烏蠅館 (已搬遷) 新店位置

行完山好想打邊爐，喺Openrice 好隨緣咁搵，就搵到呢間餐廳去之前打電話去問有冇位，個女侍應態度超好，好有耐性咁同我講解間餐廳有咩食，可以點叫，價錢係點，大概幾多就夠飽，完全冇嫌我煩🥰😂間餐廳坐得都幾舒服，我哋兩個人叫咗一份三峽香辣烤魚加六個配菜（$338），辣度適中（對比之下，譚仔三小辣會辣啲），都幾有蒜香味，配菜特別推薦蓮藕同淮山😋😋 之後我哋另加土豆粉同魚皮餃，夠飽有餘。野飲就叫咗玫瑰蜂蜜同檸檬碟豆花，個人比較喜歡玫瑰蜂蜜多啲，飲落去幾舒服。我哋嗰日去都幾多空位，但覺得呢間嘢餐廳值得多啲人去，所以專登黎打個食評，值得一試架，服務態度又好，欣賞💁🏻‍♀️💁🏻‍♀️

唔洗山長水遠番大陸都食到好味既烤魚今日驚喜😆，不嬲都鍾意食魚嘅我經常都返上深圳食，今日朋友帶咗我嚟一間好特別嘅餐廳，去到門口發現餐廳個名好得意叫「烏蠅館」，齋聽名應該唔會知道係食咩呢😂！其實佢比較出名食烤魚🐟門外完全打卡位，但推門入內反而裝修一般哈哈，唔知係咪閒日人都唔算多，睇餐牌主打係烤活魚，$338自選6款配料，烤魚口味有分香辣同蒜香2種，而魚類店主係揀選「多寶魚」一般很少見，我哋點選香辣口味（少辣），計落單後都等咗超過十五分鐘先上到，但當時無咩客🤣終於上菜喇，睇賣相就已經相當吸引，侍應哥哥話先開大火滾2分鐘再轉慢火就食得，不過我覺得2分鐘實在太少了，會唔夠熱，所以都係煮滾少少會好啲。由於店主選用多寶魚，所以非常厚肉又夠滑，不過呢種魚比較多細粒嘅軟骨，要成日吐返出嚟，稍微扣了點分數，至於湯汁方面，上菜時已覺得非常香，用上大量熟蒜鋪面，好入味而辣度方面，本身唔太食得辣既我，都覺得辣度啱啱好，6款配菜方面揀咗淮山，金菇菜，玉子豆腐，唐山菜，蘿蔔片同埋豆皮結，勁足料，食唔晒，配菜給晒魚汁嘅精華，簡直超正！正體嚟講係色、香、味俱全，值90分以上，絕對值得一試特別一提，聽職員講而家已經冇咗芫

最近愛上左食烤魚，但就好少係香港食，記得烏蠅館有烤魚食，就約埋幾個老友齊齊去食三峽烤魚，味道佢有辣同唔辣既可以揀，我地揀左三峽蒜香烤魚同埋佢地有6款8款同10款配菜選擇我地揀左十款配菜另外佢重有張火鍋配料紙，食完條烤魚重可以叫火鍋料我地盆烤魚黎喇！好大盆啊而且配料好多，放晒係魚底，一定好入味配料我有揀我鍾意既土豆片，玉子豆腐，豆卜，淮山，全部都揀d會好索湯汁既配料條烤魚好大條，都好多肉，而且熟度岩岩好，好香既蒜味豆卜好吸湯汁食完魚之後我地都叫左火鍋配料繼續食，基本上用番個湯去煮，每樣配料都好入味

細妺介紹佢公司附近嘅烏蠅館有得食烤魚，即刻book嚟試吓。天星大廈真係未黎過食飯，上去嗰時仲以為係辨公室。一去到就俾個裝飾吸引住，好靚。餐廳環境好乾淨整潔，裝飾特別，有一個架上面全部都係唔同嘅茶壺，另一邊就係茶葉。最緊要係坐得舒服，唔洗同人逼黎逼去。餐廳有冒菜，火煱同烤魚。我同朋友兩人就係為咗烤魚而來。烤魚有香辣同蒜香揀，香辣有大，中，小辣可以揀，如果怕食辣就可以叫蒜香。因為想食辣嘅烤魚，但有怕太辣就叫三峽香辣烤魚小辣。$338有一條烤魚再加六種配菜。呢六種配菜係直接同條魚一齊煮。如果唔夠食，亦都有其他粉麵/餃子另外叫。原來佢地仲有涼拌小菜食！好細心咁分咗肉食同素食。見佢都幾抵食，本來好想叫黎試下，不過朋友話驚食唔哂條烤魚就冇叫。等咗一陣，哇！條魚上黎啦！我地嘅三峽香辣烤魚配咗冬菇，豆卜，雞髀菇，生菜，蓮藕片同萵筍。一上菜，就比嗰顏食吸引咗，條魚上面有好多紫洋蔥，仲有葱花同辣椒！條魚都好大條，啖啖都係肉，好嫩滑！啲配菜都吸哂啲湯好正！特別係豆卜。嗰湯底係重口味嘅，不過食烤魚就係佢食重口味，先多達夠香。如果有多碗白飯就perfect啦！侍應會好留意湯，見你唔夠湯，佢會即刻加水。好貼心！

