焱丸水產

營業中

休息中

餐廳入到來好濃郁的日本居酒屋感覺 氣氛彷彿就在大阪 從裝飾到文字都極其用心 旺中取靜的地點特別適合三五知己暢飲啤酒清酒 共同享用日本美食 刺身拼盤用料新鮮 刀工犀利 選材用心 沒有任何一件不是精品 羅甲燒是特色之一 今日用了黑松露作為調味 味道辛鮮美味 回味優長 新鮮活潑的鮑魚上來直接賓燒 加入醬汁的調味 鮮嫩彈牙 壽司拼盤料足 魚生也搭配合適 再點了炸雞 炸雞不過不失 配啤酒可能更好 天婦羅溫泉蛋是驚喜 外皮香脆 內裡還是軟糯 是個不錯的特色菜

講開居酒屋呢間真心正，所以今日帶咗朋友仔黎食。刺身五盛($280) : 上次食過都唔錯，所以今次就再繼續，同上次食一樣保持住水準，每款刺身都肉厚鮮甜。溫泉蛋天婦羅 ($70) : 賣相都唔錯，每款食物沾上薄炸漿，炸至金黃色，入口酥脆而不油膩，作為伴酒小食一流。帶子磯燒 ($136)，味噌甲羅燒(136) : 兩款海鮮都唔錯，定價又合理，而最重要係有人幫你燒埋，估唔到平嘢都有五星級服務。竹壽司盛合(壽司十貫/ $268) : 雖然話十件，但其實重有青瓜絲小卷係隔離，所以都一定夠飽，每件壽司都油香滿溢嘅口感，超級滿足。

上網見到呢間餐廳幾有日本風，所以黎試下唐揚八爪魚炸得酥脆，八爪魚粒粒都大隻三文魚牛油果酒酢漬呢個組合同夾，整體清新，正好開左個胃食正餐蟹味噌甲羅燒，黑松露蟹肉甲羅燒店員會係你面前燒，蟹膏鮮甜，加上蟹籽卜卜口感另一隻加左黑松露更加香，鮮味倍增帶子磯燒，三文魚籽帆立貝燒一隻食到原味，另一隻食到蒜香金菇同青椒的香氣烏賊磯燒剪成小塊，醬汁美味，燒得好香口鮑魚殼燒鮑魚新鮮，唯獨燒得有點過左時，但整體仍不錯特上壽司盛合咩壽司都有啲，軍艦類既飯量較多，上面魚生鮮味可口

餐廳氣氛: 日本居酒屋格調，燒海鮮香味甲羅燒: 兩隻口味就一隻係黑松露另一個係原味，配上青瓜顯得份外清甜，帶起蟹膏嘅鮮味。燒帶子： 蟹膏帶子，同埋醬油木魚燒帶子，燒木魚配埋醬油溶入帶子入面薯仔沙律： 看似簡單，但一啲都唔平凡，滿滿嘅蟹子被薯仔包住，配埋蕃茄同埋生菜份外醒胃。刺身盛合：分別有三文魚腩，甜蝦同埋鯛魚刺身，刺身新鮮，三文魚腩肥美加厚切，食完係滿滿嘅幸福。天婦羅溫泉蛋：非常之特別，包住滿滿天婦羅炸漿嘅蛋一口咬落去，竟然係溫泉蛋嘅質感，心思料理。最後嗌多個壽司拼盤同埋海鮮炒飯就為呢一餐畫上圓滿句號。

最近成日去尖沙咀搵野食！今次揀咗呢間～環境有feel！有日本地道既居酒屋feel！荔枝玉露茶 $48冰菠蘿梳打 $68呢兩杯飲品都係消暑一流！刺身5盛 $280幾吸引！焱丸號壽司 $158好足料！滿瀉咁😆食完都幾飽肚！蟹味噌甲羅燒 $68黑松露蟹肉甲羅燒 $75兩款都唔錯，推薦原味🤤鮑魚殼燒 $136大隻鮑魚，口感彈牙～溫泉蛋天婦羅 $70炸得幾好👌🏻 溫泉蛋幾滑，有流心！炸魷魚大盛 $68好大件！好食喎，值得一試！配酒都唔錯👌🏻

