炳記茶檔

營業中

休息中

oct 18, 08,3人來食lunch,叫咗 1) 細coke-為咗等友人,所以叫住支汽水飲吓先 2) 雞翼公仔麵-嘩,個雞翼好油淋淋吓喎-味道正常-個麵就比想像中多菜,d菜都脆,新鮮,好樣 3) 火腿紅腸公仔麵-我諗正常 4) 豬扒公仔麵-試咗1小件豬扒,肉質的確結實且嫩,腍-不過友人覺得呢個唔喺出前x丁............我都覺得平時自己屋企整,麵質粗d 5) 豬扒3文治-食咗1/2件,另外1/2打包-個麵包忘記咗叫烘底添...........不過麵包好軟熟-個豬味略嫌調味重手咗,鹹咗d 6) 奶醬蜜多-友人嘅蜜多就即喺有提子乾也.............-佢話麵包外脆內軟-評價不俗 7) 奶醬多-呢個望落都唔差啫 8) 大樽汽水 x 2 - 伙計都好有禮貌...........連大聲傳遞order比廚房嘅大排檔典型手法都無

兩個人叫左一個豬扖丁，奶油蜜多，蛋牛治烘底、凍奶茶。豬扖麵像媽媽煮的愛心豬扖，幾惹味，賣相亦幾靚，可以感受到廚師的心機，奶油蜜多的麵包是厚厚提子包，甜甜地，十分香脆，蛋牛治烘底是先將一塊厚麵包烘底，再切開中間放入煎好的蛋牛，所以多士可外脆內軟，但不是滑蛋，扣分，但總算是心機美食。

係大坑返左成年工都未試過大坑既野食..早幾日終於同男朋友去左試...大概十二點去到都唔洗等位好彩....即刻叫個豬扒米+凍奶茶....男朋友叫左個雞翼火腿腸仔麵+大可樂杯奶茶我望住佢沖仲會幫你搞埋佢地態度好好呀仲同我地講:等多陣好快到初初以為好細碗添原來好大碗架...d豬扒好好食呀真係....d雞翼都好好味呀丫...仲叫左個腿蛋治呀..都幾好味返到黎睇先知原來奶油多都好好食!下次要試下呢個先得呀...........

今天和媽來到了大坑...行過見到有大排檔, 突然好想懷舊, 想都不想便坐下了.細個我係住正街的, 那時候,成條45度斜的正街都是大大小小的大排檔.粥粉麵飯炒野西餐乜都有.兒時和老豆食個包+奶茶, 才行落去海皮出舖頭,到現在仍記尤新呢.但已是30年前的事了.光陰似箭呢.已不再發牌了, 全港除了中環, 石硤美, 及這裡,還有別的地方有街邊式既大掛檔嗎?知道這裡麵好食, 但不太餓, 只叫了個牛治+ 凍檸茶.但看到檯上的麻油, 辣豉油, 特製辣椒豉油, 以及七色粉,明白到此檔餐廳認真的態度.特製辣椒豉油好像泰國餐館果 d , 有辣椒在內浮沉的... 牛治好新鮮, d牛煎過才上麵包, 好熱, 加上剛烘底的麵包,包仍然係脆的, 一流!凍檸茶叫少甜, 也不錯.看到對面的女子食一丁食到"雪雪"聲, 好香好吸引,下次一定要試, 但無奈今日太飽了! 香港的文化遺產, 還剩下多少呢?

炳記真係由細食到大喇這個排檔所賣o既野並唔花巧, 都只係奶茶, 咖啡, 三文治, 多士, 公仔面和米粉, 連通粉和套餐都沒有呀....雖然種類唔多, 但已足夠吸引街坊幫襯喇..食物方面, 豬扒真係好好味, 同一般茶餐廳大排檔完全唔同, D豬扒有汁o架, 枱面上仲有D日本麻油和自家製的辣椒魚露, 撈埋食真係超掂...另外蜜多或三文治蜜底烘一定要食, 出面鋪頭都好少會食到呀, 其實係平時用既方包改用蜜糖面飽; 奶茶咖啡都好濃好滑環境方面, 雖然係街邊大排檔, 但地方好乾淨好舒適, 只係夏天時會熱少少啫服務方面, 據知排檔係由一家人打理, 樓面o既態度都很有禮價錢方面都好合理, 因為無套餐, 全部係散, 所以一碗豬扒面加杯凍飲都要三十幾蚊如果o係大坑要食大排檔茶餐廳的話, 炳記係首選, 其他果D真係油麻地呀

