烏龍燒 (已結業)

今晚黎食夜宵係朋友係網上睇到推薦的，我就試下。我同友人一行四人，叫左好多燒物。呢間串燒店係自己自助燒的，點完餐後就可以動手自己燒，係新體驗🙈食物都好新鮮，都點左一d特別的例如烏冬，扇貝，玉子燒，竹筒飯等等。而飲品就叫左竹蓆茅根同龍眼菊花蜜，兩款都真材實料。但龍眼蜜有d甜，如果淡返少少會好d。最好的是，有位好好嘅姐姐教我地點燒，甚至親手幫我地。位姐姐又好禮貌又親切😘good啊👏🏻希望下一次可以再黎😁

原以為店舖距離地鐵站很遠，其實由銀行中心出口行過來只是10分鐘的路程，還好。雖然店舖細細，但食物質素不俗，多款式之餘，味道亦很好，特別喜歡竹筒飯、雜菇煲，好玩又好味！我們當中有一位6嵗小朋友也覺得好玩同食得開心！店員服務跟得不錯，每隔一段時間來看看我們燒的情況，而且好主動幫我們起燒好的竹筒飯同雜菇煲。另外一讚是沒有時間限制，，又有自添自飲的啤酒在枱上，一班朋友吃吃喝喝是最開心的事，是可以再來幫襯的店呀！

食物質幾好，落手自己燒可以慢慢燒慢慢食。幾款食物同飲品都有特色，更有幾款調味粉免費的。推介！腐竹糖水沙𣲙 $24 好濃腐竹糖水味，特色之作。杞子龍眼菊花蜜 $24 甜度適中，清熱之選冬瓜檸檬沙𣲙 $29 好酸好醒胃黑白糯米紫薯椰汁甜竹筒飯 $43店員見我地雞手鴨腳，主動幫我地攞起個竹筒飯。加左椰汁飯好香，有特色。海鹽牛肩胛 $58好腍，牛肉味濃，淨落少少鹽已經好夠味。encore 左兩次。不過encore 有碟好肥皇牌燒牛舌 $35 幾厚切，腍度剛好。雞腿肉串 $24/2 太多肥膏，普通野。一口甜薯串 $23 甜薯太淋，喜歡有少少咬口。八爪魚鬚串 $25/2 好爽，加左調味粉好惹味。麻吉年糕燒 $19 落左豉油燒好味左，裡面年糕煙韌。惹味黑松露墨魚滑 $48必叫，燒至少少焦，好香口彈牙。窩蛋菜甫玉子燒 $33每枱必叫嘅gimmick 野，其實冇乜特別，菜甫好咸。大冬菇 $18 真係好大，好易燒燶要小心處理。甜美地捫菠籮 $20 新鮮菠蘿酸酸甜甜，多汁，食下生果冇咁滯。

其實本來真係想成日本串燒嘅，不過基於budget所限，就試吓呢間野。講真餐牌上嘅嘢好多都係比較港式嘅，就好似去燒嘢食或者打邊爐嗰啲嘢，佢比你自己係個爐仔上面燒熟佢一樣。去到個門口，已經聞到好大陣串燒未，附近仲好大煙，住上面真係多得佢唔少啦！其實隔離仲有另外一間，係燒好先至上枱嘅。但我哋都貪得意揀咗呢間自己燒。服務員態度好好，解釋得好詳盡，又好照顧周到。講返啲嘢食，最好食係牛舌，同埋牛肉粒，油份較多，有碗日本飯就更好啦！另外我哋仲叫咗雞子（真是唔識，應該燒到佢乾晒先熟透！），雞翼，雞軟骨棒（其實即係免治雞肉棒，唔係一粒粒嗰啲雞軟骨嚟嘅） ，仲有呀左一Jar竹蔗水，偏甜。仲有叫扇貝，鱔，蕃茄煙肉串等。望見隔離枱叫嗰個雞蛋煎，都幾得意架！自問真係冇人哋燒得咁叻，不過值得再試嘅！兩個人，每人食咗二百零蚊囉。我地坐近門口，行過的人都望， 等嘅人仲越來越多，呢個秋天嘅時節，真係幾有風味。老公話如果最後能夠加送一個烏龍茶果凍就最好喎！因為間野叫做烏龍燒呀嘛！

一d都唔好食，又唔專業教人燒，我同老公2人覺得非常差，以後都不會再食。試過好多間平時都不會寫食評，因要寫咁多字不麻煩， 所以從來都不會寫， 但是這次真的太差了，可能係新開張就去食，總之感覺上好多嘢都唔好食，而且職員嘅服務態度亦非常差，嘗試過多次叫職員教點樣燒佢哋都好似自己都唔識

