影片
更多
2018-11-11
1195 瀏覽
朋友好鐘意食川菜，本時佢可以有幾大麻辣就食幾大麻辣，對住我呢D唔食得辣GE人，相信非常無癮。朋友話今次唔係食酸辣魚、唔係食麻辣火鍋，我地係去食冒菜。咦咦，個名聽都未聽過BO，咁一於死跟啦！朋友仔帶住我出左尖沙嘴地鐵站，就一馬當先帶住我向海港城方向行，去到近住藥房GE位置，就轉左入去，行條樓梯，就去左亞士厘道啦。果餐廳係天星大廈，再上一樓，如果唔係朋友仔帶我過黎，我諗應該呢一世都唔會食到呢間餐廳。一出lift，就見到個Slogan，「我們擅長用味道表達」，嘩嘩嘩，好自信GE Solgan！如果唔好食，真心自己掃自己面。入到餐廳，放眼見到GE係好中式GE裝潢，除左餐桌、椅子都係木製外，牆上排住的格架，每一格整整齊齊咁放住不同顏色、花紋GE茶具，而另一邊仲放住一餅餅的茶餅，相信店家對於味道有一定程序GE講究，而鐘意品茶GE人，佢地GE味覺都應該幾敏感，好啦，就睇下你地GE菜式係咪真係咁優勝過人先。店員放低左2張點菜紙俾我地落單，Menu好簡單分左三部分，1) 餸、2)主食，姐係飯粉麵，同埋3) 飲品，玩法類似車仔麵形式。我就簡左個單人B餐($56)，套餐可以任選8款菜，分別簡左豆卜、雲耳、貢
朋友話今次唔係食酸辣魚、唔係食麻辣火鍋，我地係去食冒菜。咦咦，個名聽都未聽過BO，咁一於死跟啦！
朋友仔帶住我出左尖沙嘴地鐵站，就一馬當先帶住我向海港城方向行，去到近住藥房GE位置，就轉左入去，行條樓梯，就去左亞士厘道啦。
果餐廳係天星大廈，再上一樓，如果唔係朋友仔帶我過黎，我諗應該呢一世都唔會食到呢間餐廳。
一出lift，就見到個Slogan，「我們擅長用味道表達」，嘩嘩嘩，好自信GE Solgan！如果唔好食，真心自己掃自己面。
入到餐廳，放眼見到GE係好中式GE裝潢，除左餐桌、椅子都係木製外，牆上排住的格架，每一格整整齊齊咁放住不同顏色、花紋GE茶具，而另一邊仲放住一餅餅的茶餅，相信店家對於味道有一定程序GE講究，而鐘意品茶GE人，佢地GE味覺都應該幾敏感，好啦，就睇下你地GE菜式係咪真係咁優勝過人先。
店員放低左2張點菜紙俾我地落單，Menu好簡單分左三部分，1) 餸、2)主食，姐係飯粉麵，同埋3) 飲品，玩法類似車仔麵形式。
我就簡左個單人B餐($56)，套餐可以任選8款菜，分別簡左豆卜、雲耳、貢菜、鮮冬菇、金菇菜、油麥菜、雞中翼同魚腐，另外再加多左個主食$4，要左個火豆粉，要清湯湯底。
果餐一登場聞到佢好香，上面撤上大量GE 蔥、蒜、芝麻同莞茜，即刻飲啖清湯先，湯底需要清清地，但佢味又幾濃幾香，佢GE配菜味道都唔錯，菜類都係幾新鮮GE。特別要讚一讚佢GE豆卜，勁吸湯，一哎落去，D Juicy出哂你，非常好食。而魚腐都唔錯，炸得剛剛，而魚香味濃。
土豆粉GE口感非常有趣，佢GE感覺有D似紅薯粉同烏冬GE 合體版，食落口滑嘟嘟好正呀。
今次GE體驗非常唔錯，下次可以再黎食過，而且係尖沙咀黎講都唔算貴！
張貼
