煮打菜打冷小菜館 (已結業)

筲箕灣美食除咗東大街為人所熟悉之外， 原來喺耀東邨對面， 都有間叫《煮打菜打冷小菜館》嘅港式小菜館，為筲箕灣街坊至愛，出名大碟夾抵食。 今日難得到筲箕灣， 梗係趁機會試一下。喺食飯前嗌咗一個小食，真·芝士拉絲蝦丸$98， 呢個蝦丸名副其實釀咗好多芝士， 外表炸得香脆，蝦膠彈牙爽口， 而且芝士拉絲真係可以拉到成一尺長， 果然名副其實真·芝士拉絲。由於今日有幾個朋友一齊食， 所以都可以嗌好多款唔同嘅小菜。 第一款一定要推介嘅，就係煮打古法生煏大白鱔煲$198， 上枱時，個煲仲係熱辣辣，吱吱響。 一食落口就知大白鱔新鮮， 魚肉彈牙嫩滑，亦無泥味， 古法生煏其實有點似啫啫煮法，生煏用咗蒜片，蔥頭同埋果皮黎爆香， 食落有火候，相當惹美。第二款主打菜式，係籠仔荷香蒸爆牙鹹蛋肉餅$88， 呢度嘅肉餅可以選擇鹹蛋，土魷，鹹魚等等嘅配搭。 肉餅用荷葉包住黎蒸， 食落有陣陣嘅荷葉清香。 而且肉餅食落彈牙嫩滑， 充滿肉汁， 相信取其名“爆牙”肉餅嘅意思就係爆汁兼彈牙， 果然無改錯名。見到牆上面嘅食評專訪 ， 都有推介呢一味蜜椒吊燒骨$88，吊燒骨非常惹味，蜜餞甜甜的，令人忍唔住一舊接一舊咁食，而且吊燒骨骨同

真芝士拉絲蝦丸，上枱嗰陣仲熱辣辣嘅，炸得勁脆，蝦肉夠曬彈牙，入面嗰啲芝士真係拉到絲故喎，仲拉到勁長添啊。蒜蓉牛油焗蜆88，蒜蓉同牛油都勁香，喺中式餐廳食到呢樣有小小西式感覺嘅餸菜，有少少 fushion 嘅感覺。蜜椒吊燒骨，雖然每一舊嘅 size 都唔算好大，不過就真係勁惹味，甜甜地爆得又夠香，全晚最鍾意就係呢碟餸，瞬間就俾所有朋友清哂。魚湯海味浸菜心，個魚湯真係勁鮮甜，真係好有魚味，菜心新鮮爽甜，面頭嗰啲炸魚仔更加係畫龍點睛，令到成個餸都好味好多啊。潮式爆花蠔餅，啲蠔仔勁大粒又飽滿，唔會煎得太老，食落中間仲好 juicy，外層有夠脆口，好好食。蒜蓉果皮生煏大白鱔，大白鱔煲一上枱吱吱聲 煲入麵包香咗嘅蒜頭痛紅蔥頭飄來陣陣的香味 白線都算多，用嚟送飯一流。芝士焗大蝦伊麵，芝士味濃，蝦亦都十分之大隻。攞個芝士汁撈埋啲伊麵一齊食就啱哂啦，不過如果啲伊麵唔好咁諗同埋可以唔好咁濕就更加好喇。籠仔鹹蛋肉餅88，之前都睇過報道話呢度既肉餅之所以叫爆牙係因為加埋一啲切碎左既豬耳入去啲肉餅度一齊打嘅 ，咁樣會爽口好多喎，今日一試果然名不虛傳，個肉餅真係勁爽口彈牙，加左豬耳一齊真係爽好多啊，不過如果個肉餅

雖然之前已經介紹過! 但expert 真係要話依個肉餅係全香港最好食! 想推薦比更多人睇到去食!依個肉餅勁在入面有軟骨，咬落去爽脆! 肥肉同瘦肉的比例好適中，好軟綿綿，唔會好硬或林! 面頭有爆多銀魚， 不過有d乾。底部有用荷葉來蒸，但荷葉唔夠大，個味唔夠出！ 不過總結來講依個肉餅在expert 心中已是天下無敵！ 《求推介來挑戰！》Price : $88Expert rate: 8/10

