炳記茶檔

營業中

休息中

炳記常客 幫親左好耐剛好路過 睇到食評身為街坊又係常客既我 想講返句公道說話佢既豬扒真係一流 好入味 係外面好難食到仲成日見到有好多明星有時臨收檔0個陣去食見到大家都好勤力咁忙於清潔雖然係大排檔 但絕無忽視衛生既問題 好難得幫親左咁耐同老細都有2句覺得唔似上面食評講到咁樣四眼鏡哥仔一向都好有禮貌 周不時仲同我地d客研究下影相 i phone.好潮既四眼哥仔 哈哈我相信每件麵包既厚薄都會有差距但0.2cm厚既麵包好似有d誇張等我下次去同老細order一份咁薄既試下先食咁耐都唔覺得有咁薄..

今日一心去聞名已久既炳記食早餐, 但竟然食到我同屋企人一肚氣!事源我叫了份蛋牛治烘底, 本來滿心歡喜地期待它的來臨, 誰知面前的蛋牛治的麵包皮是異常的薄, 薄既情況是我從來沒見過, 有如1張厚身的A4紙, 相信只有0.2cm的厚度(好後悔無影相), 於是我叫了戴眼鏡的哥仔來問個明白, 但他的態度令人有點失望, 他只是冷冷地說了句"係咁架!", 之後便走開了, 跟住我死心不息, 心唸無理由要貼錢買難受, 雖然一件三文治不值甚麼錢, 但那種消費者得不到平等對待的心情使我要據理力爭! 當我再跟他說時, 他又走過來粗氣地說: 落了單係咁就係咁架喇喎! 烘底係薄d架! 但他可能為免麻煩最後也把三文治拿走了, 但一路拿走便一路喃喃地說: 烘底係咁薄架啦! 落左單又唔要........ 其實我也有一刻心想0.2cm厚的烘底蛋牛治是否炳記的特色, 但當我又轉頭看看隔離座客人枱上的食物, 同是三文治烘底, 但他們的是正常過正常喎! 我唔係好明點解這間食肆明明是有地方做得不好, 都硬要說是客人的錯, 難道這是今時今日的服務態度嗎? 或許面對這間小小的街邊茶檔, 我們不應對它有著甚麼要求吧!另外試了聞名已久

必飲茶走~~ (夏天都飲~ 因為凍奶茶完全無得比!)必食豬八面~~平時唔鍾意食午餐肉既我~ 仲覺得佢d午餐肉好好味煎得好香~食完會掛住佢心思思再去的香港地道風味~

去開Central library, 一條友行過去大坑炳記, 雖然今日好熱, 但都值得下午茶時間, 叫了豬扒米!4點多還是很多人, 有錢人(?!)還楂車黎食, 真誇張!環境及衛生ok架, 伙計禮貌非常好, 多難得啊, 吃得很窩心豬扒米好快上台, 哇, 好大碗哦~豬扒幾入味, 就係有d硬, 但份量超級多!最愛生菜, 夠新鮮, 又將豬扒同米粉隔開~米粉軟硬適中, 可惜最後太飽吃不完!好少係咁既環境食野, 食到出晒汗, 但覺得幾得意, $21食個"feel", 都幾特別 =p

豬扒與其他餸煮得還可以，為何出前一丁煮得那麼差？！試了3年都沒有改變！其他茶檔也比它好！

哈....懶人用腦都會肚餓...去中央圖書館前食到好飽.....坐左2個鍾又肚餓出铜鑼灣我當去旅行.次次都大出血........去左炳記食豬扒蛋一丁.豬扒有鮮甜肉汁.似BBQ個的汁.仲好鬆軟..個麫煮到爽架...加埋個蛋汁好香老實講個麫我覺得唔係一丁來,不過煮得咁好,就得....公仔麵係人都識煮,但煮的時間都要控制反而杯華田一般..三個字形容淡如水

食過好幾次炳記, 豬扖的確好味, 但係果個出前一丁, 麵質較腍, 好似是預早整定的, 不是即叫即煮, 湯底頗淡, 自己煮的出前一丁, 一定好味過佢, 咁好味的豬扖配咁差的出前一丁, 真係浪費, 希望炳記可以用心去煮好個麵, 佢地生意一定更好!

