烏蠅館 (已搬遷) 新店位置

平時喺大陸食烤魚食得多，反而喺香港就好少食。今次試下呢間位於亞士厘道嘅樓上鋪，個名叫「烏蠅館」嘅冒菜餐廳。冒菜真係好少聽，唔知係咪烤魚都係叫冒菜呢。一嚟就嗌左個三峽蒜香烤魚，揀左$398可以任揀10款配菜。另外就再可以額外嗌啲火鍋料，食到咁上下員工會幫你加湯打邊爐。飲品揀左杯茉莉蜂蜜，呢杯野好好飲好清甜，杯底有好多茉莉花好香！呢個魚最後等左好耐先上枱，個盤好大但條魚唔算大條，亦都唔算多肉，我地揀左10款配料就已經鋪哂喺個底度喇。

Sichuan spicy grilled fish seems to be such a popular dish lately, but this is my very first time trying it.I was definitely pleasantly surprised! It was an explosion of flavour. It was a spicy, garlicky, numbing goodness.We only ordered the mild spice as it looked quite intimidating with all the red peppers on top, but feel like I wouldn’t mind trying a but spicier next time.The fish was tender and soft and full of flavour. We also could order an extra six food items to add into the pot with th

烤魚近年興起，呢日朋友話香港開左間好好食的烤魚餐廳，於是，我地就搵日來試一試。佢的餐單不止有烤魚，仲可以打邊爐。佢有兩款烤魚，一個香辣，一個蒜香。我地叫左個三峽蒜香烤魚，有六款配菜，娃娃菜、海帶結、豆皮、土豆片、萵筍等。不過，上菜時間就比較耐，我地等左過半鐘先有，唔知係咪太多人的關係？仲有，呢間餐廳的烤魚品種係沒有選擇既，只有餐廳安排，我地呢日的魚就比較細，比較多骨，唔算太好。蒜香味道都幾濃郁。玫瑰蜂蜜幾好飲😋

黃昏六點到餐廳，餐廳已經坐了三份一人，朋友推介來食烤魚，這裏有兩款，香辣或蒜香，個心十五十六，見其他食客都係order 香辣，最後都決定小香辣，有24款配菜可以選，上菜賣相非常吸引，又紅又紫又綠又白，配菜強烈推介淮山、豆皮、紫菜、金菇，全部都好夠味，紫色的洋蔥尤其清甜，杯凍檸檬茶竟然有茶葉，一問之下才知道，店內牆壁擺滿各款各樣的中國茶及茶杯，原來老闆娘好喜歡中國茶，特意選購一批來出售，晚上七點前可以order特色車仔麵，所以就算唔喜歡吃魚都可以來試

自從係大陸食過烤魚之後，係香港一直都心癢癢好想再食返。今日黎咗烏蠅館食晚餐，先知原來佢地有烤魚食架！即刻叫一盤黎食，我地叫咗三峽蒜香烤魚。一黎到見到非級大條魚，應該係成兩斤重！四個人食都好足夠呀！呢隻魚肉質好滑嫩，唔係大陸食既鱸魚🐟最重要既係，佢一啲都唔腥喎！一大堆香蒜鋪係條魚上面，咸香味十足。配埋白滑既魚肉，簡直就係天作之合。我地叫呢款係$398包10樣配菜，我最鍾意豆卜，因為豆卜索晒啲蒜汁，好濃郁。其實佢地大部份配菜都係好入味，呢點都好抵讚，成盤魚都好入味，連配料都整得好好吃。我叫咗佢地既玫瑰花峰蜜，呢杯野好易入口，好香甜，對女士都有益。正呀！

食得辣既表姐相約去尖沙咀亞士厘道天星大廈烏蠅舘試試新推出三峽香辣烤魚火鍋;原因佢食過，話辣得過癮，佢自己又想再回味吓！入到店內見兩幅牆壁上掛著多款茶具；另外也有茶餅,感覺老闆是個嗜好茶道者。館內座位巳差不多滿了。有香辣和蒜香兩種口味，適合喜歡吃辣和怕辣的食客選擇。三峽烤魚配菜有24款不同口味的菜式，分別有三種價錢，我哋兩個女仔唔係好大胃口，所以㨂咗6款配菜。等咗大約幾分鐘，侍應捧上一大盤烤魚來，烤魚面舖滿紅卜卜的籽天椒，簡直令人叫絶，烤魚肉質鮮甜；6款菜式有芋絲、生根、鮮准山、油麥菜、海帶結和萵荀墊在烤魚底吸盡精華，令配菜更惹味，真令我一試難忘。

