焱丸水產

營業中

休息中

之前有紅磡日本街，宜家冇咗，而尖沙咀“日本一條街“係我畀嘅名稱，事關呢條街十有八九都係 日本舖，而且都幾旺哦，尤其今晚呢間都超爆，就係佢--焱丸水產。嗌咗“特上壽司盛合”有拖羅，吞拿魚， 帆立貝.牡丹海老,鳗魚,油甘魚腩，葱吞魚蓉細卷，三文魚籽壽司，還有我最喜歡的 蟹肉.海膽.松葉蟹膏壽司，好正吖👍👍朋友亦嗌左“芝麻 酱椰菜”，作為食磯燒食物的前菜，咁樣可以等啲待應慢慢幫我哋整磯燒食物，以下的“蟹味噌甲羅燒” 和“黑松露蟹肉甲羅燒” “銀鱈魚西京燒 ”、 “鮑魚殼燒”、 “烏賊磯燒”，除咗“銀鱈魚西京燒”係喺厨房整之外，其他都係即場喺檯面幫我哋燒，有嘢睇有嘢食真係更滋味。甲羅燒係我喜歡的食物，今次嗌咗個黑松露甲羅燒更是矜貴。“蠔鍋飯”有4隻大蠔，有洋葱，燒汁等配料寧舍好味又飽肚，“ 冰菠蘿燒酎”和“冰菠蘿梳打”係今晚的飲品，燒酎也好，梳打也好，冰菠蘿絕對係重點亦係賣點，已成為我的新寵飲品，下次來都會係佢。

趕係限水產令生效前夕，黎到尖沙咀呢間焱丸水產食番夠皮先😆呢度行日式居酒屋格局，有店員專人處理燒物，客人安心暢談等食就得😌 嗌左幾款磯燒，質素都唔錯！蟹味噌甲羅燒($68)黑松露蟹肉甲羅燒($75)香噴噴、熱辣辣的甲羅燒根本冇得輸😋原味的蟹膏味都重，啖啖蟹籽卜卜口感，加左黑松露更加香，鮮味倍增👍烏賊磯燒($75)呢個燒烏賊好得❤️店員細心剪成小塊，濃郁的醬汁均勻塗好，表層仲保留到少少炭香味😀好好食帶子磯燒($68)三文魚籽帆立貝燒($80)呢度的磯燒值得升級👍🏻鮮味的帶子+三文魚籽口感+蒜香金菇索汁+青椒的香氣，好Rich👏🏻牡蠣殼燒($136/2)燒蠔都一樣好鮮味～刺身5盛($280)：有三文魚、吞拿魚、油甘魚、帶子、海膽，而且款款厚切，好滿足😛刺身質素都唔錯，比想像中更新鮮，特別鐘意吞拿魚同油甘魚，爽滑有咬口鹽燒三文魚鮫($128)好重魚油香味，只要加少少鹽吊味已經好Perfect🤩啖啖三文魚肉+脆魚皮，油脂溢出，正三文魚中卷($88)呢度的三文魚物都真心唔錯～卷物內餡都幾豐富，最後以一片好滑的三文魚刺身包住，每啖都Oishi檸檬可樂Highball($58) ＆ 極上烏龍茶($58)

餐廳名為焱丸水產，位於香港尖沙咀，是一家以居酒屋風格經營的餐廳。它以充滿活力和美味的日式料理聞名，吸引了很多食客前來品嚐他們的特色菜。我點了一份刺身拼盤，其中包含了赤貝和甜蝦。新鮮的鮮味完美地展現在每一塊刺身上，融合了豐富的口感和獨特的風味。每一口都給人一種賞心悅目的感覺，讓人欲罷不能。此外，他們還提供了味噌甲羅燒，口感鮮嫩，搭配上濃郁的味噌醬汁，令人回味無窮。大蝦鬼殼磯燒，這道菜以新鮮的大蝦和磯燒醬結合，烤制出一個口感酥脆、多汁的美味佳餚。每一口都能感受到大蝦的鮮味和磯燒醬的香氣，簡直是一道讓人欲罷不能的美食。另外還有麻醬蕃茄豆腐沙律，這是一道清爽的開胃菜。麻醬的香氣與蕃茄和豆腐的口感相互融合，帶來了一個驚喜的味覺體驗。溫泉蛋天婦羅是居酒屋必點的經典菜品之一。蛋的軟嫩和天婦羅的酥脆相結合，帶來了一種獨特的口感。搭配上他們自家製的醬料，更是美味無比。炸魷魚大盛也是我在這家餐廳中嚐試的一道美食。魷魚的外皮炸得酥脆，魷魚肉質鮮嫩多汁，非常美味。搭配上沙津醬，更能帶出鮮味。在飲品方面，他們還提供了冰菠蘿梳打和檸檬燒酎。冰菠蘿梳打清爽可口，帶來了一種涼爽的感覺。檸檬燒酎則是一種清新的果香與燒酎

