煮打菜打冷小菜館 (已結業)

「煮打」位於筲箕灣道旁的小街裡頭，距離A3地鐡站出口的確不算遠，路程約10分鐘，當然前提是你先要做好路線圖的功課@!望望餐牌，港島區的消費指數的確相對較高，平均也要$70-80一個小菜，唯有期望質素也有相應的水準?蒜蓉果皮蒸白鱔 $198聽聞蒸白鱔是這裡的招牌菜，現在不少餐廳都較少供應蒸白鱔的菜式，一般都以豉汁蒸為主，取其濃郁的豆豉味為鱔調味，這樣反而蓋過了海鮮的鮮甜味，難得煮打敢以蒜蓉果皮清蒸，相信餐廳一定對食材的鮮味有十足信心。以砂鍋上菜，單看賣相已風味十足，白鱔煲以濃厚的蒜泥鋪底，鱔件則鋪在上面，配以大量的芫茜等。細味之下白鱔肉質鮮甜、幼滑，蒜味完全融入白鱔，蒸白鱔的火候拿捏恰到好處，否則鱔肉太老，會變「鞋」口，影響味道。若然你喜歡重蒜的口味，這裡的鱔煲絕對是你杯茶。由於鋪底的蒜泥太濃，我認為鱔件再沾點蒜泥會完全蓋過鱔的鮮甜。整體而言，這裡的蒸鱔絕對值得一試，至少你不容易在外頭的餐廳吃到這樣蒸鱔手法 @!蜜椒吊燒骨 $98餸名叫「蜜椒」，名乎其實的「蜜汁」和「黑椒」為主要調味。燒骨肥瘦比例均勻，咬下去會發現外面的瘦肉包住肥肉，口感平衡而豐富，十分滿足。不得不佩服廚師的功力，蜜汁的

因為朋友新居入伙, 第一次踏足筲萁灣順道吃一餐便飯。人多少少食小菜好點餸嘛~作為一個外來人, 如沒有朋友介紹或查看網上資料未必會留意煮打的位置。要先行上一段小斜路再轉入內街, 門面低調得街坊先識食七點的晚飯時間人潮己至, 只剩一兩枱空置。甫坐下朋友已經好熱情介紹佢既心水推介, 我也配合全權比佢決定。老火例湯 (4-6人用)出外飯局多自然想飲老火湯湯潤一潤，是日為大白菜豬肺湯，夠哂滋潤啦呢度點菜好有自由度，湯已經有數個選擇，有一碗湯 小煲 大煲 燉湯。我地點既係大煲，勺出六碗絕無欺場～唔知係唔係原煲放入蒸爐呢？上枱湯竟然在沸騰大白菜煲到剛剛開始爛。湯好清一滴油都無，而且無味精少鹽非常健康。因為材料多，少鹽都唔會覺得湯淡味蜜椒吊燒骨自創菜式誠意推介呀！蜜椒並非甜椒，而係蜜糖加黑椒的配搭。排骨用中式咖哩粉醃完再炸，外層是煮杰了的蜜糖，緊緊包住香味唔怕邊夾邊滴。驚喜的還有排骨厚肉卻只連細骨生愊白鱔煲 (蒜蓉果皮)鱔有啫啫煲亦有風沙炸的煮法，白鱔煲朋友想食原味揀左蒜蓉果皮。白鱔比黃鱔肉更肥美更淋滑，而啫啫煮更能保留水份。食到底仲有大量蒜頭乾蔥，難怪鱔肉唔需要點汁都咁入味，撈飯最好。鵝片 (淨肉)

