炳記茶檔

營業中

休息中

不是第一次幫襯這間食肆，所以本文經過多次觀察的食評服務態度那個唔知是老闆還是夥計的人經常口黑面黑，仲要規定客人先叫食物才可以叫飲品，一搞錯次序又克里面，首先我唔明點解要先叫食物才可以叫飲品，而且有朋友未食過的會被它嚇怕。食物方面飲品方面，曾經贏過港式奶茶比賽，奶茶質素中上，有少少茶味但距離一杯好奶茶，例如灣仔金鳳，相差好遠好遠。麵食方面完全失敗，講到好出名的豬扒又（鞋）又無味，所用的公仔麵和米粉不知何故都十分（鞋），入口口感差到爆。成間食店只有多士和三文治比較好。總結1. 排隊時間好長2. 預咗要受氣3. 食物質素十分低4. 賣點是大排檔，但環境十分分差5. 不會再來

過咗午市先過去食，今次可以坐擁最靚景的台！不得不叫馳名豬扒同雞翼吧？豬扒鬆軟又煎得香，仲熱辣辣幫你分開上，都係果句啦，細位最見誠意。雞翼非常入味，輕輕一咬就骨肉分離的地步。隻麵最有誠意唔會煮到淋曬，而係佢比好多生菜，有樣阿媽驚你唔食菜之心喺入面！街邊大排檔買少見少，假日炳記仲大排長龍，要預返時間！見老闆滿場飛，似乎邊享受邊做，正呢！

I went to this restaurant with my husband during weekend. This restaurant is my husband favorite place to have breakfast. Today we were little bit late, I was too slow to get change . There was a long queue when we arrived at 10:00am. Waited for around 20 mins before we could seat down and eat. We ordered two bowls of pork noodles as usual and a cup of milk tea. We couldn’t find another place that serve similar style of pork noodles. The pork is delicious even they served together with the noodl

食物本身是OK的就不做過多評論但此店家服務態度超級差！！！我點了一碗麵一杯奶茶，吃到一半收到whatsapp便拿起了電話。服務員見到竟然把我的麵和奶茶拿起來放到一個角落的桌子上，跟我說「要玩電話就在這裡玩啦」Excuse me????今時今日還有這樣不尊重客戶的店？拿了一下電話直接把食物端到另一張桌上趕走客人？你這樣的態度還完全沒有歉意之後誰還敢來這裡吃東西？東西再好吃能上天？絕對不會再來！！！十分不推薦！

今天因事，早上來到了大坑，當然要去去名氣大大，態度差差的炳記食個早餐。果然不失所望排隊的時候便見識到老闆 hair dryer 的本色，當然被鬧的人感覺上是整個食早餐的其中一部份，沒有太大的感覺。我叫了豬扒香腸公仔麵和熱奶茶，豬扒確實是做得很好味，很入味。腸仔還是腸仔公仔麵沒有很能做得很好。唯一有點美中不足的是可能我叫了腸仔和豬扒，所以面有點偏鹹。奶茶確實很有特色很香滑和濃厚。這家看似是霸佔後巷的特色大排檔，場上還掛了不少裝飾。我看到有一張是香港歌手陳奕迅信2002年送給他們的。值得留意是小店下午三時便關門，太晚去到的朋友可能要失望。

一直都好想試炳記，今日終於可以朝聖！由於下午要返工，我就同男友去食過lunch，朝早落狗屎，幾怕佢關門，但好彩好快停雨。去到1點幾已經見到有條龍，但都照排啦，等左15分鐘，個哥哥已經開多幾張枱應付人潮。不過全部都係坐室外，各位去之前要留意，但我就係中意呢種大牌檔風味。一坐低阿哥哥已經催你落單，然後又會叫d人食完就走，因為好多人等緊。小妹就嗌左雞翼腸仔米，加奶油多，熱奶茶男友嗌豬扒雞翼麵，凍奶茶。雞翼腸仔米，佢地的招牌係豬扒and雞翼，說真的，好好食，我覺得咁的價錢呢個質素，真心幾好，米粉同腸仔不過不失，佢仲有自製辣油，不過無食。豬扒雞翼麵，男友話都75分，係個麵無乜味，湯好似滾水咁，又唔似丁麵，總之個敗筆係個麵度。奶油多，呢個係我黎的目的！外脆內軟，正到爆！幾飽都要嗌呢個！奶茶，幾好飲，但本人不嬲唔好奶茶，唔識評論，茶味好夠，奶都濃郁。總結，會再encore

