焱丸水產 (已結業)

星期日, 與兩位朋友一齊去銅鑼灣食個午餐,來到 焱丸水產由於12點幾, 時間尚早, 人流不多, 只有兩枱客人, 地方寬敞, 周圍以旗仔作報置, 每張枱上都會有個爐仔來到焱丸, 當然就係叫佢地既招牌菜~~焱丸蟹噌甲羅燒好多人都係因為佢而特登來到食, 今次除了焱丸蟹噌甲羅燒, 原來佢地推出多一款口味, 南瓜蟹肉甲羅燒焱丸蟹噌甲羅燒/南瓜蟹肉甲羅燒外觀一流, 以蟹蓋承載蟹膏, 蟹子, 蟹肉,香蔥和蛋 (南瓜味會加入南瓜蓉)首先待應會撈好蟹蓋肉的材料, 開爐, 再放甲羅燒到爐煮幾分鐘,食落蟹味香濃, 必叫之選蟹味噌雲丹刺身原以為甲羅燒已經好好味, 竟然...仲有佢外貌與甲羅燒相似,都係以蟹蓋承載蟹膏, 蟹肉, 唔同係佢加入大大粒蟹子, 海帶同海膽呀,旁邊仲有一個白色既汁比你撈埋入個蟹蓋中, 不需要燒, 生食的...堅正堅正除了食到蟹的味道, 白色的汁內加入左少少芥末,食落少少辣, 刺激你的味蕾, 帶出海膽既鮮味諗起都流口水哦~~焱丸號爆多既材料, 壽司飯已被覆蓋, 材料新鮮, 唔錯大關5點盛每款厚度份量都不錯, 最喜愛係海膽   好新鮮, 鮮甜焱丸活貝大盛這盤係燒, 落爐時鮑魚還在郁動哦海鮮非

浜燒海鮮係我的最愛，自從日本歸來，一真念念不忘，今次友人特別向我推介這間焱丸水產，即刻打去訂枱gogogo.唐揚烏賊$68唐揚是日本的一種烹調方法，通常指將各類食物(大多數情况下係肉類)放入油中炸製、而這味餸簡單的來說就係油泡鮮魷吧，入口外皮脆卜卜，內裡又爽滑彈牙，不錯！深海池魚刺身$150 深海池魚又叫縞鰺，同池魚完全無關係㗎，係兩種類的魚嚟；肥美的縞鰺刺身，肉質細緻嫩滑，爽朗的口感，入口芳香，魚味四溢。南瓜蟹肉甲羅燒$68終於等到這招牌菜了，當然交由店員代勞會比較好啦，首先把蟹蓋放上爐面加熱一會，然後再利用叉子把鵪鶉蛋、蟹肉、南瓜等材料跟蟹膏混勻，配料迅速地由鮮豔的色澤變得灰綠色，店員就為我們取起蟹蓋了，蟹膏質感綿綿的，比較黏口，帶點甘香，由於混合了南瓜蓉，所以有著一絲微甜，而蟹肉絲就為蟹膏增添了一點口感及鮮味。雲丹海苔芋天婦羅 $80比較特別的菜式，細小的海膽竟然也能造成天婦羅，海膽被紫菜包裹著，另外還加入了壽司飯，再沾上天婦羅粉漿炸至金黃鬆脆，天婦羅表面鬆脆，海膽份量很多，跟紫蘇葉及壽司飯同吃時非常之夾。蠔鍋飯$88這鍋飯上桌時真的好香好香，而那香氣混合了蠔、飯及醬汁很有層次

店內日式的設計風格強烈，外墻以木條砌成, 具體地張店鋪作為磯燒既定位表露出黎點選左蟹味噌雲丹刺身, 蟹味同海膽味道好濃郁, 入口啖啖精華，橫行霸道的蟹膏味道相對地較其他海鮮為重，一入口就將其他海鮮的味道毫不留情地掩蓋，愛蟹之人的誠意之選大蝦鬼殼磯燒, 用燒烤的方式令海蝦特有的香味變得更為獨特，肉質厚實而富彈性，濃郁的蝦味忠實地呈現出, 正喎!!三文牛油果酢漬，呢沙律係幾正，菜新鮮得黎，咬口又夠爽脆，最好係混埋三文魚，牛油果同菜一齊食，百感交集，滿足我味蕾

