影片
更多
2008-12-27
21 瀏覽
今日同媽媽老公閒逛大坑, 行到肚餓見到呢間大排檔, 諗住咁多人應該唔差啦, 點知一試, 真係一肚氣.......搵到位坐低, 想叫人埋黎落order, 成10分鐘都無人睬你, 淨係猛叫係等陣, 幾經辛苦搵到個好似老闆既人埋黎落order, 我地淨係想叫3個麵(分別係: 炸菜肉絲麵, 豬扒麵同雞翼旦麵)同3杯野飲啫, 佢好似失憶症患者咁repeat我地d麵款, 飲野都唔同我地落order, 要我地自己同水吧直接order, 死未?!飲品好快就黎左喇, 我地叫左凍檸茶同埋熱鴛鴦, 凍檸茶完全無茶味, 鴛鴦就味道一般, 亦無香味! 見咁多人, 都體諒食物可能要耐d至黎, 一路咁等都無催過, 但無諗過居然要成25分鐘之後先有得食! 以為慢工出細貨咩? 傻啦, 味道普通過自己整果d! 豬扒用鬆肉粉醃到淋滋滋, 落味過鹹; 炸菜超鹹, 肉絲凍冰冰; 係唯獨雞翼最好食, 肉嫰入味; 湯底同麵都無特別.講番價錢, 有豬扒既麵要成$21, 無既都要$18, 以咁既質數黎講(唔計服務), 真係叫貴! 如果咁既質數既豬扒麵, 晌灣仔太原街都係$16咋, 人地仲要快手快腳咁落單送餐, 邊有叫個客等到
搵到位坐低, 想叫人埋黎落order, 成10分鐘都無人睬你, 淨係猛叫係等陣, 幾經辛苦搵到個好似老闆既人埋黎落order, 我地淨係想叫3個麵(分別係: 炸菜肉絲麵, 豬扒麵同雞翼旦麵)同3杯野飲啫, 佢好似失憶症患者咁repeat我地d麵款, 飲野都唔同我地落order, 要我地自己同水吧直接order, 死未?!
飲品好快就黎左喇, 我地叫左凍檸茶同埋熱鴛鴦, 凍檸茶完全無茶味, 鴛鴦就味道一般, 亦無香味! 見咁多人, 都體諒食物可能要耐d至黎, 一路咁等都無催過, 但無諗過居然要成25分鐘之後先有得食! 以為慢工出細貨咩? 傻啦, 味道普通過自己整果d! 豬扒用鬆肉粉醃到淋滋滋, 落味過鹹; 炸菜超鹹, 肉絲凍冰冰; 係唯獨雞翼最好食, 肉嫰入味; 湯底同麵都無特別.
講番價錢, 有豬扒既麵要成$21, 無既都要$18, 以咁既質數黎講(唔計服務), 真係叫貴! 如果咁既質數既豬扒麵, 晌灣仔太原街都係$16咋, 人地仲要快手快腳咁落單送餐, 邊有叫個客等到菇都出埋架, 真係唔明白, 點解會咁多人幫襯? 呢間野, 我唔會再有下次!
張貼