今早九點到，諗住啲人返晒工，點知要排隊，好彩好快有位，冇諗過閒日都要排，不過我之後就冇左條龍。第一次朝聖，當然豬扒米加熱奶茶，杯茶真係好得，豬扒不是想像中的硬，仲幾林。朋友見周圍都食多士，就加了蛋牛治烘底share來食，朋友最喜歡這個，烘得好脆。傾談了一個鐘很開心，期間有兩位說普通話的紋身大漢遊客搭枱，他們問我們見不見到Eason，原來是追星🤩，他們吃得很辣，見店員拿了特製指天椒比佢哋加，佢哋話好正，我就唔食得辣。總括來說會再幫襯👍🏻

炳記茶檔是一間令我又愛又恨的茶檔！最愛便是佢地既多士和奶茶。每次幫襯最少叫三份多士才能夠皮。今次難得經過大坑，緊係要去幫襯一下。一樣例牌凍奶茶走甜，但今次因爲怕肥，所以只敢叫了兩份多士。今次分別叫了油麥多和油占多。油麥多吸引之處是烘底的麥包裡會暗藏提子乾在裡面的呢，查上牛油後，鹹鹹地之餘再加埋提子乾那酸酸甜甜的味道，對我來說是很開胃的，所以次次都會不經不覺會叫多份。而油占多是我由細到大最鍾意既多士食法，牛油加果醬真是完美配搭，這個都是我必食之選。當滿足地ko完兩件多士後，惡魔又出現了。竟然比我見到隔離枱叫了一份奶油多也滿吸引的呢！最後還是輸給了魔鬼又再叫多了一份奶油多。當我還沉浸在罪惡感的情況下，奶油多終於上枱了，當下所有罪惡感一掃而空。真是很好味呢，甜甜的很美味，最緊要是多士烘烤程度剛剛好是我喜歡的鬆脆度。買單的時候，老闆都打左個突，驚訝我一個人居然食了三份多士呢。哈哈，沒錯！身為麵包控的我，我確實是沒問題的。

香港好味的茶餐廳真的吃不完啊，大坑更是美食之地，不同銅鑼灣大多的餐廳都開在樓上店，這裡的餐廳都是在路面店，而鼎鼎大名的炳記更是有名的茶檔，鮮少為了餐廳排隊的我，還是認命的等待早晨的美味。傳統港式的檔面與塑膠容器，喜歡紅磚牆旁的座位區，儘管在街邊享餐，卻也份外顯露分文青在地味。在排隊時，早已看好了想食的餐點，黑椒豬扒出前一丁，大塊的黑胡椒豬柳丁，是炳記的招牌啊，果真是好實在的嚼勁與強烈的胡椒味必點的多士則是選擇了餐蛋多與占奶多，這裡的多士烤的酥香，因此搭配內餡餐肉與蛋或是煉乳，香脆又十分順口。最後，就是連CNN都讚賞的港式奶茶啦！

炳記茶檔 去開天后做野，行下行下就過到黎。呢條街既茶餐廳都好地道，好多人尊登過黎食。難得唔洗尊登都來到，就試試。原來下午三點半就收檔，最遲三點要落單。好彩你兩點半黎到，仲有時間慢慢食。雖然落微微雨，但都要排隊，可能過左食飯時間，大概十分鐘就有位，因為一個人食，所以要搭枱。露天大排檔，鐵皮棚，簡陋環境。比起連鎖茶餐廳，呢到好麻甩，但更地道。野食更有鑊氣同風味。我地叫左:招牌黑椒豬扒出前一丁 真係好好食！黑椒好入味，豬扒好淋，而且有好多塊，真正既良心小店。不過麵就有小小淋左。凍奶茶 整體口感比較淡，唔算太特別。牛肉雞蛋三明治好食！烘底麵包卜卜趣，又唔會太燶。裡面的雞蛋唔係全熟，有啲流心狀態，牛肉好淋，鹹鹹既味道，加埋一齊好好食。呢啲茶餐廳真係唔係周圍都有得食，希望可以保留耐啲。

