麵底先夠喉呀。

星期日放假就梗係食返餐好少少，行落街諗緊食乜好，見到有龍尾咪排一陣當食個brunch 囉。呢間拉麵店都幾日式，由於店裡坐位唔算多所以有人排隊。坐位下面仲有個籃可以放袋，幾細心喎。我叫左份黑熊拉麵，黑蒜味超濃的，單看整碗湯就知啦。湯底除左蒜香仲有豚骨既濃味，令我差不多乾左碗湯。至於麵質算係幼，而口感適中，未致於會太淋。塊火炙肥叉燒真係夠肥，食落有少少肥膏零舍滑，肉都夠厚相當夠分量。另外溏心蛋夠溏心，黃白分明，蛋白夠滑，加上香蔥同木耳既香，令我食指更加大動，最後不消10分鐘已經鯨吞整碗麵。

今日去左食熊拉麵。未食早餐，叫左個超級黑熊拉麵。幾分鐘後，拉麵終於黎了！好大陣黑蒜味已經飄入鼻度。湯底好濃，唔係一般既淡湯底，個湯真係好濃稠，好惹味！熱辣辣既黑蒜湯底，加埋拉麵一齊食，真係好幸福！叉燒揀左肥叉燒，真係好肥美。一入口，叉燒係好鬆軟多汁，叉燒味道真係超正！紫菜加埋溫泉蛋一齊食，真係好好味！溫泉蛋蛋黃整得好滑，加埋少少湯底，高質！呢個濃湯真係飲極都唔厭，食到最後，湯底都仲係好熱。正呀！果然冇食錯呢間，下次一定要再食其他味道既拉麵！

蘇杭街最近開了一間新拉麵店「熊拉麵」，午膳時間到訪需在門外排隊輪候，在短短十五分鐘的輪候時間裏，已多了十多人在後方接力排隊。為節省時間，店員會向首兩三組正在輪候的食客派發點餐紙，邊排邊點餐。 一如其他拉麵店，店舖面積不大，連吧枱位置約有二十餘個座位。拉麵選擇相對簡單，分別主要在於湯底味道。黑熊拉麵賣相透黑，顏色源自豚骨湯中的黑蒜。豚骨湯一向以味濃見稱，加入黑蒜後惹味感更強。相比其他拉麵店的豚骨湯，熊拉麵的湯頭明顯較黏身，膠質豐富。麵條方面，筆者要了普通硬度的幼麵，食感比預期硬身，相信軟身選項較合筆者心意。梅頭瘦叉燒雖然面積比一般叉燒闊大，但只有一塊作餸確實比較少，幸而味道不俗，肉質富彈性。好友的熊拉麵多了一只糖心蛋，破開流汁吸引，達標美味。 整體而言，熊拉麵的麵食能交出功課，定價相對合理，可以一試。

過完大海，最岩去附近食拉麵。今日剛去完澳門，又係正上環。最岩去食$83 熊拉麵拉麵是一般幼拉麵，豬骨湯低，飲出厚厚的。而且又唔會過咸及油。$83 限定推介 醬油拉麵拉麵是味千那款拉麵。是我最愛，可惜熊拉麵不是這款拉麵。呢碗係老公叫的。由原先話交換叫，到後來食最成碗。可想而知。佢真係好鐘意食$38 餃子肉質一般，似超市購買的。但好多肉汁。可以用噴黎形容😂總括。一定會再食

叫咗一個黑一個白拉麵。講真，味道一般，麵質都麻麻，湯太咸好油，整體只係合格。但係個叉燒飯竟然幾好食！好食過拉麵最好食係個煎餃子，好脆，味道又服務好，食得幾開心！