烏蠅館 (已搬遷) 新店位置

本來打算黎試下冒菜，但點知見到一張三峽烤魚嘅菜單，就心郁郁想食啦！同三個朋友一齊叫左個三峽香辣烤魚加六款配菜等左一陣，就上菜啦，係用gas爐一路燒住，烤魚係上菜嘅時候已經係熟左，所以都係等佢煮番沸騰就可以食啦！一黎到已經有驚喜，大量香菜莞茜舖滿成個熱爐，香味十分吸引。魚嘅size都算大，夠我地四個女仔食，魚肉新鮮完全唔會霉，配料夠足。我地叫左（土豆）薯仔、玉子豆腐、金菇菜、鮮淮山、蓮藕片、雲耳，全部都係食辣必配！十分推薦感嘅配搭，材料十分入味，而且分量多，中意食辣嘅人一定要食下！

難得今日星期日有得放假，當然去下尖沙咀行街，海港城果邊已有聖誕氣氛，行到六點幾已差不多肚餓了，於是去烏繩館食烤魚。呢款烤魚只可以落配菜唔可以用來打邊邊爐，與其他烤魚唔同幾特別。暫時得一種烤魚三峽香辣烤魚可以選擇6種配菜$338，8種配菜$368，10種配菜$398。我點左8種配菜：海帶片，萵荀，芋絲，蓮藕片，唐生菜，雞脾菇和油麥菜。好大盤烤魚舖上大量芫茜香噴噴又好香，配菜全部系魚的下面。好大條烤魚，雖然是香辣但又唔會太辣又夠野味，魚肉又嫩滑，魚又烤到好香，又冇咩魚骨啖啖肉，配菜又索晒烤魚汁的味道套餐配2碗白飯。

之前收藏左呢間餐廳好耐終於有機會捉我老公陪我試（其實係陪佢）因為佢平時煮野都落勁多調味又鐘意食酸味味嘅野今次就帶佢見下世面食冒菜（其實我都係第一次）一睇個menu超多餸揀好似打邊爐張紙咁仲可以揀6款咁多！我就揀左麻辣拼火鍋麵其實我係唔知火鍋麵係咩黎原來就好似台灣果種即食麵咁！一黎到上面有極多生蒜仲有好多芫茜蔥成浸麻香味撲埋黎我老公就揀左另一個湯底酸湯！店員話本身都辣嘅但就冇得揀辣度成個碗面都係蔥！食過兩啖比拼之下我覺得麻辣係比較辣而酸湯就冇咁油～兩者各有各特色其實仲有隻籐椒湯底好想試下唔知係點架呢因為齋睇名真係完全估唔到仲有不得不提佢嘅飲品跟餐嘅飲品以為好頹啦但係又唔係播！兩杯都用左茶葉去沖～茶味更加香～

今日朋友搵到間烤魚，話帶我去試下🤗原來係烏蠅館，之前一直經過，見到佢哋主打係食冒菜，未有機會試，原來佢地而家有得食烤魚侍應介紹佢地既烤魚係源用三峽材料及煮法，好期待因為係香港食過兩、三次烤魚，老實，食左乜野魚及味道真係好一般，係咁加紅油，加辣，一d層次都無佢地烤魚可加6、8、10款配菜，侍應提示，配菜必須在落單前說好，廚房會在盤內預先放好，因為他們不會中途才加配菜。我地點了香辣烤魚（微辣）配上8款配菜，配菜點少得豆卜、豆皮呢類吸收精華既好選擇呢。順帶提一提，冒菜提供時間為開店至晚上八時，晚上六時開始至關店時就只提供火鍋烤魚上枱，好大盤，份量十足，烤魚係用大大條多寶魚，少骨多肉，魚質好，醬料惹味，有微辣，配上白飯，食唔停口，個人喜歡麻辣，如果可以加上少少麻辣，就更完美另外飲品點左玫瑰蜂蜜及茉莉蜂蜜，好香花味，蜜糖滋潤試完佢地既烤魚，絕對相信佢地既冒菜一定唔差，下次要黎試試

