烏蠅館 (已搬遷) 新店位置

尖沙咀亜士厘道 Ashley Road 向來都係多野飲野食既地方 以前呢度有間酒吧咖不過已經變左呢間烏蠅館呢期興食川菜，試下先！嘩！都幾多人，好彩訂左枱，唔使驚無位坐。環境都幾舒適，都坐得舒服。叫左條香辣烤魚，有爐跟上，唔使驚凍。條魚勁多配料，夠香口，肉質都滑，好正除左魚，仲有啲配菜可以㨂，都幾多選擇咖，蔬菜類為主，全部都好吸收到湯既精華，諗起都流口水仲叫左杯檸檬碟豆花，好似好勁咁，有維他命又提高免疫力，仲話可以降血壓添！叫杯試下先！飲落味道都唔錯喎間野都好易搵，海防道轉入亞士里道左邊樓上舖就係，地鐵站過黎都係大約五分鐘，非常方便

呢排個個上深圳都會食「探魚」，可惜我嘅回鄉證過咗期，冇機會返大陸食，所以就決定發掘下香港可以食到烤魚嘅地方，朋友介紹下就嚟咗係尖沙咀嘅烏蠅館！佢係樓上鋪黎，平時成日喺尖沙咀出沒嘅我都好少留意到，如果唔係突然間想食烤魚，都唔會發覺到呢間餐廳🍴呢度除咗烤魚之外都仲有火鍋，烤魚嘅套餐有三款，可以配唔同數量嘅配菜，由於我哋得兩個人，而且都唔大食，所以就叫咗六款配菜，另外再加咗個吸湯一流既寬粉等左差唔多半個鐘，盤烤魚終於上到嚟，好彩佢上菜嘅時候已經係全熟嘅，唔使再等就可以即刻食。我哋叫咗個蒜香烤魚，佢除咗有好多蒜之外，仲有好多紫洋蔥喺面頭，既可以裝飾又可以調味～而且個湯入面仲有好多一粒粒嘅生蒜，幾乎每一啖都會有濃郁嘅香蒜味～鍾意食蒜嘅朋友千祈唔好錯過！而條魚嘅肉份量適中，如果唔連埋魚皮食嘅話蒜味會相對少好多，由於我本身唔鍾意食魚皮，所以條魚比我感覺相對上係清淡嘅，不過都好滑好好食！加咗寬粉，不過因為魚同埋配菜已經好足夠，所以最後食淨左🤧

今日特登嚟來試呢間 "烏蠅館"，睇個名幾特別，佢哋係食川菜, 一入門口侍應員會問想食火鍋，烤魚還是冒菜，我選擇了食烤魚。 收到點菜紙，原來他們是四川三峽烤魚，分別有三峽蒜香烤魚及香辣烤魚選擇，而二兩種口味的烤魚可配六款配菜$338，八款配菜$368 及十款配菜$398，我們食量不算多所以選擇了六款配菜，海帶結，玉子豆腐豆，皮土豆片及海白菜，在選了一杯原葉檸檬茶(凍的)。原葉檸檬茶上到枱面時看杯內有一捲捲的原片茶葉，當自由張檸檬壓碎後原片茶葉開始慢慢打開，看來都幾特別，飲落去非常清新，茶味香濃，而糖水是自己加的，非常唔錯。好喇，到了主菜三峽烤魚終於來了，他們用一個特別的gas爐去上菜，原條魚放在平平的鑊上面烤煮， 主各魚係用了多寶魚重要非常肉厚鮮嫩，配上他們獨特的香料，加入四川不同的辣味椒絲，配上六款配料吸盡所有精華味道，令所有食才變得非常之美味香辣， 所以忍唔住叫了一碗白飯去撈汁。最終用了一個小時零十五分鐘把全部食物都食完了，喜歡烤魚的朋友可以試試這一間，地方清潔gas爐乾淨企理坐得又舒服。返屋企再搜尋咗一次冒菜是什麼，原來冒菜係一種四川嘅火鍋湯底去煮一些麵條，簡單啲講是類似用冒菜嘅