岩岩開張果段時間係港鐵都成日見到佢彈牙肉餅個廣告，平時又多人排隊，一直未有時間去試，今日終於去左。佢個位置唔係大街，真係做街坊生意，或者特登黎食。開到甘耐一定有佢個人之處既！去到都幾多人下，有幾枱年青人，唔少係度捉緊精靈食小菜既人多過火煱叫左蠔餅，大大塊，勁多蠔，炸得好脆，粉唔會話好多，蠔多汁，“”敕“”滑，佢無醬跟，如果點韓國果只辣醬就更正啦！我覺得，哈哈fusion菜爆牙肉餅，話明係呢度既主打菜，梗係要試下！肉餅荷葉墊，肉一啲都唔鞋，好滑，多肉汁同爽口！加埋啲豉油剛好，唔會好咸！都幾大碟，但如果價錢可平多啲啲就更好！鹵水鵝可以選連骨或剩肉，當然剩肉貴啲啦。剩肉真係啖啖肉，皮果位雖有少少肥膏，但唔會好肥膩。鹵水入晒味！但唔會話好濃，點埋個汁更正！食送仲有甜品送，免加一，值得去試下！

筲箕灣算是舊區，附近有不少茶餐廳，小食館，部份街坊小炒都做得很出色。《煮打菜打冷小菜館》在南康街開業多年，主打街坊小菜，由於真材實料，價錢合理，所以口碑不俗。煮打菜除小炒出色，打冷也不錯。今晚叫了招牌菜籠仔荷香蒸爆牙肉餅 ($88)和揚州炒飯 ($58)。籠仔荷香蒸爆牙肉餅，肉餅可選擇唔同 topping，有銀魚、土魷、鮮魷、鹹蛋、鹹魚及梅菜；揀了銀魚仔，因平時少吃。肉餅以荷葉墊底，蒸煮時間恰到好處，肉餅鬆化，肉汁豐富。加上肉餅面頭炸至金黃的銀魚仔香味，味道交錯，更顯肉香。楊州炒飯($58)，米夠乾身，再配蝦仁、叉燒粒、蛋雞，菜絲及蔥粒猛炒，略帶油脂，飯香撲鼻，十分好味。

今日去朋友A家處理一些事項，處理完畢便到她家附近的小店吃晚飯。友人說這間小炒她由小吃到現在，很有風味的。只要看廚師推介，小菜類別已經花多眼亂！選兩三個想吃的一點也不難。兩個人點的菜不多，兩三個小菜加個白飯便可以。真拉絲芝士蝦丸（$98）一碟八粒，粒粒真材實料。上檯時，全部新鮮炸起，小心燙口啊！蝦肉打得很紮實彈牙，帶帶微微的蝦肉味，而且沒有混入任何魚丸或麵粉。中間的芝士味道沒有過濃，而且可以拉到很長的絲😂。籠仔荷葉蒸爆牙肉餅（土魷）$88看見它上檯時大大籠已經口水流不停，肉餅上全是土魷粒，全都切得小小的，方便咀嚼。肉餅沒有太多肥豬肉，味道不太濃，又不是太多油，如果肉餅多點配料，不太單調會更好。蜜椒吊燒骨（$88）排骨經過油炸，外皮被沾上蜜糖。因為是新鮮煮起，熱辣辣，香脆美味。另外，排骨有一點肥肉，一點點油脂在口腔遊走，反而沒半點油膩感。這些街坊小店要經營一點也不容易，而且也看得出老闆對選菜花過一定的心思。小菜不太濃烈，味道剛好，有機會一定再來試其他。

早果排聽朋友講呢度有間打冷好得，今終於有機會黎試下！四人行，叫左四個送一個麵，共約六百蚊，食到飽晒！潮式爆花蠔餅剛炸起，脆卜卜！加入葱花，多一重“”清香“”既味道！係廟街食果啲多粉少蠔，呢度啖啖蠔！又大只！味道剛好，雖然係炸，唔會係好熱氣既感覺。大拼盤鹵水拼盤，有紅腸，大腸，生腸，鵝肉，鹵蛋等共十種食物！每樣食物都好入味，但又唔會係咸果種，鹵水又香又好味，唔會係平時買鹵水汁果啲超香但假既味道！大拼盤款式多，一次過滿足唔同人既願望！正！避風塘老虎蝦顧名思義，只蝦超大只！好好肉！只只大過手指公！師傅炒得夠鑊氣，辣辣地好惹味！銀芽肉絲炒麵上面軟熟多汁，下面脆卜卜，配合得剛好！生福白鱔煲呢個我超愛！！！一定要試！魚唔“”老“”，唔“”鞋“”，熟度剛剛好，好幼滑！一煲好大煲！加埋果皮同勁多葱蒜，帶出鮮味，好好好食！呀媽連蒜頭都食埋！是日糖水，喳咋係送的！！！足料，唔係太甜，細細碗，份量剛好！總括黎講，呢度啲野食高水準，款式多，最緊要味道剛好，唔會太咸，食完無成日飲水！值得一試！

