炳記茶檔

營業中

休息中

番工想嘆個熱早餐，平時hea底食m記算，今日屎忽痕想食個靚靚早餐，所以一早就懷抱著開心的心情走進大坑食豬排米。怎料，早起的鳥兒是沒蟲吃的，原來8點左右才有豬排。7:15的我早了，就是沒緣份吃你了，豬排🐷。😫😫😫最後叫了同樣是hea底早餐的米粉，早上有幾條菜吃也是好的（自我安慰）。其實蛋煎得不錯，微微燒焦了邊皮，流心蛋黃。火腿就確實麻麻地，米粉湯底也不錯的。說到炳記，皇牌一定是奶茶！可惜我身體狀態不佳，免得心跳太快，只好叫了熱華田。嗯，是非常淡的，不過我沒加糖。雖則環境質素不能有什麼要求，始終是大排檔後巷這一類，但，邊食邊有幾隻小伙子不知名東東在枱飛來飛去，的確難受。而且久不久就有白鴿毛在身旁飄過，其實我很怕飛到食物位置，所以快快吃了便走。想食的話，推薦豬排 & 奶茶喔！（間中會來的人）

呢排成日去大坑炳記茶檔覺得佢地杯奶茶係數一數二咁好飲 茶走仲正 熱會好飲過凍成日都想再飲🤤/通常星期六日朝早去好多人排緊隊但姐姐都好友善 見曬得濟會叫啲客人排去另一個位當然早小小到會好啲 唔洗等咁耐😌/除左最愛嘅奶茶之外最出名就豬扒同雞翼兩個人食一般都會叫一人一個面加奶醬多🍞或者蛋牛治烘底都好正🥪呢個組合開展左我愉快嘅一日😆/提一提 要記住佢地平時收3:30pm 同埋星期一休息 (試過去到冇開so sad)😢😭

*大坑炳記*算是碩果僅存的鐵皮檔之一，閒日到來無需等位，來到必試名物豬扒麵和奶茶*雞翼拼紅腸米粉雞翼鹵得入味，紅腸邊脆香口，件數又多，加上幾片菜，令整碗米粉豐富起來～*豬扒拼出前一丁麵名物豬扒醃得惹味，肉質不乾不柴，切得太細件影響口感，個人不太喜歡。麵底要求不要煮太淋，出來爽口彈牙，滿意～另一名物熱奶茶，茶底濃，飲落香滑，回甘味不多！這裏價錢不算費，食的是舊有大排檔味道

建議：午市預左要排一陣隊。如果想坐得舒服啲，無咩人既話，可以揀檔口位，近街邊會涼少少。大坑有3️⃣大茶檔：順興茶檔、民聲冰室及炳記茶檔。聽名可能未必即刻Load到係咩黎，不過如果講招牌野食，個腦就會浮現哂出黎，例如：滑蛋三寶飯、滑蛋菠蘿油 (順興)、豬扒麵(炳記) 同埋 肉餅塔(民聲)。大排檔就一定預左會比較熱，只會有幾把大風扇吹住。如果咁岩無風口位又好怕熱，記得要自備風扇仔。去到檔口剛好避開左午市，等既人唔係好多😋 同正常茶記一樣，一坐底就已經有人走黎問食咩，好多人食慣食熟已經即刻落到單😂 今次試左：▫️豬扒蛋米粉 + 熱茶走 (HK$42)樣樣都想試，坐左陣都唔知叫咩好。之後聽到附近幾個人都叫豬扒蛋😂 所以最後都係食番豬扒蛋米。炳記既豬扒出名，因為醃得入味，食落有濃郁黑椒味，同埋肉質都唔會嚡🐽 食面加埋杯茶走，岩岩好。份量唔係話太多，如果真係唔夠飽，加多份多士都得。

大坑的人氣已不如幾年前般鼎盛, 除了是因為文青現在流漣的區域多了, 例如是深水埗一窩蜂的咖啡店和雜貨店外, 大坑店舖業主的殺雞取卵式加租, 也是其衰落的原因. 不過爛船也有三分釘, 一些老舖依然頂得住, 人流少了, 我反而有心思想去品嚐, 例如是這家炳記, 畢竟要在大熱天時, 再等超過一個小時才能用餐, 我實在等不下去. 這次的午餐不用等就能安排就座, 也是以前不能想像的.炳記的三大名物: 豬扒麵, 奶茶和多士, 今次也能吃到. 當中的豬扒麵說是香港頂吸, 我覺得以味道來說可能是, 畢竟醃得夠耐自然夠入味, 黑椒味香濃帶微辛, 也能帶出豬扒的肉香. 豬扒切成條狀, 我個人覺得夠細心, 肉質偏實但其纖維感也帶層次, 不是死實也不會柴口. 可惜麵身質感發泡了, 又漲又有點糊, 質素要打點折扣.大熱天時飲凍奶茶, 的確是個享受, 這裏的奶茶口感順滑, 奶和茶比例平均, 茶底甘香而不苦澀, 友人說不要少甜才能感受其原味, 但我覺得它的甜度有點高, 如此高質素的奶茶, 少少甜味就夠. 至於多士用上奶醬, 花生味比淡奶味濃, 兩面烘得夠脆, 焦香但不會苦澀, 如果多士再厚多一點, 口感脆和軟熟之間