過完年，終於可以出街吃下飯啦！咁當然吃我最鐘意的🐟魚魚🐟啦！找到在尖沙咀都幾出名的烏蠅館啦！(其實你一打個”烏”字係openrice就立刻出到！)地點係大廈的一樓，不過好易找，古色古香的就係啦！一出𨋢就見到呢個比店名更大的標語！再推開到木門先係！平日晚上7點入到去，唔算多人喎！最吸引眼球的就係一整個wall的茶壺！Decoration都幾清簡，一D都唔似就般的火鍋烤魚店！一坐底未見到menu就見到呢篇千字文！內心好感動！真係覺得老闆對烤魚有一種堅持✊烤魚的menu好直接！1.香辣蒜香2. 6，8定10款配菜3. 飲野呢間d茶好像好堅咁！所以我試左原葉檸檬茶！賣相好文青fu呀！等左有半個鐘先到主角出場！餓死寶寶了！等一個感覺係蒜香，葱，紫洋蔥等配菜非常多！等魚魚烤熟之前先看下我們選的6款配菜先！有玉子豆腐，蓮藕，貢菜！另一邊仲有山根，准山同金菇！店長推薦土豆粉，個樣好cutie，肥肥白白咁！認真又幾好吃喎！條魚係多寶魚，肉比較滑，無咩骨也無咩泥味！幾適合做烤魚！不過魚肉比較薄，兩個人一條魚都要加少少野先夠飽啦！

呢間鋪頭位置黎講唔算好，因為街外冇咩大型招牌，要吸引人黎食真係要靠媒體或朋友介紹，先講入門第一關，道門好重，拉開真係有種世外桃園既感覺，唔大力拉都以為關左門冇開鋪，哈哈，店內裝修幾精緻，充滿中式風格，人流不多，人手也不多，出現有客人追單情況，由於烤魚需時，我叫左條烤魚都等左半個鐘，隔離左右都食得好芝味既時候我地就越等越肚餓😭😭。半個鐘後終於上菜，估唔到都幾大份，我地叫左個香蒜烤魚6款配料既套餐。唔包野飲，但配料都幾多選擇，個人推薦土豆粉必叫。之後盡量叫可以煮得耐既菜，因為個鍋會一直滾，如果唔快食菜就會爛晒。條魚好大條，肉質鮮甜，雖然唔似大陸某間我最喜歡既烤魚店，但我覺得呢間都煮得幾入味，算係幾好食。兩個人食唔洗加肉都會飽到上心口！

今日男朋友好細心地安排左一間特色菜系嘅餐廳作為晚餐～起初唔知冒菜係咩 一search之下 原來冒菜係四川菜嘅一種 岩哂鍾意食重口味嘅我！所以一睇到餐牌 就直接叫左一睇就知係濃味嘅三峽烤魚<<三峽香辣烤魚 $338>>因為我地只有兩個人 所以揀了6款配菜嘅份量 再以$28追加多個四川土豆粉好多洋蔥同香蔥鋪滿整鍋烤魚，而魚肉，餐廳係選用了多寶魚 呢條多寶魚比我想像中厚肉好多，而且少骨，用作烤魚非常方便，唔需要Leon魚骨～ 另外魚肉的肉質鮮嫩肥美，配上香濃的辣味，簡直一流而且辣度恰到好處，唔會因為過辣而蓋過香味另外我地就揀咗鮮淮山、金菇、生菜、豆卜、土豆片同芋絲。全部配料會跟魚一齊上，所以會好入味，火鍋面一直煮都唔會過腍～ 而額外追加的四川土豆粉口感相當煙韌，非常入味～而另外值得一提嘅係飲品，非常多選擇，因為見到餐廳有好多茶葉餅作擺設 所以就選擇左原葉紅茶，冰凍得來又可以解膩紅茶上面鋪滿原片茶葉之餘 亦都充滿茶香，絕對係真材實料！整體來講食物嘅味道同質素都相當好，喜歡食香辣同重口味嘅我 一定會再encore！

我都幾中意返大陸北上食魚，又平又好好食，健唔健康就大家都知乜事啦🤭今次又想食魚啦不過就變左係香港食呢條魚，位於尖沙咀既烏蠅館係由冒菜起家既！冒菜是一種成都小吃，佢會將事備好既蔬菜同埋肉放入辣味既湯底煮熟食，其實都有少少似香港既打邊爐架今次我地就簡左三峽香辣烤魚加8款配菜，不過好可惜我地唔記得走芫茜，好彩有個朋友肯食晒佢！條魚肉質好滑有鮮味而香辣味亦唔會搶左魚肉既鮮甜。正所謂年年有餘，好可惜呢條魚食最後一舊肉都無得剩！我地見肚餓嗌多左個椰子雞煲，一大個雞煲裡面既雞唔似得出面煲到硬晒既做gym雞，呢到既椰子🥥味滲入左雞肉入面，加埋佢爽口既椰子肉可以解辣，中和返頭先食烤魚既熱氣添！