呢間烏蠅館lunch time真係幾多人架，證明味道唔錯，我地星期最來到都幾乎全場滿座，主要係附近嘅上班族為主。餐廳裝潢企理，淺木色枱，都夠闊落，不過人多預左有機會要坐埋一齊啦。角落位仲有兩張比較大嘅枱，可以一班人用餐。坐低之後，我地拿拿臨點餐，人多預左有機會等得耐少少。呢度點餐好簡單，好似車仔麵咁點菜，自己揀想食嘅配料，按數量計錢。主要分三種餐，一人餐6款配菜就48蚊；8款配菜就56蚊；雙人餐就8款128蚊送主菜兩樣。由湯底到配料都係自選，有少少似麻辣燙咁啦配料方面都好多選擇，超過40款，有葷有素，適合埋素食者。例如有蔬菜、瓜類、菇菌；豬手、肥牛、豬紅、丸類、麵食，花多眼亂，樣樣都想揀。我呢碗係8款配菜，56蚊，分別揀左玉子豆腐、雞翼、芝士丸、墨魚丸、午餐肉、芋絲、冬瓜同火鍋寬粉。其實佢每樣份量約2-4件，雞翼啊、丸類就兩件；蔬菜4件，份量唔算勁多，但食食下都會飽肚，始終我有點澱粉質。湯底方面我揀左麻辣，今日凍凍地想食辣野，揀左中辣，都幾惹味，如果鐘意食蒜味嘅人應該會滿意，好鬼香口湯底唔會太搶，有一定辣度，飲左好多都唔算口渴。如果唔鐘意太多生蒜味，可以走蒜或少蒜。配料整體質素都唔錯，

首先，完全沒有概念它為何要改這樣的一個餐廳名字，完全只會聯想到會有很多烏蠅在店內和麵裡，十分不安，要不是朋友想嚐新對「冒菜」二字好奇，我才不會吃。冒菜其實是四川菜，是類似酸辣湯麵，是我的菜，因為本人十分喜歡吃酸辣的。然後它是有張點單紙，可以自己選擇想配搭的麵粉、配菜、湯底、辣度和酸度等。但它完全不好吃，湯底咪道很像方便麵的味精包一樣，讓人完全摸不著頭腦！要辣不辣、要酸不酸，配菜又少，完全不行。真的是名字不行，內涵也不行的一家餐廳。

之前已經有同事推介過呢間烏蠅館 話佢米線好出名好多人食 結果我哋lunchtime想去試 就摸咗門釘🤕 12點半到去到就已經full house...今日咁岩喺iSquare行左陣 六點幾鐘行完就上咗去 避過繁忙時間 輕鬆試到🤓✌🏻六點幾嚟講 基本上係任坐😂 環境睇得出有花心思裝修過 而且乾淨 上到去發現原來餐廳晚市仲有烤魚套餐 不過我都未試過米線 試咗米線先🥳 落單之前唔記得影下揀送嗰張紙 唯有補一張我劃花咗嘅😂 價錢我覺得好抵! 一人餐最少六款餸 $48起🤤 仲可以揀八餸 全素菜會平啲呢樣又係好貼心 雖然我同我男朋友都係食肉獸唔會揀全素菜😂 仲有二人餐 揀八款餸 兩份主食 再加鴨舌同鳳爪等等嘅小食🙊 我麻麻地好鴨舌 所以同男朋友揀咗兩個一人餐 我六餸 佢八餸 都係酸湯🤣另外我又叫咗夥計推介嘅特飲黑糖紅棗薑母茶(左邊) 聞落好似番薯糖水 但係飲落又無番薯糖水咁甜 幾暖胃 好啱冬天飲🤤 但係點解 點解我男朋友杯凍檸茶望落仲fancy...😂😂😂 賣相：凍檸茶勝🤕我叫咗多蔥 有比較下可以見到蔥量係相當驚人嘅😂 加埋本身酸湯就已經有好多酸菜 啱晒重口味嘅我👍🏻撈一撈個底 六餸同八餸都(ve

