炳記茶檔

營業中

休息中

本來想去民聲既,點知咁啱佢地裝修,結果去左呢間試試,因為曾經有朋友講過話呢間d奶茶好得,一於試試佢啦,點知~~真係坐底先知,原來淨係得麵或多士食,心諗:不如走啦,食麵不如返屋企自己煮,不過眼見男友去左泊車,廢事叫佢返轉頭啦,照叫啦,其實坐底無耐即刻有人埋黎落單我叫左個餐旦出前一丁,阿姐追問飲咩,我其實係想睇下加幾多錢先,不過阿姐再三追問飲咩,我快快答左佢熱奶茶啦,之後當然發覺飲品係另計架啦,唉~~算啦,一次半次!!熱奶茶先上,係用玻璃杯上既,熱就夠熱啦,不過好失望,無茶味,感覺仲好淡,真係差過灣仔華星好多好多(真係唔明,點解朋友話D奶茶得呢>?)男朋友泊完車返黎,知道此處得麵和多士食,仲要咁既價格覺得唔抵,加上飲過我杯奶茶,佢仲叫我取消個麵去第二處食過添,不過我都唔想咁麻煩,結果等左10分鐘先有麵上,但係好奇怪,一眼望住D麵,真係唔似出前一丁,我有同阿姐確認一下,究竟佢地係咪攪錯呢?阿姐話無錯!食落去,同我食開個D出前一丁真係唔同,我食出前一丁大大話話都有二十幾年經驗,無理由食唔出佢唔係出前一丁架,不過檔主話係,都無計啦,唯有照食,結果比左差不多三十蚊去食一個唔似出前一丁既麵茶

大坑真是一個好地方, 悠閒的氣氛令人感覺身處歐洲, 但就雲集世界各地的美食; 當然地道的香港美味是必不可少的。最具香港特色的茶檔, 單是大坑這裡已有兩家馳名全港的, 一家是順興, 大受歡迎做列入鋪, 另一家便是炳記了。在天氣還冷的時候來吃, 坐在鐵皮檔旁的摺檯, 真的是風涼水冷也。來到炳記, 就要吃豬扒麵 ($21)。又怎少得一杯熱奶茶 ($11) 呢?奶茶的丹寧勁重, 所以喝下去比較口鞋, 雖然我要了少奶都係咁話。暖暖的奶茶在寒冬之中就最受用了。豬扒麵用的是一丁麵 (或類似的東西), 久未吃此味, 麵身居然煮得幾 al dente , 爽口好吃, 自問煮麵也未做到這樣的境界。有兩片生菜, 添色作用居多, 不過用來吸收湯汁也好。至於豬扒呢, 是相當的大件, 已預先切開, 肉質有點粗糙, 豬扒表面的醃料有黑椒, 的確頗惹味, 但味道就沒能滲到肉的中心。其時埋單 $31, 也不可謂不貴。

星期六，去完中央圖書館，便去大坑走走來找吃；跟妹妹走來走去，最後選了那地地道道大排檔＜炳記 ＞；知道出名的豬扒，當然要一嘗；豬扒麵：醬汁醃製出美味的豬排，不是其他店的只是煎香，而且又是碎上，方便進食，不過覺得肉身比較乾身，不是太多肉料，幸好醬汁補了；湯麵用上出前一丁，但不知好何，總不是煮得是我味禿，淋得來沒有彈性，有點失去一丁的口感．而湯底味道卻不錯，因帶了醬汁之味茶酒：茶味不太濃，卻有少許澀味，感覺可以而已大排檔買少見少，雖未有套餐，然而貴了一點，但吃吃那風味，也是不錯的享受

閒日最愛到大坑開飯， 無銅鑼灣咁多人不特止， 食品價錢亦相對廉宜。某個寒冷早上走到炳記茶檔坐下， 叫了碗豬扒丁加熱奶茶。豬扒份量不少， 數到有六七舊。不知是否天氣太凍關係， 豬扒的汁是凍的， 還好豬肉還是熱， 豬扒用黑椒醃製， 十分惹味！豬扒沒有肉鬆粉醃過， 有少少鞋， 但食落都幾有肉汁的 。一丁麵煮得剛好， 熱辣彈牙， 自行加些少放在檯上免費任加的日本麻油， 香到不得了。味精湯也給我喝了半碗。熱奶茶茶味濃但不夠滑， 奶茶還是附近的順興好飲， 但冷冷的早上， 不得不喝一杯熱飲來暖肚子。看著對面整車工人跟街坊寒暄， 菲傭放狗， 呷著熱茶， 很悠然寫意的一個早上。

11月27日, 平時去開大坑, 都係喺大街搵食多, 都不外乎越南野, 民聲… 今日竟然喺d車房橫街中, 發現到呢間大排檔! 原來佢地只開星期一至星期六, 晚上仲要唔開添~ 好好彩今日係星期六中午, 有幸一試佢地嘅招牌豬扒~::: 豬扒出前一丁 ::: $21單睇外表, 豬扒確實似係落咗功夫, 有色水得嚟仲唔係乾爭爭~ 生菜份量都好多, 直頭蓋住晒d麵~ 先食一件豬扒, 肉質幾夠淋, 又唔會嚡口, 肥瘦適中~ 仲啖啖都食到鹵水味, 加上好似煎過咁嘅外皮有dd脆, 確實冇失望~! 出前一丁就比較差, 有d懷疑佢地係咪用丁麵… 本身唔似煮得好耐嗰隻色, 麵身仲係攣攣地顏色仲好實, 但係食第一口已經唔夠彈性好淋, 一咬就散… 湯底嘅濃度亦唔似用丁麵味精粉, 可能加咗d鹵水汁啦…::: 蛋牛多 ::: $11蛋牛份量都算多, d蛋牛邊好似想湧出嚟咁~ 咸牛肉同蛋嘅比例均勻, 咸牛肉嘅味道同蛋漿好夾, 而且成塊蛋牛仲煎到有少少燶邊勁香口! 麵包亦同樣新鮮, 烘得均勻之餘又脆又鬆化~ 好好味!!!::: 奶醬多 ::: $6多士算厚, 奶醬係正常份量, 勝在搽得非常均勻~ 仲要讚下佢個麵包夠新鮮烘