今日難得相約很久冇見嘅朋友, 帶佢去咗呢間好有日本居酒屋feel嘅餐廳，位於尖沙咀棉登徑嘅「 炎丸水產」，餐廳食材新鮮，烤物有專人幫你烤，唔洗擔心熟唔熟，亦可專心同朋友吹水！食物款式都幾多, 帶子磯燒: 沒有重口味的調味, 帶子爽口鮮甜。醬油木魚帆立殼燒:加入醬油同蕃茄、青椒、木魚一同磯燒, 非常清新嘅配搭, 既有帆立貝嘅甜, 亦有木魚嘅清香！雲丹海苔芋天婦羅:一個非常特別嘅菜式, 原來係海膽被紫菜包裹着嘅天婦羅，入口外脆內嫩，炸漿厚薄適中，炸得乾爽不油膩！北海道海鮮炒飯:有豐富嘅海鮮粒，包括有帶子、魷魚、青口仔，還有蟹籽鋪面，飯身炒得夠乾身粒粒分明，口感豐富又好味！蘋果颱風乳酸: 大大杯，蘋果片以颱風式直插杯底, 清甜嘅蘋果味解渴又潤喉。

丫姨即興call我放工同佢一齊dinner, 再次encore半年前食過嘅「焱丸水產」--主打磯燒同日本刺身。餐廳從外至內嘅木系裝修同佈置, 富有日本風味; 而每張檯都有個小小gas爐, 用以即席煮理磯燒過程。【冰菠蘿梳打】HK$68菠蘿梳打夠汽, 唔會太甜, 仲有一整卡冰菠蘿食。【漁師二人前盛】HK$3987款刺身都很新鮮, 而且厚切, 滿足口感同味道; 包括有超肥美爽彈鮮甜嘅大赤蝦、赤貝爽口鮮甜冇腥味、油甘魚肥美有光澤, 爽彈有魚鮮味; 甘香吞拿魚、帶有豐富油脂又冇筋嘅大拖羅。【三文魚壽司拼盤】HK$108有五款不同配搭嘅三文魚壽司, 分別有原味、火灸、海膽、三文魚籽、魚籽醬; 海膽入口即溶, 令味道更甘甜提鮮; 配搭了三文魚籽的令味道更有魚香; 每款配搭, 味道都有點小驚喜。另外order咗兩個磯燒甲羅燒, 由店員負責煮理, 可以欣賞整個磯燒過程。【蟹味噌甲羅燒】HK$68/個將鵪鶉蛋汁、蟹籽、蔥一同混入甲羅燒中, 配有青瓜絲伴碟, 甲羅燒濃郁甘甜, 仲有蟹籽增加了口感層次。

尖沙咀棉登徑有好多間水產類日本菜，如果太琳瑯滿目唔知點挑選，推介焱丸水產比大家，值得一試～環境舒適，價錢亦都相對合理。我點左幾款刺身，包括帆立貝、三文魚，新鮮嘅味道令人食過返尋味😋焱丸號壽司亦唔錯，佢哋嘅海膽同埋蟹肉配上吞拿魚茸都好新鮮好鮮甜，令人欲罷不能。清酒煮蜆亦係一個好好嘅選擇，蜆肉大大粒彈牙有嚼勁，清酒味道好濃好突出，同蜆肉味道好襯。甲羅燒又一佳作🤩滿滿嘅蟹膏，撈埋蟹子同埋蟹肉，打隻鵪鶉蛋落去再一齊燒，啲蟹膏又甘香，又滑又鮮味，鍾意食海鮮同埋蟹嘅朋友仔必點！最後一道菜係北海道海鮮炒飯，落咗好多唔同嘅海鮮，用料上乘，鑊氣亦都好夠，飯粒香口，炒得恰到好處。總括黎講，焱丸水產係一間品質非常出色嘅日本料理店，大家如果今晚唔知食咩好不妨試吓～

