焱丸水產

營業中

休息中

今日去尖沙咀食晚飯，揀選左呢間日本餐廳，裝修好有日本風味，枱凳、牆壁都係木紋顏色，天花板仲掛咗燈籠，牆上面貼咗好多日本海報，好靚。一打開餐牌，見到好多選項，首先我哋揀咗2個甲羅燒，原來好大件，超多蟹膏，會想海苔同埋蟹籽，蟹膏非常香濃，鹹鹹地，加上蟹籽好新鮮，卜卜脆，喺你面前即刻燒熟，送到你面前。接着係炎丸活貝大盛，呢個拼盤包括左鮑魚、生蠔、蜆同埋帶子。全部海鮮都好新鮮，見到隻鮑魚仲識郁㗎。每款兩件，兩個人食啱啱好。同樣夥計會將海鮮逐款放上爐上面，燒熟，再上碟，我然後放喺你面前。第三味係野菜天婦羅，食完幾款海鮮，呢味菜式係全蔬菜，調劑一下，蔬菜好新鮮，炸到脆卜卜。接着到鯛魚三文魚腩刺身，三文魚腩厚切，仲切咗幾刀，再捲起來，賣相好靚，食入口感覺好冰涼，魚肉嘅質感好好，好香滑，油脂比例好適中，唔會有太肥膩嘅感覺。龍神壽司，聽個名唔知係乜嘢，原來有四片刺身，鋪喺我紫菜海膽壽司卷上面，賣相好靚。海膽味好濃，好滑，仲好鮮甜，少少哋放咗喺壽司飯中間，唔錯。飲品方面，揀咗冰菠蘿梳打，原條新鮮冰菠蘿，真係菠蘿梳打飲品入面，好正。仲有青蘋果颱風乳酸，青蘋果切咗片串埋一齊，既美觀又好食。

朋友係要見嘅，永遠講嘢都咁無聊，永遠都係咁容易就笑到痴線，仲有永遠都食唔厭嘅日本野，呢間餐廳真係好有日本feel，同埋最緊要有酒飲才是重點😂食過好多間甲羅燒，我覺得呢間味道最啱我口味，因為唔會太鹹，佢個飯食真係一流。燒蟹蓋真係好精彩，蟹羔勁香，將隻鵪鶉蛋同埋蟹籽撈埋一齊燒，未食已經流晒口水，食嘅時候配埋少少青瓜絲一齊，真係好香勁好味。燒帶子又係好精彩，叫咗兩個唔同口味，一款普通燒，另一款有埋啲蕃茄同埋少少雜菜，都唔同口感，因為新鮮所以好食，今次主要同朋友飲嘢吹水，所以每人飲咗2杯cocktail 同埋幾杯啤酒，飲飽食醉嘅感覺真係好滿足。yeah

🏮🏮 餐廳裝修🏮🏮門面設計已經好似去咗日本旅行！木係為主調嘅日本風,牆上以日本畫及掛上富有日本式燈籠以及其他擺設～～好有心思呢！環境舒適非常闊落，枱下更有木箱放置個人物品，方便又慳位，很貼心呢！🙋‍♂️🙋🏻‍♀️ 員工態度💁💁‍♀️ 職員以友善態度招呼，主動加茶及替客人磯燒食物！值得一讚！🦀🦀 蟹味噌甲羅燒 💵68蟹肉、蟹膏、蟹子、鵪鶉蛋及蔥撈埋一齊燒，鮮味十足，非常鮮甜，口感層次豐富，配埋炒飯一起吃！味道確一流！🧆🧆 黑松露蟹肉甲羅燒 💵75這兩道菜均有職員在面前幫忙燒！配上黑松露嘅蟹肉甲羅燒更勝一籌，因為黑松露非常香及美味，整個甲羅燒也很足料！🦐🦑 北海道海鮮炒飯 💵88炒飯份量多， 足夠兩人食用，加埋甲羅燒撈在一起，不得不說：最佳拍檔！🐚 活北寄貝刺身 💵180🦐 甜蝦刺身 💵68🐠 油甘魚刺身 💵88刺身擺盤已好吸引！油甘魚厚切肥美！活北寄貝非常爽口新鮮！甜蝦不用多說：夠鮮甜及彈牙，這盤刺身很滿足呢！🍣🍣 壽司成合 💵268一共有十貫~ 壽司飯睇得出係師傅手握壽司，細細舊已入口！包括：海膽、三文魚籽、吞拿魚、三文魚、熟蝦、北寄貝、炙燒裙邊、帆立貝、油甘魚及青瓜細卷！每件新鮮，性價比高

