烏蠅館 (新都城中心二期) (已結業)

食店只想做酸菜魚生意，對想食冒菜食客態度勁差。唔接受book枱只能walk in，會催食客交枱。甘大碗野食左15min就要走。建議店舖晚市唔想做冒菜可以quit左佢淨係做酸菜魚。

湯底我選咗麻辣中辣，配菜就選咗萵筍、雲耳、豆皮結、鮮淮山、油麥菜、魚腐、肥牛同豬大腸，土豆粉有嚼勁，中辣都幾辣會食到出哂汗好彩冷氣夠同埋凍桂花蜂蜜幾清香解辣一流！

深愛川菜點我，看到這家的店名就知道是川菜館。午市堂食等了將近20分鐘才有位。員工態度很差，而且據觀察經常出現漏單錯單的現象。原本不想等位的，因為三十幾度的天氣要企外面等實在是一種「酷刑」，但看到那麼多人點外賣，猜想味道應該很正，就忍耐了。沒想到，卻是失望至極。點了一人餐58元8種食物，加粉絲5元和一罐可樂。等了將近20分鐘才上菜，結果還是在我的提示下才得到食物，因為落單的金髮美女寫錯檯號，將我的單寫成了其他的檯。這位美女工作時面無表情，客人叫的時候也無反應，可以說是連基本的禮貌都沒有，也這種工作態度，不知道是不是老闆薪水太低所致⋯其實，不想做完全可以不做，對嗎？現在來吐槽食物吧！一份麻辣大辣的冒菜上檯，既無川菜應有的油光，也無嗆人的辣味，就是一碗水煮青菜，放了一些切碎的指天椒和一大勺蒜蓉。嘗了一口，頓時覺得將近一小時的等待實在是太浪費了！！！湯底除了指天椒的味道以外，連鹽味都沒有，純粹是清水煮幾樣青菜然後加入指天椒和蒜蓉敷衍了事。簡直是侮辱了烏蠅館在四川的江湖地位和美名。這樣敷衍的店，請大家遠離。

午餐時段，餐廳只有麵飯供應，晚市則可以點烤魚吃。餐廳裝修帶點古色古香味道。麵餐可選6個或8個配菜。因為晚市有得打邊爐，所以粉麵亦有很多火鍋配料可供選擇。非常豐富。我們二人點了兩碗麵。都選了蕃茄湯底。蕃茄味很濃郁，不會太搶味，還吃到蕃茄蓉。很出色的湯底。配料方面，點了牛丸/肥牛/魚皮餃/雞中翼/金菇菜/油麥菜/蕃薯粉。另一碗有黑豚肉/香菇/魚皮餃/鴨血/海膽丸/唐生菜/土豆粉。配料基本上都屬正常麵店的水準。特別喜歡其中數款配料。鴨血，有驚喜，普通麵店無得點。雞中翼，兩大隻，很入味。黑豚肉，有質量，數量也有不少。蔬菜類，很新鮮。土豆粉，很滑身，吸收到蕃茄湯味。

食物方面 米線煮得太淋 四川酸湯幾正 餸都還可以 希望可以唔洗set死要揀六樣餸or above 其次員工態度極度差 表情講野串串貢咁 好似我哋食嘢係阻住佢咁下次黎會試下晚市 希望到時候會改善下

放假行過俾佢嘅舖頭名吸引咗，行埋去望Menu發現原來係食川菜😲 😲雖然唔係好明同烏蠅有咩關係，不過門口好多食客排隊，覺得應該唔錯，可以一試！點菜方式就好似食車仔麵咁，自己揀食咩餸同湯底。配料選擇勁多，一定有款啱你心水😉我揀左娃娃菜，芋絲，蘿蔔同肥牛配番薯粉。份量足夠，番薯粉軟硬適中，湯底有啲似酸菜魚嘅味道，好惹味！調味好足料，要小心啲食，因為有好多花椒🤣🤣 下次會去挑戰吓佢個麻辣湯底！😋😋