今晚同友人相約一齊去油塘食川辣野。蜀府川鍋就係我地今晚所到之處。海鮮四層塔：第一層係主要用來蒸，第二層就選了椒鹽鮮魷，第三層就是用來煎或燒烤，第四層就係打邊爐。海鮮什錦拼盤：分別有龍蝦，青口，石斑，扇貝。青口係蒸煮的過程不但保留了原先的甜味，而且肉質亦爽滑，唔會太老。而石斑亦保留了魚的鮮味，唔會因為蒸得太耐變得太硬。主打龍蝦的肉質層次分明，爽口彈牙不用多說，最驚喜是非常甜美，好食過平時就咁蒸煮。開邊海生蝦（$78）：我地點選了蒜蓉，不但蝦肉爽滑，而且在蒜蓉醃製下，令蝦吸收了蒜味，令到蝦的味道更加突出，我地試過煎同蒸的方法，發覺最好都係清蒸才能把蝦的味道保留。薑汁花膠筒（$88）：這裡的花膠筒不但唔會用舊花膠，所以食落很嫩很滑，加上花膠本身有著海水咸味，所以清蒸都好惹味。手打蝦丸（$76）：蝦丸平時食得多都係由工場做好，而這裡賣點係人手手打，所以食落真係膠力十足。蝦假經人手打做，食落份外彈牙，而蝦肉亦十分有層次感，絕對係賣手工。綠茶芋泥餅（$42）：用綠茶所製的煎餅，食落除了有陣陣綠茶香氣外，而餅的皮亦十分鬆脆，絕對係飯後必叫甜品之選。

爆牙肉餅:有幾種口味選擇，今次擇了魷魚和咸蛋。 蒸出來的肉咪香濃，用黎伴飯一流。魷魚亦帶出肉餅既鮮味，加上少少豬肉汁同油，撈落飯到更為可口大白鱔:用了果皮加蒜頭，有別一般煮法(豆豉蒸)，餐廳用了陳年果皮，已經加了好多分，陳年果皮帶出鱔既鮮味，加上鱔新鮮彈牙，值得推介。豬紅: 豬紅亦制作認真，有體形，不鬆散，而且冇'up'味，正

放工唔想煮飯 食左幾日西餐 老公提議去煮打 同屋企人食過兩三次 家常小炒。我比較鐘意清淡 呢度最喜愛莫過於籠仔蒸肉餅。今晚想食咸蛋。肉餅肥瘦適中 好滑但唔會成口肥豬肉 最特別當然要講佢既'爆牙' 即是加左豬耳粒粒 令到口感豐富左。咸蛋黃亦好飽滿 唔會乾爭爭 而且荷葉香味配肉餅真是一絕 送飯一流。老公想食魚 叫左蒜蓉蒸白鱔。我唔鐘意食魚 基本上佢自己食曬。佢話 魚肉幾滑亦唔腥 蒜味亦好香 好入味 老公話最正係除了蒜蓉 底部有原粒蒜頭和洋蔥 好入味。當然唔少得蔬菜 揀左金銀蛋油麥菜。菜好新鮮 而且煮得好爽脆 皮蛋夠靚 最好味巴係咸蛋白煮到半熟狀態 好滑。我本身鐘意清淡 如果淡少少就perfect. 但老公就覺得岩岩好。家常小菜 價錢實惠 唔想煮飯既好選擇。

