炯記餐室

營業中

休息中

某日黎左長沙灣行街，之後見到間餐廳好多人就入左去食，室內環境光線充足，白色為主，呢間餐廳中西合壁，有all day breakfast同埋麵，燒味，腸粉等多款食物，我叫左個all day breakfast,有叉燒肥瘦適中，外脆內軟牛角包加埋手撕雞放响入面啖啖肉，炒蛋都幾滑，仲有腸仔同蕃茄$98黎講都算抵食，我仲叫左三隻瑞士雞翼都幾濃味，同埋食左碟腸粉加手撕雞可以自選醬汁多少同份量，玉桂咖啡咖啡加入玉桂粉之後就比較香。

今日食lunch嗌外賣，上網睇咗呢間完全冇負評，咁就諗住試一試佢。。😫😫點知就係咁樣中咗伏！！鵝油拌飯：味道正常，但飯有少少硬。冬菇豬手 （4隻）：🔥得豬手，無冬菇❌清湯牛魔王：🤬🤬最搵笨，$88一份，但碎濕濕、分量少，牛腩得三粒左右，食落仲要好似柴皮咁，唔講以為係湯渣🚫🚫鴛鴦手撕雞腸粉：OK好食，但手撕雞有啲鞋、同埋有好多碎骨🦴🦴凍檸檬茶：正常、不過不失😤😤總括嚟講，唔會再幫襯！！

前兩日同女女行過長沙灣見到一間裝修新派嘅餐室同風格好靚 感覺似cafe 當中 餐飲方面都中西合璧手撕雞牛角包 $36牛角包🥐非常鬆脆平時牛角包中間餡料都係火腿吞拿魚等等手撕雞都係第一次見感覺非常特別手撕雞份量亦好多 估唔到食落好match然後點咗招牌銷魂腩叉 $68叉燒味道非常驚喜叉燒半肥瘦 入口軟身啖啖肉 醬汁油脂一擁而致非常Juicy 完全唔乾身 而且味道甜甜真心越食越鎖魂麻辣手撕雞海蜇腸粉 $48腸粉超滑 完全唔會一舊舊手撕雞唔算太辣 但勝在辣汁香口配埋海蜇 一次過滿足為食慾望而且份量亦很多 食完都好飽肚總括而言 餐室習懷舊創新於一身 值得一試

忍唔住啦⋯⋯出街行都冇想過在外開餐！行過路過真係冇錯過，係屋邨見到一間餐室，裝修得又好靚，睇吓門口餐牌，依，都好經濟實惠喎，入去一試冇妨😂😂雖然未到食晚餐，但係都可以點二人套餐，有辣有唔辣揀。小食兩款：鹽焗雞腎好爽口，酸辣雲耳，微酸辣，好醒胃👍🏻鹽焗手撕雞，好入味，雞肉又滑溜😋😋滷水豬手，滷水味香濃，豬手又淋又滑，冇牙都食到架，真的好好味服務好好，肯俾我哋改配冬菇，果然冇決定錯，d冬菇香、滑、淋，哈哈要爭住食添😅😅不得不提：鵝油撈粗，不會太咸之外，鵝油香到不得了，粗麵彈牙，絕配😍😍就算好飽、好飽，又可以食哂🤣🤣

下午茶時段經過，感覺裝修好新好乾淨，同埋餐牌都好吸引所以試下。見到d牛角包好吸引，但由於都未食宴就幾肚餓下，驚唔夠飽，所以試左撈麵鴛鴦手撕雞撈麵有麻辣雞同鹽焗雞，佢個麻辣雞幾好食，唔算太辣，我平時唔多食得辣都食到，d雞都幾惹味！麵質幾好調味亦都啱啱好，唔會太鹹。見到佢有得+8 加蝦米下次可以試下。跟餐送野飲/湯，我揀左湯。普通的青紅蘿蔔湯但都幾有驚喜，原本以為冇乜味，意外的幾好飲。份量黎講下午茶算合格，飲埋碗湯都幾飽下，下次會再黎試下個牛角包！