剛巧星期六早上去大坑，見到有個茶檔~~~~.當然即刻衝入去試試!!!.入到去，一坐低，伙計就會推介你，食豬扒、雞翼!!!.於是，阿魚就選擇了食「豬扒+雞翼+煎蛋麵」&「茶走」.🐟💬：.但原來雞翼唔係炸的.......令人失望.....不過鹵水都唔差，唔會好咸，又大隻，好正！😆😆.但豬扒就麻麻....因為有點un.個麵就煮得不錯，唔會淋，爽爽的!!!GOOD!!!!.奶茶好飲!!!茶底唔澀!!!正!!!.下次希望可以試下「奶油多」!!!!.🐟FISH'S REMINDER🐟💡阿魚提醒💡.(1) 茶檔每達星期一休息，開到下午3點半炸.(2)炳記茶檔最出名係豬扒、雞翼.*不過阿魚個人會比較推介雞翼.*留意返，呢到既雞翼係鹵水雞翼.*而豬扒，係用黑椒汁整的，重會切粒，但比較un.(3) 呢到係無套餐的，餐飲同食物係分開計錢的.(4) 木台面上重有一樽好似好辣既調味料，一開食真係唔辣，只係少少酸，點知後勁係非常勁的...所以要留意啦~~.🐟📝：7.5/10

2019年3月10日星期日今朝早晨早八點鐘就揸咗架車同老婆去大坑炳記食返個超正嘅早餐早來早享受唔使排隊我就例牌叫咗一碗豬扒麵呢度啲豬扒麵真係好正豬扒嘅份量非常足夠張相上面起碼佔咗碗麵一半麵煮得啱啱好加埋佢哋大排檔自製嘅辣椒油簡直係冇得頂老婆就話豬扒麵太邪惡了所以佢食咗豬扒米粉豬扒米粉吸收晒碗麵嘅汁其實味道都唔錯再嚟就係呢度嘅招牌奶茶呢度杯奶茶沖得真係好好味係我係香港嘅首選奶茶之一跟住我同老婆仲食咗一個鮮油多士不過唔記得咗影相佢嘅多鮮油士係查想去嘅唔係一嚿嚿但係味道都唔錯

其實依間炳記經常食係因為男朋友住銅鑼灣，但成日係銅鑼灣食到悶（太多選擇都係問題🤣🤦🏻‍♂️）所以佢就成日同我黎大坑依邊食野，一係順興一係炳記。依度既豬扒係出色既，唔係就咁煎乾爭爭乜味都無。雞翼既「老」水亦都唔會過咸仲甜甜地。最中意佢地會有好多生菜比你，岩晒我地平時少食菜既人。另外佢地既多士亦都ok架。奶茶係必叫既、茶香係可以令你唔使加糖都覺得好飲。依d地方實在係買少見少，難得係大坑依度靜靜地坐係依d茶檔度食野係幾咁難得。

回想一年前嘅呢日係喺日本啊😖今年要喺香港渡過,特登放左日假當然周圍食啦🤪去左想去好耐嘅炳記如果唔係放假真係冇咩機會黎到,因為3點就閂門❗️weekend又多人排隊❗️。試左油占多🍞真係好正呀烘底多士烘得啱啱好，唔會好燶,但好脆口厚度冇一般厚多士咁厚,跟返傳統厚度。牛油果占比例恰當每一啖都充滿油份⋯好想食多件🙊 🍜餐蛋麵-邪惡但成日心思思想食配凍奶茶大大杯,茶味濃唔會太多奶,啱晒❗️其實大牌檔雖然冇華麗外表,但食物嘅質素黎得更實際

之前朋友介紹一間食叉燒蛋飯超好味，跟住我有睇到我OpenRice呢間啲叉燒蛋飯都好好味咁，而且令我吸引嘅係有個滑蛋菠蘿油好食，奶醬多D奶呀D花生醬呀都好好食，另外呢間有滑蛋豬扒飯、滑蛋魚柳飯同有個三寶，我就叫左個滑蛋豬扒飯，D豬扒都幾香，但我同朋友都一致忠情東園的滑蛋叉燒飯😝滑蛋 配 叉燒 再加甜豉油！講起都想再食🤤