今晚試新野，銅鑼灣十分就腳～焱丸活貝大盛 （$368）呢盤要燒既！有鮑魚、活貝、蠔、蜆。每枱都有個爐，職員會幫手放食物上去燒及剪開，當然客人自己都有責任要睇下火啦! 鮑魚仍然郁架，上爐燒時仲狂轉掙扎，都幾殘忍下，好快佢就煮左了，唔韌易咬開；活貝同蜆好多汁，連汁一齊食味道好鮮甜！蠔燒熟後無乜縮水，仍然鮮甜啖啖肉。牛油炒野菜 （$52）個菜用左鹽同黑椒去調味，去左菜同菇既青澀味，食落微微黑椒既辣，加埋芝麻增加口感。左--海膽帆立貝燒 （$85）右--和風木魚帆立貝燒 （$75）兩種唔同配搭既燒帆立貝，左邊配左秋葵、菇同海膽；右邊用左木魚、菜同蕃茄片！愈燒愈多汁，精華嚟，唔好倒左佢呀，飲埋仲正！職員剪好燒好左既帆立貝，然後連殻放碟上等客人自己夾嚟食～燒過既帆立貝好彈牙，每咬一下都有點鮮甜既汁溢出，好美味～蕃茄味既汁就清d, 但我就偏好海膽味。職員好有禮貌，我無叫野飲所以問佢地拎杯水，佢地都會同返我講唔好意思，令人感覺良好，唔錯。

之前食過尖沙咀店，但原來焱丸水產已經開到過嚟銅鑼灣，太好了！上星期五晚就約朋友一齊去happy friday! 新店裝潢仍然充滿日本風，彷彿去左轉日本甘～先嚟一個《橫網7點盛(刺身）$480》- 有7款刺身，款款色澤新鮮、肉厚、完全無筋、入口即溶，唔使點汁都好鮮甜，三文魚既脂香味濃，海膽亦十分香口，回味無窮～吞拿魚靚到～《左口魚（刺身） $138》第一次成板甘食！因為左口魚刺身味道較淡，所以會附有魚醬汁同檸檬調味，我覺得只落檸檬汁都已經可以令刺身好fresh夠晒味。《海葡萄 $90》第一次食，味道較淡但口感爽脆，所以google一下佢係喵東東先～原來 「海葡萄」別名綠色魚子醬！美麗的綠色小顆粒，咬在嘴裡散發出海味的芳香，主要配襯魚生一齊食既～《焱丸蟹噌甲羅燒 $68，2隻$136》兩個殻內都有蟹肉、三文魚籽、蟹膏、蔥同埋鵪春蛋！食法：將鵪春蛋同其餘材料拌勻再放上爐度燒。燒後蟹膏味好出，蔥花令整體更香口，用匙一啖啖食好享受～《生蠔（小）$58/隻 ，4隻$232》唔使燒架！廣蠔蠔已經用醬油調好味，每隻都肥美，一啖啜入口滑到差d直落喉嚨～嫌醬油味有咸可以加少少檸汁更加清新！《花魚一夜干 （

本來去食一蘭, 估吾到而家都仲咁多人喎, 我吾想排, 經過隔離, 見到新開左焱丸水產喎, 當然入去食啦!叫左個海葡萄, 第一次見到, 幾特別喎, 外表翠綠、晶瑩剔透,綠色小顆粒，咬在嘴度散發出海味的芳香, 口感很特別冬天時熱哄哄吃一口蠔釜飯，充滿幸福的感覺, 米飯吸滿蠔汁同味醂汁，入口濕潤有彈性, 蠔非常之大隻, 好鮮甜, 口感非常Creamy, 好味道! 甲羅燒, 店員好細心為我地烹調, 口感嫩滑的蟹肉和味道濃郁獨特的蟹膏同奄春蛋，蟹膏經過烤製進一步的凝聚，味道更加濃郁,使我食過之後就沒齒難忘!!

鍾意去銅鑼灣最大原因是吃喝玩樂樣樣齊，去完濕平就想醫肚，行經伊利莎伯大厦後街就醒起謝菲道駱克大原440號B座C2地舖的一間食肆，抬頭一望，已換了新店，名叫「焱丸水產」, 反正人已到，當然要試試這一間非一般的日本料理。入內看見每張枱都放了一座熱烤爐和幾款醬油，初時還以為是給顧客作調味料，非也，原來是給侍應用作烹調燒烤用的。打開餐牌看看所介紹的食物，先來海葡萄($90)和左口魚($138)作頭盤，喜歡海葡萄爽口清淡的味道，入口感覺很特别，佐口魚切得薄薄的有點像鲩魚片，吃時點少許醬汁一起吃，真能吃得出鮮魚的味道。最吸引我的是海膽帆立殼燒($75)和南瓜蟹肉甲羅燒($68)。侍應就在枱邊用烤爐烹調，先把大大隻的帆立貝加入調味料再配以海膽，草菇和青豆一起連殼燒烤，烤熟後的海膽帆立殼燒好食到可以連汁到飲埋。南瓜蟹肉甲羅燒還是初吃啼聲，上枱時還以為是生吃的，見南瓜蓉，蟹肉，海膽，奄春蛋和蟹膏全放於蟹殼內，原來侍應會先把食材撈匀然後放在爐上燒烤，約十至十五分鐘就可食用，其實一聞到蟹膏香味，口水也忍不住流下來。再來橫網7點盛($480)，海草白飯魚子煎蛋($68),當然少不了飲番杯，叫了卡西斯伏特加($

