為食火鍋公司

營業中

休息中

朋友介紹工業區去打邊爐比較小接觸啲區 感覺幾特別因為真係要book 好full為食火鍋公司室內環境好大 新淨 當時入坐係6:30職員表示可以食至10點（又幾好）雞煲任食套餐 $238一位等雞煲時 先食3色刺身 牡丹蝦好食再去巡一巡 飲品有兩大個雪櫃 可以任飲而且有樽裝潤喉飲品 即係雪梨水山楂水嗰啲呢 另外都有韓國罐裝飲品主角黎 雞煲 職員話要每隔2分鐘 炒一次總共炒三次就食得 於是我問職員 點解佢話雞件上枱時只有八成熟 避免雞肉過熟唔好食 鍋內有半隻雞份量 雞咁鞋 我只叫小辣味道又唔算太濃 內有香菜洋蔥 洋蔥入味同其他雞煲餐廳唔同當我哋食完雞煲後 職員會將雞肉放置另一個碟內 火鍋湯底係另上 湯底有兩種 蕃茄粟米湯/麻辣燙 清清地 就選擇蕃茄啦海鮮盤亦同時送上 蝦新鮮 蝦肉彈牙我朋友話魚靚 灼後蜆肉又無縮水 至於蠔呢 等待解凍牛小排 正 屬於厚切 灼一灼就食得唔鞋口 帶有牛肉味三色丸 印象最深刻係豬肉丸內有芋頭蓉雲吞水餃唔大隻 不過就餡料多又方便食 一口一粒菜類就放雪櫃 自己攞 有唔同配搭每位$238 雞煲任食 配料料又唔係差 只係我試唔哂 抵食走時仲有蛋白燉奶 唔甜 畫上完美句號

🌟🌟🌟🌟🌟🌟🌟🌟🌟🌟🌟🌟🌟🌟🍽 為食火鍋公司 (觀塘)📍觀塘創業街15號萬泰利廣場地下C號舖🌟🌟🌟🌟🌟🌟🌟🌟🌟🌟🌟🌟🌟🌟呢間好近牛頭角地鐵站嘅火鍋店，最啱約齊班fd去淥一淥，店面光線充足，以哥基作主題🐶可愛嘅狗狗隨處可見😍雞煲火鍋套餐有兩款分別收費$238 同$318，238套餐火鍋配料有牛小排同各款丸類蔬菜任食，318就轉左牛肩肉同多幾款刺身及鮑魚，任食方面就多左鮮鴨血。為左試多d嘢我地就叫左318個餐。一邊等個雞煲一邊試個刺身先五色刺身包括大赤蝦、希靈魚、三文魚、鯛魚、帶子用料新鮮，刺身厚切，算係打邊爐嘅意外收穫鮑魚煮到軟身，完全入晒味，用旁邊嘅西蘭花點上剩下嘅鮑魚汁，一流。任食雞煲，店員會悉心教導你煮法，等d雞唔會癡底，仲有豬皮、魷魚和牛柏葉作配料，可以吸收晒雞煲嘅精華辣汁。海鮮拼盤有蟶子，蛤，蠔，海蝦，帶子，鯇魚腩最鍾意佢嘅蟶子夠晒爽口同大隻，食落好滿足西班牙黑豚肉整體好少肥膏，豬味濃郁，口感好彈牙鴨血平時好少任食火鍋店有鴨血，比起豬紅更加鮮味好食五寶丸三色餃芋泥貢丸牛丸好juicy，墨丸彈牙，三色餃各有特色。✨如果喜歡我的文章，可以關注我及讚好以作鼓勵喔✨

最近都好耐無食過雞煲😭，今晚見openrice有人推薦呢間餐廳，就一於去試一試啦🥳.晚市火鍋雞煲任食套餐 $318/位.爲食寵寵雞煲(麻辣-小辣)首先就當然係要試呢度嘅雞煲😝，而且呢度嘅雞都係可以無限添加🤩，雞肉真係好滑，份量又夠多😌，最正係配上麻辣好香😜.菜膽扣鮮鮑魚估唔到呢度仲有鮑魚食😎，鮑魚好入味同口感都好正😍.五色刺身刺身方面就有三文魚😛、希靈魚、北寄貝、帶子、甜蝦，款式多而且都好新鮮😙.聖子到海鮮拼盤海鮮拼盤都好豐富，有蝦、聖子、龍躉片、鯇魚、蠔、蜆😛，我個人就最鍾意龍躉片，好厚身又好有鮮味🔥.手切牛肩頸牛肉同樣高質👍，同一般嘅肥牛唔同，更加有牛味🤪

