烏蠅館 (新都城中心二期) (已結業)

本身唔係太好魚，所以咩酸菜魚咩烤魚都未食過，今次第一次試👍🏻預早了一日訂咗位，店員好貼心whatsapp 聯絡問留咩魚，烤魚種類有龍躉/三刀/多寶，口味可揀招牌香辣、泡椒、麻辣和蒜香，揀左招牌香辣，因為不太食得辣，店員話可以remark少辣，不會太辣。另外留左一份花甲,$88/份。烤魚真係不太辣，肉質非常滑，湯汁個人覺得太咸。食完魚就加湯打邊爐，花甲都幾新鮮，另外點左脆脆午餐肉同埋墨魚滑👍🏻 最後咸得制，叫店員加水代替湯😆

老公放工，join埋一齊係寶琳有晚飯呢排出去食太多次，實在唔知食咩好老公鐘意煮飯，成日出去食，覺得太多好易整唔抵食，行過別天神拉麵都唔想食😆講真！我亦有同感，所以無入去食最後，見戲院出面有間辣野，就係呢間烏蠅館小辣湯底，6個餸，另加闊粉竹笙、蟲草花、豬皮、貢菜、餐肉、（A)仲有樣係咩呢🤣🤣🤣老公果份，野菌湯底唔錯啵，有下次😁啲餸都係咁上下啦😂冰粉，黑糖底解辣黎講都唔錯，好work！飲到尾甜左少少，可以接受😄

听说这家店在香港很有名就来宝琳乌蝇馆试了下，感觉一般般，特别是烤鱼，水平不及内地任何一家烤鱼店，很失望，排队还排了一小时，想食烤鱼的人还是放弃吧。一起去的同学都觉得很失望，辣味不重，鱼很小，菜量也很小，性价比一般。

食烤魚要早一日預約要揀左魚先，有三種，而我揀左三刀魚🐟🐟個底就揀左 🌶招牌辣味 ，《小辣》服務員話每日既配菜都唔同😜而今日就係雲耳+豆卜+雞髀菇。賣相好掂，個底佈滿哂蒜蓉粒同埋花椒😋滾咗2分鐘之後啲香味就已經出晒嚟😍！！！三刀魚好新鮮，勁少骨👍🏻👍🏻👍🏻條魚既表面仲灑上孜然粉！又香，又唔腥，值得嘉許👏🏻👏🏻👏🏻個煲好大 ，成半張枱⋯另外點左份娃娃菜，+3x蚊，好大份，夠食！原葉檸檬茶太甜冇茶味，飲品麻麻地！服務態度良好，另烤魚會有加一。唯一一樣要投訴就係冷氣機在滴水...

餐廳恢復晚市堂食，戲院重開，當然要支持支持！睇戲之前食個early dinner，六點半左右嚟到烏蠅館，坐低咗幾分鐘就已經滿座了shocked因為時間唔夠今次只可以食冒菜，Menu上可以選擇的食物很多，而且有其他餐廳比較少見的萵筍、風琴豆腐串、姬松茸等。點了豪華單人A餐，份量足夠，滋補菌湯很香，配料全部都好味，只是黑豚肉略嫌稍嚡，特別鍾意萵筍、鮮淮山、蓮藕片、姬松茸，姬松茸甚有驚喜！香氣濃郁，配上滋補菌湯更能帶出姬松茸特有的鮮甜味yummy另加$10配了一杯人蔘烏龍茶like 見大部份食客都食烤魚，好似又香又豐富，下次要再嚟食烤魚！餐廳職員整體上態度和服務質素良好，上餐速度快，值得推薦！

朋友推薦話好食，一直都好想試下辣魚~~ 因為無得食晚市嘅關係，所以要食魚記得一定要book位啊！ 魚來到大約煮多5分鐘就食得啦~魚肉幾鮮甜嫩滑，不過唔算好入味~~ 成個湯底花淑味都好重，一開頭都幾辣不過慢慢習慣，我都幾鍾意❤️其他餸菜都中規中矩，加埋湯底落去煮就好入味，特別推介叫金菇同鴨血！ ！ 我哋仲叫咗韭菜水餃，但係我哋覺得唔係特別好食(ﾟ∀ﾟ) 整體來講成個體驗都幾好，唯一係覺得魚唔夠入味，同埋成日都要叫人加湯有啲麻煩~最後埋單$700.4個人食，但係叫咗唔算太多餸菜，性價比唔算太高，不過耐唔耐食一次都幾好