烏蠅館三刀魚雪花肥牛土豆粉價錢💲: $288/ $128/ $28好味程度😋: 3.6/5服務🍴: 3.4/5環境🗾: 3.2/5性價比🥢: 3.5/5回頭率😚: 3/5 (晚市烤魚) -烏蠅館有烤魚食，仲要開到來將軍澳，我真係好期待😋記得要打電話訂枱同留魚，因為入面得幾張枱，勁逼😂 如果唔訂真係會食唔到。我地今次4個人訂左一條三刀魚，中等價位，要招牌香辣的小辣🤓 佢仲會包3款配菜，個日就係木耳，白蘿蔔片同雞脾菇👍🏻但留意返每樣係得幾片好薄好薄既‼️唔可以當係餸呀‼️-首先講下條魚，佢都幾細。我地4個人督下督下好快就冇咩肉😰雖無肉質幾嫩，都有魚味。骨就唔多，通常都係大骨來的🤗啱晒我懶lur骨。條魚我覺得有稍為煎過，所以會香d🤔 但佢真係對4人來講太小肉。食到咁上下就可以落湯打邊爐咁，我地另外叫左土豆粉同手切肥牛(唔記得影掛住食🙈)-土豆粉似滑身烏冬，好煙韌，滾多一陣會吸晒味🥳 手切肥牛又係得10片到，不過有小小雪花，厚薄都適中既🧐 重點來啦，就係食到尾勁多油，好似油浸，可以照鏡😱 勁油膩，我個人唔係好中意咁😳 但好彩我地有叫到杯桂花蜜清下姐。整體晚市我唔會再試，但晏奏車仔麵冒菜就可以啦🤪

今日用外賣APP叫了外賣送餐，兩碗冒菜中有一碗送錯了，內容與落單不同，可能是職員放錯了，送錯的餸又真的不合胃口，於是決定致電向職員反映。起初我們都預計他們可能只會敷衍了事，豈料聽電話的職員非常有禮貌地跟進，並安排人手將重做的餐送來。欣賞小店雖然有失誤在先，但態度並非是是旦旦，勇於願意承擔問題，抵讚！希望你們長做長有！

舖面唔係好大 平日嘅夜晚都full晒大家嚟食最好就book定枱先，如果唔係好大機會冇位！第一次嚟食 驚太辣 所以叫咗小辣。。烤魚個味好好食 不過唔係好夠辣 下次再嚟會叫中辣 （平時米線食開3小辣） 烤魚會跟3樣指定素菜, 今晚跟嘅係雲耳 雞脾菇 蒿荀招牌香辣烤魚 三刀魚🐟 $288加咗幾樣配料，選擇都幾多 條魚食到7788就可以叫人嚟幫你加湯鴨血 $78個人認為切得有啲薄 我鐘意厚啲食落口感好啲 寬粉$28蓮藕片 $35響鈴 $48今次兩個人嚟食 睇落好似唔係叫咗好多嘢，但係都食唔晒,可能係條魚夠大條埋單每人都係二百零蚊 幾抵食

烏蠅館在寶琳開業半年左右，一直想試試～～加上朋友極力推介這家餐廳，終於去光顧咯～～原來餐廳的午市時段是賣冒菜，晚市是主打烤魚查看一下才知道冒菜是來自四川成都的小吃麻辣燙在香港應該有較多人認識冒菜跟麻辣燙的味道差不多，只是製法及食法不同冒菜是將所有材料一併放入辣湯汁中燙熟後食用而麻辣燙是用竹籤穿好食物，在鍋里燙着吃～～～簡而言之：冒菜：不數竹籤麻辣燙：選的時候有竹籤，做好之後沒竹籤另冒菜的湯底選擇比麻辣燙多樣化～～～烏蠅館的午市消費，最便宜的是$50選6款菜跟餐的主食另加$5，除麵食外，也有白飯可選～雖然店家主打川菜，但不能吃辣的話也沒問題，因為湯底選擇也有清湯及蕃茄湯啊！我就選了四川酸湯配土豆粉6款配料分別是萵筍﹑鮮准山﹑魚腐﹑豬紅﹑豬大腸及黑豚肉另加$10，配了一杯桂花蜂蜜～～四川酸湯的賣相不太討好，一整片綠綠的，連配料都看不清楚～～不過湯底的酸度好足，好香，令人開胃，帶微微的辣，湯底味道幾有層次！第一次試土豆粉，微微的煙韌，又帶點爽滑，比起蕃薯粉更掛湯！萵筍及鮮准山都好爽脆，豬大腸滷得幾入味魚腐是我愛吃的那款軟綿綿的口感，十分吸湯，正豬紅普普通通，味道偏淡最不好吃的是黑豚肉，肉質又

係將軍澳揾間食辣唔易，上網揾到呢間就即刻試下。星期五6:45pm去到已經無位，要等到8pm，咁就先落單叫左條三刀、香辣中辣。之後就去商場行下返黎就有位啦。條魚煮法同一般烤魚唔同，烤魚多數係條魚外皮係乾身烤過咁，但呢條就係好似好多汁煮住既蒸魚咁。啲汁好惹味，啲配菜（木耳、雞脾菇、白蘿蔔）大部分煮一陣就入哂味，好好食。條魚啲肉算滑再加埋啲汁就成條魚好快被我地食哂。 之後就加湯叫餸打邊爐，不過個汁都幾多油，我個人可以接受，整體係滿足既一餐