好日唔去筲箕灣 今次去探老公個阿姨 順便一齊晚飯。佢帶我們去食家常小菜。環境乾淨企理 侍應都好友善。原來有打冷又有小炒 選擇多籮籮。上openrice睇下人地推介既食物 最後就由長輩話事啦梗係。先來一個小吃。真。芝士拉絲蝦丸一碟有八粒。大大粒。漲卜卜 炸到熱辣辣。蝦肉幾新鮮 爽口彈牙 最特別是中間有軟心芝士 QQ咁 口感幾得意。蒜蓉牛油大蜆一上枱已經聞到好香的牛油味。用蒜頭 洋蔥炒過的蜆 幾惹味。蜆肉都幾飽滿 鮮甜。當佐酒小食都不錯。籠仔荷葉咸蛋蒸肉餅呢個肉餅 送飯一流。果然是攞獎之作。肉餅滲透了荷葉香味 肉質幾嫩滑但唔會好多肥肉 岩曬女士。而且最特別是佢每一口都有爽口的豬耳粒粒 口感好特別。真心 讚。蜜椒吊燒骨讚 讚 讚。炸得恰到好處 啖啖肉 但唔會太肥。肉質夠腍 好入味 而且外面的蜜糖唔會太多太甜。惹味得來唔太膩👍🏻魚湯海味浸菜心魚湯都幾驚喜 真材實料煮到白色的湯。菜心靚 夠爽甜。配料的鮮魷幾新鮮 蝦乾銀魚仔夠曬香。三個人 五碟餸 食到飽飽。最尾仲有糖水送架原來 真窩心。紅豆沙 唔會太甜 仲加左西米 口感幾好。滿足曬😎

我地想不到小菜館的餐牌上這麼多的選擇, 我地睇左好耐都唔知點好, 得兩個人, 唔想眼闊肚窄, 叫得太多, 所以都係選了餐牌上有相嘅和得獎的菜式.上菜都幾快, 這個銀魚爆牙肉餅, 同平時屋企的好唔同. 佢賣相係比一般靚仔, 肉餅下放塊荷葉,用竹籠去蒸.果真和一般的很不同, 超級彈牙, 肉質好滑, 但當中有些像軟骨的東西, 很爽脆. 我們還選了銀魚這款配菜, 應該係炸過吧, 好香口.蒜香牛油焗蜆賣相好吸引, 仲要用個煎PAN上碟, 其實係西餐食品吧! 蜆都啖啖肉,沒有砂,洗得夠乾淨.very yummy. 蒜香,牛油好惹味. 芝士焗大蝦伊麵有成八隻大蝦甘多，大大隻，厚厚肉，食曬! 我覺得如果落多d芝士就好啦，會更香濃，做出拉芝士嘅效果。一路食一路傾計, 之後仲坐在好耐, waitress仲問我地食唔食糖水, 請你馬碲露, 我地飽到抱著肚走, 再食唔落糖水. 有機會先再食.

今日收工，落左筲箕灣同啊媽食飯，諗唔到想食咩就去食煮打啦～呢間菜館水準一直都好好，有冷氣嘆，就食下雞煲再整兩個小菜啦！最先嚟嘅係潮式爆花蠔餅之前每次嚟都會叫呢個，今次都唔例外啦～蠔仔唔係細粒又唔算大，但就勝在夠多！幾乎每一啖都可以食到！出面食嘅蠔餅成日都係得炸粉，所以呢到真係好抵食加埋魚露仲可以吊下味～之後叫咗個魚湯海味浸白菜仔魚湯好足料，味道勁濃，一邊食一邊飲～海味方面魚仔最多，仲有啲魷魚因為白菜仔平時好多泥，自己煮就覺得煩，但呢到嘅白菜仔洗得好乾淨白菜仔好入味，下次會試下菠菜兩個人心思思叫咗半隻奇味雞煲，仲會送碟生菜！媽媽唔食好辣，呢個奇味就岩岩好啦，食得辣嘅我覺得係唔辣嘅。但就好濃好入味，事關落咗好多香料越食越入味，食到停唔到口估唔到潮州菜館嘅雞煲都咁有水準！加水食埋生菜，吸晒啲汁一流啊仲有糖水，不過我真係太飽食唔落～但見到都幾多料

