烏龍燒 (已結業)

超長茄子自己燒其實我哋都係第一次燒咁長嘅茄子，所以都唔識點燒！侍應哥哥太忙，沒有時間過來幫我們！我們全條燒，燒完切開來食!15分鐘之後，見到侍應哥哥幫隔離枱將茄子開邊, 然後加sauce & 調味粉！嗰時靈機一觸,先發覺我們蠢左😅 因為唔識燒的原因，所以一啲都唔好食! 我哋聽到隔離枱話好好食😅其他我們還點了鹹蛋臘腸竹筒飯,菜甫玉子燒! 比個貼士你，菜甫玉子燒最重要唔好燒太熟! 總括來講，都算好味嘅如果你識燒!

最近好似多咗間新野，雖然唔係好肚餓，搵個地方坐下食下野一於入嚟。原來有限時1.5小時，不過應該都唔會食太耐。配料.冬菇鹹蛋黃臘腸竹筒飯＄47問吓店員個竹筒會唔會重用，佢話唔會@@唔怪得知裏面嘅嘢食咁大浸竹嘅清新味，裏面有啲冬菇，有啲鹹蛋，有啲臘腸，全部都好細粒，加埋啲飯整到好稔又入味。汁燒金菇牛肉卷＄26呢個嘢食就唔使自己燒，係整埋俾你，店員嘅果然係比較好味，牛肉唔會太熟，而且可以保留少少水份，整體味道爽口清新。杞子龍眼菊花蜜＄68一大兜飲品下一下火，本身想點熱飲但係原來冇熱。但係好彩都唔會太甜或者太凍，甜甜地，裏面有至少10粒新鮮龍眼同埋好多個菊花如果少甜就更好啦。火辣牛丸＄17雖然名稱得意，但係價錢唔平，勝在爽口彈牙，同埋可以自己添加配料啦。

串燒店比比皆是，要在云云餐廳中突圍而出，除了首要條件——食物質素之外，少不了多加創意噱頭，而這間烏龍燒的賣點正正就是「自己燒，自己食」。除了孜然粉及辣椒粉外更可以自行選擇一款調味款，當中我們就選了韓式胡椒粉。燒一口懷舊港式魷魚仔 ($39/客)魷魚乾無需加以自行燒製，味道偏鹹且口感乾韌，不太合乎我的口味，反而本來就熱愛魷魚乾的朋友則相當滿意，認為魷魚乾燒得夠香。川式麻辣牛骨髓 ($30/客)軟滑的牛骨髓裹著厚厚一層麻辣醬汁，以煲仔燒焗令辣汁滲透牛骨髓，極之入味，入口嗆辣刺激，辣味縈繞舌尖，揮之不去，嗜辣人士定必對它愛不釋手。窩蛋菜甫玉子燒 ($33/客)將菜甫蛋這款中式小菜的元素加入日式玉子燒之中，創意滿分。當玉子燒燒至表面微焦後，倒入蛋漿及菜甫慢慢煎成，嫩滑的蛋皮包著口感結實的玉子燒，玉子燒的甜與菜甫的鹹酸相輔相成，相當特別。燒白鱔($48/串)皮脆肉嫩，略帶爽口之感，鮮味十足。皇牌燒牛舌($35/串)大片厚切，跟坊間串燒牛舌相比，其質感並非結實爽脆，反而更加軟嫩多汁。烤雞腎串($24/兩串)普普通通，最重要是能夠自行加上沙爹醬及調味粉，令其更上一層樓。燒原隻生蠔 ($56/3隻)雖

