炯記餐室

營業中

休息中

這間位於元州商場的餐廳，下午茶時間有多款麵食供應，主打豬手、手撕雞、腩叉及牛角包，價錢由幾十蚊起，而且份量十足。秘製醬皇豬手豬手炆至非常入味，外皮入口溶化，膠質豐富，十分的筋位有彈性。銷魂腩叉撈麵鵝油撈粗十分邪惡，麵質彈牙爽口，叉燒是腩位，肥瘦均勻，肉質鬆化。清湯牛魔王撈麵牛腩炆至腍身，牛肉味濃郁，肉質帶點筋膜，牛肚又腍又入味。手撕雞牛角包牛角包酥脆，手撕雞加了些芝麻醬調味，雞肉嫩滑，跟牛角包又幾夾。最後飲返杯即磨咖啡，既飽肚又好味。

很久沒來到荔枝角長沙灣一帶，記得以前還在荔枝角某商場擺市集時經常會來到這裡覓食這天跟男友準備前往市集前就來到元州商場，發現這間好像是咖啡店外表的餐廳，決定來試試炯記四寶撈麵 $70（奉送老火湯 或 咖啡或茶 及是日開胃菜）店家最有名的其中一款就是鵝油撈麵，來到這裡一定要來試試Menu上這個系列有不少搭配的食材組合，我這個貪吃寶寶當然要全都吃一遍！選這個「四寶撈麵」就最適合不過，一碟有齊四款餸菜：手撕雞、豬手、牛腩跟牛肚，非常豐富😆鵝油撈麵用的是粗麵，份量比想像中還要多，顏色深如咖啡色但不會太鹹，咬感煙韌Q彈，加入鵝油令整個麵變得香口又惹味鹽焗手撕雞🐓有鹹香且質感滑溜；豬手非常入味口感軟綿，炆得如棉花糖一樣入口即化；牛腩跟牛肚同樣出色，前者腍滑後者爽彈，四款均各有特色進餐那天店家奉送的開胃菜是涼拌雲耳，爽脆之餘味道調得不錯飲品方面就簡單的來一杯熱奶茶，可是這杯有點失望，茶跟奶的比例不平均，苦澀味偏重，早知如此就在下單時加入「多奶」這個選項啦～手撕雞牛角包 配 龍蝦濃湯 $68難以想像店家另一道signature food竟然是手撕雞牛角包！手撕雞可以由客人自選要鹽焗或是麻辣的口味，剛才那

今日去開長沙灣做嘢，朋友推介有一間餐室係新開左唔夠一個星期。呢間「炯記餐室」都好大間，裝修幾型格，好光猛，仲有卡位坐得好舒服。我同朋友叫左兩個主食，仲加配左雞翼和生菜全日早餐 $98～ 呢個全日早餐好豐富, 個人覺得最驚喜係個鹽焗手撕雞牛角包，牛角包皮脆內軟，又大個，配埋手撕雞真係出奇地好味，手撕雞好幼細好香鹽焗雞味。德國腸皮脆豬肉餡好Juicy. 炒蛋份量好多，好香牛油同埋奶味，滑到你唔信！銷魂腩叉係佢哋嘅招牌菜，肥瘦油脂分佈平均，食落口有啖啖甘香味！炯記四寶撈麵 $70～四寶撈麵配料同樣好豐富，手撕雞我揀左麻辣，少少麻少少辣感覺真係好爽！豬手、牛腩同埋牛肚都炆得超級淋，仲好香滷水味。重點係佢個鵝油撈麵，粗身嘅撈麵用上鵝油，比一般嘅撈麵更加香，食落口麵質滑但一啲都唔油膩。撈麵配埋一碗中式老火湯，完全冇加味精，好飲鵝油生菜 $14～ 生菜份量好多，配埋鵝油，生菜不單只新鮮仲有陣陣甘香味瑞士雞翼（兩隻）$16～ 雞翼好香瑞士汁，肉質好滑，食落甜甜地好醒胃。食咗咁多嘢都係$198，全日免收加一，雖然價錢係街坊價，但係食物質素超級高，地方又舒適。

