焱丸水產

營業中

休息中

今日朋友係尖沙咀放工之後就約我食飯，大家都好耐冇見，商量咗一陣之後決定食日本嘢，因為大家都好鍾意。自己覺得呢個刺身盛 CP值幾高，三百唔洗就已經食到海膽，而且其他刺身亦非常肥美同新鮮。荔枝玉露茶 (左)，冰菠蘿燒酎 (右)，自己叫咗冰菠蘿燒酎，雖然有酒但一啲都唔濃烈，菠蘿條超級鮮甜，非常適合唔太飲得酒嘅女仕。炸雞肉質嫩滑又多汁，覺得熱氣嘅話伴碟仲有青瓜，蕃茄解膩，而且價錢亦唔算貴，作為小食一流。蟹味噌甲羅燒 ($68) : 雖然全場都坐滿客人，但侍應都會好有耐性咁幫你燒埋，哪怕係價錢平嘅菜，服務質素估唔到咁好，甲羅燒味道非常濃郁，下次再去要試埋個黑松露甲羅燒味道應該會更正。海鮮方面叫左幾款，分別有海膽帆立貝燒、鮑魚殼燒、大蝦鬼殼磯燒，每款海鮮都超高質，不論係新鮮程度同口感。最後食埋個份量都幾多嘅海鮮炒飯，非常滿足咁埋單。

一直都覺得焱丸係香港最有日本感覺既居酒屋，無論裝修同氣氛都好正真係同去左日本無分別，所以我間唔中都會過黎食飯。不過今次我覺得佢佢食物質素比之前更加出色更加有水準，所以好寫個食評讚下。首先係呢個刺身5盛加赤貝，個帶子同海膽真係勁甜勁新鮮，三文魚同油甘魚勁肥美油脂味勁濃，赤貝個樣靚到見到都流哂口水，又係勁新鮮勁爽甜。焱丸號壽司又係勁足料，勁多三文魚籽又係我最愛既海膽，賣樣又靚又好食。蟹味噌甲羅燒又係好出色，仲要有專人幫你煮，有啖啖蟹膏加埋蟹籽，實在食到停唔到口。溫泉蛋天婦羅擺盤又係勁靚，皮薄又脆，溫泉蛋大大粒仲會流心，勁正。燒帆立貝勁大粒勁甜勁好味，無論係醬油味或者三文魚籽一齊燒都好好味。最後叫埋個香蔥和牛炒飯，好足料好多和牛，和牛都好重牛味，炒飯唔會太咸都好有鑊氣。一間餐廳可以越做越出色，真係好難得。

今日係棉登徑 Barber Shop 剪完頭髮，見差唔多到晚飯時間，就搵咗個喺尖沙咀返工嘅朋友同我撐枱腳。近近地就揀咗係髮型舖附近嘅日本餐廳食晚飯，餐廳非常多日本裝飾物，而且好多物品都圍繞着木材，彷彿返咗去以前嘅日本時代，整個氛圍都唔錯。刺身五盛 ($280) : 刺身非常新鮮，肉厚肥美，每樣都超鮮甜。轟炸雞 ($68) : 每件炸雞都非常大粒同多汁，油炸技術一流，酥脆而不油膩。蟹味噌甲羅燒 ($68)，黑松露蟹肉甲羅燒 ($75) : 叫咗兩款唔同味道嘅甲羅燒 ，每隻蟹膏份量都好多，而且味道超濃郁。海膽帆立貝燒 ($85)，鮑魚殼燒 ($136) : 因為餐廳有自己水缸養鮑魚，所以鮑魚上枱時非常生猛不停郁，兩隻手掌咁大嘅鮑魚都只係 $136，真係非常超值，鮑魚口感非常彈牙，新鮮食材真係唔同啲，而帆立貝亦超超級大粒，海膽汁融入帆立貝肉內，令本身已經鮮味十足嘅帆立貝更加鮮甜。焱丸號壽司 ($158) : 非常鐘意呢款菜式，客人可以就自己喜好將蛋絲、拖羅蓉、三文魚籽、小貝柱、蟹肉、海膽等食材放上小軍艦嚟食。