食開烏蠅館嘅晏晝，覺得佢超正，就諗住試埋佢個晚餐！烤魚都算大條，香辣湯底同晏晝食嘅麻辣味有啲唔同，少咁啲麻味。肉質嫩滑，但唔多肉。今次揀咗10樣配料，都算豐富。另外點左啲餃子，鳳城水餃最好味！

烏蠅館主打冒菜是四川菜之一，今次嘗試三峽烤魚套餐！三峽烤魚套餐有兩款味，分別係香辣烤魚和蒜香烤魚，而且分別有六款，八款和十款配菜可選！三峽蒜香烤魚 （六款配菜）$338非常大盤的烤魚! 表面鋪滿了蒜蓉和蔥花，立即聞到濃郁的蒜香味，口水分泌隨即增加! 餐廳採用了多寶魚，魚肉非常滑，沒有細骨，而且鮮甜，配合蒜蓉和蔥花，惹味十足! 用GAS爐保持烤魚熱辣辣，最能嚐到烤魚的鮮美!配菜我們選擇了豆卜、萵筍、芋絲、蓮藕片、鮮淮山和雲耳！全部配菜份量都很多，和湯底都很匹配，而且都吸到湯汁的精華！可樂 $9罐除了烤魚，餐廳還有很多款配料可以選擇，例如鴨血，四川寬粉等，下次一定要試香辣烤魚和其他配菜！

女友想吃烤魚，上網見到評價不錯的，就上門試一試。店鋪格局明亮乾淨，坐得幾舒服。牆上有茶具和植物做裝修，有中國風味。叫了三峽香辣烤魚(少辣,走青)，配料有6款/8款/10款，可以根據自己的喜好來選擇。我地就揀左6款配菜。烤魚即製，需要耐心等候20分鍾先到。選用多寶魚，頗大一條。多寶魚魚肉鮮嫩彈牙，不(梅)，沒有雪氣味，頗為新鮮。魚焗得剛好，不黏骨。小辣不是太辣，但味道香濃，適合唔食得咁辣既人。配菜選擇了6款頗為索味的食材。土豆片，煮得軟身，泡耐了都入到味。金菇爽口索味，是必點之選。生根即比較油膩一點。豆皮挺身，富有豆香。鮮冬菇滑身彈牙。油麥菜是咁多個配菜中最好吃的，最索味的。配菜數量比想像中的多，頗為滿足。見到網上推介土豆粉，也點了一份來試試。店員很耐心來解釋土豆粉和紅薯粉的分別。土豆粉沒有紅薯粉那麼煙韌，介乎麵條和薯粉中間的質地。一吃頗為驚喜，是外面比較少吃到的麵質。推介大家來試試這麵。

不是第一次來這家店食了，還記得上次吃有不錯的體驗，口味不錯性價比高。今次來試了八個配菜的麵餐，好像60多元，但入口就發現有點伏了，不知是湯底還是甚麼問題，所有配菜都非常非常咸，極重口味，比上次吃完全變了味道。

太少返大陸，我對烤魚既認知係，大陸好hit，不過就冇食過。今日朋友仔既烤魚癮起，我地就一齊黎到尖沙咀食啦~六點左右黎到，烤魚剛剛開始供應，有好多名店sales仲食緊飯，應該係食緊冒菜(七點停止供應)店開係一樓，都幾大，裝修帶有中國風。Menu 好好好多野食，除左烤魚仲有得打邊爐。待應話，好多人仲會點火鍋配料加入烤魚到食。我地兩個人，決定要一碟三峽香辣烤魚加六款配料 , 選左小辣~首先上桌既係茉梨蜂蜜。茉梨蜂蜜好靚呀，有原粒花花，超少女👵🏻一上枱，真係雙眼發光，又紅又綠好吸引！侍應話魚本身已經熟左，教我地等大火加熱出煙之後，可以轉小火keep住爐温~之後少左水可以加，如果加完水味道覺得淡都可以揾佢地加魚汁~魚係多寶魚黎，啖啖肉又少骨，頭先叫既配料就鋪滿係底。朋友仔係咁話，好似探魚呀😂😂😂😂😂不過小辣真係bb 級，我諗一般人可以中辣起跳。食到差不多，我地竟然唔太飽，於是加點左寬粉。好好食呀，口感係蕃薯粉咁樣煙煙靭靭，配落個汁好夾。有機會再黎試冒菜！