呢間居酒屋長期多客人，果日去座無虛席，果然受歡迎！Menu上食物同飲品嘅選擇都有好多！刺身5盛 $280幾吸引！三文魚同油甘魚特別肥美🤤👍🏻焱丸號壽司 $158好吸引！一共有5款唔同的軍艦！蟹味噌甲羅燒 $68好味呀！見有好多客人都冇order👍🏻黑松露蟹肉甲羅燒 $75鍾意黑松露既朋友可以揀呢個～鮑魚殼燒 $136採用新鮮鮑魚，幾大隻！炸魷魚大盛 $68好邪惡🤤炸得幾好食呀👍🏻必試！溫泉蛋天婦羅 $70溫泉蛋有流心！鍾意日本青椒天婦羅～芝麻醬椰菜 $38味道比較清淡～冰菠蘿梳打 $68荔枝玉露茶 $48兩杯飲品都可以👌🏻

焱丸水產上次食完之後念念不忘，相隔一個月啲頭髮又長咗，係時候去剪剪頭髮，剪完頭髮當然就要行過隔離順便攞埋位食晚飯啦。😌攞完位都要等咗半個鐘先有得入，不過冇所謂好嘢係要等下，餐廳裏面全部都係客人，雖然依家成日話經濟差，不過我覺得只要餐廳好，真係唔怕會無客。刺身五盛上次都有叫，所以今次都唔例外，同上次一樣都係厚切同非常鮮甜。😋呢度嘅甲羅燒定價合理，所以同朋友每人一隻，每隻份量都好多，味道非常濃郁，如果怕太膩可以配搭青瓜絲食。辣味豆腐炸得夠脆口，外層灑上七味粉，內裏熱辣辣又嫩滑，做小食一流。北海道海鮮炒飯幾足料，而且份量都幾多同朋友都叫咗冰菠蘿燒酎，飲完仲有超甜嘅菠蘿食。

Ooo日本海鮮磯燒元祖店ooO焱丸水產係香港首間海鮮磯燒元祖店，型式跟日本的海鮮磯燒店一樣，有多堤活海鮮選擇，以磯燒或刺身都可。 OooooO焱丸蟹噌甲羅燒 $68 甲羅燒必食推介 蟹膏蟹膏加上大量蟹籽職員會幫忙燒煮 味噌蟹膏蟹膏籽混和味道非常鮮甜 配梳打餅或飯團都好正OooooO活鮑魚 (2隻) $136鮑魚超級大如手掌大小 非常新鮮生猛上檯時仲係好活躍 燒到剛好彈牙 職員為客人去殼上碟 OooooO刺身5點盛 $280新鮮日本直送刺身 海膽特別鮮甜三文魚 帆立貝 吞拿魚 油甘魚刺身厚切 口感好滿足OooooO蠔鍋飯 $98大大隻蠔 份量十足用日本米加燒蠔汁 唔會太甜OooooO唐揚烏賊 $68炸魷魚圈 送酒佳品外脆內軟又唔會乾晒 加點檸檬汁更佳OooooO揚物天婦羅溫泉蛋第一次食天婦羅溫泉蛋 外面炸酥脆中間的溫泉蛋 蛋黃仲係流心絕對是考功夫的一道菜

近K11 art mall 後面棉登徑，有好多間日本菜，行到街尾有焱丸水產。每張枱有個燒烤爐準備燒海鮮，Menu都十幾頁嘅選擇，最有印象焱丸號壽司，份量之巨大，總共有五款材料。海膽，帶子粒，Tuna，蟹柳同蟹肉。冇可能一啖食晒。刺身5盛有三文魚，油甘魚，帶子，Tuna，同海膽，刺身blink blink 幾新鮮。香蔥和牛炒飯熱辣辣上枱，有牛脂香。芝士蟹肉甲羅燒有waitress serve，幫你燒完香噴噴。牡丹蝦刺身好黏口，證明係新鮮。