食過返尋味就係佢(煮打菜打冷小菜館)，之前兩次係慕彈牙肉餅之名而去。發現佢好多美食都好吸引，四川辣雞煲到處都有。今晚試吓佢個奇味雞煲、潮式爆花蠔餅、魚湯浸白菜仔。先來煎蠔餅 一上餐檯已聞到香味。外層鬆軟、內層好多蠔仔，點上跟上的魚露，帶來蠔仔獨有既鮮味。 魚湯浸白菜仔，太足料了，奶白色的魚湯唔腥。仲有好香濃既魚鮮味，白菜仔鮮嫩無沙、仲有好多大大隻蝦乾、冬菇絲、鮮尤魚絲。 主角終於上埸了，奇味雞！ 店員阿姐原煲上檯，放在爐上開左小火，等兩分鐘已有香氣溢出，開蓋！ 半隻雞好大煲，雞件在瓦煲裡跳動發出啫啫的聲音。太誘人的香味，我要試真D究竟奇味如何！肉質嫩滑、有雞味，醬汁好特別。 睇到配料有蒜瓣、洋蔥、八角、香葉……仲有金不換，好味！ 而食到最後既雞胸肉亦唔會嚡。 加少少水灼埋脆綠唐生菜真是完美滿足！ 最後有少少提示，兩個人叫少個蠔餅亦夠食，太飽了。其實係最適合三五知己、親朋聚會，可以品嚐到多種不同菜式，係值得再次尋味餐廳之一。

去左筲箕灣東大街以外搵食~~見到天悅廣場斜對面既後街有間打冷店，見咁多日幫襯！一於入去睇下有冇位先我地叫左籠仔荷香蒸爆牙肉餅見到餐牌強烈推介，當然要試試！可以自選配料，包括有鹹蛋、土魷、鮮魷、銀魚、鹹魚及梅菜，我地就選了土魷。好香既荷葉味，以荷葉舖在底部，份量好大，非常足料，肉餅上全部土魷，肉餅亦好鬆化蒜蓉牛油焗蜆唔似一般潮州菜，好香牛油味，又新鮮，唔會有沙，非常惹味煎蠔仔餅~蠔鮮樕多汁~非常鮮味，一d都無腥味！蠔既份量多到你唔信~個蠔餅煎得好香脆！

今晚我呢個outdate嘅人去食潮菜，飯店完全喺唔起眼嘅街，唔係朋友帶，我真係會錯過門口一睇Menu，好多嘢都好吸引，今次真係眼闊肚窄真芝士拉絲蝦丸 - 呢個一定要襯熱食，咁先可以拉到絲，如果凍咗，咁佢就會變返做原粒芝士，個蝦丸爽口彈牙，最正係拉絲嗰下，就連我平時唔係好食芝士嘅人都好鍾意~韭菜豬紅 - 呢個無得輸，個湯汁好味到呢，想飲咗佢，個豬紅入晒味，韭菜又係，呢個非食不可蠔餅 - 完全唔可以用蠔仔嚟形容，因為都幾大隻，唔知佢係唔係用鴨蛋炸，因為都幾有蛋香而且非常鬆化，以前聽老一輩講，正宗蠔餅係要用鴨蛋溝出黎先最正宗好味卥水拼盤 - 有豬腩肉、生腸、鵝腸、雞腎、墨魚、豬耳、紅腸，卥水味香，但係如果鹹味再多一啲，會再香，其實都幾入味，係爭少少鹹香蜜椒吊燒骨 - 味道好難形容，但係超好味，雖然係骨，但係都可以做到幾乎啖啖肉，好味椒鹽一口滑豆腐 - 椒鹽唔多，但係勝在有七味粉，所以香香辣辣，都係炸皮唔太厚，一口一粒，熱辣辣，送酒非常好魚湯海味時蔬 - 今次我地揀白菜，因為白菜比較吸湯，魚湯味濃，香胡椒味，非常好味

今日相約住在筲箕灣的老朋友，他介紹去間紮根已久的打冷小菜店，我們到店的時候還早，不用等就可以入座，但到真正晚飯時間，店內已人來人往了！細滷水併 併盤包括有生腸、豬耳、香腸、豬腸、滷肉、魷魚、等等… …滷肉充滿著滷水汁的味道，又腍又軟，魷魚煙煙韌韌，絶對是水準之作。蠔餅蠔餅炸得金金黃黃，熱乎乎的，很鬆脆，中間部份有不少的蠔仔，加上一點魚露，令整個蠔餅的味道更上層！真芝士拉絲蝦丸一碟八粒的蝦丸，熱辣辣的皮很香脆，口感爽口彈牙，中間加入味道濃厚的芝士，一咬下還可把芝士拉得很長呢！配上特製的甜酸醬，也很不錯！蜜椒吊燒骨吊燒骨肥肉均勻，肉質很軟腍，香甜的醬汁非常惹味，味道夠濃，食多兩件也不覺得肥膩！銀魚爆牙肉餅呢個爆牙肉餅是得獎菜式！眼見八成的客人枱上都有一碟，自然應該就必食吧！肉餅面層的配料是可自選的，包括有鹹蛋、土魷、鮮魷、銀魚、鹹魚及梅菜，我地就選了銀魚。肉餅以蒸籠上菜，以荷葉舖在底部，面層就舖滿數之不盡的銀魚，肉質不死實，入口肉汁多，香濃又彈牙，原來肉餅加入左豬耳，所以比一般的肉餅較為有咬口，師傅果然是有心思，難怪是得獎的招牌菜式！魚湯海味時蔬最後，來個魚湯小白菜，清甜的魚湯配上新鮮小白

