烏蠅館 (新都城中心二期) (已結業)

-冒菜呢樣野我都係第一次聽，見烏蠅館入面冇咩人，又好似真係拍緊烏蠅咁就去試下啦，我地係午市時間去食，冇試佢個烤魚要左兩個單人A餐任揀6款配菜 $50🍜雲耳、蓮藕片、鮮淮山、肥牛、腩肉、豬大腸、火鍋寬麵（+$5) 麻辣湯小辣 (9.0/10)一上枱已經見到勁多蒜，食落好似麻辣燙咁樣，雲耳、肥牛都比得唔算多，腩肉同埋豬大腸夠肥，好食，蓮藕片同淮山都好好食，同個湯好夾，火鍋寬麵係寬薯粉嚟，我鍾意土豆粉多啲🙂🍜風琴豆腐串、金菇菜、紫菜、雞肉、鴨血，牛筋、土豆粉（+$5) 麻辣湯大辣 (9.4/10)風琴豆腐串係豆卜嚟，好吸湯，鴨血都好好食，紫菜我覺得同個湯唔夾，因為偏鹹，想講個土豆粉真係勁似蒙麵😂，好咬之餘，個樣好似烏冬，超好食🤤🍷玫瑰蜂蜜 $10好細杯，呢杯好飲，好香玫瑰味🍷桂花蜂蜜 $10好細杯，冇咩桂花味，似菊花茶多啲-📍烏蠅館將軍澳貿業路8號新都城中心二期地下G10號舖尖沙咀亞士厘道29-39號九龍中心大廈地下G29號舖🕑Mon to Sun 11:00~21:30-

天氣轉涼，口痕痕想食酸辣粉，屋企附近又冇乜揀擇之下，唯有過左寶琳站食。。晚市除左提供烤魚同火鍋set之外，仲有川粉任選粉麵set揀：A$50、B$58、豪華A 另加啲3款特別配菜款$78第1次試粉麵就揀左最basic款 set A👉🏻麻辣湯 - 揀bb辣 同 土豆粉芋絲、雲耳、鮮淮山、雞肉、鴨血、魚腐湯底bb辣 對我黎講都係偏辣左啲啲，見到仲加左啲蒜泥係上面，勁重口味。。 每款配料份量都唔多，2、3件到雲耳見到有件變左白白地，唔太新鮮雞肉又煮過份老，食落鞋鞋地☠️☠️唯值一提係 雖魚腐就得一件，但係幾好食👉🏻四川酸湯 - 火鍋寬粉萵筍、豬紅、牛筋、紫菜、鴨胸、臘腸湯底認真一般，唔夠濃☠️寬粉質感咬好煙韌，要咀嚼一段時間先消化到份量依舊都係2、3件到，紫菜就一大堆😂配料質量就正常，萵筍薄片係最好食👉🏻茉莉蜂蜜呢杯真係幾好飲，解辣一流，重花香味👍自私評分：🟡🟡⚪️⚪️⚪️自私評論：埋單時先知原來set A $50只包6款配料不包麵底 要另加$5配埋麵底。。同埋 間鋪頭啲員工就偏重視啲枱食魚既客多啲，服務就一般般。。

50蚊6個餸。。。聽到都覺得平😂😂我就叫左芋絲、土豆片、鮮淮山、娃娃菜、腩肉同四川臘腸，湯底就揀左滋補菌湯同埋火鍋寬粉😋😋有六個餸真係性價比極高，都幾好食，最推薦係四川臘腸，同平時食開果d味差唔多，但係比較幼身，好少可平時出面會加埋入湯面咁樣食，都幾好架～～不過個火鍋寬面就麻麻地，太難食到，好韌，咬到牙骹都軟埋都未食到。。。如果轉米線應該會好食好多🥲🥲朋友就最推薦姬松茸，話好入味同埋好香。野飲就不值一提，勁甜，同飲梗糖水咁冇分別😵