之前有紅磡日本街，宜家冇咗，而尖沙咀“日本一條街“係我畀嘅名稱，事關呢條街十有八九都係 日本舖，而且都幾旺哦，尤其今晚呢間都超爆，就係佢--焱丸水產。嗌咗“特上壽司盛合”有拖羅，吞拿魚， 帆立貝.牡丹海老,鳗魚,油甘魚腩，葱吞魚蓉細卷，三文魚籽壽司，還有我最喜歡的 蟹肉.海膽.松葉蟹膏壽司，好正吖👍👍朋友亦嗌左“芝麻 酱椰菜”，作為食磯燒食物的前菜，咁樣可以等啲待應慢慢幫我哋整磯燒食物，以下的“蟹味噌甲羅燒” 和“黑松露蟹肉甲羅燒” “銀鱈魚西京燒 ”、 “鮑魚殼燒”、 “烏賊磯燒”，除咗“銀鱈魚西京燒”係喺厨房整之外，其他都係即場喺檯面幫我哋燒，有嘢睇有嘢食真係更滋味。甲羅燒係我喜歡的食物，今次嗌咗個黑松露甲羅燒更是矜貴。“蠔鍋飯”有4隻大蠔，有洋葱，燒汁等配料寧舍好味又飽肚，“ 冰菠蘿燒酎”和“冰菠蘿梳打”係今晚的飲品，燒酎也好，梳打也好，冰菠蘿絕對係重點亦係賣點，已成為我的新寵飲品，下次來都會係佢。

趕係限水產令生效前夕，黎到尖沙咀呢間焱丸水產食番夠皮先😆呢度行日式居酒屋格局，有店員專人處理燒物，客人安心暢談等食就得😌 嗌左幾款磯燒，質素都唔錯！蟹味噌甲羅燒($68)黑松露蟹肉甲羅燒($75)香噴噴、熱辣辣的甲羅燒根本冇得輸😋原味的蟹膏味都重，啖啖蟹籽卜卜口感，加左黑松露更加香，鮮味倍增👍烏賊磯燒($75)呢個燒烏賊好得❤️店員細心剪成小塊，濃郁的醬汁均勻塗好，表層仲保留到少少炭香味😀好好食帶子磯燒($68)三文魚籽帆立貝燒($80)呢度的磯燒值得升級👍🏻鮮味的帶子+三文魚籽口感+蒜香金菇索汁+青椒的香氣，好Rich👏🏻牡蠣殼燒($136/2)燒蠔都一樣好鮮味～刺身5盛($280)：有三文魚、吞拿魚、油甘魚、帶子、海膽，而且款款厚切，好滿足😛刺身質素都唔錯，比想像中更新鮮，特別鐘意吞拿魚同油甘魚，爽滑有咬口鹽燒三文魚鮫($128)好重魚油香味，只要加少少鹽吊味已經好Perfect🤩啖啖三文魚肉+脆魚皮，油脂溢出，正三文魚中卷($88)呢度的三文魚物都真心唔錯～卷物內餡都幾豐富，最後以一片好滑的三文魚刺身包住，每啖都Oishi檸檬可樂Highball($58) ＆ 極上烏龍茶($58)

餐廳名為焱丸水產，位於香港尖沙咀，是一家以居酒屋風格經營的餐廳。它以充滿活力和美味的日式料理聞名，吸引了很多食客前來品嚐他們的特色菜。我點了一份刺身拼盤，其中包含了赤貝和甜蝦。新鮮的鮮味完美地展現在每一塊刺身上，融合了豐富的口感和獨特的風味。每一口都給人一種賞心悅目的感覺，讓人欲罷不能。此外，他們還提供了味噌甲羅燒，口感鮮嫩，搭配上濃郁的味噌醬汁，令人回味無窮。大蝦鬼殼磯燒，這道菜以新鮮的大蝦和磯燒醬結合，烤制出一個口感酥脆、多汁的美味佳餚。每一口都能感受到大蝦的鮮味和磯燒醬的香氣，簡直是一道讓人欲罷不能的美食。另外還有麻醬蕃茄豆腐沙律，這是一道清爽的開胃菜。麻醬的香氣與蕃茄和豆腐的口感相互融合，帶來了一個驚喜的味覺體驗。溫泉蛋天婦羅是居酒屋必點的經典菜品之一。蛋的軟嫩和天婦羅的酥脆相結合，帶來了一種獨特的口感。搭配上他們自家製的醬料，更是美味無比。炸魷魚大盛也是我在這家餐廳中嚐試的一道美食。魷魚的外皮炸得酥脆，魷魚肉質鮮嫩多汁，非常美味。搭配上沙津醬，更能帶出鮮味。在飲品方面，他們還提供了冰菠蘿梳打和檸檬燒酎。冰菠蘿梳打清爽可口，帶來了一種涼爽的感覺。檸檬燒酎則是一種清新的果香與燒酎

