為食火鍋公司

營業中

休息中

-🔸晚市火鍋雞煲任食套餐 $238/位-收工同男朋友撐枱腳，見天氣涼咗少少又想打邊爐啦！搵咗依間乾淨企理，仲送刺身，同埋雞煲任食，一次過滿足晒三個願望吖！一坐低就有酸薑同酸酸甜甜嘅前菜，飲品係自助任飲。刺身有三款，有三文魚、甜蝦、希靈魚，特別想講甜蝦好大隻鮮甜啊！跟住就食雞煲，揀咗BB辣，調味夠晒麻好惹味，而且雞肉都嫩滑唔乾柴，所以我哋又再refill咗一次😋最後打邊爐都已經飽咗七八成，推介彈牙嘅黑毛豬、香脆嘅紫菜響鈴、大塊厚肉嘅龍躉、仲有香口嘅芋頭豬肉丸。