都算受歡迎既晚餐之選，7點去到已開始排隊，門口坐左幾個人。玻璃門貼左幾張同明星既合照。入座後，點了蠔仔粥，一碗的份量經已有3到4碗，一窩更係成個洗手盆咁誇張。蜜椒吊燒骨，甜甜地好好味。西蘭花帶子炒蝦仁，不過不失。滷水拼盤，食評好多人叫，但原來伏伏地。

筲箕灣，平時食開都係響東大街或者太安樓嘅餐廳。朋友話呢間係佢嘅專用飯堂所以就黎左。黎到先知原來佢好勁嘅，攞左好多獎。雖然肉餅得左奬但係我鐘意食芝士多啲，所以叫左兩味芝士野，肉餅就留番下次食啦呢個伊麵面頭好多芝士，芝士味超重。一點一點紅色果啲係紅蘿蔔，一開始我仲以為係蝦膏。啲蘿蔔令到成碟伊麵冇咁濟，而且切左冇咁抗拒啲紅蘿蔔。啲伊麵質地較為薄身，同酒樓果啲唔同，佢淺色啲而且吸芝士啲。啲蝦好全隻都沾哂啲芝士汁，食落好濃芝士味，食到中間仲有蝦鮮味。個蝦頭仲好綠色嘅蝦膏嫁真芝士拉絲蝦丸果然真係拉絲！廚師果然冇推介錯！啲蝦膠好爽而且仲好厚，除非你一啖咬到正中間，如果唔係咬4份一嘅都咬倒好爽嘅蝦膠。雖然蝦膠好多但芝士都唔小嫁！有差唔多一粒笑牛牌正方型果啲咁大。呢隻芝士同伊麵嘅唔同，佢較為厚身啲，芝士嘅奶味都濃啲。不過千其唔好一粒過放入口，因為一啖會燙爆嘴，中間啲芝士真係好熱！個芝士丸雖然算係貴，但係我覺得個質素真係值98

今日帶公公婆婆一齊去出街食飯 佢哋一向都比較傳統 鍾意食煮家飯 所以我哋就揀咗呢一間黎食啦 因為有近我哋屋企 又容易揾 唔使老人架行嚟行去入面價錢一般 唔會話好貴 同普通茶餐廳差唔多 而我地一入到去服務態度好好 會主動同我地介紹食物 所以比我既印象都吾錯😆😆而且坐又坐得幾好 吾會話好逼👍👍先講食物1.爆牙肉餅配銀魚我哋叫咗一個好出名嘅肉餅 果然係名不虛傳 呢個肉餅非常彈牙 完全冇諗過會系甘 因為以前細個阿媽住得太難食就吾中意食 但係現在我重拾返信心對肉餅 而且銀魚喺上邊係一個非常好嘅配搭2.福建炒飯基於我地係福建人 所以我哋就叫左呢個炒飯呀 入面嘅味道同我哋鄉下食嘅一模一樣 而且啲汁又夠多撈埋一齊食就一流 啲蝦又夠大粒同夠多 份量足夠使我同公公婆婆食到飽3.粉葛煲唐排因為叫左呢個湯 所以我地冇叫其他野飲 我哋叫咗好健康嘅湯飲添 啱晒我哋呢啲年輕人成日返工、通宵 同埋老人家保身拉 入面好多料 唔係淨係得個「咸」字 亦都唔係味精湯 所以值得一試總括而言，所有嘅食物都啱晒我哋嘅口味若果普通想食家常便飯就啱晒你地拉！所以我有機會一定會再去呀！