Omakase牡蠣精選牛油芝士牡蠣燒,非常好食好夠味，芝士味濃濃牛油牛油果牡蠣燒，清清地幾好，牛油果同牡蠣既味道非常分明海膽牡蠣燒，海膽非常新鮮，食落去味道濃郁配搭起嚟我以為係一流啊明太子牡蠣燒，明太子配起牡蠣非常有咬口三文魚杍牡蠣燒，一粒粒魚杍睇起嚟好靚，同牡蠣溝埋來食口感非常特別焱丸蟹噌甲羅燒芝士蟹肉甲羅燒呢兩個甲羅燒去到真係一定要試，非常好食撈埋飯你食感覺一流，食完仲想再食多個！鮑魚殼燒，鮑魚非常新鮮嚟到面前仲郁緊㗎，有專人幫你燒埋俾你食，因為我服務態度，食落去非常香！本鮪(吞拿魚)，新鮮一次過滿足晒幾個享受唔同既食法打俾不一樣嘅感覺北海道海鮮炒飯，味道分明，飯味非常香，用料充足

朋友說綿登徑這邊多停車咪錶位，我就用openrice 找附近功能找到這店。因為要駕車，朋友點了冰菠蘿梳打，勁有驚喜！一大條冰凍了的菠蘿放在特飲內，正是小食亭那些冰菠蘿的童年回憶。我就點了巨鋒燒酎（5%酒精）。先點了刺身，全都新鮮，淨看色澤已知新鮮！看到鄰座食這道蟹味噌甲羅燒，我們也跟著點了一客！超 好 味！蟹糕、蟹肉加蟹籽，連鵪鶉蛋。店員為我們開爐即燒。不是說笑，連燒燶的蟹殼也散出陣陣鮮味！把所有蟹的精華撈在一起來煮，香濃好味，是邪惡的美味！燒鮑魚和燒帶子也不得了！是活生生還會郁的鮑魚！新鮮的鮑魚，燒得剛剛好，我們要求全隻上不用剪！爽彈新鮮！帶子也是鮮甜的！意猶未盡的我們最後加點了一個蕃茄豆腐沙律，吃一點菜，是完美的一餐！

📍焱丸水產 (尖沙咀)尖沙咀棉登徑23號華楓大廈地下5&6號舖==============================今日去呢間居酒屋係幾個月之前係尖沙咀行街已經留意到，但當時太多人又無book定位所以就食唔到,今次終於都食到喇😎～==============================環境⭐️⭐️⭐️⭐️⭐️之前經過呢間居酒屋🏮時就係比佢好日本風ge 門口吸引住，估唔到入到餐廳入面日本風更加濃烈，成間餐廳都掛滿日式燈籠，裝修方面有好多日本元素，再加上播住d日本歌🎶，成個感覺都好似去左日本禁🏯🎎餐廳有好多打卡位，一大班朋友來食飯影相一定超開心🥳入面d座位都擺放得闊落，每張枱都擺放左一個爐係旁邊，方便職員幫客人燒海鮮🦞食物⭐️⭐️⭐️⭐️⭐️1️⃣麻醬蕃茄豆腐沙律🥗沙律材料好新鮮，蕃茄好細心去埋皮，沙律上面仲有d粟米片，食落多左一重口感，好特別👍🏻2️⃣炸魷魚大盛🦑魷魚外層炸得好香脆，中間個魷魚圈係好大舊，但一d都唔韌食到魷魚鮮味🤤3️⃣三文魚腩，甜蝦刺身🐟🦐三文魚腩刺身好香魚油味，無筋甜蝦刺身肉質鮮甜爽滑，而且廚師好細心將蝦頭d內臟都清走哂，所以食果時非常放心🫶🏻🫶🏻4️⃣特上壽司盛合🍣壽司盛合係即叫即整，壽司飯