一直以來都好鍾意食烏蠅館，烤魚同冒菜都試過晒，第一次寫佢嘅食評🤪烏蠅館嘅將軍澳分店嘅舖面較細，lunch或dinner 時段經常都要等位，想食嘅要注意⚠️食過烤魚同冒菜，最鍾意都係佢嘅冒菜，自己可以選擇鍾意食嘅配料、湯底，想飽肚啲又可以加麵飯，價錢唔算太貴，配料亦都算多，六個餸加麵已經夠晒飽🥳單人A餐（ $50 ）任選六款配菜🌶麻辣湯🌶➿油麥菜·鴨血·豬大腸·雞肉·牛筋·魚皮餃➿火鍋寬粉 （+$5）🫑藤椒湯🫑➿風琴豆腐串·雲耳·娃娃菜·黑豚肉·豬大腸·土豆片➿火鍋寬粉（ +$5 ）🌹玫瑰蜂蜜（ +$10 ）試過咁多個湯底，最鍾意都係麻辣湯，佢嘅麻辣湯係帶有少少酒味，有4個辣度選擇，鍾意濃味啲又鍾意食辣嘅，呢個湯底會正過藤椒湯，因為藤椒湯會清啲🥸配材方面，每次必叫土豆片、蟲草花（當日賣晒）、娃娃菜，配任何湯底都好食，又易入味😋配材份量都算多，每次食完都好飽🤰🏻總括而然，冒菜好食過烤魚好多，值得一試！

因為自己好鍾意食辣同重口味，真係可以話無辣不歡，日日食都得既。呢間烏蠅館，以前喺尖沙咀食過，其實唔覺得太特別，又唔係好辣，可以話唔係我杯茶，所以將軍澳開左一段時間，我都無衝動去食。不過今日因為hktvexpess有coupon ，所以叫左外賣試下，點知食到一肚氣，一定唔會有下次先講叫外賣，個外賣整好左，但無車手接單，分别打左電話去舖頭同車手度問，但無人可以處理到同跟進，等左1個鐘，先揾到人送，令到個麵足足放左喺度1個鐘。當然呢個情況好大部分係hktvexpess既問題，但烏蠅館都無可能放個外賣喺度成個鐘，照送出去俾客人。所以出現以下既問題：一開個碗，因為放到凍晒，所以D油已經瓊晒，D麵發脹晒，可以話極度難食。先唔講佢係咪放左咁耐先，其實本身個麵都好難食，無辣味只得蒜味，同埋係十級油，D餸又係無味既，我本身都係唔怕油及重口味既人，但都食唔落，D麵不只脹晒，仲一餅野咁。另外仲叫左個韭菜豬肉餃子，餃子仲有少少生，好硬咁。講真無諗過差到咁，都唔知係因為等左咁耐既原因，定真係本身已經係咁難食，但已經唔重要，因為試過一次就夠，唔會有下次。

#黃店寶琳站川菜店·烏蠅館🪰🌶1️⃣任選六款配菜+番薯粉 $65💰依家辣度只有小辣同埋大辣揀🥲無左中辣🙈試左小辣係覺得無辣味🙈(本身食得辣) 但係大辣又驚唔知幾辣所以唔敢揀🤨建議出返中辣會好啲😂由於覺得唔辣嘅關係成碗面會覺得蒜蓉味比較重😬鍾意食蒜嘅朋友應該會好鍾意✌🏻不過食完個口一定臭好耐👀🤣至於配菜方面每樣都係少少🤏🏻不過加埋份量都算多👌🏻平時好少出街食豬腸，佢呢度嘅豬腸都處理得唔錯👏🏻起碼冇臭味亦都唔會黐住過多脂肪👍🏻配菜同薯粉亦都中規中矩👏🏻因為都鍾意食辣平時都會食唔同薯粉嘅關係😂所以呢間舖頭冇比到我特別驚喜嘅感覺🙈不過因為寶琳都唔多黃店👀所以鍾意食辣嘅朋友都可以試吓😬而且舖頭平時都好多人排隊 質素唔差👍🏻-Ig location 只tag到尖沙咀分店而寶琳分店地址係：烏蠅館 (將軍澳)價錢：🟡🟡🟡⚫️⚫️味道：🟡🟡🟡⚫️⚫️環境：🟡🟡🟡🟡⚫️服務：🟡🟡🟡🟡🟡

