烏龍燒 (已結業)

最近去咗一間可以自己燒，或者人哋燒俾你嘅餐廳，裏面都有啲油煙架，不過好彩有抽氣系統。 原來一開始已經包括多種調味醬汁，包括蜜糖、七味粉等等。 唔同嘅人數仲會送你不同的味粉，可以自行選擇味道，在餐牌上不另收費。 腐竹糖水沙冰＄29 細細杯好精緻，除咗外貌夠晒靚之餘原來飲落亦非常不錯，甜甜地，同埋糖水味都好濃！ 燒香甜車厘茄＄14 車厘茄有幾粒，細細粒，紅卜卜，燒完之後唔係好酸，覺得自己燒得唔錯。 燒三色雞中翼蒜蓉味＄29 我哋一早已經落咗蒜蓉，唔知係唔係太早落，搞到唔係好入味，如果佢本身一早醃好會更加正。不過幸好雞翼非常肥美多肉，真的不錯呢！ 蝦米菜譜肉鬆竹筒飯＄46 蝦米本身有少少鹹香，菜譜比起蝦米更加鹹，所以成件事就比較鹹啦！可以家下其他嘢一齊食會更加好，如果唔係嘅話單叫可能就有啲濃味。 惹味沙茶燒金菇$30 燒金菇原來係有好多汁係隔離，裏面有好多金菇，出面就有一個瓦的器皿，的確非常惹味爽口， 10分推介！

2x/5我同朋友本身諗住食🐔煲，不過見勁多人排隊，冇去食，就諗住試下，點知中唒伏入到去，油煙味超濃，仲衰過自己BBQ 另外，燒左一粒中de野都吾熟，我地叫de侍應又吾多想理我地，再望下先話原來有一邊熄左🔥🙁De野又吾新鮮都算，最離譜就係竟然賣過期啤酒😤😤😤同個侍應講，佢一de都吾覺崿然，剩係話吾收我地啤洒$，😤我覺得佢一早知de酒過期lor呢間野老實講請都吾會黎，噤樣做生意真係好離譜，我平時都吾寫食評，今次太😤😤奉勸各位大把選擇，吾好搵命博食佢，幫佢散埋de過期貨支酒Exp day:23/2/17,我地係5月去食，都吾知放左幾耐😫

約朋友兩人食飯，人少少，唔知食咩好，呢度自助串燒，幾得意。每檯一個串燒爐，係用gas的，所以火力都勁。有唔同既調味粉，孜然粉，鹽都幾款。燒大蘑菇，好厚肉，呢度有埋較剪，比你好似韓國烤肉咁分嚟食，細心~燒鹿兒島肉腩肉，肉質好，有油所以好搶火，好快就金黃食，原來我整日式串燒都整到色香味牛舌，超厚，食落口感好正，推介兩重芝士丸，雖然我唔食，但見友人一食入面好多軟芝士。食到咁上下，真係好需要一杯凍飲冰涼吓，白果腐竹沙冰，原來呢個mix都ok喎!玉子菜莆，煎完玉子，再加菜莆，再煎，再加蛋醬有甜玉子，又有半生熟炒蛋感，唔錯。加菜莆就咸咸香香，又脆脆地，多一個口感。麻辣骨髓，成個煲仔上，佔左半個爐，建議啖中場時間慢慢燒，因望唔到，開蓋又熱，成日都問店員，好在都好好人，耐心幫我睇。成煲牛骨髓，超滑溜，麻辣又醒胃，正!竹筒飯都幾款，呢款有咸蛋冬菇臘腸，竹筒兩面蒸各7分鐘，幾香口。鐵板鰻魚，嘩，好大塊，大過平時鰻魚飯嗰d, 又厚肉，燒到熱辣辣，淋鰻魚燒汁食，真係好得!最後，叫個脆皮蕃茄食，唔駛燒，大蕃茄上面加焦糖脆面，好好既飯後蔬果!烏龍燒，呢個名都幾貼切，自己烏烏龍龍地燒，但好味食材又有店員教路，點都好