雖然生日主角係無乜所謂既人, 不過年年生日佢都係話去食D普通野, 今年生日就決定同佢攪下新意思!其實烏龍燒舖頭好細, 我地3個人都係坐門口既2人檯加張櫈就當3人檯, 不過好彩坐門口張檯, 如果坐入面, 油煙味仲勁! 都幾多串燒選擇, 仲有D迷你煲仔野, 竹筒飯, 同埋熟成小食, 由於張檯實在太細, 每次都係叫少少, 費事唔夠位擺. 燒野食點少得雞翼同墨丸, 不過兩者都普通, 雞翼細隻同醃得唔夠入味, 落左調味粉先好D; 至於貴價串燒安格斯牛柳粒就un左d, 唔知係我地燒得太耐, 定係本身肉質唔靚; 反而一D無諗過可以燒既野食, 出奇地覺得幾好味, 好似餐肉蛋串, 燒完粒餐肉外脆內軟, 推薦要試! 仲有燒魚肉燒賣, 用爐燒可能隔左層, 無拎住支燒烤叉燒甘乾. 特式野竹筒咸蛋冬菇蠟腸飯, 咸蛋太少, 而且支匙太細, 食得好困難.海鮮類方面, 要推薦燒帶子, 佢係連殼燒的, 仲會有兜蒜蓉比你自己加, 帶子夠新鮮, 好juicy, 而且甘樣燒, 自己鍾意加幾多蒜蓉都得, 反而另一個煲仔薑蔥蠔就麻麻地, D蠔唔夠新鮮. 唔想食甘多肉, 都有幾多蔬菜選擇, 我地叫左個燒菠蘿, 好味好甜仲有燒大菇都

新店開啊~~ 旁邊是另一間有名的燒烤店，不過這一間是自己燒，另有特色！ 舖面細細，所以幾次經過都大排長龍，所以我們選擇6點去，第一個客，但就只可以燒1.5小時~~(應該因為有BOOK枱) 食物種類算多，而且其實這一種燒烤就是有很多學問... 點了數款，有點推介的食物~~一次過SHOW相，我之後再加評價好了！ 自己燒果然有點摸不著頭顱...因為也不知道如何令菜不燒到黑~~我們也因為怕乾而落多了醬油，哈~~~ 這個玉子我推介啊~~很有特色，玉子甜甜的很可口。 廣島蠔~~ 這個牛....我忘了名字，但燒出牛味，食物質素不錯！ 嗯...坦白說，我個人對食物的質素感覺良好，但...如果整體上看，我不會太推介，因為價錢實在太太太太貴....=.=，而且二人枱都很迫的感覺......=.= 如果是新嘗試的話都算可以，但不會有第二次了~~~ 性價比太低~~~~

聞仰烏龍燒大名！訂咗兩次終於成功訂到位！非常期待！店面雖然比想像中細，但食物種類多，全部都係自己落手燒！最欣賞個紫米蕃薯飯，細細個竹筒包住紫米同蕃薯粒，燒到個竹筒有少少變色，店員就幫手𠝹開竹筒，附有一碗仔椰汁，根據個人喜好加入椰汁，完全就係一個完美的飯後甜品，紫米夠香，蕃薯粒又多又甜，係女仔最愛的口感

偶然經過見到，經店員介紹原來係串燒店，不過特別之處係自己燒，想咩味自己決定！款式都好多，真係串燒都食到抱住個肚走呀！而遇上特別款式嘅嘢店員都會細心講解點燒！而且店員會好主動快速幫你清理枱面吉碟和竹簽。。。

平時食親串燒都係人地燒比你，烏龍燒就打破常規，要你自己燒！！大家可能會話：唓！韓燒都自己燒啦！的確係，不過趴B見好多人等住食，所以作出明查暗訪⋯⋯原來呢度既宗旨係調味粉任你玩，你話貪玩既趴B又點會唔鐘意呢？另外，一向串燒都無咁考慮素食人士，烏龍燒就有得比你燒菜心、茄子等等，對多菜少肉既趴B就最岩了！餐廳環境：🍼🍼（滿分為🍼🍼🍼🍼🍼）始終都係旺角，坐位比較逼⋯⋯員工態度：🍼🍼🍼🍼（滿分為🍼🍼🍼🍼🍼）員工都好有禮貌，仲會同你講笑忝！食物品質：🍼🍼🍼🍼（滿分為🍼🍼🍼🍼🍼）自己燒當然高啲分啦，不過佢啲野食醃得好好味。價錢評分：🍼🍼（滿分為🍼🍼🍼🍼🍼）其實幾貴，勝在夠得意！趴B總評分：🍼🍼🍼（滿分為🍼🍼🍼🍼🍼）

