炯記餐室

營業中

休息中

一直有幫襯好幾年，見到門口寫手撕雞外賣特價$48半隻就試吓啦，我揀嘅係原味唔辣，點知今次食水準差咗好多，味道啖有雪味 唔夠入味，骨位全是雪味，食咁多間手撕雞，未食過咁難食，真係忍唔住要寫食評，希望佢留意到改善下

今日見完工朝早十點都未夠，未有太多舖頭開門，喺有限嘅選擇之下揀咗呢一間小店。呢間喺商場外面地下嘅舖頭，自稱鵝油撈麵喺signature，本身好想試下，但早餐時段冇呢個選擇，唯有揀啲普通嘅常餐醫下肚。呢間小店可以坐到三，四十人。早餐時段見到有四五枱客。我揀咗叉燒蛋瀨粉（佢自助落餐，雞蛋可以揀煎蛋，炒蛋，太陽蛋同全熟蛋； 湯粉方面有通粉，米粉，仲有平時好少早餐時段出現嘅瀨粉），加八蚊一個火腿奄列同半塊多士，仲有一杯凍奶茶（加3蚊）。埋單45蚊。等左約5分鐘所有野齊晒，我落單時揀咗半肥瘦叉燒（佢好多選擇，肥啲，瘦啲，燶邊，半肥瘦），但無得揀荷包蛋，所以將太陽蛋浸落湯嘗試制造相似效果。佢真係冇花冇假，半肥瘦就真係半肥瘦，見到啲叉燒係瘦肉同肥肉相間嘅5花腩，入口甘香，甜味同油脂都好balance, 一啲都唔柴。隻蛋浸完之後本身未熟透嘅蛋白變實淨，但保留到蛋黃嘅流心重點來喇，佢啲瀨粉質地好特別似係瀨粉加薯粉嘅mix，3分薯粉煙韌，7分瀨粉嘅爽口，呢個口感無得輸加左8蚊嘅奄列同多士：多士就流流地，只係半塊烘左嘅方包，不過佢個奄列唔野少，大過我隻手掌，仲要爆多火腿絲，好似唔使錢咁。簡單啲講，淨係個奄列

第一次吃他們家味道不錯，食材配制蠻豐富，服務員還是蠻用心的，食材乾淨衛生，量非常足，色香味俱全，下次在嘗嘗其他沒吃過的， 這麼好吃的店，我就要給大大的好評，讓所有人都看見，都能享受到這樣的美食，味道超級好，這家店已經被我列入無限回購的列表，下次也會推薦給其他朋友！

去過呢間野都好幾次，次次都出事，真係唔會再俾機會佢。晚上一次要燒鵝走翼佢就俾隻翼你，燒肉就全肥肉。一次下午茶要走翼掃QR有得揀，叫職員落單同我講話冇得揀，咁係你地系統有問題定落單職員有問題，我講唔需要，走。個職員仲要好呀，走呀，其實我真心想問個老闆係咪對d職員好pk

該餐廳服務員態度極差，我們四個人進去，門口有五人枱，服務員不讓坐，叫我們坐里面四人枱，當時我們拿着一袋二袋的手信，女店員就說拿椅子給我們放，並說如果我們要坐五人枱有客戶來要讓位，應該是留給其他熟人但又沒放留位牌。我們都接受坐四人枱，但女店員硬要將加櫈加在兩個座位一邊，不肯將櫈放在枱的中間位置。這樣又不行那樣又不行我們只能選擇離開不吃，出門口聽到女店員說回家吃吧。這樣的態度怪不得吃饭时间都不多客

今早入去食早餐，坐低一張近門口嘅枱，因為大門打開，陣陣冷風吹入，便要求店員閂門，店員初初口頭應承，但過咗一陣都冇去做，後來忍唔住轉枱，我問店員點解唔閂門，佢竟然話不嬲都打開㗎啦！咁先頭即係敷衍我啦！一幅愛理不理臉孔，食物又遲遲未有，咁嘅服務真的冇下次！

收工行過話買個外賣食啦 。見門口有個牌話外賣特價 ，就入去叫左個特價燒味雙拼飯同半隻既麻辣手撕雞 。 本來想叫叉燒拚燒腩仔，但店員話燒腩仔無曬，咁就推薦左改拼腩片 。總數95蚊 。本來價錢都算抵既 。但一睇番張單，對番個牌，發現燒味雙拼價錢多左三蚊？？ ？ 味道方面，雙拼飯入邊嘅牛腩比較韌，黐牙，調味都係平時食滷水嘢嘅味道 。 麻辣手撕雞嘅味道同平時食嘅辣油麻辣好唔同，唔會話太老嘅都係多肉嘅部位，整體不過不失 。 如果作為夜晚食飯而冇乜選擇嘅話嚟呢度食都OK嘅。

琴日下晝大約十二點半，左右同屋企人兩個人去食嘢，屋企人自助斟水放多咗隻杯喺枱跟住有位帶眼鏡著黑衫既所謂經理：佢問我要唔要個杯態度極差，如果你唔要嘅話自己執反好啦，其實客人係去食嘢嘅，你間舖頭啲人倒返轉頭叫客人自己執返好啲用具，其實係咪有問題呢？同佢理論，佢仲大大聲鬧我，依間長沙灣炯記可以咁樣對待之客人，你個經理仲態度好差同我地講：五要就自己執左佢啦！自己既嘢咁樣講嘢下？不如我做埋你鋪頭既嘢？甘你岀反份糧比我啦！個店鋪經理仲罵我無理取鬧叫我吾滿意就吾好黎幫襯佢已經唔係第一次！亦都唔係淨係鬧我仲有試過鬧過其他客人仲有前幾個月我家人手機壞左叫個經理落單佢仲大大聲：話做緊嘢丫 等陣啦跟住等等等等再叫佢落單佢仲惡過我地做客人既？佢都吾系第一次””大家留意下，帶眼鏡，黑衫黑褲個位員工囉