由於家住太古，所以筲箕灣是我和家人經常覓食的地區，不時光顧的食肆有東大街的《金東大小廚》、天悅廣場的《嘉豪酒家》和愛民街的《鋒記小炒王》，都是吃晚飯的好地方。早前友人推介我試試位於南康街的《煮打菜打冷小菜館》，據說這間飯店在筲箕灣紮根多年，主打街坊小菜，由於真材實料，價錢合理，所以口碑向來不俗，晚飯時段經常坐得滿滿。由於是晚兒子有約，所以下班後，兩口子就決定來這裡吃頓晚飯。原來這間地方不大的《煮打菜》，位置頗隱蔽，由南康街右手邊路口直上，過咗麥當當再轉彎才到，難怪我這個經常過來搵食的區外客，都一直沒發現這間小菜館啦！入座後先細閱菜牌，這裏菜式不少，而且豐儉由人，當中最吸引的，自然是必食蒸選的爆牙肉餅。據說這道菜式曾獲選為「2015 美食之最大賞-肉餅組銀獎」，相信食味一定有其過人之處。至於其他小菜項目，就包括有煮打古法生煏、合時煲仔、海鮮、佐酒絕配、即叫即蒸、潮式打冷、精選小炒、炒粉麵飯、炒時菜、足料靚湯等系列，另外還有兩張列出多款打冷小菜及廚師推介菜式可供選擇。既然籠仔荷香蒸爆牙肉餅 ($88) 是店子的招牌菜，當然要一試，原來肉餅面頭有好多唔同的配料可以揀，包括有鹹蛋、土魷、鮮魷、

今晩同老公去筲箕灣覓食，我想試新餐廳（因為已經試過好多間lu)，老公想食中餐，所以我就上openrice睇下，結果搵到呢間「煮打菜」，喺筲箕灣地鐵站附近，openrice見到有好多好評，即管試吓！由地鐵站行過去大約五分鐘多啲，我哋冇訂位，walk in都有位，可能係平日夜晚嘅關係，人唔算太多！職員俾咗一張卡位我哋坐得好舒服餐廳嘅座位都算好闊落整體好光猛感覺乾淨企理！一打開餐牌，就見到呢間餐廳攞咗獎嘅「銀魚爆牙肉餅」，我睇openrice呢個餸係最多食客讚好嘅必叫菜式！爆牙肉餅除左配銀魚，仲可以揀鹹蛋梅菜土魷鮮魷等等，不過我地最後都係揀左「銀魚」！菜牌選擇有好多，原來除咗小菜之外，仲有雞煲火鍋同打冷！我同老公都係潮州人好鍾意食打冷，本來想叫滷水鵝片，但係又怕太多肉，爭扎完一輪最後叫左另一款推介菜式-真拉絲芝士炸蝦丸！仲叫左一個魚湯海味浸時蔬！首先上枱嘅係蝦丸，一碟有八粒大大粒！蝦丸中間饟左芝士，芝士味非常濃厚，蝦丸係手打，好彈牙！新鮮炸起熱辣辣再配埋一個酸酸甜甜嘅醬汁，perfect match!! 魚湯海味浸時蔬！我哋揀咗菜心，菜心好嫩滑冇渣，魚湯好清甜，配埋鮮魷蝦乾冬菇銀魚仔，簡單得