開左一段時間，門口見到早餐menu選擇多，朝早有手撕雞撈麵食 可能天氣凍嘅關係，撈麵上咗枱之後凍得好快， 要盡快食， 如果唔係好快會一舊舊。 手撕雞分量都唔少， 食過兩次兩次水準差唔多， 雞粉量足、入味， 整體都算好食 如果可以跟碗細嘅熱湯加落麵 ，就更加好， 不過呢個價錢呢個質素算不錯。手撕雞牛角包佢係另一個唔錯嘅選擇， 同樣地手撕雞粉量一樣唔少， 仲可以用刀叉嚟食，唔使整污糟隻手。總共黎食咗三次， 水準keep到👍👍， 員工服務不錯， 多街坊幫襯。

今日經過呢頭近近地搵地方食個下午茶 黎到炯記 聽講佢嘅手撕雞出名好食 就黎朝聖食正餐前當然要個頭盤 小吃三皇盤 淨係聽個名都覺得夠晒霸氣 入面有雲耳 雞腎同無骨鳳爪 係心多嘅朋友仔必然選擇😏 特別欣賞鹽焗雞腎 味道單純一個咸字 但正因如此食得出雞腎嘅香 新鮮同口感終於到主菜啦 一定要試下鹽焗手撕雞飯 雞肉好滑 唔會太咸 而且份量一啲都唔少 完全足夠送晒成碗飯另外一道係佢另一個招牌 腩叉撈麪 簡介講係半肥瘦腩肉叉燒 結果冇令我失望 係完美嘅半肥瘦丫 食落非常軟綿綿 肉汁同油脂咬落去係一齊流出黎🤤 食落好有滿足感哦最後值得一提嘅仲有佢 龍蝦湯！完全冇估到係可以煲到同高級西餐廳一樣一上枱已經鮮味撲鼻 飲落去係好香濃嘅海鮮同龍蝦味 非常足料嘅感覺🥰

下午茶經過長沙灣見到呢間有鵝油撈麵，好吸引，於是一試。店面裝修好cafe feel，坐得舒服。.鴛鴦手撕雞撈麵$42可以試曬鹽焗同麻辣味，手撕雞肉質嫩滑，有芝麻香非常惹味。本身諗住麵條油光亮麗好油膩，但食落完全不油，反而乾爽非常，可能是加了$8蝦籽的源故，粗麵爽口彈牙，每條都撈得均勻。而且沒有想像中會很濃味，味道剛剛好。另外每個餐都有一小碟雲耳小菜，十分開胃。.醬皇冬菇豬手撈麵$58蠔油冬菇同豬手都軟淋入味，充滿骨膠原。豬手醬汁撈埋麵食更加有所提升。.瑞士雞翼$16煮得很入味，推薦！.特濃龍蝦湯$38重味龍蝦湯，但就有點小貴。

同朋友一齊喺長沙灣，想食個豐富又唔貴嘅 early dinner，咁我即刻動下腦筋，記得呢間餐廳喺長沙灣開咗新分店，就嗱嗱聲喺天未黑之前同朋友過去開餐😆，要趕及六點之前食完😅我叫咗 $70 嘅「招牌太子鵝油撈麵 - 炯記四寶撈麵」，朋友就叫咗 $42嘅 下午茶（原來6pm之前都有下午茶😁）「炯記手撕雞撈麵」，兩個餐都包「老火湯或咖啡或茶及是日開胃菜」；再加 $10「郊外油菜」😆。「炯記四寶撈麵」裏邊有 手撕雞、豬手、牛腩、牛肚，好豐富😆；鵝油撈麵係粗麵，Q彈有啲咬頭，撈咗鵝油香口又惹味😋；鹽焗手撕雞🐓有鹹香又好雞味😋仲叫咗 $68嘅「銷魂腩叉」： menu 咁樣寫「腩叉：最靚半肥瘦腩肉叉燒」😄；腩叉肉質軟熟，仲幾多汁，半肥瘦唔覺好肥，又甘香又滑😋