鋪頭門口掛着特價下午茶廣告,但進店後卻沒有此優惠,這樣的營銷手法實在欠缺誠信。食物雖然也只屬一般水準,但服務態度更讓人失望。作為消費者,我們理應得到值得的消費體驗,可惜這家店無法滿足我的需求。下次我恐怕不會再光顧。😡

網上下單要求左多士烘底返到屋企食左少少先發現無烘影左相，我都知我食左半，只打算要求退返一蚊比我。去到店員話比左圖片師傅睇，答我‘已經烘左'我覺得非常莫名奇妙，因為我之前都食過烘底嘅三文治，完全唔係咁唔知好嬲定好笑

平時好小打食評 但為左唔好有更加多人中伏 決定都要出聲 入面有位著便服既女店員態度真係其差 事源係我scan完個qr code睇緊menu 見到前面有位 就問可唔可以調上去 因為我冇架車仔我原本既位置係會擋住條通道 當時服務員叫我拎埋個qr code過去佢話佢電腦掛我轉枱 我就理解為係用反同一個code我就無重新scan個code 繼續喺嗰個頁面下單 點知食物上枱時去左舊有位置時 嗰位便服女職員就發爛渣話要重新scan過張qr code 下單 首先我作為客人我唔會知你公司操作 何況只係好小事 都不解點解可以燥客人底？上餐後份海蜇味道好奇怪懷疑變質 就請店員試試 我已經細細聲講 點知佢又一次大大聲 喺度話自己食物無問題 佢地d海蜇係禁 其實冷盤變質 食左係會肚痛 做飲食可以做到禁求其不負責任 我真係大開眼界 食物味道又普通 出名手撕雞都係唔好食平時經過都無諗住食 嗰日純粹好肚餓求其揀 點知就伏左諗住拿拿臨食晒就走 期間都可以有小插曲見到有位女士入店想叫外賣 佢問嗰位便服女店員有無xxx餐 女客人見店員無應再問一次 點知嗰位便服女店員好大聲話：你見唔見到我忙緊呀？我忙緊點答你呀 係禁問

燒鵝沒有肉,只得肥膏,鵝皮,骨..開頭以為淨係一兩件係咁！點知全碟8成燒鵝都係咁..將心比己,如果要切燒鵝比自己食,都唔會切到咁啦..五十蚊個餐,得個白飯係ok..嚴重差劣！工作態度極差！求其到咁！聞所未聞！諗住同侍應講聲,佢會幫我解決,本來佢換返碟正常比我,咁我就算喇..點知佢居然,佢拎返4粒肉碎比我！真係頂！即係叫我食廚餘？真係好嘔心呀！個乞衣咩！係咪玩野呀！點食呀！真係唔明點解,個廚房切肉嗰個,唔覺得咁樣係有問題..做侍應拎返幾粒肉粒出嚟,嗰個又唔覺得有問題..係咪真係返工返到冇知覺呢？定係工作太悠閒發緊夢？嘔心到咁..真係哽唔落囉..完全感覺到自己不被尊重！我不是客人,我只係閒人..明明上網見到D相,燒味係好靚..先上去試試..但現實變成食廚餘嘅感覺..以後不會幫襯！未必係呢間公司老闆嘅問題,而係員工服務態度差劣！工作態度差劣！一D同理心都冇,點做服務行業呀！一間店舖租咁貴,請你呢班垃圾..連咁簡單嘅工作都做唔好..真係無言..

現時餐廳已經不需要人手下單，私人落單按錯熱檸茶，未上台想改回凍檸茶，女服務員竟說收正價，態度極不友善，店員態度根本不差你一台客（真實），餐廳味道不是特別，鵝油撈麵也不健康，所以香港宜家食野都已經流水化，沒什麼特色，服務態度極差，究竟如何孕育出如此餐廳巨獸利申:本人一共去兩次，最近係因為無位所以逼住去，本人亦無態度不佳，兩公婆只想食完走人

炯記冰室長沙灣門口好細，入邊座位同枱都係白色，睇落乾淨企理，叫咗叉燒蛋包飯同麻辣手撕雞撈出前一丁，兩杯凍檸茶，麻辣手撕雞算係辣，出前一丁正常，有一pack薑蔥喺度，叉燒蛋包飯個蛋係冇味，啲汁都唔夠味，叉燒普普通通，份量唔少， $48算好平

裝修幾靚，高級茶餐廳，但係衛生希望可以再提高少少，又或者係太忙，但係辦法總比困難多。黎個鹽焗手撕鷄飯先！53蚊加配送靚湯，手撕鷄肉好滑，好香麻油味，咸香，如果可以加d芫荽同多d青瓜仔就好了，不過餐廳有自己既烹飪方式啦，我自己口味漬，不過手撕鷄係要推薦既，好餸飯，靚湯都好好飲。係！唔記得叫少d芝麻，唔中意芝麻！