烏蠅館食過好幾次 最吸引既地方就係 多餸選擇岩哂啲選擇困難症 又或者好似我呢啲眼闊肚窄型既人 跟著又可以多蔥 或者多蒜 多芫荽 都係加1 /2蚊 ， 覺得好滿足重口味既人 今次楝左 雞翼×2 ， 丸， 午餐肉， 豆卜， 雞肉 ，鵪鶉蛋 同埋 芝士腸定腸仔 大致上係咁 楝左米線 同埋麻辣少辣 ，咁食呢啲 通常我都會同店員講一定要滾湯 🤣 咁一黎度， 個蔥量真係超滿足 每樣都會x 2 🤩🤩🤩🤩 所以雞翼就有4隻 食呢個真係超正 🤩🤩 完全滿足我想多選擇， 但係食完又唔會超級飽 ， 一個月就好就去幾次 ， 滿足下個胃

在我家新都城附近有一間【烏蠅館】，位於將軍澳戲院旁，我知道它們主打食川菜，都是酸菜魚之類，我怕份量太大所以從來都冇來食過，今日本來拎隻手錶來更換電池，路經間餐廳所以我走來餐廳門口看看餐牌原來都有撈麵、揀餸的湯粉麵選擇，天氣冷食碗熱辣辣湯麵都晤錯，我細心看看餐牌上，湯底都有不辣的蕃茄湯、清湯或滋補菌湯，見間餐廳的人流都不斷，我心想相信此餐廳的食物水準都應晤差，也有一定的吸引之處，又處於飢寒交迫的中午，決定挑戰它單人餐有兩款，分別有A餐任選6款餸（＄50）或B餐任選8款餸（$58）,跟餐再配主食（即是粉麵）就每款＄5，哇…！，真是那麼豐富，於是都要全力食到底，一口氣點8款餸再加個火鍋麵起初我以為那麼多餸，應該每款都是俾一件，原來真是低估咗，每款平均都有兩件，個火鍋麵都好足多，今餐真是吃飽飽，我選擇了生根、蓮藕片、鮮淮山、姬松茸、蟲草花、芝士丸、魚皮餃及黑豚肉，而湯底是菌湯及火鍋麵，飲品再配了另加＄10的玫瑰蜂蜜整體食材真是好正，雖然都是一些火鍋配料，但都好新鮮，黑豚肉肉味濃郁爽口，姬松茸及蟲草花菌香清爽，芝士丸彈口有拉芝士效果、鮮淮山及蓮藕片都有3、4件，好爽甜，火鍋麵不會煮得太腍，不錯，

烏蠅館價錢💲: $108(2人餐)好味程度😋: 4.4/5 (午市)服務🍴: 3.3/5環境🗾: 3/5性價比🥢: 4.4/5回頭率😚: 4.2/5 (午市)-介紹過烏蠅館的夜晚烤魚，我覺得就比較一般🙈 但佢午市的冒菜粉真係好好好正，好啱我重口味的人😋 午市仲要唔太貴，食到超飽😀 不過將軍澳呢間真係好細，細到傻左😂 -今次叫左雙人C層，可以揀8款餸，再分2碗比你咁😆 其實呢間重點係個粉底，我地一個叫土豆粉，係好似烏冬咁，但韌小小。我覺得都幾好食，但想更煙韌就要食寬粉，真係好寬，好煙韌，夾上來小心滑走，超好食！😨😨😨 餸我就推介鴨血，滑嘟嘟，唔腥，口感幾好👻 腩肉都唔錯，皮肉有層次。豬耳爽脆，都好食🥳 風琴豆腐就好索湯，勁重口味😻-湯底超濃味，叫小辣都夠了😚 仲要好多蒜，好多芫荽，食完個口勁臭🙈 但又會忍唔住飲下🤪 不過面頭都真係有啲油，所以飲小小就好了🤩 但午市我就大推呢個如果你好中意麻辣，中意冒菜，中意薯粉，就一定要試下🤓