今次去屋企附近新開嘅港式冰室～裝修有別於一般茶餐廳，格局比較新派✨餐牌特色菜係鵝油撈麵，於是我地嗌左兩份，一份配醬皇腩叉、一份配鹽焗手撕雞。粗麵混合鵝油同甜豉油，鵝油為粗麵增添左油潤感同唔少油香，令人食指大動👆🏻 而甜豉油亦都沖去左不少油膩感，食落唔會覺得太溜。至於手撕雞除左以鹽焗烹調之外亦加入少量沙薑 醬增添鮮味，調味不錯，肉質實淨，但有少少鞋口。醬皇腩叉一改過往用豬梅頭製作叉燒嘅傳統方式，用豬腩製作。腩叉油香十足，肉嘅部份亦都因為脂肪比例高所以非常彈牙😜One must try the signature Lo Mein here. Flat noodle (kind of like fettuccine but more elastic) are mixed with goose fat evenly and seasoned with home-made sweet soy sauce. The fragrance of goose fat was not too gamey but relish, and brought the dish to a whole new lev

上網見到好多人話呢間嘢幾好味，一於試下啦，果然無失望手撕雞牛角包🥐料非常足，手撕雞同牛角包都OK夾👍🏻個人覺得手撕雞牛角包的手撕雞比腸粉的手撕雞好味，唔知係咪牛角包的醬汁比較多🤔🤔🤔➕10蚊升級的黑糖紅豆奶茶，紅豆味十足。不過有個小插曲，原本買佐兩個牛角包，一手撕雞一腩叉，外賣自取時無check到，點知店員俾佐兩個手撕雞。雖然有得退錢，但就只可以揀攞返個手撕雞包返去換腩叉，或者攞返去退錢…無得退差價…有少少唔識變通….疫情咁嚴重，我攞返個包返去，唔通會再攞去賣🤔🤔😳😳

< 炯記餐室 >呢間長沙灣嘅炯記餐室新開一排，新派裝修，食物有別一般餐室🤪小編去食下午茶，都幾抵食幾特別～————————————- 手撕雞牛角包（麻辣）$36 -牛角包🥐幾香脆，初頭以為裏面嘅雞絲唔多～ 點知幾有驚喜😍 因為份量唔少，而且雖然係麻辣，但係其實唔係好勁，而佢配埋特別嘅麻醬幾夾幾惹味😆————————————- 銷魂腩叉撈麵 $40 -鵝🦢油撈粗都係第一次食～ 雖然落咗鵝油，但係食落去嘅感覺唔會話好油淋淋，會比普通粗麵多咗少少油潤感同鵝油香～ 🤪 叉燒嘅驚喜唔算好大，雖然唔會好乾柴，但係唔係小編食過半肥瘦好淋好正個種～ 整體都唔錯！————————————- 瑞士汁雞翼 (兩隻）+$16 -小編覺得價錢略貴，味道正常發揮，尚算入味😀————————————- 熱奶茶 -小編覺得茶多過奶，所以會有少少苦澀～————————————評分：7/10地址：長沙灣元州街303號元州商場地下G07號舖營業時間：7:30-21:30#炯記餐室 #長沙灣 #長沙灣餐廳 #長沙灣茶餐廳 #長沙灣必食 #長沙灣美食#美食博客 #香港美食 #hkfood #hkfoodie #

