烏蠅館 (已搬遷) 新店位置

🔎尖沙咀亞士厘道38號天星大廈1樓B舖「香濃重口味烤魚」相約友人尖沙咀食飯，最好搵返樓上鋪，相對上無咁多人，傾計都方便D!今次我地揀左烏蠅館，雖然個名會令人卻步一下，但都係無阻我地食好西既動力！到餐廳樓下，因為無招牌，可能需要仔細搵下。一入去，空氣中瀰漫住烤魚既香氣。餐廳內既環境，乾淨明亮，位與位既空間尚算闊落。烤魚我地揀左三峽香辣烤魚，辣度可以係側邊寫返，而配菜可揀六款、八款、十款。三峽香辣烤魚 （$338 - 6款配菜）配菜方面，最後我地叫左土豆片、唐生菜、金菇菜、准山、萵筍、豆皮結。呢條烤魚真係視覺饗宴，烤魚上層鋪上滿滿既配菜，超吸睛！未食已經聞到好香！而魚肉質又滑又香，湯底香濃，真係做到bb辣，配合埋超吸味既配菜，真係一流！如果配菜份量再多返少少就好啦。好欣賞有自家飲料，價錢好公道，只係$18就有杯茶飲，我地分別叫左茉莉蜂蜜同玫瑰蜂蜜。陣陣花香仲帶有蜂蜜香甜，解渴又可以除油膩感。🍽8/10

談起食烤魚，相信許多人第一時間會想到返深圳吃各式的相關食店但其實要在香港，一樣有高質的選擇此店就在尖沙咀，地點就腳，而且店子不大，但裝潢都相當有特色座位間的空間也相當充足，坐得舒服主角當然就是這個三峽香辣烤魚，小辣的辣味適中，適合我們口味味道香濃，魚的肉質軟滑可口，顯見是相當高質的魚肉6款配菜，我們選擇了的包括唐生菜、娃娃菜海帶、土豆片、蘿蔔片等仲有寬粉，吸取了烤魚的精華，更為惹味韮菜餃，同樣皮薄餡靚鮮墨魚滑同鮮鯪魚滑雙併，一個字，正一食彈牙停不了口仲叫了杯茉莉蜂蜜，清新鮮甜，好飲又下火，清熱解毒香港食店多，美食實在臥虎藏龍，今餐愉快又美味

自從上次喺深圳試完烤魚之後，就一直對烤魚念念不忘。上個禮拜同同事講起食烤魚，就有同事介紹咗一間起尖沙咀食烤魚嘅舖頭，今日就決定去試下佢。今晚目標好明確，就係食烤魚。配菜賣相很好選擇的都係素菜為主 我地就揀左豆卜 豆結 娃娃菜 油麥菜 薯仔片 同 金菇一上碟 魚嘅面頭鋪滿左辣椒同蒜 啲配菜就係底～上枱嘅時候，蒜香味朴鼻，好大盆。個底有成10款配菜，滿瀉嘅蒜蓉令所有配菜同埋主菜烤魚都好入味。呢杯自家特飲茉莉蜂蜜，茉莉花嘅味道好清香，加埋蜂蜜嘅味道，好清新，推介之選。味道：这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民。

依間餐廳午市同晚市係食唔同野嘅，午市就食類似車仔麵咁，晚市就食烤魚！聽講佢lunch時間都好旺場，今次就避過最忙果段時間，兩點鬆啲先去，但都差唔多坐滿！配料方面都好多選擇，最少嗌六個餸，好似好多咁！但其實佢每樣餸都係得少少我叫左海膽丸竽絲生菜蘿蔔豬紅豬腸嘅火鍋寬粉。依到嘅湯底都幾特別，今次就試下個酸湯啦！依到上餐有啲慢，等左好耐先有得食！但依碗野真係幾驚喜，個火鍋寬粉其實姐係粗嘅紅薯粉咁，好煙韌但又唔會太硬難消化，幾正！但最吸引嘅係個湯底，原來佢酸湯就好似平時食酸辣粉個湯咁嘅味，又酸又辣加埋個寬粉好惹味！但口味係偏濃嘅，食完飲極水都好大陣味不過收錢果個位有薄荷糖拎，食完真係要食番粒薄荷糖清下啲味！但整體黎講真係幾正，尤其鐘意食濃味嘅人必試！期待下次試埋其他湯底