大坑有兩個鐵皮茶檔，順興我己吃過了，卻從未試毗鄰的炳記，這天就決定來這露天小巷歎歎。炳記以豬扒馳名，就決定以這味配搭出前一丁 ($21)，豬扒預先切件，醃得入味，肉地厚，頗有嚼頭的，味道亦比海防道街市內的發興茶檔「秘制豬扒」更好，而出前一丁也不會煮得太腍，沒有可挑剔的了。熱奶茶 ($11) 入口幼滑，略帶少許茶香，也不錯的。由於這裡不設早餐、午餐，只是一麵一茶，買單超過 $30，說茶檔便宜，其實亦不盡然。

我已是第三次去, 今次是帶全家去捧場, 總算是平民名店, 但整體退步了很多.奶茶很鞋, 茶味減少了很多.丁面依然很差, 像未煲過.豬排沒以前好味.很難會再去了, 反正附近食肆多的是. 想說ok , 但要公平點, 給喊樣, 因價錢不便宜.

toasted egg n beef sandwich唔錯幾好味toast 得arm arm好豬扒出前一丁好好味豬扒好林好入味d 菜同個湯一齊食好正朋友話奶茶唔錯幾香我個檸水--->正常味冇乜特別如果黎開會再幫親^^

我獨個兒在大坑逛了兩小時，終於等到愛人下課了。兩口子回到綄紗街附近閒逛，然後吃一頓特色的下午茶－－「炳記茶檔」。香濃的奶茶、甜蜜的奶油多士及匠心獨運的蛋牛治，只花了我們三十八元，卻讓我們飽餐一頓，回味無窮。

去過了2 次炳記.第一次叫了奶油多&熱奶茶第二次則叫了豬扒面& 冰奶茶奶油多是厚多士. 奶油比例得而. 熱奶茶是一向茶檔的水準. 好過好多茶餐廳, 但不是十分突出. 第一次的經驗是ok 的, 所以我去了第二次吃傳說中的豬扒 面.豬扒面來到的樣子很像好可口, 豬扒色美, 但其實係一個disaster. 首先, 肉無味, 不論是豬肉味或是seasoning 味; 其次, 肉很’鞋’; 再者, 出前一丁煮到不知所謂. 面質唔Q, 又無一丁的調味料味.令我一度以為用了其他品牌代替.但冰奶茶就幾好, 什至比熱奶茶出色.結論是, 如果你是食多士, 食杯嘢都ok, 但食面就唔好啦

太愛這裡的豬扒米, 雖然地點不太方便, 但每隔一段時間便會因為太掛住佢而去豬扒很入味, 真的很很很很很很很很很很好味還記得第一次食的時候感到很驚喜, 料不到大排檔的豬扒會是一早已醃好, 超正!!!配埋杯凍啡, 一絕呀~雖然是大排檔, 但絕對的乾淨, 環境很好, 有露天地方, 正到不得了老闆與所有伙記們都好好人ga~ 絕對的nice!!真的很愛很愛這裡

好彩泊到車，都要"的"住兩粒貓b搵食，見炳記未收檔，終於可以試下。仲係佢檔前洗手食野好funny。奶油多: 脆、足奶、好食豬扒麵: 果然正，其實偏咸但好開胃呀雞翼咸牛肉米粉: 雞翼一般但夾埋咸牛肉去食米粉，好過隱加埋coke & 鴛鴦，炎夏cool!!!

Went back to see they have made any improvement while they are cooking the Nissin noodle. NOT AT ALL .This place simply cooked the Nissin noodle in advance; they did not cook on order. That was the reasons the texture was so soft, not al dente !.Their famous stuff is still the pork chop, the others were done with AVERAGE quality. The egg was fried with a lot of oil and came out with dark dirt from the wok!

六月下旬．晴全港有數的真正大排檔有二十多間，小小的大坑，就已經有兩間。其實順興已有一大部份入了舖，只有這裡才可叫做真正的大排檔。約了車房朋友吃早餐，就在三十度的早上來了這裡。不過神奇地，又不太熱。查實比起順興，這裡的食物只是一般，最好吃的就是秘製豬扒。早上那支裝的日清麻油也收埋了，就只要件油占多算了。多士烘得不錯，兩邊脆而中間鬆軟，這些「獨沽幾味」的店子，水準也有保證的。果占及牛油是味道上很好的配搭，不過這裡「占多油少」，平衡一點，味道才會好一點。熱咖啡當然很不錯，始終也是很有歷史的茶檔了。埋單16元，朋友什麼也沒吃，只吃了一小份多士，同煲了幾支煙！

今日同友人黎個「港島1日遊」第1站黎左大坑既「炳記茶檔」我倆慕名而來 志在一試-_-叫左個豬扒面($24)同奶油多($6)share黎食d野好快就黎左 都幾有效率唔洗特別order d豬扒都有分碟上 真系服務週到豬扒的確好入味 不過略嫌唔夠熱 只系微暖如果浸落湯到食又可能冇咁好味個人認為d豬扒叮一叮或者煎一煎會更好碗面冇乜特別 普通出前一丁 唔會太淋 仲有好多條菜奶油多都好食 多士厚度適中 奶油份量亦冇欺場老闆亦都幾熱情 有機會一定會再黎^^