想BBQ但未能約齊一班朋友,就先到這裡來個迷你BBQ吧!食物除了串燒基本有的腸仔、牛肉等等,還有特色的竹筒飯、玉子蛋等等。在餐紙上剔好食物,下單後不足3分鍾便有食物送到，來得超快,一碟接一碟,桌子太小放不下,店員便索性將我們的食物直接放到爐上燒。燒一口甜薯味道不錯。燒菠蘿好甜好JUICY!金菇牛肉卷是預先燒好的,不用自己燒,但味道較清淡,我會將它放到爐上,塗上醬油再燒一燒。炸芝士竹輪同樣是預先炸好。燒鰻魚是全晚我最愛的一道,鰻魚十分厚身,而且醬汁有一小碗可以自己邊塗邊燒,一定夠味!燒玉子都挺有趣,是先將一塊塊玉子燒好,再加蛋液及菜脯,玉子本身甜甜的味道很好,所以蛋漿及菜脯只是配角罷!重點推介一下腐竹糖水沙冰,腐竹味超級濃郁!比一般糖水店的來得更足料!焦糖香蕉都是預先燒好的,焦糖面很香脆,香蕉可以蘸朱古力醬及NUTELLA榛子醬,它們加起來就是不會錯的配搭!紫糯米竹筒飯是另一甜品,要將竹筒原個燒14分鍾,燒好後店員會將竹筒打開,便可自行淋上椰漿,紫糯米用燒的方法煮,跟平日的有點不同,會比較爽口,又多一份炭燒香,椰汁有1小碗,因為不太稠,所以即使淋多了亦不會太甜。食物不錯,這樣自己燒串燒的

看我有持烏龍秘笈，還在喝烏龍茶，到底在弄什麼？就是食串燒！有鯖花魚、雞翼還有鴨舌、豚肉串、魚蛋等等雖然雞翼以鐵板上，再放在網燒，這樣十分容易彈油，後來要放在網上燒。雞翼有黑椒、蜜味、蒜蓉，不過醃得不入味，好彩旁邊有七味粉、孜然粉等自行調味。發熱燒只有2條，所以食物熟透不夠平均，還有個網不夠乾淨，墨魚丸放上去已變黑色。自己燒自己食，鯖魚肉外脆內軟、豚肉串有少肥、鴨舌好惹味、墨汁腸脆皮之餘有墨魚肉，不錯！還點了金菇雜菌煲，有牛油蒜蓉調味，相當美味。最後一值，店內有位高大女侍應，動作相當粗魯，在我們進餐時不時收拾檯上的東西造成騷擾，令我們在不愉快的環境用餐。希望餐廳改善一下，不然就好容易趕客。

好耐無食串燒，見到旺角有間新的烏龍燒，其實開了一段時間，終於有機會試試。店子細細，座位不是太多，最好先訂檯。幸好坐的座位內裡可以擺放袋、衣服。食物款式眾多一開始就來了蒜蓉牛油焗野菌，以小煲上賣相有趣。有牛油、蒜蓉、金菇雜菌等。其條串燒都陸續來了。墨魚丸、豚肉串、四海魚蛋、雞腎、鴨舌台式蒜味腸，還有黑漆漆的墨汁墨魚腸長方形的燒爐，可擺放不少串燒，不過只有2條發熱線，串燒較難全熟。茄子BB纖長幼細，但好快就熟透，加上孜然粉好惹味。蒜味腸夠脆皮煙韌，內裡juicy。墨汁腸內裡還有粒粒墨魚肉，正。金菇終於有得食。有惹味的牛油、蒜蓉，十分入味，而且熟度剛好。雖然食物質素不錯，可惜員工的服務態度令到整餐拉得低分，內裡只有2位女員工，身型較高大的那位，動作非常粗魯及不恰當，1）用鉛筆在menu講解後，竟然放鉛筆在我用餐的碟上、2）不時收拾我檯上的東西，造成極大騷擾、3）不時搬動爐上的串燒，其實食物熟透需時，郁來郁去不代表會快熟點！ 所以我們沒有心情繼續再食，盡快完成離開。

• 烏龍燒• 旺角白布街藝興大廈地下14號舖喜歡這裏自燒的用餐模式，自燒自娛！蔬菜色擇嫩綠。辣味螺肉伴青瓜，開胃前菜。原隻扇具，真可說抵食夾大件！加蒜蓉及醬油伴燒更野味。香蔥爆脆鯇骨腩骨腩煎至兩面金黃，再加上汁煮沸一分鐘，“食得！鯇骨腩下汁煮沸後，香味沒法擋！蝦米菜蒲肉鬆竹筒飯，材料配搭甚有咬口。燒烤良伴-- 啤酒嘗遍了所有調味道：海苔粉,香茹粉,韓式泡菜粉,咖喱粉,梅粉,孜然粉,七味粉。當中梅粉及韓式泡菜粉味道最為特別。還有香茹粉燒任何食物都不該缺少。油煙抽氣系統良好，圓凳可打開放隨身物。