三峽香辣烤魚 任選六款配菜 💰338 8⃣小編聽個名真係唔知食烤魚，但d豬朋狗友三番四次推薦我食，就黎食下究竟龍與鳳，頂多唔好食咪摞把刀捅佢地咯！有咩所謂姐！上面環境裝修都算係比較正常，但坐得都唔會話太逼。我哋就揀咗香辣味烤魚（小辣程度），佢地既魚類係左口魚，魚質比較有口感挺身小小。小編真係要讚下佢地既成個調味，因為佢地用香蒜調味，同小編出面食既完全好唔同。唔係講經小編真係推薦大家去試下。有六款配菜小編可以選擇，同埋份量真係算幾多。而我地就揀左 冬瓜片，油麥菜，鮮冬菇，鮮懷山，豆皮結同埋生根。一邊煮一邊索曬所有湯汁，所以話超級入味。/蜂蜜茉莉 8⃣ 蜂蜜玫瑰 7⃣ 💰18小編友人一飲蜂蜜茉莉，就ma大隻死人眼，話好好飲好清爽。小編既蜂蜜玫瑰都幾好，但都覺得蜂蜜茉莉更勝一籌。

第二次黎食呢間烤魚啦，冇食一排就會好想食下烤魚，近近地係尖沙咀就食到都幾好，唔洗返深圳食。今次同上次比唯一最大唔同係上菜速度，快左好多，今日既客人比上次多，但上菜速度竟然冇因爲咁而慢左，值得一讚！今次叫左香辣味烤魚小辣，不過個人覺得香港的小辣真係只有一點點辣而已，如果想食到有辣既感覺相信應該中辣就岩岩好了，相反大陸既小辣就已經感受到辣😂😂條魚依舊新鮮，肉質嫩滑，冇魚腥味配料俾得好足，6款就夠食，如果係兩個人既話其實唔洗加其他野，一個烤魚套餐就足以夠飽😋不過貪食既小編加左兩個小食，一個係土豆粉，雖然最後都係食唔晒，但呢款粉係幾好食，夠黏韌👍🏻 另一個係午餐肉，煎得好脆身，不過兩人食都係有點多😂😂 建議約埋三五知己一齊黎食會較好～

烏蠅館好少食冒菜, 冒菜是四川菜, 聽到個名好得意同埋最近朋友知我係1隻貓超喜歡食魚就陪我過來食烤魚。店舖裝修得幾古式古郷, 烤魚外還有車仔麵食, 下次一定要過嚟試。入到店舖店員細心地問我哋食哪一類型菜, 我哋話食烤魚, 便安排坐在有GAS爐的座位。店員還有介紹店舖可以有品茶，我哋可以下次試試😋😋三峽香辣烤魚～多寶魚（10款配菜）店員細心咁介紹怎樣叫法, 可以叫1條魚, 有6款, 8款同10款的配菜, 大食積的我當然要咗10款配菜啦。我隨咗喜歡食魚就係菜, 所以唔好話10款, 幾多款都應該難唔到我XDD因為1向腸胃同喉嚨都唔好的我, 要求要少辣, 都已經好好味😋😋因為唔止係有多寶魚同埋以下10款配菜, 仲有好多唔同香料,食時唔似出面食火煱咁要點醬料。炸咗多寶魚再加上以下10款配菜同埋少少上湯, 已經覺得好野味我哋叫咗以下10款配菜, 當然全部都係我喜歡食啦, 最重要係全部都好新鮮, 連唐生菜碌咁耐都唔覺得好淋感覺。海帶片,蘿蔔片,雲耳,萵筍,蓮藕片,冬瓜片,鮮淮山,豆皮結,雞脾菇,唐生菜。因為唔知食辣嘢唔想飲熱嘢, 所以叫了枝麒麟啤, 嘩!簡直就絕配👍👍因為我哋兩個都大食仲叫咗四川土豆