最近和男朋友到尖沙咀行街，到了這間餐廳，吃了很多道菜式這道刺生盛是一個絕對的開胃之選。新鮮海膽、赤貝和甜蝦刺身，帶有微妙的甜味和鮮美的口感。切片均勻，質地鮮嫩，完美地展現了海鮮的原汁原味。這道味噌甲羅燒以味噌調味的烤貝殼為主角，帶來了濃郁的風味和口感。外層烤至微焦，內裡鮮嫩多汁，每一口都能品味到味噌的香氣和鮮美的海味。這道大蝦鬼殼磯燒，大蝦肉質鮮嫩，醬汁的酸甜味道與大蝦的鮮味完美結合，讓人回味無窮。這道麻醬蕃茄豆腐沙律帶來了一絲清新的口感。新鮮的蕃茄和豆腐搭配上麻醬，口感豐富。麻醬的香氣和豆腐的滑嫩相輔相成，蕃茄的酸甜味道平衡了整道菜的風味。這道溫泉蛋天婦羅結合了經典的溫泉蛋和天婦羅，呈現出獨特的口感和風味。溫泉蛋的蛋黃濃郁而順滑，搭配上酥脆的天婦羅外層，兩者形成了絕佳的對比。沾上醬料後，更加增添了層次感。這道炸魷魚大盛是一道經典的日式炸魷魚。魷魚外層炸至金黃酥脆，內裡保持著嫩滑的口感。每一口都能品味到魷魚的鮮美和炸至恰到好處的香脆口感。這道魚子焗薯蓉結合了魚子和薯蓉，呈現出獨特的口感和豐富的風味。薯蓉柔軟順滑，與魚子的鮮味完美融合，讓人一口接一口。

今餐真係出乎意料咁好食。朋友話尖咀呢間焱丸水產性價比好高既磯燒居酒屋。既然咁推介，就即管試下。係棉登徑比較入，但又意外地多人。坐底先叫左2杯野飲先：冰菠蘿燒酎，真係有支菠蘿冰，同埋洋梨燒酎。酒味唔係好勁，好啱咁呢個天時飲。頭盤叫左個左口魚刺身，佢既左口魚同三文魚真係好新鮮，仲有岩手縣生蠔。佢地既海鮮真係好新鮮，左口魚切得好靚，三文魚勁厚，2個唔同口感，但鮮味一流。因為朋友想食飯糰，就叫埋三文魚，同木魚花飯糰。咬落仲有微溫，唔濃味，好有日本風格。當然唔會錯過佢既磯燒：黑松露蟹肉甲羅燒，鮑魚殼燒，松葉蟹膏帆立殼燒，三文魚籽帆立殼燒。佢地好好，有專人幫客人燒，包保唔會過熟或唔熟。第一次見隻鮑魚仲會郁咁樣燒，雖然好似有啲殘忍，但真係勁新鮮，好鮮甜。佢既磯燒真係比我係大阪食既仲正。食到半路仲會有燈效幫客人慶生，好有氣氛，全場都好開心。

我哋七點幾去到已經全場爆滿好彩一早已經訂咗枱清酒煮白蛤鍋$108白蛤粒粒都比匙羹更大啲肉脹卜卜, 入口仍嘗到淡淡的清酒香, 而重點係個湯, 白蛤肉汁嘅鮮甜味都融入湯汁裏面, 非常鮮甜烏賊磯燒$75原隻新鮮烏賊比手掌大, 直接放爐火上即烤即食, 熱辣辣飄著陣陣魷魚香味, 口感彈牙本鮪(吞拿魚)盛盒$288用上吞拿魚不同部位做了魚生及壽司, 魚生入口即溶不帶半點雪味非常新鮮, 連擺盤都做得好吸引冰菠蘿燒灼$68巨峰提子燒灼$58燒灼混合了甜甜的果汁更易入喉, 大大柸好抵飲, 不過小心飲醉喎😆麻醬番茄豆腐沙律$68豆腐滑嫩，麻醬香濃。帶子磯燒$68鮮嫩帶子，炭燒風味。海膽帆立貝燒$85蟹味噌甲羅燒$68蟹味噌香濃，亦都唔會太鹹！黑松露蟹肉甲羅燒$75黑松露與蟹肉結合，豪華美味鹽燒三文魚鮫$128三文魚鮫肉質鮮嫩，鹽燒風味正呀！冷蕎麥麵$55清涼爽口，經濟實惠。幾款海鮮菜式均無須特別的調味, 已能夠品嚐到食材本身的鮮味, 可證餐廳用料夠新鮮