烏蠅館📍 烏蠅館 (新都城中心) (將軍澳)將軍澳貿業路8號新都城中心二期地下G10號舖❗️❗️❗️極度之難食嘅店舖 大家千祈唔好去呢間食 小編真係仲晒伏❗️❗️❗️原本小編好開心，因為見到有得食冒菜。坐低左之後店員就會每人派發一張點餐紙，一眼望落去嘅時候覺得幾抵食喎，$50就可以有六款餸 但係去到俾錢嘅時候先知要$55 原來個麵都要另外俾錢㗎！小編嘅朋友都俾佢fake左。系小編揀選辣度嘅時候，諗住問吓店員 點知個店員就極度之串咁回答我 我喺度諗我做乜要受你氣呢🤷‍♀️🤷‍♀️我都只係哋食個飯啫 我大人有大量就原諒佢啦！當啲食物嚟到嘅時候，當然係相機食先啦，之後我就開始食啦，但係估唔到成碗面最好食嘅竟然係個粉絲 我真係呆咗 🙄🙄今次小編叫咗豬紅、牛肉、竹笙、午餐肉、淮山。我想講嘅係個豬紅冇味道，個竹笙有冇洗過（正常個竹笙要洗咗先可以煮） ，更重要嘅係連個午餐肉 開罐頭嘅產品都可以難食嘅！我真係覺得呢$55好唔抵俾 小編以後都唔會再去呢間舖頭❗️❗️❗️❗️呢間店雖然仲有酸菜魚食，但佢咁嘅食物質素我真係唔會去試囉，如果有人試過嘅話可以喺下面留言話俾我知個味道係點！如果有得比負星我會比負星！美味指數：⭐️環境指數：

今日去咗烏蠅館食冒菜，揀咗六個餸，再加倍粉絲。叫咗鮮淮山、蓮藕片、鴨血、煙鴨胸、賽琴豆腐串、魚腐，麻辣湯底BB辣。今次整體份量感覺比以往少，粉絲配落去係幾好食不過真係比較少，魚腐只得一舊，蓮藕片亦只得三至四非常薄細細片。分量上比較少不過佢嘅味道一直唔差，食唔到辣即使BB辣都好香。

今日晏晝去咗烏蠅館，平時都間唔時幫襯下，今日蝕咗$50六個餸嘅餐，叫咗鴨血，魚腐，豬大腸，雞翼，土豆片，腐皮結，再加$5食火鍋寬粉。自己唔係好食得辣所以叫咗麻辣嘅BB辣，一上菜就聞到好香嘅辣味，呢個辣度係幾啱我。火鍋寬粉好有咬口，不過稍嫌食到中間會咬到有啲攰，如果林返少少會好啲。六個餸份量都幾足，雞翼鴨血魚腐呢幾樣特別好食，今日嘅腐皮結有少少偏硬，唔知係咪未煮透？飲品方面餐廳都會有好多唔同嘅特色飲品，今日就飲咗零系可樂，遲啲有機會會試吓佢嘅特色飲品。大家經過都可以多多支持！

自選配料冒菜(8餸$58|粉麵+$5)本身諗住挑戰下大辣 點知連譚仔小辣都未到🥲聽朋友講左好耐話烏蠅館既辣好出色但味道同想像中唔太一樣辣味主要係上面啲辣椒 但亦唔突出個湯底好淡 係冇乜鹹味嗰種主要都係食翻配料本身既味道(//∇//)-✨推介配料1️⃣風琴豆腐: 有啲似𠝹開左既豆卜 超索湯汁‼️2️⃣娃娃菜: 又一吸辣之選~夾埋辣椒一齊食仲正💯3️⃣午餐肉: 係打邊爐落午餐肉既感覺 食過既就會知我講乜😂😂-配料本身無論選擇定份量都好多但係個湯底唔夠味 有啲可惜或者食得冇咁辣既朋友會食得開心啲(´ε｀ )‼️後尾聽朋友講翻 話覺得啲水準好飄忽同佢地之前食既味道好唔同 今次淡左好多喎

