349
16
5
港鐵銅鑼灣站 C 出口, 步行約3分鐘 繼續閱讀
所有分店 (2)
電話號碼
29072838
96686586
開飯介紹
餐廳提供日式磯燒海鮮,多款海鮮,如生蠔及鮑魚等由日本直送,招牌菜為蟹味噌甲羅燒。餐廳裝潢以傳統日式魚市場為靈感,讓您彷如置身日本。 繼續閱讀
營業時間
今日營業
12:00 - 15:00
18:00 - 00:00
星期一至三
12:00 - 15:00
18:00 - 00:00
星期四至六
12:00 - 15:00
18:00 - 02:00
星期日
12:00 - 15:00
18:00 - 00:00
付款方式
Visa Master AlipayHK 支付寶 現金
座位數目
70
其他資料
Wi-Fi
深夜營業
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座
加一服務費
當面支付
食評 (385)
等級4 2019-02-24
299 瀏覽
今次再次來到焱丸,由男朋友話我知,今次焱丸有新搞作,叫做冬日暗黑理料,點黑暗法~原來係墨汁料理,環境就唔多講。跟舊沒什麼變動,所以直接跳去美食啦!刺身五盛+甜蝦刺身 五盛分別為;帆立貝,油甘魚,三文魚,吞拿魚,海膽。先由三文魚開始,色澤分別,橙色肉加白色油脂。味道一流,肉質啞色,新鮮!油甘又名鰤魚,色潭紅帶白,脂肪分佈平均。入口幾滑口,帶鮮甜魚味,但又冇腥味,好回味。吞拿魚都幾經常食,好食既真係少之有少。所以我都幾期待今次既吞拿,果然不負所望,係好食既!魚肉色粉紅,冇血水,仲帶有好特出既魚肉味。帆立貝味道比上次食好食,今次厚切,幾有滿足感。甜蝦味道甜美,但唔梅肉,幾彈牙!整體質素都屬於高質!黑雲號 焱丸既新創料理,壽司中加入墨汁,飯卷餡料係碎吞拿魚腩。再係壽司卷上面加上大量既三文魚籽及黑魚籽。視覺上都幾帶有衝擊性!味道方面碎吞拿魚腩卷味道比較清淡。但係由於加左三文魚籽,帶番起鹹味,三文魚籽係口入面一咬即爆,墨魚籽起初食我都幾擔心,好驚好似食墨汁意粉咁,牙齒會黑哂!好在係唔會既!成個配搭都好出色!蟹籽蟹肉薯仔沙律 上菜後都幾令我震驚!原因我以為小食黎姐,我地兩個人食完之後都飽飽地,我自問都算大食既人。薯仔肉好滑身,口感接近似食薯蓉,沙律醬唔太多。幾開胃!蟹肉份量唔小野,接近啖啖都有蟹肉,唯一我有少少想改善既地方係唔好太凍,雖然太好味道!但係凍左少少~柳葉魚 柳葉魚好多人會將多春魚搞錯,雖然係多春魚既一種,其實係深海魚黎。今次以燒既方式去烹調,味道幾似平時燒野食既感覺,不過味道方面就大有不同,魚皮燒到好脆。再加上芝麻香,唔洗特別調味都好好食!墨汁炒飯 由於冬日限定暗黑料理,就算炒飯點少得墨汁炒飯呢~飯中充滿墨汁,配料有墨魚。炒得幾乾身,唔錯~味道方面食落口又唔太重墨汁味,個人幾中意,份量兩個人絕對夠哂食。烏賊磯燒 烏賊其實就係墨魚,原隻唔加任何調味拎去燒,咁樣食法幾時都咁中意,先將烏賊剪開及界花,烏賊一路燒既時候一路出水,味道幾香~內場既姐姐不定時翻下,接近燒好既時候加番少少醬油,再排番好原隻既烏賊。