次次經過都好想食，因為成條都聞到d燒野食既香味！今次終於約朋友黎試下。燒野食咁dry，一定要叫d野飲先！叫左下火既竹蔗茅根同腐竹糖水沙冰。竹蔗茅根好足料咁喎！就算只係一杯，都有齊馬蹄、竹蔗、紅蘿蔔，飲落幾清甜。真係超愛呢個腐竹糖水沙冰！第2度冇飲過！想飲一定要返黎呢度飲，估唔到佢白雪雪好普通既樣，原來腐竹味係超級濃嫁！金菇肥牛卷係平時燒好既，有3大札，但就冇咩味，比較淡。芝士獅子狗都係本身就炸左，但原來都係用黎打邊爐會夾d，炸過之後有d油味同較乾。呢個竹筒飯夠晒特別啊！要自己燒，燒足佢14分鍾（都幾耐），跟住店員會幫我地剪開佢，再自己淋埋d椰汁就食得。椰汁佢比好多我地，多到可以變椰汁紫米露添啦！d紫米燒完幾爽口，又帶d香味，都唔錯。燒鰻魚係超級大條！勁厚肉，正啊！同埋可以自己搽d醬落去，一定唔洗驚d汁唔夠啦！搽完醬再燒兩燒，入晒味！呢個玉子燒幾搞笑，佢係比一塊塊既玉子你燒左兩面金黃先，再自己加入菜脯同蛋漿，好似平時炒蛋咁，不過d蛋漿未撈勻就加左入去，熟左之後見到有d蛋白。而玉子就甜甜地好好味。不過呢度有樣唔好，就係比較逼，你經過就會望到呢度其實好細，坐唔到幾多人，唔太舒適，所以快d燒完

旺角，一個非常熱鬧既地方，商店林立，亦都有好多食肆，而白布街一帶有好多好味而且有特色既小店，今次行經一間叫烏龍燒既餐廳，被佢既香氣所吸引。餐廳半開放形式，這樣就不會太大油煙味。而且有多款調味料，有蜜糖、沙嗲醬等，BBQ需要既醬料都有齊。竹筒菜甫蝦米飯估唔到連竹筒飯都可以燒，職員教路，每面燒七分鐘，一共燒14分鐘就最好，好香菜甫蝦米味，用竹筒燒，有一陣清香滲於飯內，令到味道令舍不同。黑松露墨魚滑以前一直以為魚滑只可以用嚟打邊爐，點知燒都得，仲非常之好食，職員教路，燒左一面熟曬，先好反轉，直落外面香脆，入面彈牙，而且調味已經做得好好，好入味，唔需要加任何調味料，呢個一定要點牛肩胛烏冬煲先煲個湯，再落烏冬，最後才加牛肩胛，湯底好濃，烏冬好彈牙，而牛肉味好濃，牛肩胛比較有口感，整體不俗燒安格斯牛柳粒/ 燒午餐肉／燒雞軟骨安格斯牛柳粒要拆出黎燒先燒得均勻，牛肉味好香，而且好多汁，午餐肉好香脆，味道不錯，雞軟骨好爽囗，好有咬口呢間餐廳食物好有特色，而且食物質素高，又有好多調味料自由配撘，好正

烏烏龍龍來到烏龍燒，枱面有個爐比我地燒串燒好特別。隔離個有d調咪粉，蜜糖，沙爹醬搽係串燒到燒，更入味左邊牛脷，厚切，軟棉棉的。咬落口好好嫩後面金黃色個一串係鱔店員推介配蜜糖一齊燒！果然冇得彈，甜甜既皮，燒到脆脆的，入面鱔既肉質又林又滑，仲好香添忍唔住encore多一次前面兩塊係黑豚肉片入口即溶，肉汁重窩蛋菜莆玉子燒，玉子本身已燒好放在鐵板上再放爐到燒。燒到玉子變金黃色就可加菜莆，之後再加蛋。玉子好甜，菜莆就咸左d。但3樣一齊食就中和反個味道。自己一手一腳燒的確幾好玩