見到雜誌成日介紹大坑的食店, 就趁星期六去花展之前, 特登同男朋友行過黎大坑~初黎報到, 當然跟OPEN RICE的食評去搵食邊間, 高排名既有民聲同炳記~見炳記咁LOCAL, 富有大排檔風味, 就坐低試最多人叫既野食~豬扒麵我好少見豬扒麵會有汁, D汁又幾好味! 豬扒夠腍, 不過就覺得唔夠入味; 好在有汁補番數~D麵都剛好, 唔會太生或太腍, 整體OK! 推薦~!凍奶茶諗住應該會同中環勝香園的大排檔奶茶一樣咁好飲....但呢到既凍奶茶無乜茶味, 唔算滑, 好普通..失望奶油多都係無乜特別, 不過我又覺得奶油多想有幾出眾?~ 正常咁既味囉..總結來說, 食物不過不失啦~個環境靜靜地, 坐係橫街既路邊, 微微太陽有點涼風, 感覺悠悠閒~大家可以一試!

的士午飯時間, 大坑內真的好難揾位... 兜了幾個圈也找不到... 今天專誠帶大小公子來嚐豬扒的, 來到檔口前, 炳記老闆可能見我兜了幾個圈, 索性幫我安排一個私家位, 服務真好! 坐定後, 我向他們推介豬扒蛋一丁, 豬扒果然入味, 好腍好正! 內裏還有生菜, 新鮮非常! 至於一丁當然煮得剛好, 彈牙! 以後除跑馬地外, 又多個早餐選擇了!

今天早上要跑到大坑辦點事，晨光初露時就已經出門了。相約同事在大坑一起吃早餐。坦白說，對於在大坑吃早餐，我也沒什麼頭緒，印像中有一間大排檔薄有名氣，不過名字什麼的也不大清楚，總之屆時到了再找找看吧。和同事會合後，沒費多少時間就找到了「炳記茶檔」。時近八點半，想不到「炳記茶檔」也坐滿了人（說「炳記茶檔」坐滿了人，正確一點來說，應該是食客坐到了「炳記」旁邊的後巷裡罷了）好不容易，我和同事找到了兩個位子搭枱而坐，枱上沒看見餐牌的蹤跡，難道是要憑空想像不成，也未必，剛好我看到了後巷的牆身掛著一塊小巧的木板，原來寫著：炳記茶檔價目表。看過價目表，我要了一份奶醬多及一杯熱奶茶多奶，同事原本想要鮮油多及熱華田，可老板說沒有鮮油，牛油只有塗上去的，同事也沒多想，照點就是了。我們倆看著牆上的塗鴉，沒多久，同事的牛油多士先來，牛油多士用一隻懷舊的膠碟盛載，賣相普通，烘得有點焦，牛油也只塗上薄薄的一層，唯所用麵包較厚，應該是用上厚切方包，一般我們買到的一磅六片左右的厚度吧，其餘沒有什麼出彩的地方。看同事的樣子，也知食味相當一般，果然，同事吃了半份後也說：這個牛油多士非常普通。隨後我的奶醬多士也來到了。奶醬多奶

2009年的最後一天，天陰，往港島逛遊，第一站(昌記)早餐後，在銅鑼灣行公司，慢慢的向大坑方向行，因在Open Rice得悉大坑有很多好吃的食肆，因已抄下地址，沿途再垂詢途人，不經不覺的首先找到(民聲)，原來(民聲)是做夜市的，下次有機會再試吧。後來，再找到順興車仔麵，坐下來後，發覺很多喜歡吃的車仔餸已售完了，餘下的，太太不大合胃口，只寄望下次早點來再試。不久，我們再在橫街找到炳記大排檔，這裡坐滿人，伙記即時在街角處，再加開一張圓枱，給我們及另外一Pair人坐，我們選吃了一碗豬扒麵、一碗豬扒米及一杯熱奶茶。豬扒麵及米：豬扒是用黑椒醬汁醃製，頗腍而入味，很好吃。而麵身淥得略嫌腍了一點，米粉質量和烹調得宜，口感不錯，湯底味道也OK。熱奶茶：茶味不濃帶少許澀，奶夠香滑，味道是一般可以的奶茶，相比之下，今早( 昌記 ) 的奶茶比較好喝了。結果炳記成為我們今天飲食的第二站了，這裡坐的環境不好，坐馬路邊，又多人吸煙，不時被迫吸入二手煙，另外隔壁車房，正在噴油，油霧間歇的飄過來，你話掂頂！雖然那道豬扒麵不錯，但這樣的奶茶很多地方也喝到了！