真係點睇都唔會厭~味道唔複雜,烏賊帶少少鹹味,肉質好爽口,仲好食過打邊爐個隻!加上醬油帶甜,味道唔錯!三文魚籽帆立殼燒和海膽帆立殼燒 兩款帆立貝以不同食材方式去烹調,食熟既三文魚籽同埋海膽的確第一次,味道方面個人會喜歡三文魚籽,海膽都好好食!不過個人對魚籽情有獨鐘~帆立貝都係以清酒及牛油烹調,熟既帆立貝肉質唔算實肉,但別有一番風味~如果配飯的確一流!焱丸會定期推出限定食材及主題美食,推陳出新。令到食客再次黎既時候好似第一次咁,帶有新鮮感!好期待下次焱丸既新搞作! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-02-17
1157 瀏覽
早排多野做到傻,連出去覓食既時間都少左好多終於挨到有長假放,今日就約埋朋友行街食飯happy下先我地個日想食日本野,記得呢度既質素唔錯,所以就決定係到開餐先再去血拼環境依舊日系,而meun則有所不同,加入左“黑食”系列,有七款加入左黑色食材元素既菜式,睇落都幾吸引啵,我地都貪得意order左其中一款黎trytry朋友係健康大使,所以我地先黎一碟“麻醬蕃茄豆腐沙律”做個前菜清一清跟住就直入刺身環節,要左份“赤貝”同“梭子魚(時令)”赤貝鮮甜爽口,而梭子魚肉厚嫩甜跟住要左一客大熱既“焱丸號壽司”一客有齊海膽、拖羅蓉、三文魚籽、蟹肉、蛋絲同魷魚沙律等材料,確係豐盛又滋味然後就到戲肉既磯燒環節啦先要左一份飽滿無沙又鮮味既“白蛤(白蜆)”之後我地再揀左兩款口味既帆立貝,分別係海膽同三文魚籽,前者味道濃郁,後者鮮味十足之後黎埋個喺“黑”meun到揀既“黑天婦羅”,其實就係一客加左墨汁既雜錦天婦羅最後我地仲一人要左一杯冰凍暢快既“青蘋果颱風乳酸特飲”添 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-30
1473 瀏覽
之前已經造訪過焱丸,而我真係好鍾意呢度以日本漁市場嘅裝潢風格。仲有呢度個老闆都幾靚仔ga!再次黎到呢度,食物質素依然帶來驚喜!三文魚什菇牛油燒 $48份量都算足料,用咗牛油同埋蒜蓉調味!三文魚肉大大嚿燒到好香牛油又唔會過老。三文魚牛油果醬油酢漬 $80三文魚同牛油果係非常完美嘅配搭,增強左咸鮮同creamy 嘅口感,用酢醃過海帶伴埋三文魚牛油果食好開胃。好滿意嘅前菜。原條池魚刺身$188時令唔係日日供應ga!而且都 比較少地方食到,無咩脂肪,感覺鮮味清爽。 池魚碎經調味包住紫菜食又另一種口感。焱丸號壽司 $158 海膽三文魚子、香蔥吞拿、蟹肉 三款壽司都係我喜愛配料,料多爆滿。 一啖大到放唔晒入口,新鮮!梅乾燒酎 $48黎到居酒屋點可以唔飲番杯呢。果汁酒主要有檸檬、巨峰、梅乾等基底酒可選梳打酒、威士忌定燒酒。白桃梳打$52唔好酒嘅呢杯真係好好飲,白桃味道天然唔化學,又唔會過甜。雲丹海苔天婦羅 $98用海苔再包住海膽米飯去炸,海膽受熱力影響香氣更濃,唔係度度有得食ga! 