單人A餐（六款配菜加主食） $55呢間嘢超級無敵多餸揀，有選擇困難症嘅朋友建議可以蒙眼點🤣我嘅六款餸選擇係姬松茸蟲草花鴨血娃娃菜風琴豆腐串雞肉，另外麵底加$5，揀咗火鍋寬粉。餸方面覺得鴨血最正，而大愛辣嘅朋友一定要叫菜可以索晒辣湯。姬松茸同蟲草花都算係比較少見嘅選擇，可以一試。反而畀風琴豆腐串個名呃咗，原來只係類似豆卜嘅嘢。最後一款叫咗雞肉純粹諗住畀啲肉食吓😂 火鍋寬粉幾抵讚，彈彈哋又唔會咬唔開，煮得剛剛好，又容易索湯👍🏻因為怕會太辣揀咗小辣上菜已經一片紅海，其實食落又唔係話好辣嘅，不過湯底就真係油咗啲，同行友人揀嘅撈麵都有差唔多嘅問題，個撈麵汁其實係辣油嚟咁。唔知當日係真係天氣太熱定係碗粉真係太辣啦，覺得間鋪冷氣唔係好夠大，食完成身汗咁濟😓另外仲有烤魚食，同場見到另一枱日光日白午餐已經烤緊魚🤣

搬黎呢區，見呢間仲未試過，就試下佢個烤魚落單時，女侍應話要等15～20分鐘，因為魚係即叫即烤，落完單唔夠一分錢，碗筷都未抹完就已經由另一個男侍應攞出黎話魚已經熟，等3分鐘熱返就食得，咁即係一早整定晒見佢滾，一打開蓋，嘩。。心諗，收得288仲要加一，條魚係咪咁細呀，仲要配料咁少，一食落口，條魚又鞋又無味，啲汁底就激咸，但係啲魚肉無論點浸啲汁，都係入唔到味，佢憑咩自信拎盤咁既魚收人三舊水大把餐廳都好過佢，唔好話其他餐廳，自己買包料，買條魚煎完撈埋一齊都好食得多

職員態度極臭寸，叫極舉手極都冇反應，要求添杯水都好似要求佢幫手，添完飲左半杯一睇仲要發現杯水入面有隻死左嘅烏蠅好啦咁咪要求換過杯，再飲一睇點知今次見到入面有類似包裝袋嘅膠碎想點，宜家係咪唔飲得水?食物味道尚可，烤魚還可以，配料都算ok多，環境係細左d，坐得唔舒服。雖然walk in去到話唔冇book定位唔入得，要即場再book個半鐘之後先入得去，係附近行下先夠鐘職員真係有打電話嚟提醒入坐，都仲ok。但係之後坐低食野其他職員真係西到癡線。唔會再幫襯

店舖座位不多 但星期日下午茶唔需要等位蕃茄湯番薯粉加六個餸 ($50+$5番薯粉)湯底未夠濃，但餸菜選擇多 亦有素雞肉可選鐘意食鮮淮山既都可以點 番薯粉感覺同薯仔粉差唔多 都係彈牙有咬口至於蓮藕水餃個汁就好野味 蒜蓉味濃又夠香辣

之前有黎過烏蠅館食佢個冒菜，印象都唔錯😋今次就即興同埋友約埋試佢個烤魚。餐廳環境唔算大，感覺有少少似大陸嘅小菜館咁，夜晚人流都算幾多，外面keep住有人排隊，而且亦限左我地個半鐘內要交枱。呢度有3款魚可以揀，分別係龍躉（$338）,三刀魚（$288）同多寶魚（$228）。今次我地就揀左口感較結實，魚肉較多嘅三刀魚，至於味道方面就揀左泡椒烤魚😋烤魚本身跟左幾款蔬菜類配料，分別係雞脾菇,豆卜同芋絲，除此之外仲可以根據個人喜好點埋其他火鍋配料。味道黎講湯底唔算話好濃郁，泡椒嘅辣度係等於中辣，但個人覺得都唔算好辣，味道微酸，都幾開胃。三刀魚都算幾大條，食落味道鮮甜，魚骨唔會好多，肉質相對冇咁嫩滑。整體黎講成個烤魚味道都唔錯，但如果再濃味啲嘅話會更上一層樓。