成日行過都覺得吸引，一向鐘意日式串燒，而家仲自己燒，好似好好玩。呢度好多特色飲品又有好多款手工啤酒，叫左白果腐竹沙冰，好特別，係白果腐竹既沙冰版，好飲又清熱。豚肉串，五花腩，切到方形肉粒，膏油燒到金黃時好香。食落微脆，原來自己燒都可以好好食架!玉子菜莆蛋，好得意，用鐵板仔燒，先燒玉子，金黃後加菜莆及蛋漿，蛋漿燒到8成熟，好正，三種口感。有半熟蛋感的玉子蛋。麻辣牛骨髓，用迷你煲仔燒，用蓋蓋住燒，真係唔知幾時熟，好在店員好helpful, 幫左我幾次睇火。牛骨髓好滑，like 薑葱廣島蠔煲，估唔到呢度食到鰻魚，都係鐵板燒，燒到金黃蓋鰻魚燒汁，好好食，四十幾蚊咁大塊鰻魚，性價比極高，日本餐廳可能只有呢度一半。甜品係焦點脆脆香蕉，配朱古力醬同棒子醬，比焦糖燉蛋天健康既甜品慢慢燒，慢慢食，係三兩知己唔錯既選擇。

今日經過見到安安燒裝修緊 見到隔離有間又係串燒 一於試下佢  可能係星期日 一早已經滿庭 門口外邊仲放左2張枱 咁我地1行4人等左大約15分鍾左右就有位啦  咁一入到去 服務員既態度都仲可以  咁就order左幾樣食物食物既質素都算吾錯 性價比都算係高  咁到我地食食下既時候 問題就黎啦 我地想叫服務員order d啤酒  舉左幾次手都冇人理  過左一陣有個金髮女服務員就行埋黎問我地要d咩 咁我地講完之後佢冇任何表示就走左去  理應拎幾枝啤酒係好快既事 但我地過左10分鍾仲味見啤酒 咁我地再搵反岩岩位女服務員問下佢 點知就得到佢非常惡劣既態度回覆 內容有夾雜粗口 '咁x忙 吾x洗等咩'  咁就走左去啦 咁我地都冇哂mood 冇再問其他服務員拎啤酒 補充一下 係我地食野既過程中 聽到其他服務員叫個女服務員做呀ling希望貴公司正視一下 

呢間餐廳經過過幾次都見到好多人，又係自己中意既串燒類型食店，所以都特登係openrice搵左出黎收藏一段時間。不嬲出街食飯我都習慣早一日book檯，以免等餐懵，所以我如常係前日既下午放工就打電話去book位同男朋友食，book左1830而店員明明都好正確咁覆左一次我所有既資料。點知琴日我地一心早啲出到旺角泊好車，行左陣就過去餐廳，果陣大概1810，同個店員講留左兩位1830 x小姐，佢睇完成張紙都話無，好彩我地早到當時午休完開店未有人先比到位我地，呢個係第一個失望，但都無上心既。叫完第一輪野食，燒既期間都已經開始近滿座，店小小特別快爆滿。由於我同男朋友都吾太識燒，所以第二輪都只係加多左一條台灣腸串燒，食飽就算。一分鐘後有店員攞住條腸走近左，但無出過聲就放係隔離檯隻碟其實當時我地同隔離檯都知店員出錯，但隔離檯無主動出聲，我地自己都有燒緊隻魷魚，就想睇下店員會否察覺問題。結果⋯我再追問條腸未到，有店員行近望左隔離檯兩次，然後乜都無講就係隔離檯攞走左佢地放錯果條腸，然後幾秒後就上碟比番我地，呢點係我對佢地既第二失望，但我都明白既，起碼佢地都攞走左現場而非直接由隔離檯攞完放係我地到。第三個失望