冇啦啦老公話過嚟接我收工，但走咗去泊低架車🤨見面時先話佢想食焱丸，接我收工只係套路🤣餐廳係棉登徑既最盡頭，不用懷疑一直向前走到尾就係。餐廳裝修以木系為主，掛咗好多日式燈籠同poster，好有地道日式居酒屋風味😻今次佢大人發板，我就揀下飲咩。不過居酒屋我都只係飲我最愛既梅酒😛梅酒味道偏甜，但都feel到有啲酒精濃度，適合加冰飲老公揸車就揀咗白桃梳打，夠凍啱曬熱辣辣既天氣飲一嚟整個沙律，不過係薯仔既😳我心諗一嚟就飽肚之後點食呀，本身都係諗住食少少就算點知！好鬼好食呀喂🤣唔會過多沙律醬，薯仔好香糯，加埋滿滿既飛魚仔真係食到停唔到居酒屋就梗係食刺身，刺身五盛有海膽三文魚帆立貝吞拿魚同油甘魚，款款都厚切，一啖落口好滿足🥰老公鍾意食三文魚，叫咗個三文魚拼盤同三文魚富士山🗻🫨三文魚拼盤有5款唔同類型既三文魚壽司，唔同配搭都好好食三文魚富士山下面係包住青瓜絲既小卷，上面好似瀑布咁鋪滿曬三文魚粒同三文魚子，老公話今次真係大滿足啦🤣我最鐘意既甲羅燒終於出場😻超多蟹膏呀！所有磯燒會有職員幫手燒，所以唔識燒既都唔需要擔心，個爐係旁邊，一邊燒一邊聞到勁香呀😚野菜天婦羅有6款，竟然有小青椒😻等我先下手為強食曬佢先

今日同朋友慶祝生日，佢一直都話好來試呢間居酒屋～估唔到平日8點黎到都全場爆滿，氣氛好熱鬧好似喺日本嘅居酒屋咁！朋友最中意食刺身同燒海鮮，呢度有好多選擇～ 叫咗個刺身5點盛， 另外加咗一隻赤貝。 刺身好厚切～油甘魚超肥美，色澤睇落夠新鮮，口感一流！帆立貝夠晒鮮甜，搭配少少青檸味道更提鮮。海膽喺我至愛，味濃帶鮮甜，配搭青瓜絲帶點清爽感覺。朋友就好中意個原隻赤貝刺身 , 新鮮夠爽口鮮甜。呢個焱丸號壽司非常有驚喜！有滿滿刺身海膽吞拿魚腩蓉蟹肉等。。一啲都唔吝嗇， CP值高。配搭雞蛋絲可以拌勻一齊食都唔錯，幾特別。 燒物方面叫咗甲羅燒同埋2款帆立貝殼燒。好欣賞個帆立貝殼燒，創意蔬菜類配料拎個配搭更加豐富，成品更鮮甜。呢個溫泉蛋天婦羅賣相好可愛，入面流芯嘅程度剛剛好！最後呢個和牛炒飯亦非常推介，有唔少和牛粒，每粒都非常重和牛油脂香味，令每一啖炒飯食落都非常美味！值得一試！飲品方面推介呢個 蘋果乳酸梳打，除左賣相吸引，仲好好飲， 青蘋果味重，清新唔會太甜！

鮑魚殼燒($68)，蟹味噌甲羅燒($68)，大蝦鬼殼磯燒($65)，服務周到，燒物都由店員幫忙燒的，食物燒至剛剛好，肉質唔會太老好韌，甲羅燒有濃濃既蟹膏味在口腔散發，配上青瓜絲可以中和一下味蕾。左口魚刺身($168)，赤海老($68)，刺身入口爽而且好鮮甜，左口魚呈半透明狀，配上店家酸酸尾尾既醬汁，好醒胃，赤海老共5本，用力一吸整隻海老已吸入口，好滑溜。焱丸號($158)，係店家招牌菜，主打滿瀉既海產壽司，目測有5款海產食物，超多海膽，連同蟹肉一齊食，真係好滿足。三文魚牛油果酢漬($80)，牛油果似三文魚既味道，再配埋真正既三文魚，簡直有double既口感，放上黑椒粒食落微辣更開胃。溫泉蛋天婦羅($70)，這個菜式幾創新，將溫泉蛋做天婦羅，外層酥脆，切開裏面仍然係流心。辣味豆腐($45)，經炸過既豆腐，外層脆，內裏仍然保持滑溜，灑上了店家秘製辣粉，辣度都幾強幾惹味，但建議食得辣先好挑戰。北海道海鮮炒飯($88)，飯炒得夠乾身，表面唔會好油膩感，而且將蟹籽撈埋飯一齊食，一粒粒口感豐富。菠蘿梳打($68)，白桃梳打($48)，個人較喜歡菠蘿梳打，因為有菠蘿果肉可以食而且好清甜。