見到店名真係好好奇究竟係食乜東東的😂原來係食冒菜同烤魚～～～～冒菜以前係大陸食過，真係又平又大份，岩曬鍾意食辣既我！不過今次我唔試冒菜住，試左我都好鍾意食既烤魚先❤️❤️❤️烤魚既menu係可以簡3款set，由於我同朋友得2個人，所以簡左最小份量既配6款配菜～同埋簡左香辣口味✨配菜方面簡左玉子豆腐、鮮淮山、貢菜、蘿蔔片、娃娃菜同油麥菜！另外點左杯檸檬茶同烏龍茶，呢到特別在係用新鮮茶葉黎沖，茶味更濃！上魚啦！！！勁多配菜😂將配菜撥開，終於見到條魚，原來用左海魚，平時見開烤魚都係用淡水魚，真係值得一讚！魚肉厚實，啖啖都係肉，重點係唔多骨！

聖誕就到同朋友行下尖咀睇睇燈飾然後去覓食行行下search 到附近有間出名嘅冒菜餐館不過唔知咩東東 膽粗粗去試一試餐廳係尖沙咀地鐵站附近上到一樓感覺好文青餐廳好有心思，唔怪得可以吸引到咁多年青人同國內人黎食！And hope I can be expressed the tastes tonight!黎到發現除左冒菜仲有第二樣特別野食㗎就係烤魚 老闆娘好認真用心介紹原來佢地嘅烤魚係跟四川傳統嘅做發選擇左嘅材料就唔可以再加 ，咁先夠原汁原味！烤魚小弟選擇左蒜香味烤魚，而魚都亦係小骨嘅多寶魚。六款配菜選擇左豆皮，土豆片，雞脾菇，娃娃菜，生根同埋芋絲等緊同時 ，服務員都有禮提我地仲有幾多分鐘就上菜，係冷冰冰嘅香港有咁窩心嘅小店，實在要加分烤魚黎到啦！同朋友都不約而同嘩左一聲蒜泥好足料呀，香噴噴，實在吸引多寶魚都大大條，煮左一陣，熱辣辣可以開飯喇多寶魚食落就知新鮮，冇泥味而且魚肉質好滑，而且好鮮甜即使咁多蒜香都唔會蓋住魚本身嘅味道魚肉好入味不知不覺又食左一邊啦蒜泥味道真材實料唔會有味精令到人有口乾口渴嘅感覺另外啲配菜份量好多食極都食唔完兩個人食真係好滿足，好飽飽呢到真係一間人情味好溫暖嘅地方而

是關特別掛住大陸嘅酸菜魚🐟所以今晚食魚魚頂住條癮先😂嘻嘻黎左呢到食烤魚🤗三峽烤魚有兩款✌🏻蒜香烤魚🤲🏻香辣烤魚想試蒜香烤魚點知賣哂🤭店員推介另一道🤓酸辣烤魚正正是小妹的菜😍舉手讚好烤魚相當大條😎魚肉嫩滑可口配6道配菜😄鮮淮山、雲耳、芋絲、冬菇、油麥菜、娃娃菜😊每款配菜吸晒湯汁精華😉正整體酸辣味道😅當中酸味不太突出而辣味係麻果隻且相當強勁💪🏻食到最後會有少少苦澀味🤭店員殷勤招待嘅態度☺️令人相當滿意值得一讚👍🏻

餐廳環境和舒適度一流，而且裝潢佈置都很有格調！飲品很出色，真的有原片茶葉絕無虛假。茉莉一朵朵的很美而且很清香，配上蜂蜜的甜令人充滿幸福感。原葉檸檬茶也不錯，在香港第一次嘗到的真正茶底。我選了A餐任選6款，酸辣湯。材料選了冬瓜片、娃娃菜、金菇、午餐肉、豬紅豬大腸。基本上只要湯底好，你喜歡的材料質素不差都會好味的！這個湯底酸辣做的挺平衡的，入口很順不會很搶喉，食得很舒服。男朋友點的就是麻辣少辣，顏色很吸引，一來到見到很多蒜很香，令人食慾大增！他很怕精味和過咸的湯底，吃完整碗卻大讚湯底不咸而且不口渴！所以這間可以下次再來。

見openrice啲食評話個土豆粉好特別所以特登過黎食環境不錯本來同男朋友想食蕃茄湯，可惜我們8:15先到，無晒，所以佢就揀麻辣中辣，我就揀清湯玫瑰蜂蜜幾清新，男友既凍人蔘烏龍茶可以加奶蓋😂都幾impressed因為係用真既茶葉㨂b餐，任揀8款，土豆粉都包括在內。男友既comment係：賣點係款多量少，不過每款都有2 pcs或以上，同埋越食越有驚喜，因為食下食下又會撈到新食材上黎（原本以為雞翼得一隻，點知食到尾又撈到第二隻，所以覺得開心😂我碗清湯，我覺得魚腐最好味喎同翠華的魚腐口感不同，可以一試