岩出嚟尖沙咀又掛住日本菜，點可以唔去位於棉登徑既「焱丸水產」餐廳由裝修已經係用日本風，而餐廳都擺咗好多日本餐廳既擺設！留耐啲都差啲以為自己身處於日本，最值得一提，餐廳既食材都係日本直送！🔥漁師2人前盛 $3987款都係由餐廳嚴選日本直送既刺身，新鮮程度真係不再下話，鮮甜！🔥焱丸號壽司 $158如果menu上唔講係壽司既話，就咁真係睇唔出係壽司，蟹肉蟹柳、海膽、吞拿魚蓉、沙律魷魚粒同三文魚籽，樣樣都多到滿瀉曬，直頭可以形容為淹沒咗啲壽司飯，加埋蛋絲既配搭，簡直一絕！🔥蟹子蟹肉薯仔沙律 $78嘩！呢個不得不說，本身已經好鐘意食薯仔沙律，薯仔味好香，面果層灑滿蟹籽加強入口時候既口感，再配上清甜嘅蟹肉青瓜等，開胃醒神，前菜必選！🔥蟹味噌甲羅燒 $68由行入鋪開始，每枱都見到甲羅燒，睇嚟唔叫都唔得啦！甲羅燒上枱之後，原來店員會幫你燒埋，唔駛自己落手落腳，燒到岩岩好，專業！入口好香蟹味，好鮮味！食落完全無腥味，超級超級新鮮！配埋蟹籽，由味道到口感好係一流，加埋青瓜絲爽甜，超正！🔥蠔鍋飯 $98呢個飯有驚喜！係有！飯！焦！6隻蠔炸得好香口，炸粉唔會開得太厚，而蠔都好肥美，一口咬落去啲蠔味爆出嚟喇，再

同朋友聚餐又來到尖沙咀嘅日式居酒屋😇🥢漁師2人前盛刺身呢個刺身拼盤真係令人驚艷！有牡丹蝦、油甘魚、池魚、赤身、赤貝、大拖羅好多款刺身都極厚切🤤由其係大拖羅，一啖擺入口食到好滿足！又入口即溶！另外牡丹蝦都好食好鮮甜，油甘魚嘅油份都夠同埋都鐘意池魚，口感紮實啲😆唔洗$400有呢個質數同款式好抵食👍🏻🥢芝麻醬椰菜芝麻醬椰菜是一道簡單卻美味嘅前菜麻油味同椰菜真係好夾😆椰菜爽脆🥢芝上蟹肉甲羅燒呢個係傳統甲羅燒再加上芝士經過燒烤後，唔單止蟹肉帶出微微焦香，同時芝士為味就加左層次。蟹肉嘅鮮味都好出，值得一試🥢黑松露蟹内甲羅燒黑松露蟹内甲羅燒係一個極致奢華嘅菜式佢結合咗黑松露同鮮美嘅蟹膏蟹肉，味道極之濃郁豐富。燒完之後嘅蟹膏係咸咸香香咁，如果配啲餅乾食真係無得輸🥢鮑魚殼燒鮑魚肉質彈牙鮮嫩，燒完個邊有少少焦香同脆口，味道亦都更加帶出鮑魚嘅鮮甜味道。如果你鍾意鮑魚，呢個菜式絕對係一個值得品嚐！同埋都係靠店員燒得好好😆🥢烏賊磯燒烏賊即係魷魚，肉質鮮嫩，口感有彈性經過燒烤後，烏賊帶出微微焦香，同時仍然保持住柔軟嘅口感😋加埋少少燒汁食，每一啖都帶有咸咸嘅海鮮味，令人回味無窮🥢炸牡蠣吉列蠔嘅外層炸得酥脆金黃，內裡

雖然通左關，但係我仲未反到鄉下! 棉登徑有好幾間高質日本餐廳，哩間焱丸水產絕對令我胃口同心靈都滿足😍餐廳佈置同氣氛都好有feel，枱上一個個烤爐，店員幫緊客人燒海鮮，個種滋滋聲同香味，好有當年係日本食水產既感覺。🐠刺身盛🐠係海鮮未食得之前食住刺身先，做得水產店，刺身應當有番一定質素。三文魚，油甘魚同吞拿魚都係肥美新鮮，海膽亦有應有既甘甜鮮味。☘️麻醬蕃茄豆腐沙律☘️想特別一提個豆腐，好滑好重豆香👍🏻🍄牛油黑松露炒野菌🍄黑松露味突出得黎無掩蓋菇味，不錯👍🏻🐚鮑魚殼燒+馬刀貝🐚鮑魚肉超厚上枱時仲好生猛，殼燒原汁原味，店員燒到熟哂手勢，時間岩岩好☑️鮑魚爽彈鮮味，馬刀貝就多汁鮮美。🦀蟹味噌甲羅燒+芝士蟹肉甲羅燒🦀水產店必點甲羅燒! 哩個超多蟹膏😍燒好mix埋咸香惹味，芝士味係加左d芝士醬，味道唔算好重，個人較為喜歡味噌味👍🏻🍚北海道海鮮炒飯🍚炒得粒粒分明，好幾款唔同種類既海鮮，口感有層次👍🏻味道都好香☑️🧃青蘋果颱風乳酸+巨峰提子乳酸🧃如其名青蘋果真係旋風咁樣，兩杯都幾好飲加左乳酸飲落清爽開胃d🥂