香港的浜燒店選擇不是很多，這家是少數之一；早已想試試，但尖沙嘴店很旺場，得知最近在銅鑼灣開了新店，當即前來一試。舖子也不難找，由銅鑼灣站C出口，直行到謝斐道沿著灣仔方向行，就在謝斐道和堅拿道東交界，一蘭旁邊。很地道的裝修風格，彷如置身日本浜燒店的感覺。店舖比想像中要大，如人多還有一張長枱可供選擇，（圖右手邊）還有一個很威嚴的武士在坐陣一個個大魚缸養着各種水產，水中的溫度長期維持在12～13度之間，令其更能保持新鮮。花咲蟹（北海道）松葉蟹（鳥取）各式各樣的貝類，扇貝，螺，看完餐牌，選擇了以下的食物：呑拿魚、油甘魚和左口魚刺身赤身吞拿味道偏淡，不知是否未能充分解凍，中心部分還帶有小小冰花，有點影響了口感；厚切的油甘魚豐膄甘甜薄切的左口魚晶瑩剔透魚味較清淡，與酸汁同吃；不會蓋過原身的味道之餘，更能提鮮。一旁的左口裙邊更是爽口味美酒釀螢烏賊醃制過的螢光魷魚鹹香肥美，咬下去還帶點甘苦之味；蘸上薑蓉同吃，是一味非常好的下酒菜。牛油炒野菜牛油味不是太突出，尤幸野菜新鮮爽口。魚子焗薯蓉香辣的明太子配上焗得軟腍的薯仔，是一口一口的吃過不停。麻醬蕃茄豆腐沙律蕃茄質感爽口，豆腐滑口得來帶硬，加入麻醬，今原本

跟朋友在銅鑼灣逛街, 肚子餓了想坐低休息吃東西, 忽然想起某拉麵店, 打算簡單吃個拉麵, 卻原來這願望很不簡單, 門口的人龍太長, 而我們太肚餓, 見到附近開了焱丸水產, 我們雙眼發光, 就這間吧!! 店內裝修很有日本風味, 尤如到了日本磯燒店吃東西, 但店內員工同聲同氣, 又十分nice, 氣氛很好呢!  唐揚烏賊 $68 我不太喜歡吃炸物, 但日本菜式的卻例外, 因為有質素, 熱氣也值得! 烏賊即是魷魚, 切成厚肉的圓圈狀炸來吃, 炸漿很鬆脆又不太厚, 蘸些沙律醬酸微微更對味, 魷魚出奇地柔軟, 保留了水份, 柔軟而富彈性。  三文牛油果酢漬 $80 喜歡吃三文魚刺身, 單吃有點悶, 吃這個就對了, 以果酢漬味道酸甜開胃, 以蕃茄仔、火箭菜、牛油果、海帶等作伴料, 圍著中間的三文魚碎山, 三文魚味道新鮮油潤, 打成碎粒後有軟綿綿的口感, 很有趣, 這碟沙律食材十分豐富和健康。  蟹味噌雲丹刺身 $108 小小的蟹蓋內, 盛載蟹膏、手拆蟹肉、三文魚籽、海膽、海帶等, 賣相已經好吸引, 這一款是不用燒的, 輕輕撈勻就可以食, 附送一款芥末汁, 味道頗輕柔, 加多一點也不怕, 和

這天，與友人到謝斐道搵食，見到這間繞富日本小店風味焱丸水產，決定一試。 推開木門，只見小店以木為裝潢基調，木板牆身印有日本不同漁港的名字。天花板上，懸掛上著魚網、浮波、水泡、日式燈籠，以及日本漁旗等，佈置擺設，緊緊地與漁港扣在一起，教客人恍如置身日本的浜燒店般。 甫坐下，店員先送上一杯熱茶，並稍作介紹。 上次小妹吃過惹味濃郁的甲羅燒，友人未試過，故點來兩個焱丸蟹噌甲羅燒$68/個。與尖沙咀「浜燒」相比，這兒的蟹噌甲羅燒除了有蟹膏丶蟹肉、味噌、鵪鶉蛋和蔥粒外，還加了粒粒晶瑩剔透的蟹籽，多了一份鮮味和爽脆口感。吃時，可伴入青爽多汁青瓜絲，稍減膩滯感。 店員把蟹蓋放爐上燒約5分鐘，過程中，要把蟹膏、蟹肉、蟹籽、鵪鶉蛋和蔥粒攪勻，香味不停的傳出來。蟹膏甘香幼滑且香濃，吃起來一點看著兒也不膩。蟹的鮮甜和味噌的香濃配合起來，簡直是天衣無縫，下飯佐酒皆宜也。 關脇三點盛刺身$160，有肥美油潤的三文魚、細滑鮮甜的帶子，以及甘香豐腴的油甘魚刺身。三者鮮味洋溢不在話下，厚切刺身，更能滿足口腹之欲，鮮味更在口中久久不散，教人回味不已﹗ 不過，小妺重點想推介的，乃質優價廉的海鮮鍋$98