之前已經同朋友泥過呢間食麵線，所以今次再泥就決定食烤魚！同之前泥嘅感覺一樣，餐廳嘅裝修好古色古香，周圍放咗唔少茶具做陳列，牆身仲有個大木架放咗唔同種類嘅茶餅，愛茶之人必睇！同朋友仔2個人，叫咗一個烤魚套餐，6個配菜。口味就揀咗三峽香辣烤魚嘅小辣，配菜選擇以蔬菜為主，不過同朋友唔算太餓，所以都冇額外叫主食同肉類。烤魚係多寶魚，魚骨以主骨為主，冇咩細骨，骨肉分明，所以啱哂我呢啲唔鐘意挑骨嘅懶人！千祈唔好俾佢面頭嘅紅辣椒嚇親，話明係小辣，真係完全可接受範圍內，除咗辣椒，仲有莞茜、洋蔥同香葱做調味。魚肉偏結實，夠哂入味。而六個配菜就分別揀咗鮮淮山、油麥菜、生根、土豆片、萵筍同雞髀菇。上碟嘅時候，已經放埋入烤爐度一齊煮，所以基本上樣樣野都好入味。鮮淮山好粉腍，又夠飽肚，所以唔叫多份主食，都夠食！而土豆片、雞髀菇同萵筍呢啲都係愈煮愈入味嘅配菜，好惹味。食到一半，記得定期叫職員加水，免得啲水蒸發哂，變咸。一見到個水煲，就知店主都有係呢方面留意，籐編嘅水煲好配合餐廳整體氛圍。食完咁濃味嘅烤魚，都唔洗驚口臭，即刻食返粒薄荷糖先啦！

第一次來已經愛上忍不住要分享了話說今天有同事帶我來吃lunch麻辣燙為主但因為自己不吃辣就選擇了蕃茄湯餸菜的選擇也很多我選擇了魚腐，芝士丸，墨魚丸，生菜及鮮淮山等等而主食就是火鍋寛粉整碗的味道十分好我肯定是我吃過的車仔麵中是出色的一間最推介的一定是魚腐有鮮味的魚味幸運點了兩個我倆吃得津津有味下一次會試晚市的火鍋 !!!!!

呢到lunch 我平時有食開， 今日同埋好友試試dinner -烤魚烤魚有蒜香或香辣味-可以平時午餐咁簡配菜（6/8/10）（$338/$368/$398）我地6個人咁多， 香左10配菜有萵筍，娃娃菜，蘿蔔片，蓮藕片，芋絲，油麥菜冬豆片， 豆皮，豆卜及鮮准山❤️❤️❤️❤️❤️❤️配菜吸引哂香辣醬汁既味道， 好野味😉✌🏻魚方面餐廳用多寶魚， 魚肉質比較厚身， 啖啖肉👍🏻清爽椰子🥥雞煲（$218）我們還有加些許配料， 如牛， 但食得太快， 唔記得影😂😂

同朋友黎左Tsim Sha Tsui, 朋友上黎OpenRice 一睇就話想食蒸魚，就過黎試下。可以揀六款餸既蒜香烤魚餐，基本上都蔬菜之類，我地揀左山根、淮山等等，可能真係慢工出細貨，我地一共等左40分鐘才到，一大盤，勁入味，蒜香味勁濃，我個人覺得好好味，雖然表面油比較多，但可以用匙羹格開啲油，山根果啲吸晒啲湯汁，超超超入味。不過味道係偏鹹的，朋友話佢食唔慣咁重口味，最後叫左兩杯飲品，再叫左杯水俾朋友清清喉嚨。

間店環境幾好～落單前店員都會介紹下啲烤魚餐係點。我地叫左個$338既三峽蒜香烤魚餐，可以再簡多6款配料😀原來佢有個黑板仔會寫當日既特色飲品，叫左杯黑糖珍珠鮮奶（$28）試下咁個烤魚幾香口，啲魚好滑阿！另外我本身都好鐘意蒜香味，佢既蒜味好濃，但去到後尾就會有少少咸啦，不過加番水都okay😛果6款配料簡左金菇、蓮藕片、蘿蔔、玉子豆腐、腐皮、冬菇。啲配料原來好多，開頭好多係魚底，最尾都食唔曬，好飽阿！！