星期日去開長沙灣， 肚餓時候咁岩見到一間好日式既店， 驟眼似日系既餐廳， 而櫥窗出面擺咗好多牛角包既display, 完全吸引左我目光， 實則原來係炯記餐室。本身一心諗住食牛角包， 但原來鵝油撈粗同手撕雞亦都係佢既招牌菜， 難得黎到就一次過試哂佢啦下午茶係包例湯， 我地再另外叫左$16 冬菇扒生菜， 驚喜既係例湯唔係味精湯， 係煲出黎既鮮甜， 一啖接一啖飲唔停。冬菇扒生菜 - 雖然係冬菇仔， 但炆得好淋好入味 , 會同埋爽甜生菜一齊食 又幾夾喎。鴛鴦手撕雞蝦籽撈麵， 因為驚下午茶size 唔夠食 , 所以叫左午餐份量， 再加埋$8 蝦籽鴛鴦手撕雞係包括鹽焗手撕雞同口水手撕雞兩種。 一上菜就比蝦籽既份量嚇到， 果然值得比$8 加蝦籽， 而個人建議將所有材料， 雞、撈粗、青瓜一齊撈， 先食到蔥油香同雞與麵既層次感。 蝦籽已經佈滿喺麵上， 啖啖都食到蝦籽精華。雞夠嫩夠滑， 麻辣只係BB 辣， 唔食得辣既都食到，撈埋撈麵同爽脆青瓜， 食完好開胃， 會比十個讚。而男友就揀左咖哩腩叉炒蛋飯， 我初頭對呢道冇咩大期望， 因為唔係招牌菜。 但個咖喱汁真係比一般好食， 咖喱以香甜為主， 有d 似日本嗰款

行街行到有啲攰想停低食啲野，經過呢間門面像甜品店既裝修，夠光猛；再睇埋餐牌好吸引決定入去食。小吃三皇盤（無骨鳳爪、雪耳、雞腎）飯前開胃，正清湯牛魔王撈麵牛腩，牛肚，好淋好足料，份量十足，撈麵係佢地招牌菜鵝油撈麵，每條麵都沾有鵝油香，好好味腩叉牛角包本身好鐘意食牛角包，但今次就第一次食夾左餡既牛角包，好特別，腩叉肥瘦均勻，好好食，令人可以食完再食既感覺番石榴四季春烏龍，估唔到水果同烏龍茶幾夾水蜜桃梳打解渴一流座位舒服，餐廳食物夠特別下次再來食其他野。

行完深水埗，返去長沙灣買野，經過見到元州商場地下好多新開嘅鋪頭呢間裝修好靚，諗住睇下餐牌岩唔岩食點知門口擺左好特別嘅牛角包，竟然係用手撕雞、叉燒做材料？好搞笑，第一次見，我又好鍾意食牛角包，試下新口味都唔錯，然後就吸引左入去🤣🤣好彩5點，仲有得食！入面裝修好簡單，乾淨，好舒服，似cafe嘅茶餐廳咁👍🏻既然都5點，索性食埋晚餐，食完6點走岩岩好，見到呢個二人餐$198，問男朋友想唔想試下，好似幾抵食，反正我地兩個咁大食都岩曬😆餐廳係自助掃QR code 下單，不過呢個餐係QR code到未有，所以要搵職員幫手落好快就嚟左老火湯，好清甜👍🏻手撕雞超好食👍🏻推薦！雞腎爽口👍🏻豬手比想像中好食得多，佢煮到好淋，好入味👍🏻推薦第一次食呢個偏麵，又幾特別喔食到開始有啲飽飽地，岩岩好嚟左碟生菜，爽口，又新鮮👍🏻👍🏻最後忍唔住叫埋牛角包，個皮好脆口，即時整👍🏻加埋腩叉食落口感好特別👍🏻好食😋超滿足，二人餐夠曬食👍🏻👍🏻我地平時咁大食都勁飽，仲淨少少餸，抵食👍🏻👍🏻

