為食火鍋公司

營業中

休息中

惹～秋天都未到，大胃已經率先食個惹味火鍋，真係等唔切喇要過吓邊爐癮，就嚟到呢間哥基主題嘅火鍋店任食火鍋超抵，事前先食雞煲，每兩分鐘炒一炒，焗一焗，如是者重複三次，倒晒啲牛柏葉、舒淇同魷魚落去再撈再焗，就算係BB辣，依然惹味非常，扣人胃弦除咗雞煲，前奏仲有刺身同鮑魚。刺身有三文魚、希靈魚、北寄貝、大蝦同帶子，樣樣都超鮮甜，蝦頭超多膏，唔好放過呀炆鮑魚juicy又厚肉，未開始打邊爐已大滿足食完雞煲可以請樓面幫你換煲，大胃揀咗蕃茄薯仔湯底，健康又能發揮食材原汁原味首先講吓單次提供嘅食材先，主打一定係海鮮盤，有扇貝、鮑魚、桶蠔、蝦、蜆同鯇魚片，估唔到喺牛頭角都會食到咁新鮮嘅海鮮，肉質爽脆充滿生命力，掉落煲度好似變咗大海咁有活力跟住牛肉豬肉又點會走得甩呢？牛肉並唔係普通肥牛，而係牛肩頸，牛味突出，雪花均勻，仲好有彈性𠻹西班牙黑豚肉仲正，係任點㗎，但仍然好彈牙爽甜，係靚肉嚟㗎喎打邊爐丸類從來係當飯食，五寶丸每樣三粒，加上三色餃又係各三粒，問你飽未？肉丸出奇地動L，餡料十分之靚，爆晒汁，睇熱呀！餃類皮薄餡靚，滑到嗗一聲差啲嚼唔切響鈴、鴨血、魚皮、生根、餃子等等都係飲嗌，出面仲有菜籃飲攞，同樣新鮮靚料