今日黎左牛頭角港鐵站附近既呢間火煱雞煲任食，第一個既感覺就係呢度個環境係我見過同類型餐廳數一數二乾淨新淨既。佢仲設有卡位，適合三五知己一邊傾計一邊烚下烚下。食物方面雖然餐廳係叫主打火鍋雞煲，但我見佢餐牌上面其他種類散叫既野食都有好多，同3心2意既人一齊食都冇有怕。我同朋友2個人就選擇左$238 既套餐。個餐包括以下只供應一次的：前菜，3色刺身，海鮮盤4-6款新鮮海鮮，牛小排，精選甜品。另外以下就係無限encore 既：雞煲配三寶 西班牙黑豚肉 三寶丸 三色餃 紫菜響玲 炸魚皮 生根 自取菜籃重點推介：刺身係新鮮甜美既，雞煲就算嗌唔辣都香口而雞滑，精髓係三寶水魷，豬皮同牛柏葉，放落雞煲到入哂味。牛豬肉類份糧唔大但料靚精緻，另外呢度既丸類同埋餃類好好味，以為呢啲都係配菜質疑點知食落原來好有驚喜。紫菜響玲又特別又好味。蔬菜就好新鮮同埋好貼心，佢將啲菜分類同埋部份係一籃子既雜錦，方便懶人唔洗自己逐樣去拎。總括黎講，呢個餐食物種類唔太多，但每樣都係質素保證，呢個價黎講整體性價比係幾高，仲要係環境舒適乾淨冷氣夠，秋冬邊爐又多個好地方喇。

上網睇到人介紹話呢度開咗間新嘅任食打邊爐🍲見到報置裝修都係柴犬好特別，又好有日式風格咁我哋就過嚟試吓🐾一打開個Menu都幾驚喜，以為呢度剩係得打邊爐，原來好多菜式佢都有，有普通常餐、三文治、小食，連喇沙/意粉都有😳😳但我哋一心諗住過黎打邊爐所以就叫咗個-$318雞煲任食火鍋套餐🐓我就要小辣雞煲，其實小辣已經好惹味😛個醬好好食，仲配埋魷魚同豬皮，佢地吸哂啲精華好入味🤤同埋啲店員好好，佢教我哋要幾耐炒一次炒幾次，但最後我哋掛住傾計都係個店員過嚟幫我哋🤣-菜膽扣鮮鮑魚鮑魚鮮味得黎好有彈性，個芡汁都好岩口味🥰-五色刺身🦐🐟打邊爐店冇諗過刺身都可以咁新鮮，帶子鮮甜，蝦好有彈性，希靈魚有淡淡甜味，算係我食過最好食既味道😍-跟住就轉打邊爐啦，佢係成個煲轉的，唔會直接加水，呢樣要讚👍🏻冇咁油😉咁我哋就揀咗個蕃茄薯仔粟米湯底🍅🥔🌽佢首先落咗啲嘢食俾我哋先，分別有-聖子海鮮拼盤廣島蠔🦪樣樣都好大隻，好新鮮，全部都勁鮮甜，仲有龍躉片😳-鮮鴨血正常發揮都係咁滑-五寶丸佢有豬肉雲吞、韭菜豬肉雲吞、同魚皮餃，丸類就有魚蛋、芥末魚丸 、牛丸同芋泥丸🍲雲吞皮薄入味，芥末魚丸本身我都好鍾意食，佢都冇芋泥丸好特別，一咬就

朋友話佢公司附近有間唔錯嘅火鍋雞煲，接完佢收工之後就一齊去食。裝修以可愛狗狗為主，餐廳環境幾大，乾淨整潔，座位舒適。晚市雞煲火鍋套餐價錢分別為$238和$318 ，而我和朋友就選擇$238的套餐。一開頭就有三色刺身，有三文魚，大蝦和希靈魚，刺身新鮮，沒有雪味。然後就到雞煲，有得選擇辣度，我和朋友選擇了最少的BB辣，很有辣香，但食落又不會太辣，啱晒唔食得辣嘅人，雞肉嫩滑，加上豬皮，魷魚和牛柏葉吸收完醬汁後更加好吃，而且雞煲是可以任加。食完雞煲之後就轉打邊爐，我哋選擇了麻辣湯底(小辣）。有海鮮拼盤，包括海蝦，蜆，生蠔很鮮味及有脆肉鯇魚很爽口。肉類方面有牛小排而且牛味都濃和西班牙黑豚肉。而其他配料就有韭菜餃、鮮蝦雲吞、魚皮餃和丸類、炸魚皮紫菜響鈴等等。而飲品和菜都係自助係雪櫃任拎的。另外最後還有精選甜品，熱燉奶，不太甜幾好食。