聽日約咗閨蜜傾偈，所以就搵咗呢一間私隱度高，感覺溫馨嘅日式居酒屋餐廳。環境寬敞之餘亦都坐得好舒服。芝士蟹肉甲羅燒蟹味噌甲羅燒鮑魚殼燒除咗有專人幫你燒之餘，服務態度一流。而且蟹膏味好重，蟹籽卜卜趣好有口感。如果鍾意食芝士味嘅朋友，可以揀呢一款，配上芝士嘅淡淡鹹味，增加咗口感嘅層次。鮑魚殼燒口感，爽口彈牙。而且外皮燒到有少少微脆，好好食。鯛魚刺身刺身份量適中，鮮味濃郁，口感清新。本鮪吞拿魚盛合一個十分豐富嘅組合，除咗有吞拿魚壽司之外，有其他唔同鮪魚部位整嘅刺身。特別好食嘅係呢一個加左海膽嘅吞拿魚壽司。三文魚壽司拼盤有唔同配搭嘅三文魚壽司包括，海膽，黑松露等等。特別鍾意嘅火炙三文魚，燒得柔軟入口即溶。蟹雜炊係用蟹肉加蛋類似粥，好好食。暖胃之餘，帶出咗蟹肉嘅鮮味。份量頗多。溫泉蛋天婦羅溫泉蛋外邊有一層脆脆嘅天婦羅皮，造型特別。而且唔會特別咸。鍾意食天婦羅嘅朋友可以一試。飲品之外，除咗普通嘅梳打飲品，佢哋都有其他嘅燒酒，適合一大班人傾偈。

呢間日本餐廳個佈置好似去咗日本嘅居酒屋咁，放工過到去坐滿人好有氣氛，一坐低首先叫咗個黑白啤先，收工梗係爽爽佢。之後分別叫咗蟹味噌甲羅燒同埋黑松露蟹肉甲羅燒，呢度其中一樣值得讚嘅地方係店員會幫手燒埋，個甲羅燒做得唔錯，每一啖都係好重嘅蟹膏味，我就比較鍾意食黑松露味嗰隻，因為真係香好多。之後就叫咗，馬刀貝同鮑魚殼燒，兩款海鮮都好新鮮，鮑魚嚟到仲識郁嘅。大家記得剪一剪個鮑魚，唔係燒嗰陣時有機會會爆。另外叫左三文魚籽帆立殼燒同醬油木魚帆立殼燒，佢呢度嘅帆立貝好甜，我比較鍾意有蕃茄嗰一隻，因為酸酸地幾好味。最後叫咗壽司盛合同埋三文魚/甜蝦刺身，佢嘅手握壽司都做得唔錯，另外三文魚好肥同埋甜蝦好大隻，食到超飽。

早幾日去左焱丸水產食好耐無食嘅甲羅燒 呢排個個都係度食大閘蟹，雖然蟹膏係好正 但係對於要拆蟹，小妹我真係無乜耐性，所以甲羅燒就最岩我🤭黎焱丸仲逐樣海鮮有職員幫手燒，可以全程食懶人餐 點左蟹味噌甲羅燒同黑松露蟹肉甲羅燒，估唔到黑松露味又同蟹膏幾夾，三文魚籽帆立殼燒除左甲羅燒，磯燒鮑魚都一定係必食🤤鮑魚勁大隻同好新鮮，上到枱仲郁緊😆另外仲點左三文魚籽帆立殻燒同醬油木魚帆立殼燒 醬油木魚帆立殼燒好鐘意佢落埋蕃茄青椒金菇等等配料，吸左帆立貝嘅鮮味，好唔錯👍🏻除左磯燒海鮮，刺身同壽司既質素都一樣唔錯甜蝦大隻，三文魚就夠厚切同肥美配合埋一人一杯黑白suntory生啤 好似返左日本咁

去完日本返嚟無耐，就已經好想好想食日本嘢，所以就去左K11 附近嘅焱丸水產裝修格局真係以為自己返左日本, 加埋清酒樽同埋和風擺設, 簡直就係百分百的日本當地居酒屋。一黎就整個巨型蟹蟹肉薯仔沙律沙律菜夠新鮮，配上沙律醬和勁多卜卜脆嘅蟹子，食落好開胃, 成個味蕾打開晒。細個唔識野以為北寄貝一定係紅色, 好彩有日本朋友教新鮮活北寄貝其實唔係紅色, 灰灰地色先係好野, 呢到北寄貝即開即食, 甜味鮮味唔使點豉油都已經100分, 點少少豉油wasabi 就再提升多啲！跟住店員拎左仲好生猛識郁嘅大大隻鮑魚比我地打卡後, 就有專人幫手燒，唔怕自己唔識燒浪費食物。睇住鮑魚係火上面係咁郁, 香味係咁傳出黎, 店員純熟的手勢幫我地去膽去腸, 燒多無耐就食得, 隻鮑魚爽口彈牙, 充滿住海水味, 我建議就咁原個啪, 勁過癮。甲羅燒除咗有滿滿嘅蟹膏蟹肉之外，仲加咗芝士，黑松露，蟹籽，鵪鶉蛋，蔥粒。鮮香美味，真係食到哇哇聲！係完全估唔到黑松露同蟹膏咁夾。食日本野點會唔食壽司,即刻叫個12件壽司盛貪佢多款, 估唔到有海膽, 三文魚子, 赤身,中拖, 大拖嘅貴價壽司, 材料新鮮一流就一定架啦, 但估唔到師傅嘅握功都好好