收完工同左屋企人食煮打，因為天氣太熱唔想阿婆煮得咁辛苦，而呢間之前一直都有同同學食開，就帶屋企人黎食。我地四個人叫左三餸一湯一炒飯。先講下個炒飯，食左個褔建炒飯，因為公公中意食，其實呢個飯同其他茶餐廳的味道差唔多，都係蛋炒飯㡳加d雞肉三色豆加幾隻蝦煮成的汁，蝦唔算多，係個炒飯份量多，同d汁唔會咸，都ok。再黎整左個上湯海鮮勝瓜，個湯幾香魚味，但就有少少咸，不過加埋勝瓜都ok，勝瓜少有地會剝皮同煮得幾軟，唔會硬都幾好，同都幾新鮮食落口感幾好，不過瓜上的魚仔有d硬，所以無咩點食過。跟住再叫左個紅燒野菌豆腐，上面果d擺滿冬菇同一d乾的菇，再煮成芡，咸咸地又唔會好咸，下面的豆腐外面的皮少許硬，但咬入入面好滑，又唔會有cheap豆腐果陣味，同上枱夠曬熱，唔錯。跟住就叫左個個人認為係最好食的爆牙肉餅，距係用d荷葉包住，開籠果時好香荷葉同肉味，肉係豬肉加魷魚肉，食下食下會有d口咬口，同唔似出面果d蒸到老曬，好軟d肉，加埋甜豉勁好食，用呢個加炒飯一流。最後就係個湯，係粉葛唐排，一煲可以分到四個人飲一碗半大大碗，同飲落一定唔係味精湯，湯好香粉葛味清清地番屋企都唔會口渴，同個煲入面有d豬肉，我都會食埋，呢

筲箕灣街坊強烈推介d間小菜館《煮打菜打冷小菜館》而主打菜就係─籠仔荷香蒸爆牙肉餅個名咁有趣既，原來肉餅內裡有乾坤，除左豬肉外，廚師會加入豬耳，形做爽口既感覺..肉餅會放係荷葉上去蒸，所以食落會有陣荷葉香味而肉質嫩滑，爽口彈牙，好味道另外，可以自選配料：鹹蛋/土魷/鮮魷/銀魚/鹹魚/梅菜我地就擇左鮮魷，口感都好爽口，配上肉餅一齊食，正..另外，我地叫左推介既牛油蒜蓉焗蜆味道確係吾錯，好香既牛油蒜香味但係份量好少，開親都係空殼，你知係幾失望架啦，所以我吾建議大家試啦

有朋友住筲箕灣附近，介紹我地去一間好地道既餐廳，食物主要都係冬菇亭既小菜，而且有部分小菜好特別，第二間餐廳係食唔到既，大家都好一致決定去呢間。古法生煏大白鱔煲呢個白鱔煲極力推介，個煲一開蓋，非常之香，白鱔好鮮甜彈牙，而且冇乜骨，適合怕lun 骨既人，而且味道好啱，淡淡蔥蒜味可以提升白鱔既鮮味，生煏呢個煮法無得頂蒜蓉牛油焗蜆蒜蓉牛油味好香，而且蜆都算幾大隻，好有肉地，而且都好鮮味蜜椒吊燒骨呢個吊燒骨煮得非常出色，外層包左一層蜜糖，因為呢層薄薄既蜜糖，一咬，有少少脆口，加上個秘製醬料，超惹味，而且肉質肥瘦適中，食落一d都唔膩，仲一口氣食左三件，堅．好味，呢個菜係必點之選籠仔荷香蒸爆牙咸蛋鮮魷肉餅呢個肉餅非常特別，第一次食，荷葉香味入哂肉餅內，而且咸味主要來自咸蛋，好香濃，而且加入鮮魷，好有咬口，好好味呢間不大起眼既餐廳，竟然會有咁好味同咁特別既食物，一定會再去支持支持！