係平凡的街道有間【烏龍燒】店鋪主張自己燒,自己食. 這就是它受歡迎的地方，客人不會吹other，想燒幾耐就燒幾耐孜然粉和辣椒粉外 客人可以自由選擇一款調味款，在眾調味粉中選擇樂韓式胡椒粉烤雞腎串：24/兩串皇牌燒牛舌：35/一串燒白鱔：48/一串燒的時候要注意時間 尤其是白鱔 燒太耐會影響口感屋企食菜甫蛋就食得多啦 鐵板自製菜甫蛋玉子燒就第一次啦將蛋的兩面燒成微焦 然後再落菜甫加蛋漿 幾分鐘後就似食得啦勁辣新嘗試 燒滾後 麻辣的味道噗埋黎 一試就知真心辣燒魷魚愛好者不得不試 燒過的魷魚更加香 享受慢慢食慢慢同朋友傾計燒完野覺得膩 食返舊燒菠蘿 幫助消化黑白糯米飯 other後要等分14鐘. 糯米飯煮好後 淋上椰漿就食得 食飯鹹野再食甜野平衡返味覺

收夜搭小巴到旺角覓食，落車的小巴站看到有這家自助串燒，感覺十分有趣，反正明天我和寶寶都放假，不用趕回家，便入內一試。雖然已經接近11點，但店內依然坐滿食客，剛好還有2人座位。燒白鱔($48)白鱔新鮮，而且很厚身，所以燒的時間要比較長。咬落質素很結實，而且很香鱔的鮮味。加上蜜糖再燒香，更是惹味。蒜蓉牛油焗什菌($33)很有趣地用煲仔上，裡面有金菇，本菇等不同的什菌，再放上一塊邪惡的蒜蓉牛油。也是要用比較長時間去燒的一道，煮好後牛油都溶化到什菌內，加上惹味的蒜蓉，甚是好味。窩蛋菜甫玉子燒($33)餐廳先整好一半玉子燒，然後我們將鐵板燒起，加入菜甫和蛋汁。爽口重味的菜甫剛玉子調好味。黑松露墨魚滑($48)一整塊軟身的黑松露墨魚滑放到爐上，先等一邊燒至熟，再翻到另一邊，就不會痴底。兩邊都燒好後才挾成小塊，黑松露味不算濃，有淡淡黑松露香，墨魚滑很軟滑，有點墨魚粒很好咬感。串燒魚肉燒賣($16)個人很喜歡食燒賣，燒過後很煙韌，加上沙茶醬十分好味。皇牌燒牛舌($35)牛舌很大塊，慢慢燒至熟透，牛舌味很突出，而且保持肉質軟嫩。燒大蘑菇($18)一邊燒一邊加上蜜糖，讓大蘑菇把蜜糖吸收。燒到軟身，用筷子已

同女朋友3月14號，無啦啦提議玩自己燒烤，不過我哋又未至於要食燒烤放題，所以就去咗旺角黑布街嗰邊食自助燒烤。最近好窮所以都唔係食咗好多野，食完再食＄3.1的蘋果批XD海鹽牛肩胛＄58雖然份量唔多，但係每一塊脂肪分布均勻！燒起上嚟好香，不過就要注意火候，本身已經有啲海鹽，可以再加啲調味料或者直接食已經有原本嘅鮮味。惹味沙茶燒金菇＄30沙茶醬係表面，直接放上去燒，原來整體金菇份量都幾多，唔使放太耐，爽口之餘入味，仲有啲辣。窩蛋菜普玉子燒＄33呢個就真係比較得意，因為本身有一啲類似壽司刺身嘅玉子，兩邊整熟咗之後就要到啲蛋漿填滿之間的空隙同埋鹹香菜譜，食起嚟味道唔錯甜甜地，可以加啲蜜糖。燒甜美地們菠蘿＄20個菠蘿都幾長，好似好正咁，食落其實都甜甜地，鎖住裏面嘅肉汁，味道唔錯。比較特別嘅係配料嗰啲全部自己加，唔係人哋燒比你，自己選擇，好食同唔好食都係靠自己！