仲有初次食到天婦羅小米椒,味道似濃郁版青椒。到左每次黎都必點嘅磯燒海鮮喇!磯燒方面有專人幫忙燒同分好,完全唔使驚話燒過籠。帶子磯燒 $136/2只見燒嘅時候加左少量清酒調味,但帶子肉好爽甜,仲好細心切到一粒粒上碟。白蛤 (5隻)$45蜆肉都唔算好大隻,勝在肉質食到海水咸鮮無沙。芝士魚蛋 $35磯燒過嘅日式魚蛋外皮有輕微焦脆嘅感覺,最正嘅就係入面流心嘅芝士漿。日式甜醬牛肉鍋 $108最後始終都係需要食返暖暖地嘅嘢落肚,鍋物就最岩。壽喜燒嘅甜甜順口湯底加入鮮牛肉再沾滑蛋食,簡直無得輸。 如果放假想食好d或同愛人約會慶祝,都幾建議選呢間居酒屋! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-25
1215 瀏覽
🎐黎到新一年💮,又係時候貓妹生日大頭炮喇🎉。📍唔知幾時開始,臨近大家生日日子📆,羅賓漢就會發起生日飯聚,其實都係借名出來聚一聚喇。📍《焱丸水產》一直以來咁出名都未食過,今次係機會喇。連埋豬妹同貓妹先生貓佬一行5️⃣人黎慶祝一番!📍雖然訂了枱,但店員當天都會再致電☎️覆核訂枱人數,好讓佢地預算座位俾walkin🚶🏻‍♂️客。📍完全係日本🇯🇵居酒屋的怖局,木枱木櫈的擺設,天花板吊著一個個日本燈籠🏮,牆上掛著一幅幅印有《焱丸水產》四隻大字招牌的特式布簾🖼,絕對感受到日本居酒屋的風情。🎏📍居酒屋食物都離不開小食、主食、鍋物、串燒、刺身、壽司、燒物等等,這裡最特別的當然莫過於招牌磯燒水產喇。🐙🐠🦑🐡🦐🐟🦞🐬🦀📍來到居酒屋⛩,先來一瓶日本清酒🍶啤啤佢!Kanpei!🍻帆立殼燒,@$68📍來到水產專門店,當然點個代表作帆立貝喇!大大隻,超新鮮。店員會負責幫手磯燒,客人只需要坐定定睇表現。燒成後,店員會切粒方便進食。點上少少醬油已經好鮮味。焱丸蟹噌甲羅燒,@$68📍皇牌蟹噌燒🦀,唔係唔試呀?店員將蟹噌內的蟹肉蟹膏撈勻,再加少少青瓜絲,四件整整齊齊的放上磯燒爐上。嘩,好濃郁的蟹膏味,青瓜絲🥒的爽口再撈上蟹膏,果然係招牌水產貨,無得彈!大關5点盛,$280📍新鮮的刺身🍣就最吸引!三文魚、吞拿魚、油甘魚、帶子、海膽,5点盛齊哂!真係好新鮮,厚身啖啖魚生肉,唔腥,無渣,無根,沾上wasabi 與日本豉油的配撘,一流!特上壽司盛盒,$3386件魚生壽司,4件軍艦,6件吞拿魚卷物,形成壽司盛盒🍱。生魚片一樣的肥美,壽司飯做得唔錯,日本珍珠米有嚼頭,帶少少日本醋酸,清清地唔點豉油更出魚生鮮味。烏賊磯燒,$75一條長長的烏賊🦑,被放上磯燒爐上,吱吱作響的燃燒著🔥,店員再塗上燒烤汁,然後等份切開,上枱!真係好香濃的磯燒味♨️,甜甜的燒烤醬汁,非常爽口的烏賊肉,所以話永遠最新鮮的食材一定係最原汁原味!唯有少少部位可能店員沒掌握好火喉而燒焦了📛,研究🈺養學的熊妹提提大家一定要咬走❌不能吞下,因為這些正正就是可怕的致癌物質!🈲日本甜醬牛肉鍋,$108雪花肥牛🐮4大片,配上粉絲,豆腐,草菇,小白菜🥬同娃娃菜,以及一隻典型牛肉鍋必備的生雞蛋🥚,再gas爐上翻滾吧!日式濃湯甜甜的,肥牛超肥美,冬天食暖笠笠火鍋🍲,最好不過!✅📍埋單二千幾蚊,最緊要大家食得開心❣️📍貓妹,生日快樂🎁🎉🎈🎊!乾杯!🥂 繼續閱讀