煮打菜呢間菜館我之前和同事食過兩次，覺得呢度D野食好好食同好地道，所以今次就特意帶男朋友的家人前來試試。我地總共點了5個菜及2個炒粉麵。滷水拼盤拼盤食物種類很多，而且排得整整齊齊，有豬耳、八爪魚，雞腎，大腸，豬腩肉等等。整體味道不錯，但略嫌鵝肉太肥。蜜椒吊燒骨佢個蜜糖醬汁調配得好好，甜甜地，幾開胃，而肉質都好鮮嫩，唔會話太肥或者太瘦。豉油皇大蝦豉油皇大蝦最緊要一定係個豉油啦，而佢的確整得好好，醬汁惹味，有少少甜甜地，但略嫌上菜時不夠熱。潮式爆花蠔餅蠔餅炸得非常香口而且鬆脆，而裡面亦有好多隻蠔，隻隻都好飽滿，十分足料。籠仔荷香蒸爆牙肉餅今晚既主角終於黎啦，呢個肉餅佢有好多配料俾你簡，包括鹹魚，鹹蛋，土魷等等。而我地就簡左銀魚仔。佢地既肉餅比一般餐廳整既肉餅彈牙好多，肉餅之間亦都加入豬耳，令彈牙之餘亦會有爽口既口感，高度推薦 雪菜肉絲炆米及揚州炒飯份量十足，鑊氣十足，我地一行六人叫左兩碟粉麵都好夠飽。食完晚飯之後，最驚喜既就係竟然仲有糖水送，成個"家的感覺"即刻出哂黎。而我男朋友的家人對呢間餐廳都有讚無彈，所以下次我一定要再帶他們來吃。

今晚收工去到筲箕灣一食台式打冷，希望為味蕾帶進新一下的沖擊。鹵水拼盤 （$82）：賣相十分之吸睛，因為包含了生腸，鵝腸，紅腸，鹵水鵝，鴨腎。最值得一提當然係鹵水鵝不但鵝肉嫩滑，而且吸收了鹵水汁的精華，令到肉質爽嫩。加上，生腸亦都十分彈牙，令人有著吃不停的感覺。籠仔荷香蒸爆牙肉餅（$88）：何解係宣稱為爆牙呢？細問之下原來廚師再肉餅內加入了豬耳所以食落時會有一種爆牙的口感，亦係話裡鎮店之寶。所以我選了土魷和咸蛋，希望在這兩種食材之下，為爆牙的口感再昇華，創造出絕殺的口感。果然不負眾望，爆牙之感再這兩種食材下，創造出絕佳的口感，如果話阿媽整既肉餅，係極品；這裡的爆牙肉餅就似紫禁城皇帝御善堂一樣的級數，加上用來送飯確實一絕。生煏大白鱔煲（$198）：在薑蒽和蒜頭爆香下，再將原條白鱔切塊，這不但令到白鱔吸收了薑蒽的味道，亦令到白鱔散發出本身的鮮味，而且用煲炆，可以保留魚的肉汁，將其鎖實，做出鎖水效果。

一大班人黎gathering 最好緊係食中菜啦，老友街坊街里，話要介紹佢地頭既撚手小菜我地食，咁一於試試佢。老友話到既然啤一啤，我就叫左碟鹵水拼盤呀，有齊鵝，墨魚，豆腐，生腸，豬腩肉，豬耳，紅腸... 鹵水味唔太鹹，夠適中，最好味係豬腩肉，脂肪與肉質分明，脂肪層就入口即溶，Oh，食完先再減肥啦咁。跟住食碟潮式另一特色蠔餅，炸得相當脆口，而蔥同蠔仔比例係4比6，即係話蠔仔數量相當多，用料好足呀，蠔仔一咬蠔汁就標晒出黎，新鮮～～最後老友話要必食既係白鱔，用既香料好簡單就係洋蔥，蒜蓉同芫茜。出黎既效果係好香噴噴，香料味入晒鱔肉度呀，而鱔肉就好滑，識食既最正一定係塊鱔皮，滑得黎又重骨膠原，女仕都覺得正。估唔到呢區都搵到正野食，下次gathering 又多一個地方選擇。