很愛燒烤又怕長途跋涉, 終於有一間很有風味的串燒燒烤店, 不怕油煙, 又不是要人服待( 即居酒屋) ，不怕坐逼些, 要挑選近市區, 絕對推介這小店! 價錢相對自助式燒烤場, 當然無得比, 但小店亦有細心之處, 坐椅像韓式燒烤一樣, 外套手袋可放在椅內, 避過油煙味。 燒烤方便, 2人聚舊很盡興的點選自己心頭好! 很快樂!其中介紹這些。原隻扇貝: 沒想到這小店扇貝用料新鮮, 吃得出有海水味! 烤起來保存肉汁, 爽甜味美。蒜蓉牛油焗焗金菇: 小煲內有很多蒜泥, 配上如菠蘿油般厚的牛油一同焗, 油了點, 但味道絕佳! 窩蛋菜甫玉子燒: 賣相吸睛度, 不用多講, 燒烤技巧: 把玉子兩邊以鐵板熱度煎成金黃色, 再輕炒菜甫逼出香氣, 倒入旦漿略煎, 便可如雞蛋扒般離火上碟! 很有趣的新嘗試!沙律醬燒蟹棒: 不能燒太久, 否則會燶, 蛋黃醬烤過很獨有香味更濃!!!鹿身豬肉串: 油花燒起來很香呀! 建肉類移開竹簽在火上直烤, 更平均更焦香台式腸(蒜味及黑椒味): 雖然價錢偏貴, 但燒台式腸絕對是燒烤的好選擇! 燒到腸衣2輕輕爆開, 塗上蜜糖,正!黑松露墨魚滑: 份量有點小, 但勝在彈牙好味。推介飲品:

經過旺角東地鐵站，見到烏龍燒的宣傳版，走到安安燒就見到新開的烏龍燒了，亦看到烏龍燒的員工會走到安安燒那裡，原來是姊妹店。烏龍燒位置很小，WALK IN等了30分鐘才有位。太渴了，點了冬瓜檸檬冰沙 $29，不過味道怪怪的，而且還未完成，店員已急不及待收拾，服務不貼心。因為位置空間太小，爐很近客人，感覺很不安全，當低頭吃東西時，就感到熊熊烈火，就快要燒到頭髮一樣。不過窩心的是，袋子可放到圓櫈內，不會弄髒袋子，又可善用空間。燒原隻生蠔(3隻) $58，吃到有蠔殼，不夠肥美。海鹽牛肩胛 $58，非常有牛味而且很JUICY，可惜份量太少。其他食物不過不失，大蘑菇 $18，串燒叉燒肋排粒$20/串，雞腎串$24/2串，汁燒八爪魚鬚$25/2串。自己動手燒，有樂趣，但烏烏龍龍，又很易燒過龍，令食物質素下降，而且空間太少，也影響了用餐感受。另外建議加黑椒和鹽，已是最好的調味料。

星期日晚上6.7點打去book位😐，有位小姐話今晚吾洗book位，凌晨冇乜人可以直接walk in，點知我地成班人1點半到左，去到有個男仔話已經截左單😡😡但係間鋪明明寫住收3點喎，姐係吾食啦？

途經鬧市想吃飯，見到間餐廳傳黎陣陣燒烤味，全人手燒，見幾過癮就黎試試。爐仔細細，但火力夠，一次過都可以燒幾樣野，配以抽氣系統減少油煙，可見餐廳既配套。一黎燒份安格斯牛肉，肉身厚度適中，脂肪呈橫紋屬於肩胛位置，大概燒5分鐘左右就可以上碟，仲以為肩胛位置會鞋口，原來肉質有口感，有趙頭但唔鞋，脂肪令整片牛口感更滑，而加上海鹽後令味道層次更佳。跟住黎份海鮮，係扇貝同鮑魚黎，由於隔殻燒，所以需要多一點耐性，扇貝燒完縮細左，但粒肉富有肉汁，係由於扇貝殻盛住。至於鮑魚燒完後肉身呈輕微金黃色，賣相吸引，食落就唔會乾身。呢度自助燒係需要自己掌握時間，好在店員有從旁指點，就可以用最佳時間黎燒啦。

講咗成個月終於卜到枱去又玩又食,仲要幾好味😋有啲唔記得影相👍三五知己吹下水食下嘢飲下嘢幾好☺店員友善介紹,熱心幫忙,不過一定要卜位,因為鋪頭坐位有限卜咗位都要等25分鐘