觀塘任食雞煲火鍋餐廳！以可愛狗狗哥基作主題，牆上有不同的哥基相片，絕對是哥基迷的必到打卡餐廳！雞煲火鍋放題$318/位一開始店員就會上一轉五色刺身：有三文魚、帶子刺身、希靈魚、北寄貝、牡丹蝦！整體都大大片，不錯！跟住仲有另一個好吸引嘅前菜：菜膽扣鮮鮑魚！鮑魚炆得軟腍，之後打邊爐我都繼續食埋啲鮑魚汁，太正唔好曬！口之後店員就會開始上雞煲！雞煲可以任refill，不過我哋四個人食，唔敢食得太飽，所以冇添加！食完雞煲就可以轉湯底打邊爐，不過溫馨提示一下，轉咗打邊爐之後就唔可以轉返去雞煲㗎喇！打邊爐嘅時侯，店員會送上聖子到海鮮拼盤、手切牛肩頸、五寶丸！呢三樣就唔係任食嘅，個海鮮拼盤都幾高質，有蠔、蝦、帶子、魚片，全部都好好食！另外，值得一讚佢個手切牛肩頸，牛味重有咬口，正！不過得一盤，如鐘意食肉嘅朋友應該會唔夠喉！再有任食西班牙黑豚肉、三色餃、鴨血、黑白滑、菜籃！Overall嚟講，雖然任食嘅款式唔算多，但其實絕對能捧腹而回！因為真係好多唔同野食，又刺身，又前菜，又雞煲，又打邊爐，所以其實都幾多野食！

上星期約了朋友放工後食火鍋，他推介牛頭角這間新開的雞煲邊爐店，當中的食物和環境都令我喜出望外，值得encore！！一入餐廳，就感覺光線很充足，枱與枱之間分隔很遠，所有店員都戴上手套，衛生不錯☺️難怪當日很多客人光顧！——————————🔸雞煲一開始雞件還未完全熟透，店員提醒我們中途要開蓋撈一撈，再放入魷魚、豬皮和牛柏葉煮一煮～ 果然雞肉非常滑，肉質一點也不鞋口😍而豬皮和牛柏葉更正，充分吸收了雞煲的精華，好入味！但我們叫了小辣，食起來不覺辣，可能中辣會更過癮😝🔹三色刺身同時會奉送一碟刺身，擺盤都好講究，會有冰做底😍三色刺身有虎蝦、三文魚和油甘魚。當中的三文魚，雖然只有三片，但每塊都很厚切新鮮😋虎蝦大大隻，食起嚟有少少鮮甜味；油甘魚食落都有啲油脂香，完全沒有腥味！🔸牛小排+海鮮拼盤+其他邊爐食材食完刺身雞煲就到邊爐，呢到嘅邊爐比較特別，會另外換上新的邊爐湯底😳湯底有點似蕃茄湯，整體會冇咁油，健康啲👍🏼牛小排很有牛味，切得不算薄，所以一碟都夠食😋海鮮款式很豐富，有蝦、蠔、貝殼類、鯇魚等，全部都幾新鮮，尤其蝦好大隻，肉質紮實‼️另外都幾期待食紫菜響鈴，因為其他地方比較少有😋果然味道不錯，好香紫菜味

最後一天在觀塘上課 提前一星期就預訂了這家無限時的雞煲放題套餐有兩款較貴的刺身和海鮮款式會較多這次點了便宜一點的餐🍴三點刺身有三文魚、油甘魚和牡丹蝦三文魚其中兩塊是魚腩 非常肥美牡丹蝦鮮甜刺身算係有驚喜🍴雞煲配三寶（可任意添加）雞煲點了中辣醬汁十分惹味三寶有豬皮、牛百葉和魷魚吸左醬汁後超入味食完雞煲後換左個番茄薯仔湯底打邊爐🍴海鮮拼盤有龍躉、脆肉鯇、廣島蠔、蝦同蜆兩款魚既部位唔算太靚其他海鮮不過不失🍴牛小排牛小排肉味濃有咬口🍴豬肉片、四寶丸、三寶餃子（可任意添加）豬肉片不過肥過瘦 好味四寶丸除左魚蛋麻麻 其他都好味三寶餃子就除左魚皮餃之外都好味其實套餐包既食曬都好飽無咩點加點其他野以任飲任食黎講質素唔錯最欣賞係無限時可以慢慢坐