天氣凍凍地，放工係尖沙咀覓食！朋友之前問我有無食過冒菜，我真係孤陋寡聞，無試過。天氣凍凍地，放工係尖沙咀覓食，知道有間冒菜烤魚係附近，所以唔駛多諗，決定去試一試！星期三七點鬆D已經坐滿一半，我見到有人食大碗麵，有人打邊爐，我仍然想試試個烤魚！不過食野之前，我先點咗杯茉莉蜂蜜打打底。原本諗住＂自我安慰＂對餐廳蜜糖期望唔大，不過估唔到杯蜜蜂都有茉莉淡香，見個樣都知＂有料到，唔係味精糖漿，而且甜度也適中。大堆頭大堆頭！我點咗個三峽香辣烤魚，一整條多寶魚加6樣配菜（萵筍，玉子豆腐，雞脾茹，土豆片，娃娃菜，豆卜），超豐富！原本諗住除左魚，無肉，唔知夠唔夠飽，但其實份量都好大盤，所以如果2個女仔絕對夠食！咁我今晚同 my san嚟，我哋都係好辣ge人（特別四川），原本有定心理準備＂香辣＂同我哋最愛＂麻辣＂實有距離，但驚喜ge係呢到冒式香辣都好濃郁惹味，當然一D都唔＂麻＂，但D香口越食越上癮，好彩阿san醒，一早加埋寬粉係底吸汁，真係用到清哂盤，攬住個肚腩走。另外不得不提，職員介紹我哋另加黃喉（係心臟血管部分），口感非常爽口，滾埋落個香辣汁，無得彈，我諗我之後都會加黃喉做打邊邊的必食配料！

啲朋友成日話約返大陸食烤魚北上咁山長水遠，倒不如近近地係香港食算啦見依間係openrice既評價幾好，係尖沙咀地點又夠方便，一於嚟試下依到既裝潢擺設又幾有心思仲有個開放式廚房一條烤魚可以揀6/8/10款配菜我地4個人揀左8款配菜，每人揀2款啱啱好三峽香辣烤魚我地揀左小辣，我依個食落清湯米線既人嚟講啱啱好有辣既惹味得嚟，又唔會辣到食唔到配菜方面，我就最鐘意山根吸晒啲湯夠晒惹味第一次食烤魚試玉子豆腐，原來又幾正喎唐生菜同娃娃菜都係唔錯既配搭仲揀左海帶、土豆片、金菇菜同蘿蔔片仲嗌多左個椰子雞煲 ($218)份量好多寬粉擺埋落烤魚到，吸下啲辣汁，夠晒惹味雙拼手工餃有韮菜餃同白菜餃，我就鐘意韮菜餃多啲朋友嗌既玫瑰蜂蜜既有蜂蜜既甜，又有淡淡既玫瑰香埋單每人$200左右，平平地近近地食個烤魚都係唔錯既聚會選擇臨走時，侍應話7點前嚟，依到會有冒菜供應一個麵四五十蚊左右，又可以揀好多款配菜，下次早收工嚟試下先

今日行過尖沙咀，咁多好野食揀到頭都暈，所以上openrice睇中左呢間食烤魚既，一入門口已經勁香！7點後就主要食火鍋同烤魚，全場都香噴噴，流曬口水！兩個人去食都係由細入手，叫左個6款配菜。下面有好多蔬菜類既野，不過呢到建議大家可以睇睇另一張菜單，有多啲料，雖然要另加錢但無個粉係個鍋硬係覺得唔夠，於是我地加左好多人話好食既土豆粉。香噴噴既烤魚來了，朋友唔食莞茜，所以走左佢，但味道我覺得都調得好好味！多寶魚做烤魚幾正，條條骨分明好易入口。配料叫左玉子豆腐、豆卜、蓮藕片等等。其中萵筍好易煮爛所以唔建議叫，反而蓮藕愈煮愈入味，好岩用黎烤魚。飲品叫左杯茉莉蜂蜜，幾好飲，最正係杯中有好多朵真的茉莉花，好靚！

約左朋友6點在烏蠅館吃晚餐，開頭找不到餐館，原來在大廈內，樓上1樓轉右看就見到啦！朋友已在等我，店舖開門時間是6點所以不是很多人，今次是我第一次吃烤魚，真是大鄉里。第一眼就看到擺放左茶葉餅和茶壺作裝飾真特別。朋友問我吃什麼，我只好叫服務員介紹下，他非常有禮貌和細心介紹佢地的主菜是：三峽香辣烤魚，可自選配6款菜$338元。我怕辣所以不要，但他說可以BB辣，果真怕辣的我都可以接受到這個辣，我選擇:海帶結、貢菜、鮮淮山、非常爽口，豆卜、蘿蔔片、生根吸左D魚汁非常惹味。仲加左1個自選墨魚、蝦雙拼滑$98元，食落就知真的自家做非常鮮甜和滑，不同出面太多面粉。又叫左個四川土豆粉$28元，初時意為是日式烏冬，食落才知錯左，比日式烏冬更加滑和煙韌好好食，遲些食土豆粉仲更加好味因吸哂魚汁，而主角魚肉十分鮮美好滑。另外加杯苿莉蜜蜂茶，朋友就叫左杯苿莉花茶，都是$18元一杯。一邊食一傾下十分享受，不經不覺座到8點，看到原來餐館已很多人，果真好食自然有人知，哈哈！