鹽焗手撕雞腸粉雞味油香，比豬油更好吃，豬油吃多會像膠，漿住嘴，雞油不易凝結，撈腸粉更滑喔。這裡雞油有加上秘製的甜豉油，吸引，甜甜的醬香，帶出鹽焗手撕雞香。腸粉的份量亦很多，一人吃也很足香滑旦炒多士主打手撕雞，亦是一個不同的選擇！滿滿滑旦，非常滋味～手撕雞牛角包南瓜湯，香濃滑順的經典湯品～有法式南瓜濃湯味～手撕雞為主打，這店很受歡迎，招牌手撕雞以獨家秘方腌製，雞肉嫩滑。牛角包很大的，好吃～腩差飯秘方食譜手撕雞，不過白飯感也不錯，還有不少好吃的腩差～黯然銷魂飯隱藏腩差，焦香腩差～焦香肥美五花腩叉燒，淋上晶瑩剔透的蜜汁。一半肥、一半瘦的燶邊邪惡五花腩叉燒，焦香、油香、肉香盡在一口～一吃難忘之肥燶腩差吃喔～手撕雞之吃法多多。冰室是有值得一試的懷舊口味。

之前食過炯記既撈粗之後念念不忘，今日係長沙灣見到新開左間炯記裝修都幾靚喎，又到食飯時間，所以就決定食佢啦長沙灣呢間炯記既食物同其他有少少唔同，Crossover左西式既食品選擇都比其他店多我地就叫左手撕雞飯、鹽焗手撕雞腸粉、銷魂腩叉撈麵手撕雞係佢地既招牌菜，雞肉夠滑，加左特別既調味真係令人食到停唔到口個腸粉熱辣辣，好滑同埋好夠醬腩叉撈面個粗面爽口彈牙，個醬汁好正，叉燒半肥瘦恰到好處新分店既水準都好高呀！

老公返夜更自己一個係屋企附近鋸下扒都好chill ga穀飼黑安格斯牛扒餐牛扒鮮嫩多汁，肉味獨特，長期穀飼純天然，穀飼餵養的牛隻比較營養豐富，所以大啖食都無乜罪惡感。切開容易，富有紋理，食落比較嫩滑無筋，我叫了七成熟，切開見到色澤嫩紅。配上濃郁的燒汁，更滋味。扒餐有蛋角沙律，雞蛋全隻切四角，勁香蛋黃味，加上胡麻醬沙律菜，去一去肉的油膩感。意粉份量比想像中多，夠味，唔會好清淡無味，意粉有韌度，彈性，唔會變得似麵糊甘。我覺得食扒餐點都要有野飲先夠爽，所以我加$10有杯特飲，點了荔枝梳打，荔枝味芳香，果香味濃，飲落去很香甜又涼快。

在長沙灣新開了間炯記，之前我食過手撕雞好味，沒想到在這裡開而且裝潢不錯就來吃晚餐，6點後有個2人餐都係$198份量都要幾多就叫了朋友和我一起來吃。手撕雞有辣和不辣當然要麻辣啦，雞肉嫩滑而且雞味不少，除了手撕雞還有雞翼，辣度微辣。牛魔王例牌，牛腩同牛肚都好入味，朋友都讚好，好淋身，肉味又保持到，最後再加上辣椒味仲增加惹味感。 酸辣雲耳微辣剛好，喜歡仲有不少蒜茸入面一起食好清新開胃。鹽焗雞腎，真心份量多最後吃不完，雞腎幾爽口，有點咸味可以。白灼生菜，仲幾爽口，醬汁有點牛腩汁味好味又不會落蠔油咁咸。老火湯好清甜夠熱，好味道。太子鵝油撈麵和白飯各要一個，撈麵有點鵝油香彈牙不錯，份量比心目中多。飲品凍熱同價，要了檸檬茶和檸水酸度夠，食了咁多食物岩岩好。

去到長沙灣見到元州商場炯記餐室，裝修幾有style，二人餐$198都幾多野食二人餐$198有手撕雞、豬手、油菜、例湯、酸辣雲耳、雞腎、鵝油澇粗麵，我相信3個細食女仔一定夠食手撕雞叫咗鹽焗味道，咸咸地都幾好食，雞肉仲好滑4件大大豬手，醬油味好香，豬手炆得入味，仲啖啖都好似充滿骨膠原 鵝油澇粗麵粗麵無鹼水味，入口彈牙，加上鵝油同醬油香，非常惹味 酸辣雲耳好開胃
雞腎份量都唔少，入口爽口仲食到鹽焗味道，都幾惹味 仲有2大碗例湯
$198二人餐仲包2杯飲品，價錢抵而且份量多，唔怪得咁多人食！