呢兩日突然好想食麻辣搵咗好耐都唔知邊度有黃店麻辣野食然後有人介紹我地食呢間-無人帶位 所以就咁行入去 然後個侍應係咁指住門口 我地就下意識行出去原來係要探熱跟住佢又指住酒精搓手液 再指枱 然後畀menu我地（個menu好多野都無矖 我下午4點去食）全程一句野都無講過 我地以為佢啞 後來聽到佢同同事講野 自知佢態度差 唔係啞-我地每人食咗碗6餸餐（50蚊）丸 雞翼果啲每樣2舊 同埋加咗主食（5蚊）我加咗火鍋闊麵 友人加咗土豆粉 份量少 野飲再加錢

喺香港要食到好食嘅川菜並唔容易，要將街頭小食麻辣燙帶入食店堂食更加係難上加難。今次嚟到位於將軍澳嘅烏蠅館，門外雖然未有香濃嘅麻辣味充斥，但中午未夠已經吸引唔少街坊到場排隊，果然係該區比較獨有嘅菜式種類。任選8款 冒菜麻辣燙（生根、魚腐、腩肉、鴨血、魚皮餃、豬耳絲、風琴豆腐串、黑豚肉）配粉絲麻辣燙配合一啲非主流嘅小食從來都係非常出色，小辣嘅湯底加入超級索油嘅生根、魚腐、豆腐串等小食，啖啖入口都係麻辣汁，簡直係重口味之選。而且呢碗冒菜嘅蒜泥同芫荽係相當充足，如果唔夠嘅仲可以用$1再加料，務求滿足重口味人士嘅「特別需要」。一碗共8款小食都只係$58，而加$5亦都可以有跟餐主食，其實份量已經足夠媲美譚仔三哥嘅過橋，比較細食嘅朋友可以選擇6款餸嘅套餐。值得一讚嘅係佢嘅鴨血同魚腐，鴨血頗滑而且完全無血腥味，魚腐算得上係比較特別，亦唔係平時街市買到類似魚蛋嘅口感，比較軟身同埋索汁。飲品 － 蝶豆花檸蜜而烏蠅館嘅飲品亦並唔求其，解渴能力都要有咁上下。蝶豆花檸蜜嘅酸甜正好彌補冒菜嘅濃味，賣相都幾唔錯。味道 ⭐️⭐️⭐️⭐️服務 ⭐️⭐️⭐️環境 ⭐️⭐️⭐️性價比 ⭐️⭐️⭐️⭐️

成日提起食烤魚，大多數人都會話要去大陸食，今次試完呢間烏蠅館，終於可以同朋友講香港都有好食嘅烤魚，唔駛去大陸啦！如果想食建議大家打去留位，因為店舖較細，一眼望哂只有7張檯，可以容納嘅客人唔多。我夜晚7點打去留位，店員話booking已經好full，可能要等一個鐘多啲先有位。8點鐘去餐廳時，都要再等多20分鐘左右，期間仲不停有人walk in排隊。估唔到開張無耐都咁受歡迎。烤魚有三款魚可以選擇，價錢分別都只係幾十蚊。有六種唔同湯底揀，都算多選項，又唔會係清一色得辣味，即使係唔食辣嘅朋友都可以嚟！至於配料方面都幾多選擇，價錢同份量都合理。餐廳裝修都係走傳統中式風格，射燈夠多夠哂光猛🤩我最怕打邊爐嘅地方暗，太暗的話烚烚下嘢食啲蒸氣會令到個人好眼瞓。同時設計都甜心，細檯旁會放小茶几，唔會唔夠位放食物。🥢特色泡椒烤多寶魚 $228 四個人叫左兩款魚，多寶魚肉質較滑但同時都較多骨，我自己就唔太鐘意係長時間嘅烤魚到點呢種魚，因為烤得耐魚肉會碎，同埋不停夾到魚骨。而多寶魚本身魚味較淡，所以食魚肉時食到嘅全部都係湯底嘅味道。特色泡椒其實就係青椒，感覺上椒麻味較重，但就無招牌香辣咁惹味。辣度方面我地咗小辣

寶林小有既特色小店，重要係💛之前經過幾次想食，一係太多人，一係唔夠時間終於有機會食到了！唔知點叫既話，不妨可以問下店員佢地都會好親切介紹，不同魚種的特性要大骨既魚... 滑身d既魚...佢哋都可以一一介紹給你～讚！最後我們二個人叫了個招牌香辣烤魚，内配三個時令素菜食得烤魚，點可以唔叫辣？！但我不是太食到辣，所以叫了小辣完全接受到的辣初初食會有點淡味，但越食越香口～惹味～另外加左脆脆午餐肉，土豆粉，分量岩岩好！特別介紹土豆粉，出面少有...有口感得黎，又滑... 配合理烤魚個汁一試難忘