星期日等呀媽收工, 去尖沙咀行左一陣諗住食個下午茶坐下, 因為同呀媽都鐘意食辣, 就搵下有無d川味既麻辣野, 見到呢間烏蠅館咁多好味, 就上去試試佢! 估唔到既野, 星期日成3點都滿座, 攪到好期待!!店員先安排座位然後就可以落單, 一人套餐可選6or8餸, 貪心既我地就試左兩碗8餸, 一個要酸湯, 一個麻辣湯, 另外加左2杯野飲。飲品好快就黎到, 蜂蜜茉莉花茶好香, 甜度岩岩好, 而人參烏龍茶就比較淡。等左20分鐘左右終於有得食啦!! 一見到碗粉已經好興奮,因為好多餸好吸引。麻辣湯唔會太辣, 亦唔會太油, 好惹味, especially d寬粉吸晒d湯, 超正! 而酸湯其實都係辣既, 而且個人覺得比麻辣湯更加麻。土豆粉就係類似烏冬既物體, 我就鐘意寬粉q彈口感, 同埋係比一般既薯粉厚身。如果大家揀配料既粉麵, 就得半份, 主食咁揀就係一份既。每款餸分量都好多, 雞翼同豬手每份係有2大舊, 超抵食, 真係食餸都食飽!!⭐️特別推介係鴨血/雞翼/豬手/豬大腸/腩肉, 滷得好入味, 牛丸都好彈牙, 豬潤都唔鞋。 

’冒‘名而來的菜這天跟女友在尖沙咀行街，夜晚經過九龍公園附近揾野食，見到間叫冒菜的四川菜館，四川菜就聽得多，冒菜真係從未聽過，所以就入去試下。入到去先知原來是食自選米線/麵，類似譚仔三哥咁。我同女友分別叫左配有六款不同配料的土豆粉，和火鍋麵，每碗只需48元，另外再分別加10元叫了一杯玫瑰蜂蜜和茉莉蜂蜜，晚餐來講，性價比十分高。 麵還算彈牙，煮得剛好；事關我寫了小小辣，所以個湯也不會太辣，但我女友叫了中辣，我試了一啖，感覺真是辣的，但和一般的四川菜還真有分別，平時四川菜都是麻辣多，隨時麻到整個嘴都動不到，但這個冒菜卻不會太麻，反而更多的是香辣，所以對於那些喜歡食辣，但又怕麻的人，冒菜可能適合你。

朋友好鐘意食川菜，本時佢可以有幾大麻辣就食幾大麻辣，對住我呢D唔食得辣GE人，相信非常無癮。朋友話今次唔係食酸辣魚、唔係食麻辣火鍋，我地係去食冒菜。咦咦，個名聽都未聽過BO，咁一於死跟啦！朋友仔帶住我出左尖沙嘴地鐵站，就一馬當先帶住我向海港城方向行，去到近住藥房GE位置，就轉左入去，行條樓梯，就去左亞士厘道啦。果餐廳係天星大廈，再上一樓，如果唔係朋友仔帶我過黎，我諗應該呢一世都唔會食到呢間餐廳。一出lift，就見到個Slogan，「我們擅長用味道表達」，嘩嘩嘩，好自信GE Solgan！如果唔好食，真心自己掃自己面。入到餐廳，放眼見到GE係好中式GE裝潢，除左餐桌、椅子都係木製外，牆上排住的格架，每一格整整齊齊咁放住不同顏色、花紋GE茶具，而另一邊仲放住一餅餅的茶餅，相信店家對於味道有一定程序GE講究，而鐘意品茶GE人，佢地GE味覺都應該幾敏感，好啦，就睇下你地GE菜式係咪真係咁優勝過人先。店員放低左2張點菜紙俾我地落單，Menu好簡單分左三部分，1) 餸、2)主食，姐係飯粉麵，同埋3) 飲品，玩法類似車仔麵形式。我就簡左個單人B餐($56)，套餐可以任選8款菜，分別簡左豆卜、雲耳、貢