小時候當要我一個人到食店進餐，總覺得有點尷尬，既不安在別人目光又難耐寂寞！可是人大了有所改變，現在不但不介意，反而有點享受一個人進餐的時間！“一個人享受美食同時可以靜靜地思考一下生活百態..很喜歡這張相，拍出一種意境美... ..枱上那枝啤酒是最近流行的手工啤酒，此款Monteith's Summer Ale, 入口帶點薑味。生蠔新鮮度一看就知道，騙不過人，這裏的生蠔夠新鮮，厚肉肥美！沸騰中的生蠔，讓人口水掛下三尺長！韭菜！白烚與炒的做法都遠遠不及燒，燒韭菜真的無得頂，灑上香茹粉同七味粉更野味！不過要經常反轉燒避免燒焦！想到用竹筒烤飯，蠻創新特別，這個竹筒飯有些咖哩粉味，飯較硬身甚有咬口！

和朋友在黑布街happy hour啤完一輪 老公黎接我 佢話經過一間店叫烏龍燒 自己燒下燒下好得意 在白布街 近近地咪去試下。Happy hour我食左好多junk food 淺嚐一下就夠～ 原隻燒扇貝 大大隻 配埋新鮮蒜蓉 燒完依然好juicy 唔落調味都夠曬鮮甜。燒午餐肉 厚切 正呀。燒完個皮好香脆 加點沙爹醬 好好食。配埋青尖椒 勁辣 哈哈。燒三色雞中翼（蜜汁 蒜蓉 黑椒）一次過試曬3隻味 慢火慢慢燒 雞翼好夠味 肉質都算滑 三隻味各有千秋 加埋孜然和七味粉 惹味～ 燒迷你茄子 四川燒烤我一向怕燒蔬菜類 因為總是燒到好乾好硬～ 但老公鐘意食 咪試下。茄子係幼身的品種 店員教我們燒 最後製成品幾好食喎 好腍好多汁 加少少甜豉油 孜然粉 七味粉正！菜甫蝦米肉鬆竹筒飯 好新穎～ 放個竹筒上去燒14分鐘 飯香帶點甜味 菜甫蝦米呢個配搭幾香口 而且增加左飯既口感 幾爽脆～ 可惜我們燒多過14分鐘 米飯乾左少少。最尾加個燒鮮菠蘿 燒烤必食～ 貪佢燒完仲甜 而且好juicy。清熱氣 自家製竹蔗茅根 微微甜 好足料。每張枱都有四種醬料～ 蜜糖 沙爹醬 孜然粉 七味粉 仲可以再免費加多種 我們揀左

白布街，黑布街附近好多好野食。一真有幾間串燒店都好有興趣。book好位同老死來食可能閒日6點尾人座冇乜人，坐多兩坐d人就陸續排座一開頭唔知，以為燒好哂就咁食。點知有個gas爐放係到，比大家自己燒idea唔錯一開頭未熟識到個爐，d野都燒到燶燶地。但墨丸依然彈牙，仲有墨魚肉粒。燒雞腎必叫爐旁有調味粉/料可加落食物到。另外兩塊係黑毛豬燒完極juicy，入口即溶雞翼點燒都咁正，有3種口味，一次過滿足你3個願望左邊個pat係黑松露墨魚滑。黑松露即味道就冇乜，但墨魚油簡直一流。爽口彈牙，仲好重墨魚味好好食餐廳唯一問題係抽煙唔夠好，別的都讚

按預約時間到，立即安排座位，由於友人要求坐Outdoor所以空氣比較流通。店員不時巡視客人有什麼需要，貼心服務，見到檯有用完的碟都會先收起，值得讚賞。食物都算新鮮，種類款式及數量都可以接受，特別推介牛既食物，鮮味較為突出。這次是我第2次光顧，下次會要來。

有日訓到零神12點好肚餓晚餐都未食，又淨系諗到好想食燒烤，當然出面燒烤店好多都關門，但真系好想食就上openrice 搵下啦點知比我搵到呢間烏龍燒個名好搞笑就禁入去睇下啦見到人地話吾錯又可以自己燒就去試下，甘我甘想食而又甘為食當然即刻飛去食最開心既就系佢關門時間系零神3點岩曬我呢d夜鬼既人去到烏龍燒見到吾多枱，雖然鋪小小但原來都幾多人食，叫完野食系到等野食黎，佢有本秘笈（即系教你燒既書），野食到左佢會話埋比你食呢個系乜醬，好細心服務態度好好終於有野食啦，味道吾錯（個竹筒飯系比較乾身左小小）其他都，會再去的