(以上食評乃用戶個人意見 , 並不代表OpenRice之觀點。)
依家出街食飯真係好貴, 普通吃一餐西餐已經要成5,6百, 有時都會肉赤. 唯獨吃日本料理和水產我們覺得最值得花錢. 之前朋友介紹位於銅鑼的焱丸水產很好吃, 今次一於豪一豪跟老公來撐枱腳.​地點位於銅鑼灣街頭, 入夜後街道人流不多, 但店內食客流轉不絕, 熱鬧非常.​店子不算大, 以日式木系設計, 加上彷日本漁市場的大型掛幅, 真的有如置身東瀛的感覺. ​店內更設有榻榻米座位, 適合人多用餐, 更覺私密. ​鮮活水產當然不能缺少, 設有大型魚缸, 放了多款鮮活水產. 客人也可前來揀心水產作浜燒. ​刺身拼盤點了左口魚, 調魚, 甜蝦, 帶子. 左口魚切薄片, 整齊排列, 雪白魚肉狀甚誘惑. 左口魚屬味淡魚類, 要先吃, 點上秘製醬汁, 肉質帶韌勁, 魚味慢慢滲出, 而且餘韻甚長, 要慢慢品嚐才不致浪費.​鯛魚厚切, 有6大塊, 結實而鮮甜, 魚味同樣香濃.​甜蝦十分新鮮, 有明顯黏稠感, 口感柔軟, 入口即溶, 鮮甜無比. ​帶子呈珍珠色, 光潤柔軟, 味道鮮甜濃郁, 絕對是上品.​三文魚牛油果酢漬 - 擺盤精緻, 中間是三文魚他他, 再以車厘茄, 紫洋蔥, 海帶等圍邊, 配上特製酸甜味和橄欖油, 味道配合得很清新, 作為前菜十分開胃. ​炎丸號壽司, 一式三件. 分別有海膽三文魚籽, 蟹肉吞拿魚和蟹籽沙律.海膽三文魚籽壽司, 用上加拿大海膽, 分量多, 味道濃郁, 入口creamy, 鮮味突出.蟹肉吞拿魚壽司, 吞拿魚茸十分細滑濕潤, 蟹肉結實鮮味, 各有不同口感, 混在一起卻又很match.​炸蓮藕片 - 蓮藕切成薄片, 再炸香, 鬆化香脆, 是很新穎的食法, 佐酒一流.​醬汁焗魷魚磯燒 - 以新鮮八瓜魚鬚, 配上微辣醬汁, 嚼勁十足, 份量也不少, 抵食. ​來焱丸沒理由不吃浜燒, 是日店員推介新鮮刀貝和馬貝.​把水產放在身旁的炭燒上, 然後靜心等侯熟透開口, 過程也是一種期待, 當然耐性少不了.​肩平白色的是刀貝, size較細, 燒熟後也沒有明顯縮水. 口感彈牙, 多汁, 味道鮮甜亦無沙. ​馬貝相對大很多, 更為吸引. 4隻已放滿整個燒爐了.​燒好的馬貝有點似北寄貝, 肉汁溢滿貝殼, 肉質爽彈, 嚼勁十足, 味道鮮甜無比, 十分滿足. 絕對要試. ​不想自己動手燒, 店員也會主動幫忙, 並為水產加上醬汁和味醂調味, 一邊煮一邊聞到海鮮香味, 也是一種味覺享受.​老公說吃浜燒要飲啤酒才match, 所以點了一杯黑啤. 而我則要了白桃梳打. ​吃鮮活水產價錢當然不會便宜, 但食材用料新鮮上乘, 擺盤美觀, 熱情的款待, 絕對物超所值, 享受了美滿愉快的一餐. 繼續閱讀
(以上食評乃用戶個人意見 , 並不代表OpenRice之觀點。)