去朋友屋企玩 附近搵嘢食見到呢間餐廳～ 見到都幾多人 下午茶時段啲茶餐都好抵食！所以try try 佢😆【手撕雞撈麵】$42手撕雞揀咗鹽焗！ 如果揀唔到嘅人 可以揀鴛鴦 一次過試晒兩款味道😋 手撕雞好嫩 有咸香！ 粗麵撈鵝油 本身以為會好油膩 但係食落一啲都唔油 而且仲有勁大陣鵝油香味！ 見到加$8有蝦籽 即刻加落撈麵 雖然份量唔算多 但食個陣加多份海鮮味道！【腩叉牛角包】$39我最愛腩叉同牛角包夾埋一齊食就真係第一次！ 本身覺得有少少奇怪 加埋胡麻醬淋落叉燒到覺得仲怪🤣 牛角包好鬆軟 牛油味好香 叉燒切到唔會好大舊 放入口岩岩好！ 口感豐富 成件事一啲都唔會奇怪 反而仲好match！ 【瑞士雞翼】【特濃龍蝦湯】呢兩款都係跟餐嗌！推介龍蝦湯 跟餐嗌仲要平啲～ 龍蝦湯真係好好好濃 濃到好似食梗原隻龍蝦一樣！ 瑞士雞翼 家常小菜 都煮得好入味【菠蘿四季春烏龍茶】+$10以凍治凍！ 完全唔記得少冰少甜🤣 不過好彩可能有冰粒嘅關係 都唔算特別甜！ 底部有啲菠蘿粒 記得要攪勻佢先飲！ 菠蘿唔會特別酸 成件事好fresh😛

行開長沙灣見到有間新開嘅餐廳就入去試下佢嘅裝修都係小清新簡約風啲位坐得好舒服望下個餐牌下午茶嘅價錢都好親切好平民唔使點諗就可以落單第一樣想嗌嘅野係醬皇豬手撈面個豬手一睇就知係好嫩 好Q彈食落係入口即溶嘅 係幸福嘅感覺至於撈面 係經典嘅潮州撈粗都係爽口彈牙嘅感覺腩叉叉燒包又係一個好特別嘅fusion菜式腩叉用左肥瘦叉燒 入口肥膏好軟糯一啲都唔鞋口而個包竟然係用左牛角包好特別嘅配搭海蜇手撕雞腸粉 一次過滿足三個願望海蜇好脆口 加埋麻辣醬係絕配手撕雞好滑身 好香雞油同芝蔴味腸粉都好有水準！米香好出

餐廳：炯記餐室 (長沙灣)地址：長沙灣元州街303號元州商場地下G07號舖茶記一向都喺我嘅至愛，除咗平時早餐會去食茶記早餐🍴，有時返工前後都會食茶記碟頭飯碟頂吓肚🤓今次去咗長沙灣呢間開咗兩個月嘅新式茶記餐室——炯記餐室 @gwing_kee ，無論佢哋嘅裝修定喺食物都比人一種中西合璧嘅感覺，而餐廳嘅燈光非常光鮮💡，唔知喺度食完飯會唔會心情都開朗陽光啲呢☀️？炯記餐室嘅招牌菜有牛角包同埋太子鵝油撈麵，佢哋嘅燒味更加喺個個爭住試😋，仲有一般茶餐廳唔會有嘅All Day Breakfast同牛扒🥩，都咪話唔多選擇✝️炯記四寶撈麵 $70四寶指嘅喺手撕雞、豬手、牛腩同牛肚，一般食滷水或者燒味都會比人感覺好鹹好濃味🙊，炯記嘅撈麵用咗粗麵，雖然加咗鵝油有少少油膩，但整體一啲都唔會好鹹，至少我唔需要喺咁飲水🤣，反而有陣陣鵝嘅脂香味。無論喺豬手、牛腩定牛肚都炆得好腍好入味，牛肚無腥臭味，豬手仲要腍得嚟帶有黏口嘅質感，好高骨膠原🤤。呢個撈麵仲配一兜仔蒜香酸辣雲耳同兩條生菜🥬，算喺幾豐富👍✝️腩叉牛角包 $36以中式豬腩肉叉燒配上西式鬆脆牛角包🥐，中間加咗有芝麻醬嘅沙律菜🥗，未食都覺得好味😙。腩叉肥美帶有蜜汁，

鴛鴦手撕雞撈麵 $61今次叫鴛鴦味的手撕雞，雞肉口感嫩滑，不會又乾又硬，又有原味及麻辣味兩種，麻辣加手撕雞食落都十分惹味，而麻辣味都不算好辣，適合我這個不太好辣的人，再加上份量都多。鵝油撈麵加了蝦子，食落都有一陣蝦子香，加上鵝油撈麵的比例配合得剛剛好，不會覺得太油膩，爽口彈牙。.酸辣無骨鳳爪 $28酸辣無骨鳳爪醃得非常入味，酸辣味道適中，好惹味。.鹽焗雞腎 $25調味唔會過鹹，雞腎都好爽口，而且份量超多，性價比超高。.秘製醬皇豬手 $78呢個真係超推薦！炆豬手炆得勁入味，可見是比足心機整，豬手軟淋淋，肥而不膩，咬落去口感充滿骨膠原的豬皮，豬肉都夠淋，易入口。