近排真係好想食燒烤，所以就上網搵係有無啲又就腳，方便，又好食既自助燒烤，咁就搵到位於旺角既烏龍燒，地鐵站一岀行五鐘就到，坐低左就緊係叫野食啦，呢度地方都坐得幾舒服，同埋唔會太焗唔怕焗到成身燒烤味，咁燒烤肉就一定唔少得，今次就叫左好多唔同既肉，全部都好正，有肉味，雖然我燒燶左少少，同埋燒肉最緊要肉本身要有少少油份，食落好juicy，除左肉之外燒菇係一定要叫，咁呢度有幾款調味粉可以揀，我就試左兩款，同一種食物都有兩款味道，幾好，食燒烤最唔好係隻隻食物啲調味差唔多，而呢度有多種調味可以揀岩哂我呢啲鐘意貪新鮮既人，所以烏龍燒番食指數好高，又就腳，一定會再黎。

今日同朋友出開旺角，又睇下有咩好食啦！行開黑布街嗰邊，就見到呢間叫烏龍燒串燒店，好啦就一於試下呢間嘢。就見到有好幾張檯，仲有店外有一兩張檯。 檯上已經放左唔同嘅味粉，有孜然粉，蜜糖，七味粉，豉油，我們兩個人仲加多個韓式胡椒。海鹽牛肩脾胛一見到呢個牛肩胛上面嘅雪花就知道係靚牛肉，咁快快手燒完就即刻下先，呢個真係好好味，可以完全唔需要加調味料，就完汁完味，雖然份量唔算好多。紫芋甘薯餅呢個熟食又有紫芋同細細甘薯整成薯餅，兩個都炸到外脆內軟，同又有兩種味道，幾好味。燒地捫菠蘿去食串燒就一定要食燒菠蘿啦，呢道嘅燒菠蘿一碟都有兩大件，地捫菠蘿真係好香菠蘿味又甜。鹽燒鯖花魚（3件）鯖花魚一早就喺廚房已經煮熟左，上到檯就燒香返兩面就食得，加埋魚油香味，啱哂我地心急之人。燒鹿兒島豚肉串呢個真係好正，個豚肉又有少少肥肉，燒完之後好香，再加上佢個肉質嫩，真係又香口又啖啖肉。安格斯肉眼牛柳串牛柳串都正，同豚肉一樣都係肉質鮮嫩，燒完都仲有肉汁，我地燒到6- 7成熟食，啱哂愛牛之人。燒白鱔我同朋友都喜歡食燒白鱔，所以去食串燒都會點，今次都有試，他們嘅白鱔都算好新鮮，燒完之後一齊食魚油同魚肉，都覺得好好味！腐竹糖水

已經不是第一次來烏龍燒，但因為真得很好食，所以就算價錢比較貴也想要介紹給大家。先講服務，店員有時候會幫我們燒食物，還會教你應該怎樣燒才是最好食， 還不時會幫你換碟這裡的自家飲品很好喝，譬如是腐竹糖水沙冰，還有一款honey黑啤。有幾款醬料和調味粉可以讓你自行調味，燒的時候可以配上，味道會更好，可以自由發揮，可是如果你不喜歡落調味料的話，那你就可像店名一樣，食物燒了之後就會很烏龍，因為不知道要下是什麼調味才會好食。這裡有其他的食物是一定要點， 三色雞翼，（醃得非常入味，雞肉嫩滑）芝士年糕 ，菜脯玉子燒，年糕麻吉燒（煙煙韌韌，外面由魚肉包著年糕）台灣腸，蜜糖燒香蕉，所有的牛肉都很好吃，雖然價錢比較貴，可是油花真的很多，牛味真的很重，還有辣酒煮花螺（螺肉好鮮甜，辣酒湯好惹味，唔會太辣，有淡淡燒酒味）燒叉燒也不錯，海鮮雖然比較貴，試過燒鮑魚，燒蝦，但很新鮮！這一次部分食物沒有食，所以部分食物沒有照片，但以上都是我之前吃過覺得好好味如果想經濟地食烏龍燒，可以晚上10點半之後才來，因為10點半後入座有88折（我每一次都是10點半之後才來哈哈）