What a surprisingly nice and worth-trying restaurant in Tst which offers good food😍 I enjoy the dinner so much !!! We ate for 1.5 hrs… so jeng 😍 . Worth to give it a try. 👍🏻We found the restaurant is fabulous so we seat in and had super nice catch up . The decoration is full of romance 🥰 And Japanese 🇯🇵 style !We can park car outsideWe ordered two non-alcoholic drinks. One is 梅soda. The other one is 烏龍茶～清清地啱我哋😛First comes to this sushi 🍣 set ! 我哋可以試晒唔同，最鍾意食海膽壽司👍🏻 super fresh and full for 2 ppl

未有假期去日本玩，唯有食住日本野解下思（鄉）嘅心情啦，一講日本野就會諗起浜燒，我就捉埋朋友一齊嚟位於尖沙咀嘅 焱丸水產食飯餐廳主打浜燒，走日式居酒屋風格，佈置充滿和風值得一讚係店員會幫我哋燒烤食物，我地只需要坐定定等食就得🤩蟹味噌甲羅燒🦀$68黑松露蟹肉甲羅燒🦀$75甲羅燒係餐廳必點嘅食品，蟹肉、蟹膏、蟹籽、鵪鶉蛋再加上唔同配料（味噌、黑松露）烤出唔到口味，烤完熱辣辣，用匙羹🥄筆嚟食，一細啖都香濃鮮味，仲有蟹籽粒粒口感鮑魚殼燒$136兩隻鮑魚都好新鮮，上枱嘅時候仲係到郁緊，肉質鮮甜爽口松葉蟹房帆立殼燒$80三文魚籽帆立殼焼$80用唔同配料配搭，令本身鮮甜嘅帶子多一種風味同口感岩手縣生蠔🦪$136每一隻都有半隻手掌大細，味道較清甜，肉質爽嫩龍神壽司🗻🍣$158擺碟好似一座小山丘，表面鋪上紫菜絲同一片片刺身，中間就用海膽壽司搭成一個小塔🗼刺身5盛$280五款刺身，每一片都新鮮鮮甜有一定嘅厚度，最欣賞係海膽，唔會一夾就散，而且味道濃郁冰菠蘿燒酎🍍$68甜甜嘅菠蘿汁帶有淡淡酒味，仲有多汁嘅菠蘿食青蘋果颱風乳酸🍏$68味道清新，食過濃味食物飲一啖即刻回復清爽

焱丸水產位於尖沙咀，喺香港嘅中心點住邊度嘅朋友嚟食飯都非常方便就腳。呢度嘅食材新鮮，即燒即食超高享受！先講吓甲羅燒，打咗鵪鶉蛋撈埋蟹子、蟹肉同蟹膏，燒得啱啱好，啲蟹膏好甘香，令人一試難忘。燒大虎蝦燒鮑魚都非常出色，蝦肉鮮嫩，配合新鮮鮑魚一齊燒，鮑魚仲識郁嘅，夠晒生猛，兩種高級食材配合起嚟味道更加豐富，絕對值得一試。刺身五盛亦十分推介，有五款刺身可以揀，每一款都好鮮美，三文魚海膽同埋帆立貝超好味！最後一樣菜式就係天婦羅啦，炸得香脆不油膩，入面啲蔬菜好fresh，令人食到欲罷不能😋總括而言，焱丸水產係一個非常出色嘅日本餐廳，食物質素高，服務貼心，環境舒適，係一個非常適合與家人、朋友一齊享受美食的好地方。強烈推介大家嚟試佢哋嘅甲羅燒同燒海鮮，絕對會讓你回味無窮。

廢話唔多講，直接介紹食物，不過提提大家要book位!今次叫咗3款燒物，首先係必食嘅味噌甲羅燒、仲有芝士蟹肉甲羅燒。店員仲會幫你燒埋，唔洗驚Fail，個蟹膏加埋鵪鶉蛋撈埋一齊超好食。另外芝士蟹肉甲羅燒有陣陣芝香味道，但又不會太過over，沒有蓋過本身蟹肉蟹膏味道，正！仲有浜燒鮑魚，外面充滿焦香味，內裏肉嫩彈牙，鮮香惹味，十分有口感!左口魚、三文魚腩刺身。左口魚配上特製醬汁，非常開胃，三文魚腩刺身啖啖肉。龍神號壽司。有多款刺身配搭海膽小卷而成，一份食到多款刺身食材，好抵食！三文魚牛油果油酢漬。三文魚他他及牛油果粒，配以新鮮嘅貝芽菜、沙律菜、車厘茄，富濃厚酸甜味，非常醒胃，同行友人讚口不絕!蟹子蟹肉薯仔沙律。沙律足料，好多蟹肉、蟹子，口感豐富。溫泉蛋天婦羅。天婦羅炸得外層香脆，內層溫泉蛋流心，再加上天婦羅醬油作點綴，十分特別！和牛炒飯，賣相雖然普通，但入邊係勁多粒和牛，食落去絕對好味!當然唔小得整返杯Highball 及 生啤啦！一流配搭！