去到門口會見到有一個狗狗樣既招牌。每檯之間都分隔得算開，牆紙上有狗狗既相作為裝潢，比想像中有狗狗既設計少。店鋪都有唔少既卡座提供，可以變成一個個小包廂，私隱度高！揀左兩個$238/位，包括前菜﹑三色刺身﹑海鮮盤4-6款是日海鮮﹑牛小排﹑精選甜品。雞煲好入味，有好多唔同配料，等佢熟既過程都聞到好香，雞件食落都唔錯！食完雞煲可以換湯底做火鍋，揀左蕃茄薯仔湯，可以繼續食埋其他食材。其他食材有三寶丸(牛丸,魚蛋,芝士丸)及三色餃(魚皮餃,雲吞,餃子), 三色剌身好新鮮，非常有心既擺碟！最值得讚既係新鮮蔬菜，都有唔同款式配搭俾人揀，放係雪櫃保持新鮮唔會黃。飲品櫃有多款飲品供選擇。有可樂,烏龍茶,綠茶等等,另外，仲設有一個調味位置，有不同配料供自己調較醬汁。

今晚帶老婆同媽媽去食雞煲火鍋放題，入去到門口見到咁多高達，即時勾返起晒啲童年回憶。佈置係柯基為主題嘅餐廳，簡約、清新、乾淨，令人好舒服。之後當然係去搵晒邊度拎嘢食，嘢飲同埋醬料。菜膽扣鮮鮑魚，鮑魚煙煙韌韌好入味，不錯~五色刺身，基本上全部都好新鮮，而我最中意食嘅三文魚同埋帶子更加係不得了，三文魚嘅肥甘香味在口中停留，帶子嘅鮮甜味亦令人回味無窮~為食寵寵雞煲，一路煮的香味已經令我哋流晒口水，濃郁嘅香辣味滲曬入啲雞肉度，雞肉十分爽滑，魷魚、豬皮、牛柏葉都好入味，非常推介！食完雞煲急不及待就進入火鍋環節聖子到海鮮拼盤，呢度嘅每一樣海鮮唔單止係新鮮，仲要大大隻，感覺好豪華！聖子、扇貝、蠔全部都令人驚豔，好味到停唔到口，其他嘅蝦、蜆、脆肉鯇都係正嘢黎~手切牛肩頸，牛肉味非常濃郁又夠嫩，完全滿足到我呢個牛魔王！西班牙黑豚肉，估唔到咁好食，好有肉香味，老婆同媽媽都好中意呢個。五寶丸，本身以為係普通嘅丸，但係估唔到每一款都超有心機，絕對係水準之上。蝦餃大大隻蝦，牛肉丸勁爽口彈牙有肉味，另外有兩款流心嘅丸(芝士 & 芋頭)亦都係好味到不得了！牛奶燉蛋白，呢個甜品雖然好淡，但係隱隱約約有少少牛奶同蛋白嘅香

中意哥基既我❤️竟然比我發現到觀塘有間用哥基做主題既火鍋店🥰🥰店內貼滿哥基牆紙，座位方面都好細心☺️有導盲犬專屬位置，仲有放左籌款箱幫唔同既寵物組織，睇得出店主係一個愛狗之人👍🏻👍🏻今次我地揀左$318雞煲火鍋放題🤤首先上既係刺身，有三文魚、蝦、帶子、北寄貝同生魚片，食落幾新鮮😚😚帶子都幾大粒厚實，仲帶點清甜😋😋而蝦都幾大隻，肉質鮮甜又彈牙👍🏻👍🏻雞煲可選擇辣同唔辣，因我食唔到辣，所以就叫左個唔辣~之後雞煲連豬皮魷魚牛柏葉一齊上，雞煲會用職員幫忙炒，以免炒燶🤩🤩大概10分鐘左右就可以食🤤🤤雞肉幾嫩滑又juicy💦同埋幾入味😆而且雞係仲可以任食🤩醬汁方面一d都唔咸仲幾惹味，連魷魚牛柏葉都充滿雞煲醬汁食落仲勁爽口，超好食😋😋除此之外，仲有菜膽扣鮮鮑魚，鮑魚煮得啱啱好，唔會太韌😝😝食完雞煲之後點少得打邊爐🍲湯底只有兩種，蕃茄薯仔同麻辣我就揀左蕃茄薯仔，湯底都幾鮮甜，蕃茄味都幾出👍🏻聖子到海鮮拼盤，入面有聖子扇貝、蜆、蝦、蠔同魚片🤩聖子扇貝幾新鮮又大隻，肉質仲好嫰滑鮮甜，雖說蠔係雪藏，但味道一d都唔差，整體黎講唔錯嘅👍🏻手切牛肩頸，牛味重，油脂分佈好平均，仲有西班牙黑毛豬肉質鮮嫩，味道不差過牛肉，