今日起身冇耐就同左細佬，阿媽去食野．．記得之前係ｏｐｅｎｒｉｃｅ見到大坑呢間ｄ野都唔錯，就去左呢間試下呢．．去到都幾多人ｗｏｒ．．我地就坐左係馬路邊個ｄ位．．之後就叫左２個傳說中出名既豬扒麵同一件占醬多．．．好好ｗｏｒ，呢到本身係用一丁～＾＾好快，２碗豬扒麵就黎到．．一咬落去．．都確實唔錯～咬感都算幾好．．唔會太過淋太過硬唔會好似其他果ｄ咁整到好淋，淋到都．．唔知知係乜咁．．．不過就冇想像中咁好，但整體黎黎講係幾好呢．．之後就到個占醬多．．呢個又唔錯ｗｏｒ．．佢地ｄ麵包呢個厚到啱啱好，唔太厚又唔太薄．．又烘得啱啱好咁．．一咬落去，好鬆軟又夠脆口．．真係好好味呢．．．我叫左既果杯凍鴛鴦少甜，都幾好．．個比重我覺得幾啱，都算係正呢～！！我媽飲熱奶茶，佢話都算唔錯，等我下次試下先．．細佬要大檸樂ｌｏｒ．．之後我地再叫多個奶油多，ｈａｈａ～都係好正好好味呀～＾＾得閒再去過先～想試埋佢地既豬扒多士呢．．．

由於我住o係附近,所以好多時放假都會o係度食lunch.好認同之前幾位朋友o既意見,佢o既招牌菜就係: 豬扒同奶油蜜多士.佢o既豬扒同其他茶餐廳唔同o既地方就係選用o左秘製o既醃料煎製,絕對唔係炸,一d都唔覺熱氣,仲好惹味o忝.每次我都會叫豬扒米,食之前一定要落幾滴日本麻油,勁香.奶油蜜多乃係媡奶牛油o既厚厚蜜糖多士, 我諗極都諗唔明佢點可以烘得咁鬆化,咁厚,但係塊多士入面都一樣係咁鬆化, 唔會覺得烘唔透囉!!價錢亦都好公道,豬扒米+奶油蜜多+凍啡=四十幾蚊雖然環境一定唔會係好,但係食得大排檔就預o左係食佢o既味道而唔係環境ga啦~~

四點先出到cwb, 起摩頓臺行入去都好快....一坐低, 叫左個豬扒麵&大可樂,嘩................個豬扒超級JUICY..... 好厚勁有口感.......勁好味.........**大家食之前記得滴幾滴麻油落個湯度(放起枱面一枝膠樽裝有日文字的),極之美味~~~~簡直絕配!!!!值得一讚嘅係... 果幾條菜都好脆, 唔會好老!多士,三文治都好吸引, 本來都想叫埋的, 但實在太飽飽了,唯有等待下次同男朋友嚟先食啦~~

試過幾次午飯時間到炳記，人實在太多，為求可以飽餐一頓，此後都只選五點幾去。可惜炳記營業時間十分隨意，有時比較早關門，有時抵達已關門。食過呢間大排檔幾次，每次都必定選豬扒麵/米。單拼豬扒份量大，雙拼的豬扒份量少，吃過一次雙拼，此都都不吃雙拼了。之前見網友食評提過蛋牛治不錯，可惜我食那次沒有蛋汁流出，比較乾身。一碗豬扒麵或米都$20，不包飲品略嫌貴了點，若要加杯奶茶要另加$10。但豬扒真係好食，厚身不un，不咸，加上醃料，切開一小件，方便易食。試過五點幾到炳記人也實在太多，沒有座位，轉往附近茶餐廳，同樣吃豬扒麵，又咸又薄，一路吃只可以一路回味炳記的豬扒呢。