同朋友去咗呢間焱丸水產食晚餐.餐牌每頁都係圖文並荗,好多嘢都想叫,最後只係試咗幾樣.蟹籽蟹肉薯仔沙律用咗生菜托底,個外型好似朵花咁,爽脆嘅蟹籽下面係一絲絲蟹肉,最底層嘅薯仔加咗沙律醬,質感近乎薯蓉咁幾滑溜.什錦天婦羅入面有海老,白身魚,南瓜,番薯,茄子,冬菇,青椒仔,海苔.海老有三件,青椒仔有兩件,其他款式都各一件,炸漿薄脆香口,冇過多油份,啲蔬菜仲留有汁液,唔錯.芝士什錦海鮮盛即係鋪滿芝士嘅日式薄餅,上面仲有八爪魚,車厘茄同埋爽口嘅蔬菜絲.同意大利薄餅有少少分別,批底薄身,質感偏濕潤唔脆,有少少似御好燒嗰種粉漿煎餅,不過我冇求證,只係自己食完之後覺得質感近似.海膽帆立殼燒,三文魚籽帆立殼燒.兩款帆立貝都好肥大厚身,燒嗰陣仲加埋清酒同燒汁等,汁甜有牛油香.三文魚籽帆立殼燒入面啲三文魚籽燒完後咬起嚟彈牙,同生食嘅口感極之唔同,金菇,豆苗同青椒仔等仲吸滿湯汁精華.海膽帆立殼燒就多咗份海膽嘅甘甜鮮香,當中嘅蔬菜如鴻喜菇等亦同樣惹味.再試埋梅乾梳打燒酎,成杯呈漸變粉紅色,搗碎咗嘅梅乾睇起上嚟仲有啲似櫻花漬,鹹酸中帶微微酒香,幾易入口.

三文魚洋蔥卷呢個三文魚卷除咗蔥同三文魚外，面層放上啲黑魚仔，加上用左牛肉汁味道好特別。焱丸號用料非常之十足，有蟹子蟹膏壽司，有蟹肉吞拿魚壽司，有魚子海膽壽司。除咗原本壽司上每樣材料都多到滿瀉外，碟上滿都是食材。焱丸活貝大盛帶子生蠔，蜆鮑魚，全部都係新鮮嘅，睇到佢哋有個水箱養住啲海鮮，上枱個鮑魚仲識的動，員工喺你旁邊幫你燒埋，好有風味，好好味。

見到開左間新日本野，就入去試試。去到環境都唔錯，有日本嘅感覺。焱丸蟹噌甲羅燒造型非常之特別用一個細筲箕裝住兩個蟹殼，佢個蟹殼外型都唔細，入邊嘅材料載到滿滿 ，有蟹子蟹膏蟹肉同蔥花，仲有一隻鵪鶉蛋，望落去都已經十分吸引。燒完食落去蟹味十足，如果加碗白飯真係一流呀。蟹味噌雲丹刺身一個手掌大嘅蟹蓋，用海帶鋪底，上面裝滿新鮮嘅海膽，新鮮嘅蟹膏蟹肉同埋大大粒嘅魚仔，淨係睇賣相都已經十分華麗，每種材料都十分鮮甜新鮮，正👍關脇3點盛(刺身)三款刺身都大大件，用了十足，材料新鮮無雪味。

天氣凍，又想燒野食，誤打誤撞去左焱丸水產。係門口見佢餐牌上有烤蟹、鮑魚、蜆等水產食物好似好正咁，於是就入左去試。坐低就即刻點左款烤蟹試試蟹肉、蔥花、味噌、鵪鶉蛋等材料放於蟹殻上烤唔洗自己落手燒，店員會幫你整，所以坐係到等食就得架喇。食落一啖感覺已經好似上左天堂，好食得好緊要！真心講，一個係唔夠食，如果唔係女朋友阻止，我一個人會叫四個食！另外今日天氣凍，最正係叫左個牛肉鍋食！牛肉鍋只係$98好抵食，蔬菜份量多，有粉絲，烏冬，牛肉。食日本野點可以唔食魚生，最抵食就係叫個魚生飯，咩野魚生都有。D魚生都切得幾厚，幾新鮮好食