平時最鍾意去舊區尋找味道，長沙灣確是一個唔錯選擇。這間位於長沙灣的餐室，下午到來，打開餐牌，傳統味道，新派美食應有盡有手撕雞牛角包牛角包多數常見在西餐裏，這個中西匯聚，融合手撕雞這個中式元素，味道創意兼備，完全癲覆我對傳統味道的思維銷魂腩叉腩叉肥瘦分明，件件燶邊，食落份外焦香太子鵝油撈麵麵條爽滑煙韌，加了甘香美味的鵝油成撈麵，簡簡單單的麵條，都可以吃到燒鵝味道清湯牛魔王撈麵牛腩、牛肚炆得夠入味，配埋招牌撈麵，都唔錯這裏環境寬敞，空間感十足，用餐份外舒適，對我來說這個很重要

長沙灣特色鵝油撈粗今日去長沙灣行完街諗住填下肚仔，見到呢間茶餐廳環境乾淨，而且餐牌款式很多，非常清晰、圖文並茂，價錢合理，幾吸引。餐廳環境較一般茶餐廳舒適和寬敞，卡其、白色裝修，暖色感覺簡潔溫暖。播放著休閒純音樂，免收加一服務費下午茶餐非常抵食，供應時間由兩點至六點～跟餐送咖啡或茶（凍飲加$3）腩叉撈麵 $40超級肥美嘅腩肉，喺炯記招牌銷魂腩～鴛鴦手撕雞撈麵 $44炯記鹽焗和麻辣手撕雞，唔會好辣，而且撕到好細，麻辣幾惹味，必試！因為見到個個都嗌撈麵，個樣幾吸引，所以就叫咗。中式爽口鵝油撈粗麵，食開車仔麵嗰種扁闊身粗麵。#番石榴四季春烏龍茶 （跟餐特飲加$10）平時茶餐廳比較少有呢款，幾好飲唔會太甜，記得均勻攪拌，媲美水蜜桃紅茶～#全日早餐 $98酥脆牛角包🥐夾著鹽焗手撕雞感覺好特別，另外還有粗短的德國紐倫堡腸、半個蕃茄、炒滑蛋、茄汁焗豆、沙律菜、兩件肥腩叉燒。服務質素：7/10環境舒適度：8/10ᶘ ᵒᴥᵒᶅ個人口味評分：7/10

🚶🏻位置：元洲商場出面環境：呢間係新開嫁！雖然係賣港式燒味/手撕雞，但設計得幾fancy，唔會覺得似茶餐廳。食物：🟠全日早餐 $98呢個全日早餐係有港式風味嘅，雖然同西式一樣有炒蛋、沙律、茄汁焗豆、腸仔同烤蕃茄，但估唔到嘅係入面仲有幾件叉燒（yummmmmmm) 同埋手撕雞牛角包。呢個配搭真係第一次食。媽咪不斷話呢隻手撕雞味就係佢中意嗰隻，入面加咗麻醬，仲有幾塊沙律菜隔住個包同啲雞，令雞嘅醬汁唔會流落嗰包到搞到軟曬。份量超大份！評分： 🌕🌕🌕🌕🌗回頭率：🌕🌕🌕🌕🌗🟠叉燒米線配炒蛋、沙律菜、牛油方包 $50我由細到大都超級中意食叉燒，有叉燒嘅話可以唔洗食其他餸。今次用叉燒配米線又幾好食！有好多舊半肥瘦叉，成個口感level up!!評分： 🌕🌕🌕🌕🌗回頭率：🌕🌕🌕🌕🌕——————————👭🏻人數：2💵人均：$75🍽份量：好飽！⏱到達時間：1000⏳等候時間：0mins