影片
更多
2021-10-05
1153 瀏覽
雞煲火鍋食得多，以狗狗做主題既真係第一次食。一入店內已見到牆上面和枱上都是可愛歌基犬的肖像，真係有少少以為自己入左狗狗Cafe, 店主一定係愛狗之人，我也曾養過5隻不同品種的小狗，所以一入來就有一種親切感。店內環境很大很濶落，亦有不了包廂卡位，整體光潔舒適，唔覺得大煙或大陣味。食物倒是跟寵物無關，主打雞煲和火鍋。今餐當是中秋做節飯，所以食豪啲，選左$318套餐，主要有雞煲、五色刺身、海鮮拼盤，另外仲有鮑魚作前菜，特定火鍋肉類配料，而飲品和蔬菜荳品就任飲任食。⭐️菜膽扣鮑魚前菜也食得矜貴，一碟4隻，用蠔油汁煨扣，鮑魚一口咬落，稔滑又保留口感，鮮味香濃，一定要趁熱食。⭐️為食雞煲依個雞煲一上枱已經聞到陣陣花椒川香，令人垂涎。我地揀左少辣，連配料炒香後真係好吸引，雞件啖啖肉，辣味慢慢滲出，惹味又不嗆喉，亦不會滿是醬汁過鹹，食得出雞的鮮味。跟雞煲配三寶：水魷魚、牛柏葉、豬皮，吸了辣汁後真係十分惹味。⭐️五色刺身有三文魚、赤蝦、帶子、北寄貝和希靈魚。基本上全部都好新鮮，三文魚紋理清晰，油脂平均；赤蝦新鮮而帶黏度，柔軟鮮甜，帶子軟滑，北寄貝爽彈。吃完雞煲就到火鍋上場，湯底可換上另一款，這天就是蕃茄薯仔湯
店內環境很大很濶落，亦有不了包廂卡位，整體光潔舒適，唔覺得大煙或大陣味。食物倒是跟寵物無關，主打雞煲和火鍋。
今餐當是中秋做節飯，所以食豪啲，選左$318套餐，主要有雞煲、五色刺身、海鮮拼盤，另外仲有鮑魚作前菜，特定火鍋肉類配料，而飲品和蔬菜荳品就任飲任食。
⭐️菜膽扣鮑魚
前菜也食得矜貴，一碟4隻，用蠔油汁煨扣，鮑魚一口咬落，稔滑又保留口感，鮮味香濃，一定要趁熱食。
⭐️為食雞煲
依個雞煲一上枱已經聞到陣陣花椒川香，令人垂涎。我地揀左少辣，連配料炒香後真係好吸引，雞件啖啖肉，辣味慢慢滲出，惹味又不嗆喉，亦不會滿是醬汁過鹹，食得出雞的鮮味。
跟雞煲配三寶：水魷魚、牛柏葉、豬皮，吸了辣汁後真係十分惹味。
⭐️五色刺身
有三文魚、赤蝦、帶子、北寄貝和希靈魚。基本上全部都好新鮮，三文魚紋理清晰，油脂平均；赤蝦新鮮而帶黏度，柔軟鮮甜，帶子軟滑，北寄貝爽彈。
吃完雞煲就到火鍋上場，湯底可換上另一款，這天就是蕃茄薯仔湯，清清地又開胃都唔錯。
⭐️聖子到海鮮拼盤
超級豐富既海鮮盛盒，除了大聖子，仲有大元貝、蠔、鮮蝦、蜆、龍躉片和脆肉鯇。聖子和元貝都係我愛既海鮮，只需煮幾分鐘就得，唔洗點醬，原汁原味都超鮮甜好味。比較特別有龍躉片，口感爽脆魚味獨特，份量還不少呢。
肉類有手切牛肩脊和西班牙黑豚，牛肩脊厚度恰當，十分有嚼勁，肉嫩無渣，牛味都夠濃郁。薄切黑豚脂肪不多，味道較清，口感亦佳，仲可以無限追加。
其他配料仲有鴨血、五寶丸、紫菜響鈴、生根、炸魚皮、蔬菜藍等，保證食到捧住肚走勁滿足。
火鍋食得飽肚是尋常事，但靚食材就未必度度有，為食火鍋每一道菜，每一款配料都好新鮮和有水準，又坐得夠舒服，值得推介。
張貼