一向也喜歡和朋友仔北上吃烤魚，但吃過尖沙咀烏蠅館的烤魚後不用山長水遠北上都食到好味又抵食的烤魚！三峽香辣烤魚-朋友之前吃過也推薦我來吃不吃辣的有香蒜囗味可選，小妺算是辣得之人今次因第一次試所以保守叫了小辣，但吃過後覺得挑戰中辣也沒有問題今次和友人2人點了烤魚+6款配菜(紫菜，萵荀，豆卜，玉子豆腐，豆皮結，芋絲)上菜時有點被份量嚇到，烤魚用上多寶魚，沒有太多細骨，魚肉嫩滑，配菜就墊在魚下吸收盡湯底和魚肉精華特别係紫菜，連同湯底的洋葱，芝麻一起吃意想不到的配合飲品點了自家特飲茉莉蜂蜜，較為淸新老實説2人吃烤魚加6個配菜已經夠飽，證明店家的良心！店員也主動幫忙加湯和細心提我們要注意烤魚的火喉，絕對有下次！

點了三峽烤魚小辣 魚肉很滑 但味道很淡即使點了最容易吸味的金菇 娃娃菜 豆卜等的配菜都不入味配菜量很多兩個人叫六個配菜的都吃不完點餐後等待時間頗長整體來說 整盤烤魚味道較淡感覺只有嗆喉的辣

今日約咗幾個朋友去尖沙咀食飯，心癮起好想食烤魚，喺深圳就食得多，但香港嘅都真係未試過，所以就同朋友一齊喺OpenRice搵左間食烤魚嘅餐廳。其實佢都好近地鐵站，個位置算係靜中帶旺啦。一上到去，見到個招牌其實都幾靚幾吸引，所以就同朋友忍唔住影咗幾張相。餐廳裏面嘅環境好舒適，好適合一班朋友坐低傾吓計食下野。食物方面，我哋叫咗個三峽蒜香烤魚同埋有10款配菜嗰個套餐。上枱嘅時候，好香好蒜，好大盆。個底有成10款配菜，滿瀉嘅蒜蓉令所有配菜同埋主菜烤魚都好入味。另外想講一講嘅係佢杯自家特飲茉莉蜂蜜，茉莉花嘅味道好清香，加埋蜂蜜嘅味道，好清新，推介之選。

相約左好友晚聚 黎到尖沙咀食街-亞士厘道,好友推介我黎試下“烏蠅館”裡既冒菜“烏蠅館”位於天星大廈1樓，位置相當方便同朋友都食得辣今次試下”三峽香辣烤魚” (中辣)6款配菜 我地揀左:雞脾菇🍄,玉子豆腐, 豆皮, 豆卜, 生根 & 芋絲全部配料都好多, 好足料，仲好入味雖然多寶魚 肉質較厚, 但廚師烤到較腍身

朋友突然想食烤魚 於是搵左好耐大多數返大陸會食烤魚 但今次係香港都係第一次😋眼見餐廳用膳既人都係食麵 得我地食烤魚 場面好搞笑😂職員亦溫馨提示呢到食烤魚食完無太大味係身上面/衣服上面(的確係真既👍🏻）我地order <三峽烤魚> 有蒜香/香辣(再揀大中小辣)味道選擇有朋友唔食得辣所以我哋就揀蒜香味Ps.後來我地發現其實烤魚配辣味道再夾d😂再附加d配菜 eg:油麥菜、玉子豆腐、蘿蔔片、鮮冬菇等等... 加晒落魚嘅底部 魚好滑 雖然都有骨 但魚骨比較大額外order小量火鍋料 呢杯<茉莉蜂蜜> 味道淡香 清甜適中👍🏻

好掛住大陸既烤魚啊！上星期同朋友係openrice見到呢間烏蠅館一於去試下好無食先.我地叫左三峽香辣烤魚同鴛鴦火鍋烤魚加左蘿蔔 白菜 芋絲 豆卜等等最吸味同湯既配菜就最正我地揀左6款配菜既 份量剛好魚肉好鮮好滑又無咩骨小辣剛剛好 一食就停唔到！配菜非常惹味 最愛豆卜蘿蔔煮耐啲淋啲會更正.另外火鍋配料揀左芝士丸 海膽丸 牛肉同炸魚皮鴛鴦鍋就最好 一邊辣一邊唔辣呢度既配料好多選擇海鮮 肉類 丸類都好多因為烤魚都有肉所以我地淨係揀啲無咁膩既～丸類好食 不過間間都大同小異 湯底最緊要魚皮煮8秒左右 吸左湯最香最好食！.叫返2杯茉莉花茶同玫瑰蜂蜜解一解膩同辣都不錯啊