書時有兩位同學都住大坑，佢地兩個成日異口同聲話大坑間炳記啲野好食，但我自己一直未去過炳記食野，咁岩嗰日要去中央圖書館. 咁我就同理個同學仔一齊去左大坑搵炳記. 哈哈, 可能眼大睇過龍啦, 明明去岩條街, 但又搵唔到炳記. 咁我見到間菜檔, 老細指住炳記話:"哈哈!! 咁大間炳記你都見唔到?" 一去到炳記門口, 就冇諗過原本炳記係咁既形式既鋪. 原本炳記唔係鋪, 係檔黎. 好似蘭芳園O個種Feel. 勁得意.....一去到炳記門口就有一個呀姐示指我同理個朋友去邊度坐. 可能佢地唔知我地2個係第1次黎, 因為一坐黎, 就有個男人拎住塊紙皮同marker, 諗住幫我地寫野. 咁又見唔到張檯有menu, 之後望望下原來有張大menu 貼左o係炳記既中間, 所以我都要行過去睇食咩.最後, 我就同朋友一齊叫左2碗豬扒雞翼面同理奶油多. 原來d 豬扒雞翼同理d 面係分開上. 唔洗整到我d 豬扒雞翼淋曬! 碗豬扒面有好多生菜, d 生菜都好好味, 好爽呀. d 雞翼同豬扒有好濃既黑椒味, 好"yeah"味呀.個湯底清清地, 但又有味道, 唔識講o個湯底係咩味...唔似出前一丁, 又唔係福面味. (總知

今早有點遊閒, 想起大坑的炳記, 不彷來個早餐吧! 剛過了十一點, 大坑的錶位已盡給早吃午飯的的士大佬們雄霸了, 兜了個圈都冇位, 剛好來到炳記門前, 前面的車主也是來炳記的, 哈哈 我們似有默契般一同將車停在路中, 下車吃飽才算! 知道這裏的豬扒麵頗有名氣, 但怕吃得太飽, 及随時要走鬼褪車, 只好退而求其次, 叫個. 凍奶茶茶味香濃, 雖然見他們不是用黑白奶, 但奶味依然好足! 蛋牛治烘得好香脆, 果然係做得唔錯! 蛋牛熱辣辣, 正! 眼見枱面罷放了多款調味, 這裏竟然用上日本芝麻油, 落足本錢! 下次再來真的要嚐嚐豬扒麵了!

大坑人氣排檔炳記真係好人氣呀,去到正值午飯時間, 好多人但我一個都好容易攝到位, 就算要等都好快有位, 因為D人都唔會話慢慢坐, 食完好快走.我首先叫左豬扒米&凍OT, 凍OT唔使講啦咁平常, 豬扒米呢~米粉唔好, 浸左一陣先食都係唔夠淋, 豬扒就好喇,有D西餐味,係黑椒汁而且可能有落香草添, 好香. 豬扒係有質感, 唔會到淋過件豆腐.其實食完豬扒米已經飽架喇,但又醒起依度麥多都好味喎, 所以又叫左個奶醬麥多, 件多士外脆內軟甜甜地, 不過我今次件無提子, 奶醬份量剛好, 唔會食到成手奶, um~好甜蜜呀 ^.^

星期6特意到大坑食個早餐先..最終決定食呢間@@不過果日好熱..雖然入面的特大風扇吹到正都係出汗..奶油多士新鮮出爐好熱好脆..食落好鬆化//奶油甜得適中..雖然塗得不算多但係我覺得剛剛好..奶茶熱騰騰的奶茶..飲落好滑而且唔算好澀..甜度適中!呢類的食店買少見少..好懷舊~