呢幾年大坑開咗好多唔同嘅小店，好多文青系嘅Cafe🌈但係食得多有時都會悶，間唔時都會都係鍾情呢啲舊式嘅茶檔😆畢竟呢啲買少見少，又係陪伴我哋長大嘛今日要去房協處理一啲事，所以就揀咗炳記閒日好處就係唔係好洗等位😎😎豬扒醃得好入味，肉質都係爽口。而公仔麵唔會煮得過火，咬落都仲係爽口嘅👍🏻👍🏻👍🏻雖然天氣有啲熱🔥但係奶茶都係熱嘅好飲，茶同埋奶嘅比例啱啱好！雖然茶底唔算太濃，但都算好飲

成日都聽人講大坑有好多嘢食😋、有好多靚Cafe😎，趁咁岩去開果頭，就即刻搵吓有乜嘢好食。本來諗住去搵間Cafe食嘢😋，但又正正係食晏時間😭，開始肚餓，係唔係應該搵吓有咩平靚正嘢食呢🤪！行吓行吓，見到少行馬路中間有間綠色貼皮屋😳，係咁嘅環境下好似好有feel🤓，即刻上網search一下！原來係明星都成日幫襯嘅名店！就即刻去試吓啦🥳！見到台台都係食緊個豬扒麵，飲奶茶，就梗係唔執輸咁叫埋一樣啦！仲有個多士㖭！🔥豬扒蛋公仔麵 $30超級有驚喜！個豬扒好濃味！好Juice ！啲汁我估係黑椒汁之類，少少辣，好惹味😍！啱晒我啲重口味嘅人！隻煎蛋都好正，有燶邊嘅！🔥雞翼麵啲雞翼都係超級入味！好似醃咗好多日咁！好正好正😙！下次我就會叫雞翼豬扒麵啦！人係貪心嘅！哈哈哈哈！🔥熱奶茶 $16奶茶夠香滑，茶香奶香並重！🔥奶油多 $11記得叫奶油多，唔好叫奶油包！麵包看得鬆脆好味！好有心機！🥏啲嘢食一啲都唔貴，唔會因為人龍店邊變貴晒啲嘢！值得讚👍🏻及推介🌟！天氣咁熱嘅情況之下坐街邊，係要有咁上下對美食嘅追求同執着！哈哈哈哈！🏚大坑炳記茶檔🚦大坑施弼街5號#SofoodSogood #大坑 #大坑美食 #大坑必食

公眾假期早上，未見人龍，路過買份外賣早餐。第一次去，餐牌掛係牆上，企係度諗緊食咩。點知就俾人催促，叫你快 d 落單，嚴你阻街唔知果位係咪老闆，佢又話人多，連外賣都唔會做。眼見係滿枱座客，未見人龍等位。態度差，唔想做生意。完全明白係一間舊式茶檔，唔係要求提供 5 星級服務，點知黎幫襯都要受氣。睇到 lee 度 d post, 原來咁多人要排長龍。今次食過之後，慶幸唔洗排咁耐，d 食物唔好食，又要受氣。D 食物一般D 茶無茶味

作為奶茶關注組同陳奕迅都經常光顧人氣茶檔，大坑炳記50年代開始做到宜家，長期保持高人氣。開門時間唔多只做二至日，下晝三點靚就收檔。大熱天時食客都願意排完隊再坐街坐鐵皮下品賞美食。我去嗰日疑似老闆仲霸氣到只做熟客限定外賣💀 回帶假日點幾鐘過到去，排10個8個，不過流轉快唔係等咗好耐。.奶茶 💲16⭐️ 4/5茶檔名物係奶茶，走甜正常甜一樣好味。茶底濃淳、香滑。.奶醬多•奶油多🍞 💲11⭐️ 4.5/5邪惡飛邊多各一，睇相已經知道好食。多士對我黎講一向有無窮無盡嘅吸引力🧲 分數一定有私心🤡.豬扒餐蛋米💲30⭐️ 3.5/5餐廳粉麵得米粉同公仔麵兩種選擇，簡單直接暴力。米粉口感似即食米粉而唔係一般嘅粉麵檔米粉，所以可能食返公仔麵會好啲。豬扒調味比較重手，食既係風味同風味🥴。.🔶 Recap: 減肥係一個口號，係要來講唔係要來做。多士同奶茶永遠都係好朋友。