我同朋友都很喜歡吃冒茶，特別是烤魚。所以點左個香辣烤魚。因為食辣野的關係所以點左杯凍玫瑰花茶，清清地可以帶走烤魚辣味。佢哋都放咗幾多玫瑰花茶，抵叫。香辣烤魚醬汁一嚟到已經好香，唔似其他餐廳淨係會聞到辣味。洋蔥浸入左好多醬汁，非常吸味好吃。配料方面豆皮唔會太硬，好似食緊富足。蘿蔔和馬鈴薯都不會切得太厚，令醬汁可以浸入去。菇類因為比較厚身所以可以中和辣，是一個不錯的配料。我哋沒有叫菜類，因為怕菜會吸收太多油。整體來講味道好好味，但條魚比較細所以可能唔夠食。

我同朋友都很喜歡吃烤魚，所以晚上特登來到烏蠅館試吓佢哋個烤魚。茶類飲品都用新鮮茶葉沖製，可以舒緩烤魚的辣味。我哋揀咗麻辣口味配六款配菜，配菜點了蘿蔔、萵筍、馬鈴薯、豆皮、菜和菇。麻辣口味小辣不算太辣，醬汁味道很香，魚肉也很滑，可以一試。但係條魚有點細，就算加埋配料三個人也不太夠吃。所以之後試埋佢個椰子雞湯火鍋。椰子雞湯雞味很岀，椰子味不太重。雞件也算鮮嫩，但牛肉有點粗糙。薯仔粉煙煙韌韌幾好食。另外見到佢哋有個米線套餐都好抵食，下次嚟到一定會試吓。

尖沙咀亞士厘道不嬲都好多食店，今日朋友約左我去食好西，佢知道我鍾意食烤魚，之前係深圳已經食過番尋味！😋 昨晚在烏蠅館吃晚餐，行到最入天星大廈既一樓，原來道門係拉，等我係咁推都開唔到！😅😅店舖擺放左各種茶葉餅和迷你茶壺仔做擺設都幾精美！ 店員推介我地食佢地個招牌他主菜是：三峽香辣烤魚，自選配6款菜$338元)，本來我地係選蒜香味，我地怕，所以佢建議可以叫BB辣，咁就姑且信佢一次先！🤠 果然真係唔會太辣，而且個味道好香口，BB辣好岩我地港人口味！而個自選菜就點左：萵筍、唐生菜、鮮冬菇、海帶結、土豆片、蘿蔔片，仲加左1個自家製白菜餃子🥟$68，好多白菜同豬肉，鮮甜可口；又另外點左個四川土豆粉$28，好爽口彈牙，透明QQ既感覺！吸晒魚汁精華超好食！主菜多寶魚肉好嫩滑，啖啖魚肉！而飲品方面我地點左熱玫瑰蜂蜜$18及期間限定凍檸檬蝶豆花$18，顏色十分鮮豔，飲落去唔會太甜！個冷氣都足夠，唔會食到流晒汗！我地食完才發現好多人都慕名黎食！果真香港人都鐘意食魚！讚👍 唔洗上深圳就可以食到咁正既烤魚啦！🤤+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大

比朋友笑死, 佢一聽到個店名, 就問點解咁唔吉利叫得做烏蠅館, 佢唔怕要拍烏蠅咩?大家可以放心, 因為食度d野食有特色得黎, 味道都唔錯, 所以烏蠅就冇la, 人就有好多~因為有另一朋友話之前係度食過麵, 覺得唔錯, 見有烤魚, 就話不如試試, 對於冇主見既我地, 有人比埋suggestion當然舉腳讚成啦!入到去發現都幾大, 仲有好多茶菜tim, 應該係川菜mix好荼吧, 但感覺就唔係太高級, 如果d枱深色返d, 應該會感覺high class d同埋match返茶葉e個topic多d!見佢地既茶葉都係主角之一, 仲要杯杯都係$18蚊咁平, 我地就每人叫左一杯!再加個烤魚with配菜, 肥牛, 黃喉等等, 已經夠3個人食到勁飽! 而下面個幾款就真係大家要試試既:1. 烤魚當然一定要講先, 平時閒閒地食條魚都成二百幾蚊, 今次加多10樣配料都唔洗400, 即刻覺得好抵! 而條魚本身都好滑同唔腥, 所以連平時唔多食魚既朋友都係咁食! 另外條魚都幾大條嫁, 我覺得4個人分都夠呢!2. 黃喉($98)又係必試! 朋友話之前食過要成二百幾蚊碟, 而家唔洗100蚊就可以比我地淺嚐, 梗係要試下啦