今日同朋友去到白布街找野食，之後見到間未食過的串燒又巿有位就諗住入去試下先，原來係自己燒烤，我地咩都叫左少少再加每人一杯飲品，結帳差不多二百蚊都ok吾錯。黎到未叫野食已經來了醬料…之後因為我地2個人仲有吾同的粉選擇一款，最後就叫了韓式胡椒加咖喱，七味粉，蜜糖，孜然粉，豉油…而野食都好快黎到啦。好彩這裡類似有韓燒的燒通，油煙都減少不少。冬瓜檸檬沙冰…黎到好得意，分量吾叫好多，剛剛好，冬瓜味濃郁臨尾有少少檸檬味幾特別，$29這價錢都抵飲。我最喜歡甘薯當然叫左黎食啦，甘薯餅材料足料而味道好原汁原味，仲有一粒粒粟子碎，增加 口感添。我選擇了幾款覺得吾錯黎影左，燒原隻生蠔有3隻，以這個價錢都吾錯大隻，加上蒜泥煮都好香又清甜，不錯。菜心苗和大蘑菇都係我地喜歡的食蔬菜串燒，厚肉又多汁的蘑菇仲因為自己燒關係就到生熟程度，菜心剛好帶少少燶好味道。鹿兒島的豚肉串係朋友最愛，佢話夠厚肉又有豬肉香帶少少油脂味好味道，當然要加上少許豉油和蜜糖就更好。到甜品時間二話不說叫了菠蘿，原來係地們，黎到有2大舊都驚喜，燒不久我都就食，少少微燶又甜香，作為結束這次串燒聚會的總結。

上次去完燒魂一自己燒，覺得真係好好玩，而且可以自己加醬料，又唔使咁咸。所以今日就黎到烏龍燒試一試！佢呢一種爐有啲難控制，所以好易會搶火，同埋個網唔太乾淨仲有啲灰，但係燒出嚟又幾香口～雞軟骨必食 好好味 餐蛋串串就無乜特別 芝心丸好易燒lone , 同埋小心燙口！佢哋嘅帶子非常大隻，而且都好新鮮，我食完無肚痛，所以推介俾大家。記得落多啲多啲蒜蓉黎燒，咁樣會更加香架。另外有佢地燒比我地食既金菇牛肉卷 點埋佢地果隻汁真係好正 見到人哋叫牛肩胛烏冬，我哋又叫黎試吓。估佢唔到，湯底竟然係藥膳，又真係好夾同好好味，喺第二道食唔到，推薦比大家，一定要食！帶子嘅蒜蓉會出好多水，唔好晒，我哋就倒埋落個金菇度一齊炒，結果金菇撈埋蒜蓉真係好好味，大家都可以試吓咁煮呀。總結：之前啲人話呢度好迫，但我又唔覺，好好坐，又開大冷氣唔會好似其他燒烤鋪咁焗。同埋有人話呢度服務質素唔太好，我覺得人地唔多野講比你自己燒仲好啦而且食物質素真係唔錯，我好滿意呀！

平時食燒烤食得多，今次試吓呢間烏龍燒，呢度嘅串燒串好一串串俾你，枱面有多種醬汁同埋調味粉，客人仲可以自己加選其他調味粉去試。首先串燒嘅選擇有好多，海鮮，肉類，丸類，應有盡有。調味粉我就加左惹味香菇粉去試，好多玩法👍🏻右下角呢幾件係海鹽牛肩胛，肉質好鮮嫩，面頭有海鹽，燒完之後唔需要加任何調味料已經好食😍另外仲有燒鹿兒島豚肉串，燒完之後加左少少沙嗲汁食，啖啖都係肉，好夾好惹味！另外值得一提嘅仲有海鹽青花魚，呢幾，本身已經熟同埋調味左，我哋擺上網燒左一陣之後，外皮好香脆，啲肉好嫩👍🏻本身我好鍾意食燒蔬菜，見到Menu上有大蘑菇同埋茄子韭菜，我就即刻叫左黎試吓。個人鍾意食燒蔬菜加好多嘅孜然粉，大蘑菇燒完之後好juicy，茄子同韭菜奉加上孜然粉好香好惹味，正呀！最後就係有呢一隻扇貝，扇貝陪埋蒜蓉俾你自己加，燒到扇貝收咗水之後就可以食架啦，燒完仲有大大啖肉，好新鮮，值得一試👍🏻