有次試過兩點多少少去到已經截龍唔做生意。今次出開銅鑼灣特登早少少去排隊，好好彩排左五分鐘就有位！二話不說order左好多人慕名而來嘅熱奶茶一償心願！茶底唔算太濃，唔會好澀口，但略嫌欠缺小許回甘。有別於一般茶餐廳慣常用嘅淡奶，炳記採用植脂淡奶 。 茶奶比例剛好，口感幼滑。仲有經典豬扒米粉同奶醬多。大大碗豬扒米粉只售$25，豬扒肉質爽嫩而且滷得非常入味，誠意滿滿嘅滷汁簡直令湯底昇華！奶醬多烘烤得微燶，奶醬再多D就perfect~ $11真係抵到爛，做人唔可以太貪心 夏天嚟雖然會有D熱，不過地道風味搭救，都是一個唔錯嘅體驗！

放假去試吓奶茶裙都成日介紹嘅炳記茶檔奶茶真心普通， 無乜特別。係個公仔麵抵食但又唔係特別好食。奶茶冇茶味只係奶多。肉丁餐肉麵合格面煮渡過諗，食落好似食緊糊咁樣完全唔得。可取之處係佢好平。

五月中，炳記放左半個月暑假到六月頭開返。我今日第一次再返去食，點知我慢慢冇諗過多士老闆會放假㗎嘛😞我必食嘅多士有啲擔心😄終於真係如我所想始終唔同人整係有分別，食慣咗多士老闆嗰啲味道，始終都係覺得爭緊啲。其實都係用同一個多士爐，都係用嗰啲牛油，都係用嗰啲煉奶，點解會咁嘅呢？係咪我心理作用啊？希望佢只係放一日假囉！（其實食開有感情係真嘅，人情味都爭啲啦，我去到唔使講佢已經自動幫我一開四容易啲食丫嘛）另外價錢都有少少微調，我都明嘅～其實本身佢都唔算係好貴㗎喇以茶餐廳來講，雖然佢呢度又唔使交鋪租，又唔使交冷氣費！😅另外明明叫咗自己以後唔好再食餐肉但係見到人哋食自己又忍唔住心思思，一啲自制能力都冇

☞喺等緊Dough Kitchen嘅時候，竟然發現呢間大坑嘅名店炳記茶檔原來就係轉角位😛眼見門口都有長長嘅人龍，但係又突然好想試吓食蛋牛治，所以忍唔住嗌咗個外賣嚟試吓啦🤣.🍴 蛋牛治烘底 ($18)/ 由於外賣嘅關係，影相影唔出其實佢好足料㗎～/ 鹹牛肉好重手🤣味道比較偏鹹。而佢嘅蛋又唔係話炒得好滑(又係影相影唔出🥲)多士烘底焗得好香脆～/ 其實整體來講，佢都幾好食嘅，但感覺唔係好值得專登入嚟食佢😥不過佢另外都好出名嘅就係佢哋嘅港式奶茶同豬扒麵，我自己就唔鍾意飲奶茶啦，但係大家可以下次去試吓㗎😆

作為奶茶fans，這天特意來到大坑，試了這間在奶茶關注組很有名的炳記茶檔🤣🧋食物價錢相宜，是平民地道美食。豬扒用黑椒汁調味，雞翼滷水很入味。奶醬多也十分好吃🍞🧈🥜🤣🤣重點是奶茶的部分，我居然忘記了點茶走!!!!!🥲只是試了普通的熱奶茶和凍奶茶。凍飲的話，甜度偏高。熱奶茶很香滑，是地道的港式奶茶🤤🤤💕但我真心好後悔沒有點茶走☹️平日上午的時間，人流不算很多，坐在店內吃著這些茶記美食，真的別有一番風味!!🥰🥰.豬扒麵 $25雞翼麵 $25奶醬多 $11凍奶茶 $17熱奶茶 $16

前幾日平日行完鶴嘴，飛的去試呢一間茶記。因為奶茶關注組啲人話呢一間奶茶好飲。好好彩排咗1分鐘個員工就截龍話做生意啦！所以我哋最後一枱入去嘅食客😂仲要連熱奶茶都賣晒好彩仲有凍奶茶！！真心覺得冇介紹錯個奶茶真係好香好滑啊！凍都咁好飲可能熱會更加香！另外我個豬扒麵嘅豬扒真係幾好食佢應該係用咗黑椒去調味同埋啲豬扒都幾淋，枱面仲有支日本麻油比你加，好高質😂雖然佢哋今早閂門好似唔憂做咁，但係佢哋啲員工態度都幾好，唔會好似澳x /九x 牛腩啲火記咁凶狠😜