——態度問題——係出面等位，揀食冒菜，睇唔明張menu所以問個侍應，答咗句唔知乜乜就行開咗？戴住口罩根本聽唔到佢講咩⋯第2次問佢又答非所問？講講吓又行返入去？完全無答過我想問嘅問題，就行開咗，唔識企定定解釋吓張menu?——環境問題——入到去又話冷氣機滴水要坐對面空間又細又窄又逼 個場又細，目測十張枱都無 (唔知個侍應忙乜)——食品方面——叫咗藤椒湯底小辣又一d都唔辣，得個麻d肉硬綁綁，食物又普普通通，無吸引之處食完成個餐，由頭到尾一杯水都唔比——————————最嚴重係侍應態度真係串，問佢嘢唔識答？講一句嘢敷衍了事就行開咗，第2次問又好唔耐煩講無兩句又行開？期間一d眼神交流都無，手指指，指住個menu講兩句就行開？ 完全無視客人。

開放晚市堂食後黎食烤魚，嗌左招牌小辣多寶魚，條魚黎左之後待應話要焗多三四分鐘先食得，一開蓋即刻聞到好香好惹味，烤魚汁食到有洋蔥同蒜蓉調成，食完條魚仲可以加湯做火鍋，叫左雪花肥牛，日本黑豚肉，金菇同火鍋面仲有土豆粉，啲餸索晒個烤魚汁同湯底既味，超好食，食飽再飲返杯凍人參烏龍茶，解辣又清新，再試埋糖水玫瑰蜂蜜冰粉，飽到上喉嚨，一個字，正～～～highly recommended to you guys😋😋

買個外賣，門口嘅哥仔可以由食乜，幾辣，素菜熟唔熟都可以串個客，又唔耐煩，講講下可以行咗去，已經口齒不清又戴住口罩，駛唔駛咁嘅態度，仲要收外賣盒$12蚊，衷心希望間嘢一如其名。P.S. 條魚一啲都唔好食，唔新鮮同味精太多

以前食完唔係咁滿意既餐廳，都未嬲到寫食評比個劣字，但今次真係頂唔緊，哩間d野真係十分差，唔會再有下次1. 問完侍應點落單，講完都唔知講咩，一路講一路行開，覺得我有順風耳？行幾遠我都聽到？2. 問非所答，又一枝箭行開。3. 全場3個侍應，零笑容＋禮貌，更何況一句唔該、 唔緊要。4. d菜暖既，唔熱。5. 門口等左三四個字位，入到去食完都無一杯水。特別帶位個位男侍應，唔講以為走緊酒店buffet場，忙到一句完整說話都講唔到，但間舖頭係一眼就可以睇哂d枱既規模，我想同你講聲，因為你，令到我對哩間舖印象奇差，唔會再幫襯。

食完既感覺如題目。態度❌食物質素❌首先，入座時侍應完全無提過有入座限時或幾點要交枱。佢上菜速度唔算快，仲要未食完，侍應冷淡講一句：你張枱有客book左等緊。原本點左1杯黑糖珍珠奶茶，隔左一陣侍應行返黎，劃左我杯野飲同半頁落單紙，就咁掉返低張落單紙同筆，冷淡講句：呢啲無。再講食物，清湯8餸寬面，湯底只係靠落左大量既蒜去調味，完全食唔出有咩特別，8餸聽落好多，其實份量非常少，價錢卻收$58（好似仲要加1？）。之前食過尖沙咀個間覺得ok先再食，但今次食完寶琳呢間真係唔會再幫襯！

第一句我想講：真係要預先book先有得享受好！介紹下哩一間「佢好L鍾意香港」的冒菜館先🤪唔洗講，我預留左條香辣魚再望望本menu，這好像不是冒菜播😅唔理喇！好鬼香，食左先算好滑溜門外排著隊拎外賣，堂食只有6、7張檯，成個環境充滿著香味，完全預料到成身味將會久久不散雖然係咁，環境是涼快的、一點都不焗這脆脆牛餐肉，食完一塊又一塊脆到我懷疑我即將熱氣到喉嚨痛好味堆介哩個冇得輸鴨血好入味豚肉油脂分布適中咬落咀滲出湯汁預期中的美味，同湯汁襯晒本身份香辣魚有配菜，例如薄片香蘿蔔同黑木耳，都已經被我兩清晒另額外叫左份雞柳，可能唔係一開始就煮，唔入味，我能夠客觀判斷，暫不評論叫左一杯有柑味的茶，得意清新又解渴😊兩個人食左$600蚊會再翻兜