今日難得相約很久冇見嘅朋友, 帶佢去咗呢間好有日本居酒屋feel嘅餐廳，位於尖沙咀棉登徑嘅「 炎丸水產」，餐廳食材新鮮，烤物有專人幫你烤，唔洗擔心熟唔熟，亦可專心同朋友吹水！食物款式都幾多, 帶子磯燒: 沒有重口味的調味, 帶子爽口鮮甜。醬油木魚帆立殼燒:加入醬油同蕃茄、青椒、木魚一同磯燒, 非常清新嘅配搭, 既有帆立貝嘅甜, 亦有木魚嘅清香！雲丹海苔芋天婦羅:一個非常特別嘅菜式, 原來係海膽被紫菜包裹着嘅天婦羅，入口外脆內嫩，炸漿厚薄適中，炸得乾爽不油膩！北海道海鮮炒飯:有豐富嘅海鮮粒，包括有帶子、魷魚、青口仔，還有蟹籽鋪面，飯身炒得夠乾身粒粒分明，口感豐富又好味！蘋果颱風乳酸: 大大杯，蘋果片以颱風式直插杯底, 清甜嘅蘋果味解渴又潤喉。

丫姨即興call我放工同佢一齊dinner, 再次encore半年前食過嘅「焱丸水產」--主打磯燒同日本刺身。餐廳從外至內嘅木系裝修同佈置, 富有日本風味; 而每張檯都有個小小gas爐, 用以即席煮理磯燒過程。【冰菠蘿梳打】HK$68菠蘿梳打夠汽, 唔會太甜, 仲有一整卡冰菠蘿食。【漁師二人前盛】HK$3987款刺身都很新鮮, 而且厚切, 滿足口感同味道; 包括有超肥美爽彈鮮甜嘅大赤蝦、赤貝爽口鮮甜冇腥味、油甘魚肥美有光澤, 爽彈有魚鮮味; 甘香吞拿魚、帶有豐富油脂又冇筋嘅大拖羅。【三文魚壽司拼盤】HK$108有五款不同配搭嘅三文魚壽司, 分別有原味、火灸、海膽、三文魚籽、魚籽醬; 海膽入口即溶, 令味道更甘甜提鮮; 配搭了三文魚籽的令味道更有魚香; 每款配搭, 味道都有點小驚喜。另外order咗兩個磯燒甲羅燒, 由店員負責煮理, 可以欣賞整個磯燒過程。【蟹味噌甲羅燒】HK$68/個將鵪鶉蛋汁、蟹籽、蔥一同混入甲羅燒中, 配有青瓜絲伴碟, 甲羅燒濃郁甘甜, 仲有蟹籽增加了口感層次。

尖沙咀棉登徑有好多間水產類日本菜，如果太琳瑯滿目唔知點挑選，推介焱丸水產比大家，值得一試～環境舒適，價錢亦都相對合理。我點左幾款刺身，包括帆立貝、三文魚，新鮮嘅味道令人食過返尋味😋焱丸號壽司亦唔錯，佢哋嘅海膽同埋蟹肉配上吞拿魚茸都好新鮮好鮮甜，令人欲罷不能。清酒煮蜆亦係一個好好嘅選擇，蜆肉大大粒彈牙有嚼勁，清酒味道好濃好突出，同蜆肉味道好襯。甲羅燒又一佳作🤩滿滿嘅蟹膏，撈埋蟹子同埋蟹肉，打隻鵪鶉蛋落去再一齊燒，啲蟹膏又甘香，又滑又鮮味，鍾意食海鮮同埋蟹嘅朋友仔必點！最後一道菜係北海道海鮮炒飯，落咗好多唔同嘅海鮮，用料上乘，鑊氣亦都好夠，飯粒香口，炒得恰到好處。總括黎講，焱丸水產係一間品質非常出色嘅日本料理店，大家如果今晚唔知食咩好不妨試吓～