去觀塘搵開朋友放工食飯，突然間兩個人心郁郁想打邊爐，越行越遠走咗去牛頭角發現有一間比較新開嘅餐廳，係食雞煲價錢仲好實惠$238有得任食！即刻去試試佢！除咗雞煲之外，呢個套餐會附送前菜、刺身、仲有額外嘅海鮮及豬牛肉，有啲丸類+魚皮+山根（無限添加），最後仲有個小甜品(牛奶凍)添！雞煲同刺身，牛柏葉魷魚一齊首先送上。雞煲可以見到入邊啲雞，都保持到佢嘅水份，所以都幾鮮嫩，而且份量都真係幾多，兩個女仔食完之後其實已經好飽！不得不提牛柏葉，真係好入味非常嘢味！之後，我哋就選擇左蕃茄薯仔湯底，侍應及後就送上豬肉，牛肉同埋丸類及海鮮。牛肉感覺麻麻地完全冇牛味，但豬肉食落去好似日本豚肉一樣，好好味好快就食晒😋😋海鮮其實分量剛剛好，魚類份量最多，隻蠔幾新鮮！有一種丸類橙色的非常得意，個餡係芥末蟹子味😚我係覺得員工對客人嘅指示有啲唔係好清晰，未能成功帶我去浸豉油嘅區域，反而飲品區比較當眼，飲品可以任飲，款式都算多！我就揀咗蘆薈汁，朋友就飲用咗蘋果醋！魚皮本身有調味所以味道有啲奇怪，反而響鈴係有紫菜款圈住，味道唔錯！最後嘅奶凍就尚可，總括而言呢個價錢可以食到咁多嘢非常實惠！最緊要係餐廳非常鼓勵客人捐款去流浪

朋友介紹一間以哥基做主題既火鍋放題餐廳，開頭有一秒疑惑點解係哥基🐶🐶應該唔係食狗肉吧？！😵好彩只係哥基既裝飾😅😂鍾意哥基既朋友要試下哦～今次揀左食$238/位既任食雞煲套餐，兩個人食超飽！仲要有多種類既飲品任飲雞煲 配三寶。 8/10揀左bb辣，已經好夠辣！好惹味，雞肉份量多而且滑！加埋三寶就更豐富（魷魚、牛柏葉、豬肚）全部都同個雞煲醬好夾！ 食完雞煲已經半飽🤡三色刺身。 8/10三文魚和蝦味道新鮮，肉厚是日海鮮盤。 8/10有蠔、蝦、魚、花甲💯全部都好新鮮！兩人份量剛好蕃茄薯仔火鍋。 8/10套餐有兩款湯底可以揀，一係蕃茄薯仔，一係就麻辣鍋，由於頭先食雞煲已經覺得辣同濃味，所以就揀個清淡啲既但清淡唔代表冇味～啲火鍋料烚完都好有味👍🏻牛小排。 8/10牛味突出，厚薄均勻，份量兩人剛好，非任食類但都好夠食！黑豚肉。 7/10肉片都幾厚，會比較難咬，但味道唔差三寶丸+三色餃。 9/10丸類同餃類非常出色！即使係普通既貢丸

今日有家人生日，專登搵間無限時既放題，可以吹耐啲水。呢間鋪算新開，環境用具都乾淨企埋。首先揀雞煲辣度，有人唔食得辣，所以叫左雞煲走辣，另外上碟辣。按店員教法炒雞，雞肉食落口仲好嫩滑，然後加埋三寶，魷魚豬皮牛柏葉，樣樣都掛唒汁，好正！之後上刺身，同318set既鮑魚，兩樣味道冇咩突出，好正常，同出面食相差不大。Encore左一次雞，就轉蕃茄湯底打邊爐。上海鮮拼盤同牛肉，聖子好新鮮，牛肩胛既油脂好重，肉味濃，好好食。菜出面攞，丸同餃之中，黑松露丸最好食。總括，無限時300幾係食得過既！