有麝自然香舖頭係小巷既盡頭6點半入座已有幾檯客7點半已全場滿座想食記得卜檯一入去完全感覺置身係日本居酒屋咁🏮木質結構暖色調燈光牆身貼滿充滿日本氣息的佈置皇牌大赤蝦刺身$70蝦肉甜美軟糯綿密蝦身大隻好滿足對得住價錢！左口魚刺身$168魚片薄身透光盡顯師傅刀工本身左口魚味道偏淡所以會配酸汁一齊食用帆立貝刺身$80彈牙又滑身新鮮已經完勝三文魚牛油果油酢漬🥑$80擺盤好有心思味道微酸超開胃拌埋番茄同三文魚味道好夾😍火炙和牛壽司$88和牛微微燒過然後擺上一大件海膽😍一件已經好大滿足呀！奢華既組合甲羅燒有兩款一款係蟹味噌$68另一款係芝士蟹肉$75店員會幫手係燒同埋料理😆望住配料係面前搞拌再燒好係感覺好新奇有趣既體驗！燒好記住趁熱食個份啖啖蟹味同鮮味好令人難忘鮑魚殼燒$68活生生的鮑魚上碟鮑魚乾淨光澤、飽滿仲好生猛呢道菜都係由店員幫手燒、去殼、調味食落外層陣陣燒過既味道，表面微乾身但咬落就知入面熟透程度岩岩好！好嫩！好amazing一定要點！焱丸號壽司🍣$158係一款極爆餡壽司魚生、蟹籽都滿到瀉見到都爽溫泉蛋天婦羅$70炸粉輕身溫泉蛋更炸到岩岩好咬開會見到中間半熟狀態😍去居酒屋點少得野飲檸檬可樂h

今天去了一家很好吃的餐廳叫「焱丸水產」，聞說佢係香港首間海鮮磯燒元祖店，復刻傳統魚市場場景，果然係呢度享受到活魚刺身、活貝磯燒的原始風味，值得推介！首先「焱丸水產」裝潢具心思，以傳統日本魚市場為場景，讓食客在木箱、漁旗環繞下品嘗當日水產，彷彿置身日本海邊。蟹味噌甲羅燒($68)🦀🦀黑松露蟹肉甲羅燒($75)🦀🦀裡面有好多好吃的蟹肉，還有黑松露味道，用鵪鶉蛋作為調味醬料去燒，真的很好吃！赤貝($68)🐚甜蝦($68)🦐帆立貝刺身($80)🦪全部都好新鮮，點返D芥末，食到呢D海鮮肉質非常鮮美，十分清涼新鮮。三文魚壽司拼盤($108)🍣拼盤共有五種不同口味的三文魚壽司，黑松露、魚籽、海膽、灸燒，吃起來很多元化、很好吃！三文魚籽海膽杯($208)🍸🍸裡面有很多小小三文魚籽，還有滑滑的海膽，仲有一大杯壽司飯襯底，一起吃好好吃呀！焱丸活貝大盛($398)🍱🍱有很多貝類，包括鮑魚、大扇貝、蜆同生蠔，放係火爐上面做海鮮磯燒，聞起來好香，亦都非常鮮味！冰菠蘿梳打($68)🍍🍍唔好以為係普通有味菠蘿梳打，梳打水入面加了一串菠蘿冰，喝起來超級透心涼，非常正！焱丸水產地址：尖沙咀棉登徑23號華楓大廈地下5&6

