烏蠅館 (新都城中心二期) (已結業)

鍾意食辣野既我見屋企附近開左間新餐廳專食麻辣野緊係要食！😋一睇個餐牌其實覺得有啲貴😳$50得6個餸 除非你啲餸好多🧐咁我都無理由先入為主佢既份量係少 所以都決定trytry！叫左外賣單人A餐 豆皮、雲耳、腩肉、鴨血、牛餐肉同火鍋寬粉 麻辣中辣🍲滿心歡喜見到個兜好大 但份量真係好少🤯應該得個膠兜既一半（膠兜大小可以睇文末張相）😟都唔緊要 睇下有幾多料先～搵左一陣 淨係見到三條寬粉 即刻心諗 佢係咪俾漏左寬粉我？之後決定夾晒出黎睇得七條寬粉⋯唔知係咪要加錢嗌跟餐主食先會多啲？唔理照食啦 我叫麻辣中辣 真心講 辣味係有 同埋係辣既 但一啲都唔麻😟油香係有 但係係油香 唔係麻油香⋯ 如果齋講辣味係好過寶林街市間都係萺菜個間店 但獨立睇呢碗既話 性價比一啲都唔高！其他既餸就正常 無話特別差同好😐建議可以調低價格 或者加返多啲份量 同埋再調較一下個辣汁🌶膠兜大少如下：

🍙等待時間：平日夜晚上約7:00到達但都竟係冇位！！我地一行六個人，開頭話有位仲通知我地，好彩應該係感受到我對食既誠意，侍應竟然調動座位騰出空位俾我地，超感動，亦提醒大家要訂位。🍔室內環境：裝修簡樸，室內座位十分少，估計廿十幾個位咋。🍰服務質素：我要俾爆like haha，咁好搬位卑我地，而且服務態度良好友善。🔹總括來講：我地叫左一款招牌麻辣，一款唔辣蒜香味烤魚，刁身仲擔心太多食曬，但我想講其實兩個人食一款岩岩好，同埋放心食辣啦，香口好多，加上小辣都唔覺得好辣囉，唔辣朋友都係咁食呢款，當然注意時間愈耐，辣味愈濃！