本身聽個名都唔知道係食烤魚，但驚朋友介紹呢間食烤魚嘅味道好特別所以就嚟咗試吓，一上到去環境坐得好舒服，唔會太迫，一坐低店員就同我地講解有本身聽個名都唔知道係食烤魚，但經朋友介紹呢間食烤魚嘅味道好特別所以就嚟咗試吓，一上到去環境坐得好舒服，唔會太迫，一坐低店員就同我地講解有烤魚餐同埋火鍋可以選擇烤魚餐同埋火鍋可以選擇，因為我鍾意食烤魚嘅關係，所以我哋就揀咗烤魚，而味道我哋揀咗香辣味，店員亦都有推介黑板上嘅另類飲品，而我就叫咗芝士奶蓋烏龍茶，味道唔會太甜，好有茶味，解辣解渴一流，烤魚到咗之後店員同我地解釋見到出煙之後就可以轉小火就食得㗎啦，條魚佢哋用咗左口魚，肉質比較挺身，唔會散到周圍係，而最特別最特別就係佢哋個烤魚調味料，好香蒜蓉味又辣辣地，同出邊食到嘅烤魚味道好唔一樣，呢個幾惹味我都幾推薦，除咗你叫烤魚之外的話，仲會需要你選擇六款配菜，所以其實份量都算係多，我哋就選擇咗萵筍，蓮藕片，金菇，豆卜，因為我哋鍾意食萵筍同蓮藕片，所以就將呢兩款配菜Double上😝😝😝啲配菜索晒啲湯料之後非常入味，好好味，整體不錯👍🏻

依排好興去深圳食烤魚其實近近地尖沙咀已經有啦！今晚黎到烏繩館食烤魚有2種味道揀： 香辣 或者 蒜香我地揀左香辣（小辣）仲有得揀6/8/10個配菜～我地就揀左6個，再加左個鴨血配菜選擇都係素菜為主 我地就揀左豆卜 豆結 娃娃菜 油麥菜 薯仔片 同 金菇一上碟 魚嘅面頭鋪滿左辣椒同蒜 啲配菜就係底～味道方面係勁蒜 同微辣朋友就話仲有好香嘅芝麻 夾埋蒜之後好香好好味～啲配菜索左啲湯都好正！係條魚細左啲 唔夠喉啊！食食下 店員同我地推介自家製飲料 話可以解下辣 所以我地就嗌左個桂花蜂蜜 都幾清新食到最後都食唔哂啲豆卜 證明都足料架！餐廳7點前係食冒菜（其實係一碗麵）下次如果lunch行過都可以試下

其實呢度都算唔太顯眼，如果唔係聽客人話呢度有間食麻辣燙，平時行過都留意唔到。上到去2點半到，見場內都幾滿，多數都係附近做野既人。午餐都係呢種車仔麵咁既麻辣燙，款式算多，我選擇左6款配主食，total$52。點餐紙都有埋走青，走蒜既選擇，對我黎講都幾方便。點完餐後大約10分鐘，好肚餓既我睇一睇，碗野得一樣係岩既，其他全部錯曬🙄所以當然要換過。等緊途中，見對面個客都漏左個飯，其實都幾亂，終於等多10分鐘我真正個碗到左。我點左紫菜、雲耳、鴨血、肥牛、腩肉同燕餃配火鍋寬粉中辣。平時最多叫兩餸既我，突然感覺好豐富。份量方面接受既，因為呢個價錢有6款。雲耳同紫菜正常，鴨血入味但薄，肥牛都幾多但un un 地，腩肉唔錯有肥肉唔un,而燕餃我就第一次食，彈牙口感唔錯，似係包住蝦膠。整體感覺一般，但以便利返工同價錢黎講，可能會再食。