星期五同老公一齊去尖沙咀焱丸水產食lunch。我地叫左兩個午市套餐、炎丸活貝特盛同飲品。每個午市套餐包味噌湯、茶碗蒸、沙律、前菜，今日既前菜係胡麻凍豆腐。豐洲壽司刺身定食魚生無雪藏味，解凍得唔錯，而且有唔同種類，相當豐富。炎丸號配烏冬賣相好澎湃，食完幾飽肚，烏冬就夠彈牙。炎丸活貝特盛有蟹噌甲羅燒、鮑魚、白蜆、牡蠣、帆立貝，會有專人燒俾你，唔駛自己動手，燒得保留到原有既鮮味，好食。飲品叫左蘋果乳酸梳打同白桃玉露茶燒酎，兩杯都係甜甜的。

有咩爽得過返完一日工，同同事去食返餐好蟹味增甲羅燒、鮑魚殼燒(各$68) - 鮑魚啱啱喺缸拎出嚟，新鮮生猛，店員會幫手燒，好有心機，不斷加汁、剪同反，所以燒得極好食，啱啱熟，彈牙有咬口；甲羅燒配上鵪鶉蛋、飛魚子同蟹肉，濃郁可口漁師2人前盛($398) - 刺身極新鮮、款式同份量亦多，款款都冇筋，鮮味十足，又嫩口，個人最鍾意蝦、吞拿魚同油甘魚炎丸號壽司($158) - 有蟹肉、海膽、吞拿魚蓉、蟹柳等，同刺身一樣咁新鮮，海膽好香濃，伴碟仲有蛋絲，甜甜地好開胃麻醬蕃茄豆腐沙律($68) - 食材新鮮，簡單配麻醬已好香好好食，豆腐好滑，最特別係加埋粟米片，食落口感更豐富北海道海鮮炒飯($88) - 飯炒得好夠乾身，海鮮份量十足，有飛魚子、魷魚、帶子等，非常香口温泉蛋天婦羅($70) - 欣賞佢薄薄嘅炸皮，蛋黃依然流心，大大隻温泉蛋，食得好滋味青蘋果乳酸梳打、冰菠蘿梳打(各$68) - 兩款飲品分別配有冰青蘋果同冰菠蘿，甜度啱啱好，清甜解渴，大大杯咁，邊食邊飲好爽焱丸水產好有日本地道嘅風味，唔單止裝修同佈置，係成個氣氛令人覺得置身日本，上班族辛苦完一日一齊嚟放鬆嘅感覺好爽，枱櫈夠晒大張好坐，嘢食

好耐無出尖沙咀食飯啦，今次揀咗係棉登徑嘅焱丸水產～餐廳好有日本風味，簡直係神還原！仲充斥住浜燒嘅味道添！🍽️漁師2人前盛 $3987款是日刺身，件件都好厚切肥美，特別係甜蝦，大隻得來又超鮮甜！🍽️焱丸號壽司 $158就咁睇唔覺得係壽司，有大量蛋絲，配上蟹肉蟹柳、海膽、吞拿魚蓉、沙律魷魚粒同三文魚籽，口感滿滿，蛋絲比飯多，唔會食到好飽～🍽️蟹子蟹肉薯仔沙律 $78堆到小山丘咁高，最底有沙律菜，面頭再配上蟹籽增加口感，薯仔有蟹肉青瓜等，味道清新得來又開胃，個人大推！🍽️蟹味噌甲羅燒 $68差唔多係每枱必點菜式！店員會幫忙燒，唔駛自己郁手～味道方面鹹鹹香香，食落一啲都唔腥，仲有蟹子食落卜卜聲，口感一流，配上青瓜絲清清味蕾，唔會太重口味～🍽️蠔鍋飯 $98份量十足嘅代表！以三色椒同洋蔥爆香，好甜，蠔有6件夠晒飽滿，送飯一流！🍽️冰菠蘿燒酎 $68容易入口，仲有一大條冰菠蘿，透心涼！🍽️50% suntory $65食日本嘢點少得啤酒，黑啤溝白啤，唔會太苦但又有麥香味！