今晚同朋友去咗尖沙咀「焱丸水產」食晚飯，食咗啲好正嘅嘢，忍唔住要同大家分享下！首先係三文魚籽海膽杯，就係啲三文魚籽同埋海膽放喺杯仔入面。呢個可以話係我今晚最鍾意嘅一份啦！三文魚籽爆汁爆勻，海膽鮮甜滑口，真係好好食！然後就係赤貝啦，佢係用刺身嘅形式上嚟。赤貝肉質鮮嫩，好滑口，配上啲青檸汁同芥末，真係一流！再嚟就係帆立貝刺身同甜蝦刺身啦，帆立貝鮮甜，啲蝦好嫩，係啲刺身裏面最出色嘅一款。三文魚壽司拼盤都唔錯，五款唔同嘅三文魚味道各唔同，有海膽、魚籽等等，加埋啲醋飯，就好滿足啦。燒活貝大盛都係好好食，有鮑魚、大扇貝、蠔同蜆，放係爐火上面燒下燒下，釋出佢哋嘅鮮味，好正！最後黑松露蟹肉甲羅燒都係勁好味嘅，而且仲有一隻鵪鶉蛋，搞勻去燒，亦散發濃郁嘅黑松露味，都真係好正！最後我地飲咗冰菠蘿梳打啦，好啦，我承認啦，我鍾意飲梳打，呢杯梳打就加咗一串菠蘿冰，清新又爽口，好適合食完咁多嘢之後飲下去消化消化。總括嚟講，食物質素好高，味道好好，值得一試啊！

啱啱去完日本返黎，仲係好掛住日本嘅刺身同壽司🥲所以朋友今日就特登約我去棉登徑嘅「焱丸水産」食返餐豪華Lunch😆餐廳裝修富有日本特色，同日本嘅居酒屋一樣，天花掛滿日本嘅燈籠，牆身掛滿日本字畫，就好似返咗日本一樣🉐我地點咗2款唔同口味嘅甲羅燒，芝士蟹肉甲羅燒同黑松露蟹肉甲羅燒，由店員負責去燒，完全唔使自己郁手，啱晒我呢啲懶人😆兩者入口都充滿芝士同黑松露嘅香氣，但又唔會蓋過蟹膏原有濃郁嘅鮮味👍🏻鮑魚殼燒兩隻新鮮嘅活鮑魚上枱時仲郁緊架，店員仲會主動幫我地燒埋，鮑魚咬落去口感Q彈，入口充滿鮑香味，完全唔需要加任何調味已經非常鮮美豐州壽司刺身定食種類非常豐富，壽司方面有油甘魚、鯛魚、三文魚腩、蟹膏、北寄貝、帆立貝、魚子同海老，而刺身方面就有赤身、油甘魚同海膽，我同朋友share食，每件壽司刺身大飯量少，個人比較喜歡蟹膏同三文腩壽司，蟹膏香味濃郁配上青瓜片口感豐富，三文魚腩油脂豐富，入口肥美而鮮甜蒲汁鰻魚丼一打開盒時即刻聞到香噴噴嘅燒鰻魚香味，鰻魚肉質肥厚，油脂豐富配搭香甜嘅醬汁，加上帶辛口味嘅山椒粉，令風味大大提升兩款Lunch Set都包咗蒸蛋、沙律、胡麻豆腐同味噌湯火炙和牛刺身和牛刺身真心好

老友生日，當然要食好野大肆慶祝，識飲識食的我們揀了尖沙咀焱丸水產，點解揀這里，因為多年前曾經在這里吃過，印象非常好。今日又重遊舊地， 再來回味一番，享受地道美味的日本料理。在地鐵站N1出口， 直行轉左就是棉登徑，行到棉登徑的最尾位置，就見到花花綠綠的焱丸水產 ， 看門面裝修就知道是地道的日本美食。入到餐廳就好像去了日本，無論牆身燈飾座椅擺設，都十足日本味道。慶祝好友生日就要有些誠意，我毫不猶豫地點了這裡的招牌菜燒物，🦀黑鬆露蟹肉甲羅燒和🦀芝士蟹肉甲羅燒，松葉蟹膏凡立貝🦪燒及海膽帆立貝🦪燒，還有鮑魚殼燒兩大個。食燒物當然要凍飲，這裡最出名的是青蘋果🍏颱風🌀乳酸🥛和菠蘿🍍橙🍊梳打，用來配燒物就最合適。燒物只是我們的頭盤，主食就選了豐洲壽司刺身定食，名物海粟湯配烏冬，我們都喜歡牛油果，於是又叫了三文魚牛油果油酢漬。豐富的食物擺滿一檯，斯文的小姐姐細心地為我們炮製甲羅燒，燒好的蟹膏蟹籽鵪鶉蛋配青瓜絲吃🥒，油潤鮮味，頂級享受。跟住到燒帆立貝，兩隻大大的凡立貝加入松葉蟹膏和海膽，再放些特殊香味的小青椒🫑等配菜，燒熟的帆立貝加上湯汁一齊吃超好味。再來就是鮑魚殼燒，兩隻新鮮生猛的大鮑魚放在爐火上🔥