今次同hony係尖沙咀九龍公園舊地重遊，經過亞士厘道，另我倆想起上次曾光顧過既鳥蠅館食車仔麵,留下美好深刻印象，還記得老闆話過睌上將會加推火鍋。既然嚟到附近，當然要上去試試新口味！週圍環境、氣氛同人流都同上次差唔多，只係開咗個大窗，見有一串串紅燈籠充滿重慶風情味。店長介照新推出嘅三峽烤魚，係重慶最傳統烤製方法；有兩種唔同口味，一種係蒜香三峽烤魚同香辣三峽烤魚,。我倆都唔食得辣，所以揀咗個蒜香三峽烤魚。有三種價錢可選擇，$338選六款配菜、$368可選八款配菜、$398可選十款配菜。一端上檯面有好多蒜茸鋪喺多寶魚面，令香氣撲鼻，我哋揀咗六款配菜；當中包括（豆卜、海白菜、萵筍、鮮准山、芋絲同海帶結）全部配菜都吸收蒜香烤魚的鮮甜精華，令配菜更入味，若淨食配菜略嫌鹹了些，所以配個白飯大家share 更加完美。

見到open rice強烈推介 當然要試下 講真 愈多就會覺得系一個伏 哈哈但今次佢地有好多哈哈笑既系我至愛食既烤魚，絕對要試下。又要預早book位因爲星期五怕full,,上到去地方有d迫 好大陣烤魚既味道，毫不猶豫點左個香蒜烤魚，套餐上有6款配料可以選擇也有八個，同10個。我們選擇了六個配料其他就單點。但是店裡只有2個侍應，所以服務有待改善，加上我地等左份烤魚足足45分鐘😭😭這一份烤魚很香很有蒜的味道。本人覺得食落去有d咸，個魚好滑亦都算系多肉，其他既配料既份糧相對於價錢黎講都算系中規中矩。另外我地亦嗌左一杯茉莉峰蜜花茶依杯都幾獨特 吾系周圍都有得飲 可一試總括來說，價錢系ok 市場價 每人240, 但服務就要改善一下 因為真系等左好耐，可一試

心血來潮想食烤魚，但香港好多十間有六七間都伏伏地🤦🏻‍♀️🤦🏻‍♀️一係太貴一係就無味🤦🏻‍♀️🤦🏻‍♀️咁係尖沙咀就試下間烏蠅館 🙆🏻🙆🏻一出𨋢，鋪面唔算大，頂多20張枱到😗環境有啲行中國古典風😎😎幾有feel😎烤魚menu，今次叫咗三峽蒜香烤魚😋😋佢嘅主打係用多寶魚做嘅烤魚😋😋😋喺香港真係好難搵到！叫左個6款配菜set 🙆🏻🙆🏻幾抵食 😎😎叫左金菇，蘿蔔，淮山，海帶，豆卜，芋絲😋😋😋全部都好吸味既😍😍其他收費menu🙆🏻🙆🏻單純款式用來打邊爐既真係唔算太多，中規中矩，但for食烤魚既就好夠🙆🏻🙆🏻最後淨係加咗我最愛既韭菜餃，淮山，寬粉😋😋😋等左15分鐘左右有得食啦🤤，為左連啲配菜都入味，佢好似大陸咁，將湯底同配菜一齊淆😋😋😋每款配菜份量都好多👍🏻👍🏻我食到最後都仲食緊配菜😂😂😂特別推介食烤魚真係要食蘿蔔同豆卜+芋絲!!!!!!!!好吸味好正😋韭菜餃🎉🎉🎉唔算水準之作，中規中矩甘啦，因為韭菜切太大 🤔🤔陣韭菜味食落唔太突出 🤔🤔🤔但裏面肉質係好彈口 👍🏻👍🏻皮薄所以叫中上評價👍🏻👍🏻👍🏻寬粉 🙆🏻以前淨係係大陸食 😗😗好難得係香港搵到 😋😋😋以28蚊黎講，分量真係三個人都夠食

尖沙咀出名多美食，今次黎到呢間樓上鋪品嚐冒菜😋呢到嘅三峽烤魚套餐，有兩款味，分別係香辣烤魚同蒜香烤魚，而且仲有三個價錢，有6款8款同10款配菜，今次就試左蒜香烤魚同8款配菜。一上菜就見到好大盤烤魚，上面鋪滿蔥同蒜，超級香噴噴😍，聞到都流曬口水。烤魚係用左多寶魚，係出面係比較少見，魚肉非常滑👍🏼，配埋蔥同蒜，食落好惹味🤤。不過面頭嘅蔥蒜食得耐都比較咸，所以食到咁上下店員會加返d水，咁味道到岩岩好，跟住就可以食埋d配菜，配菜點左8款，有白蘿蔔、土豆片、冬瓜、萵筍、豆卜、雞脾菇、紫菜同芋絲，全部配菜都同湯底好夾，吸到湯汁好好味。除左烤魚，呢到仲有好多款唔同嘅火鍋配料可以點，好似鴨血，四川寬粉咁，不過今次食完烤魚同8款配菜已經好飽🤰🏻，下次一定要試埋其他配料😍