🤎 焱丸水產🤎|必食磯燒|🤍蟹味噌甲羅燒 $68👍🏻👍🏻👍🏻🦀🤍芝士蟹肉甲羅燒 $75👍🏻👍🏻👍🏻🧀呢道甲羅燒係必叫之選，甲羅燒入面有蟹肉、蟹膏、魚籽、鵪鶉蛋，侍應小姐會係爐邊專業地為我地烹調，邊煮都會嗅到蟹香。味道方面， 甲羅燒十分濃郁。芝士的濃香和蟹肉相互融合，而邪惡蟹膏的鮮味都十分出色。！超級推介！絕對要encore!🤍牡蠣殼燒 $136/2🦪牡蠣真係超級肥美，十分鮮甜。愛蠔人士真係絕對要試下！|前菜|🤍蟹子蟹肉薯仔沙律 $78我地叫左蟹子蟹肉薯仔沙律作為前菜。蟹子和蟹肉都好鮮，薯仔同沙律Dressing都無蓋過鮮味。整道沙律都味道清爽，作為開胃菜簡直一流。|壽司刺身|🤍三文魚籽海膽杯 $208👍🏻👍🏻好難得係香港叫海膽杯會有咁大隻海膽^^。肥美的海膽同三文魚籽都十分配搭，海膽軟滑入口即溶, 完全沒有腥味, 魚籽爽口.正!!而整個海膽杯都十分精緻，打卡一流!🤍焱丸號壽司 $158🍣驚唔夠飽嘅可以叫焱丸號壽司，呢個係落足心思製作嘅壽司，有多款材料組成：海膽、蟹柳、呑拿魚等等。不過食嘅時候要小心啲，因為份量真係好多🤍甜蝦刺身、鯛魚刺身 $68/1甜蝦刺身和鯛魚刺身都十分新鮮。刺身質地

最近個個搶平機票返家鄉，可憐的我無假放，又思念家鄉可以點⁉️ 唯有今晚收工去居酒屋止痕先😭😭尖沙咀太多間居酒間，就隨意選擇呢間。環境具懷舊日和時代風，打開餐牌，海鮮款色選擇好多，刺身、壽司、磯燒海鮮….仲有鍋物、炸物，價錢相對其他餐廳都算平活北寄貝刺身$138甜蝦刺身$68兩款刺身都好新鮮，北寄貝肉質柔軟帶豐富的鮮味。甜蝦肉質爽口彈牙，啖啖肉，令我好滿意😳焱太號壽司$158有蟹棒絲、蟹肉，吞拿魚蓉、海膽、帶子粒、三文魚子，蛋絲，三舊壽司飯。份量剛好，乜都有滿足晒我願望🤗 吞拿魚蓉質地細膩又濃味，帶子都鮮甜，品質唔錯，整碟都飽芝士蟹肉甲羅燒$75黑松露蟹肉甲羅燒$75蟹膏濃郁又甜，蟹子都多，食落啖啖都卜卜聲，口感豐富。唯一美中不足係蟹肉份量好少，兩款甲羅燒味道一樣，完全食唔出黑松露味😵😵帶子磯燒$68一嚟到哇一聲，帶子厚肉大隻，流口水🤭店員幫手燒埋，仲好細心一分為三件，方便入口。加咗清酒同少少鹽調味，提升整個鮮味☺️啖啖肉好有口感蟹子蟹肉薯仔沙律$78份量好多，個薯仔沙律成座塔，薯仔顆粒感加上啖啖蟹肉，加上蟹子落得一啲都唔手軟，澱粉控不能放過！溫泉蛋天婦羅$70有冬菇同青椒作伴碟，裡面係爆