3點3有點肚餓，左揀右揀決定去炳記。平時午餐時間已不少人，估不到下午餐時間更加多。只打算輕食，每人一杯凍飲後，再叫一客豬扒多士。麵包夾住的豬扒不少，沒有一點剩餘空隙。豬扒肉厚入味又鬆化，最重要是一點也食不到雪藏味道。個人覺得夾麵包比配公仔麵或米粉更好，因為麵包也吸了豬扒的醬汁，連帶麵包也入味呢。

終於有機會到炳記試一下黑椒豬扒公仔面，才二十元，平。豬扒厚切，但並不鞋口，正。黑椒味很香。公仔面亦對辦，煮得剛好。不過，來這裡卻不應抱不切實際的期望，始終豬扒好食就算了，我食的那天下雨，環境比較亂和臟。不過，想不到在檔裡竟看到明星師奶在食面，更一行人大談揍女經，才知道炳記是明星食堂，失敬失敬。

食完cheesecake 食個勁遲的lunch, 0黎呢度0既目的只有一個-- 豬扒公仔麵($20).先飲杯熱奶茶($10), 茶多過奶, 唔滑又稀稀的, 唔多0岩口味.豬扒公仔麵熱辣辣, 未食已經聞到好香黑椒及洋蔥汁(?) 0既味, 而且厚切豬扒望落好juicy, 好吸引! 先食豬扒, 果然好juicy, 幾腍又完全唔梳打, 汁亦惹味, 好食! 公仔麵淥得剛好, 夠晒爽口, 食得滋味. 另外仲有唐生菜幾條, 不過1) 我本身唔鍾意食唐生菜, 2) 其中一塊葉上有隻螞蟻浮屍, 結果放棄了成堆.呢度同中環勝香園一樣係茶檔, 衛生環境麻麻+ 要mou 街+ 要食二手煙都預0左, 不過食完個肚無事, 算啦; 招呼唔錯, 阿叔們幾好人!埋單$30, 當然抵食. 下次會試試多士.

這裡的豬扒，肉質鮮嫩，切件的肉眼扒透着醬油和黑椒的香味，而且生菜鮮甜，榨菜脆口，再加上幾滴甘香麻油，令整碗米粉，非常美味！而熱奶茶亦調教得濃淡適宜，茶香撲鼻，確實做得不錯呢！豬扒米+ 熱奶茶：30元*150th*

1-3-08 (六)上次因鄰桌有客人抽煙，又沒有其他座位，所以沒有光顧就走了。事隔數日再來，老闆認得我們，建議我們坐在對面馬路邊那張小桌，他說那裏空氣清新，不過要曬太陽。坐下叫了豬扒麵和熱奶茶。和煦的陽光照得人舒服極了，除去外套，感覺是寒冬終於過去了，獨特的街頭風味，像偷來一點悠閒，一些寫意。等了一會，陽光好像變了臉，變得十分猛烈。只好再向老闆“求救”。他立即建議我們轉去另一邊坐，他要先搬桌上的東西，再把桌子搬過去……。豬扒麵調味略濃，但頗鬆軟，麵煮得剛好，不會過腍。奶茶茶味再濃一些就好，不過都頗滑。Ｔ再叫了一個醬多，厚厚的多士兩邊微脆，中間軟，非常有水準。茶檔也有五星級服務，開心的一餐。

相約了朋友去花展拍照, 去前來此吃個早餐~如此的一個茶檔, 真係好耐無食過, 好懷舊~後巷風味也幾對我的口味!!奶油多烘得唔夠脆...奶油也塗得不多亦不算平均...不過咁都好, 無咁肥嘛XD朋友的豬扒丁真係好唔錯!! 丁麵有咬口, 豬扒唔鞋口, 但又唔會經化學加工得過份!!! 有點黑椒的香味~唔錯!!!檸茶有很清香的檸檬味, 篤完都唔覺佢苦澀, 有種以往未有過的清香味!!! 幾好!!! 茶底亦不錯!!!