第一次黎食晏個陣俾佢嘅味道深深吸引住個次食完後 好想再黎食但今次第二次食 則沒有甚麼驚喜先黎咗杯玫瑰蜂蜜 跟餐加$10唔會太甜 又好重玫瑰味👍🏻今次嗌咗6餸麻辣湯火鍋寬粉個人覺得依度嘅粉麵土豆粉比較好食皆因火鍋寬粉比較硬雞翼有2隻雞肉比較碎 應該有4 5舊左右准山有5塊芝士丸同墨魚丸各有2粒 都比較大粒👍🏻本來點咗豬潤的但後來發現碗內冇 同店員講 原來冇貨之後就改要咗鮮冬菇 有4舊今次湯底較油 下次可能會再試其他餸🤣

呢間冒菜算係我食過之中最好吃的。每當有同事話要去烏蠅館吃lunch，明明帶左飯嘅我境然要捨棄個飯盒跟他們一起去。聽落好誇張，但我真係十分欣賞😅點解? 因為lunch算抵食，六個餸加個主食先$52，當然食物質素都非常好啦。今日點左火鍋寛粉，六個餸包括魚腐x2、鴨血、豬耳絲、雞翼同貢菜😍湯底係海鮮湯。食到超滋味🤣不過唔食辣嘅我就喜歡蕃茄湯多D，而寛粉超有口感，一定要點！重點要提大家係平日一至四食lunch最好十二點前到，遲左就大排長龍了。下次我會吃晚餐的火煱同烤魚。

個人對魚係冇乜興趣，所以係未食過烤魚，不過朋友話想食就成班人一齊去左食。一入到間鋪其實幾大陣香料味，聞落好似幾好食咁，期待就即刻高左，不過原來係唔應該咁高期待咖，因為希望越大，失望越大一班人叫左一條烤魚加D配料咁，仲有個椰子雞煲，諗住幾個人實夠食。烤魚一黎到就咁睇以為好多野食，好滿咁，但佢個盤比想像中仲要淺，所以其實唔係好多野食，不過香就真係幾香既。條魚又係比我想像中細，佔左個盤打橫一半都冇，多骨少肉，係唔飽既。最後希望係係個椰子雞煲到，但d雞食落真係好老好hi，一d都唔好食，再加上佢戈陣時有時冇既椰子味，真係唔知有咩咁好食，有d失望。

之前一直係網上睇 都已知依間餐廳嘅存在但一直都以為只係食烤魚冇諗過午市有咁正嘅粉麵餐食!點幾上到去 已經有好多人係門口拎位午市有好多人幫襯用膳期間 都聽到好多顧客大讚依間餐廳午市粉麵餐餐牌我嗌咗個6餸麻辣湯土豆粉6餸$48 再加個土豆粉加$4 我嗌小辣 已經好辣了個土豆粉好彈牙 好好味!仲要d麵索晒d湯汁咁🤤 真係冇得彈萵筍 有4塊腩肉 有2塊2塊都好厚 好大塊一舊魚腐2舊燕餃最尾仲有4舊豬大腸同2粒鵪鶉蛋因為冇咩特別 所以冇影到以往係出面嘅粉麵店 俾嘅餸都會好少依間餐廳就唔同 以為揀得6餸嘅d餸都會俾得少量d 但點知俾嘅餸都算多係好多細微位 都睇得出依間餐廳好有心思上餐嘅時候 個盤會附上紙巾唔似桂xx米線舖個d咁 要紙巾都額外收費係結帳個陣 仲有個兜仔放住d薄荷糖俾客人除口氣👍🏻👍🏻餐廳嘅裝潢都幾有心思

朋友成日都話想上深圳食烤魚，但係我就唔想去到咁遠食野，無意中發現尖沙嘴有一間食冒菜既餐廳，就一齊去食烤魚啦！呢度有幾款唔同既烤魚套餐，有辣同蒜香味可以選擇，同埋可以選擇叫唔同數量既配菜。我地得兩個人，所以就叫左6款配菜既烤魚套餐！烤魚真係好大盆啊，入面啲料真係多到呢！我朋友唔係好食得辣，所以我地叫左蒜香味，所以烤魚係有濃濃既蒜香味，建議要叫返樣主食黎配，我地就配白飯。我地亦都叫左呢度既自家特飲，分別係凍既茉莉蜂蜜同埋熱既玫瑰蜂蜜，佢既飲品好清同refreshing,好適合配呢啲重口味既食物。