今日喺尖沙咀收工想食日本嘅浜燒，於是就去咗棉登徑嘅「炎丸」，今日係平日所以附近都可以泊車。炎丸嘅地理位置相當方便，門面裝修好日本化，店內環境貼換日本式嘅海報，有致身日本嘅感覺。店員親切有禮會推介今日嘅菜式以及今日嘅特價優惠，今日佢推介龍蝦半價，不過我就冇叫餐牌方除咗浜燒、刺身、天婦羅好多嘅酒類，包括有十四代食物刺身：三文魚腩新鮮，鮮甜，魚油豐富，仲會畀開埋唔會韌，亦無渣，相當高分。甜蝦有五隻，每隻都好鮮甜，已經去埋蝦腸，大大隻好滿足。壽司拼盤每款壽司有一舊：海膽壽司係關鍵，超鮮甜，海膽份量好多，之後係蟹糕壽司，充滿蟹膏嘅鮮甜味，蟹肉壽司係一梳梳嘅蟹，食落係長腳蟹嘅蟹肉，仲有其餘嘅壽司都十分新鮮，飯粒係用手握，大小均一，飯粒唔會太鬆亦唔會太緊。番茄豆腐沙律番茄鮮甜，豆腐滑身，特別係個麻醬，係店家自己調配，會食到一粒粒嘅芝麻係入面，撈埋落個沙律食一流。炸魷魚有五大舊，魷魚外層嘅蘇皮就好似食緊中式點心嘅蘇皮一樣，咬落蘇脆，入面係一舊厚實嘅魷魚，食落有魷魚嘅鮮味，口感層次相當豐富，先脆後蘇再食就鮮。配菜方面係有椰菜絲加黑醋，方便解油膩感。浜燒蟹味噌甲羅燒：用蟹膏、飛魚子、鵪鶉蛋，蟹肉，葱撈完之

隔咗一段時間想食海鮮又同朋友嚟咗焱丸水產🥳一嚟到嗌幾份刺身先👏🏻👏🏻甜蝦刺身，赤貝刺身都非常新鮮爽口 好味👍🏻三文魚牛油果醃過嘅三文魚味道幾好，加埋牛油果感覺好健康🤣仲有啲菜同蕃茄～蟹味噌甲羅燒每次必食甲羅燒～如果可以加塊梳打餅或者多士就好啦！另外都試咗幾樣燒海鮮燒鮑魚同大蝦都係非常新鮮，鮑魚一上枱仲郁緊。簡單調味就已經好好食。焱丸號壽司有三文魚子海膽，呢個配搭一定冇得輸～食埋份炸雞就超級飽啦。

舖頭位置位於棉登徑嘅盡頭，最重要嘅係門口有咪錶位👏🏻一入舖頭有一種日本居酒屋嘅感覺，適逢萬聖節，仲有啲萬聖節嘅裝飾添～已經係夜晚嘅九點，餐廳都陸續有客人入座。首先嚟咗蟹味噌甲羅燒，蟹膏份量好多，連埋蟹籽以及一隻鵪鶉蛋在慢熱後撈埋一齊，再慢慢加溫，大約煮10分鐘，攪拌至濃黏，完全冇黐底。每一口都有蟹籽嘅爽脆+蟹膏嘅鮮味，加上淡淡的海水鹹味，令人胃口大開！旁邊有青瓜伴碟，清新嘅青瓜🥒令味蕾有更大嘅衝擊！鮑魚殻燒非常新鮮，鮮活的鮑魚清洗得好乾淨，店員好細心幫我哋清除內臟同埋鮑魚嘴～再連殼一齊燒，本身仲諗住要點調味料～點知原來不需加任何調味已經有天然嘅鹹同鮮！左口魚+鯛魚+甜蝦刺身珍寶size有頭嘅甜蝦刺身x5，甜蝦算係比較低卡路里，質感嫩滑，有一種粘粘的口感。左口魚刺身有甘甜嘅魚油香，每塊厚薄一致，另外有兩片係經過火炙嘅，魚油味更加香濃。令我好期待嘅係鯛魚刺身，鯛魚在日本被視為吉祥物。紅白色嘅魚肉相當肥美，味道比起三文魚會更為清淡，但係魚嘅鮮味會慢慢滲出來！三文魚壽司拼盤（$108）壽司五貫，包含咗三文魚籽、黑松露，同埋最鍾意嘅海膽！海膽嘅紋理同埋顆粒非常明顯，肉厚又肥美，甜度算幾高，好鍾意