炯記餐室

營業中

休息中

原來長沙灣呢間炯記咁有日系甜品屋feel呢度嘅裝潢好有打卡cafe嘅感覺鹽焗手撕雞拼豬手鵝油撈麵嚟到炯記，當然一定要食呢度嘅招牌鵝油撈麵每條麵都充滿鵝油香，唔會乾爭爭滷水豬手做得好出色炆得好淋好入味，口感非常軟淋帶有QQ的，好有膠質呢度嘅手撕雞並唔係一絲絲，每舊都大塊的，好有口感，肉質比較實淨，未算好滑！不過咸香味好正All Day Breakfast牛角包係熱辣辣又鬆軟外層脆口的，係我鍾意食嘅牛角包雖然牛油香唔算好突出，但整體已經好好食手撕雞加咗麻醬，味道更加香！小吃三寶雲耳&雞腎勁好食呢個小食真係會令人食唔停口

尋日6點左右經過長沙灣，路經炯記…原本以為係新開既普通茶記，點知望下menu先發覺是非一般的—fusion佢有中餐+西餐既元素..見幾特別就入去試下…都真係好多選擇一睇menu,有叉燒、又有牛角包、又腸粉、手撕雞…因為肚餓，我點左個牛扒餐試試：蛋角沙律、意粉、安格斯牛扒五成熟…首先講沙律，個蛋角不錯，仲加左一種香料係平時少食…你地可以試一試睇下係咩黎🤪牛扒5成熟，唔會太韌，仲有肉汁保留住…再加上牛扒有一少部分係脂肪，煎一煎非常香口，都幾邪惡，但好正👍🏻👍🏻值得再試…不過平時鍾意沙律分開上，因為驚d牛掂到沙律醬會酸味除左呢個，其實仲想試牛角包同手撕雞腸粉不過太飽😩…下次真係想試下食哂🤪🤪🤪

記得之前食過炯記嘅鵝油撈麵，都幾好味😋，今日經開長沙灣見到佢，就順便入去食番餐啦😙。我點左雙拼餐-麻辣手撕雞併叉燒撈麵， 配上是日例湯，跟小食酸辣雲耳。叉燒軟淋的，而手撕雞可以點鹽焗或麻辣味道，我喜歡麻辣惹味些，手撕雞的肉質都算嫩滑，墊底有些青瓜，灑上芝麻更香。鵝油撈麵爽口又滑，亦都冇鹼水味，調味剛好不過咸。另追加了一杯熱奶茶，茶香又順滑也不錯👍。同行友人則點了叫鹽焗手撕雞併豬手撈粗，有2大隻豬手，我試了一舊，豬手很淋又入味，非常正。配了杯水蜜桃🍑梳打，說清新解渴。
加$15配了冬菇扒生菜🥬，冬菇入味，用埋佢嘅汁撈生菜剛剛好。
價錢方面又實惠， 故下次經開都會再幫襯佢的😊

今日嚟到位於長沙灣新開嘅炯記餐室食下午茶，餐廳裝修走小清新風格，非常闊落舒服食物款式都幾多，而且價錢親民麻辣手撕雞撈麵手撕雞撕得大細適中，皮爽肉滑，唔算好辣，少少麻味，幾開胃惹味。粗麵未入口先聞到陣陣油香，口感爽滑，配埋秘製醬油，味道帶甜，食落唔覺漏。麵條爽口彈牙，而且好索汁同鵝油，個人超鍾意。鹽焗手撕雞腸粉腸粉好夠熱，米香味足，細膩爽滑，配埋豉油、甜醬同麻醬，令味道更豐富。手撕雞鹹味啱啱好，唔會蓋過雞肉嘅鮮味。銷魂腩叉腩叉充滿光澤，厚切啖啖肉，肉質好淋，脂肪比例啱啱好，唔會好漏，食到香甜蜜汁味道。瑞士雞翼色澤均勻，醬汁味道濃郁，甜鹹平衡，夠入味，雞翼皮肉嫩滑。冬菇扒生菜冬菇細細粒好入味，而且Juicy，生菜爽口青綠。即磨咖啡咖啡香滑，烘焙味道芳香濃郁。菠蘿四季春烏龍茶菠蘿味同茶味協調得啱啱好，酸甜帶甘香，飲落清新開胃

📍 餐廳：炯記餐室 (長沙灣)地址：長沙灣元州街303號元州商場地下G07號舖約咗幾個朋友去食Tea，見到有間新開無耐嘅餐廳，環境舒適，裝修有格調，仲要好抵食👍👍👍1️⃣手撕雞牛角包(麻辣) $36見到唔少人叫呢款牛角包，手撕雞配牛角包又估唔到幾夾喎，牛角包牛油味夠重，中間手撕雞份量都唔少，加埋麻辣嘅香味，相當惹味，難怪咁多人食。2️⃣清湯牛魔王撈麵 $44有牛腩同牛肚響入面，好淋好入味，份量十足，加埋招牌鵝油撈麵，真係好好食。3️⃣銷魂腩叉撈麵 $40腩叉略嫌瘦咗少少，如果半肥瘦就更加正。4️⃣特龍龍蝦湯 跟餐加配+$38龍蝦味道都唔錯，但蕃茄湯底有啲搶味。5️⃣瑞士雞翼(2隻) $16甜豉油味道好香，雞翼醃到好入味，雞肉夠嫩，輕鬆咬開，非常有水準。6️⃣番石榴四秀春烏龍茶 跟餐+$10番石榴味道吸引，同烏龍茶好夾👍7️⃣荔枝梳打 跟餐+$10飲落唔會好甜，解渴一流。8️⃣是日老火湯 跟餐無味精，夠清甜。

假期就約左朋友去長沙灣睇戲，睇戲之前當然就要食下野先啦，最後我地就選擇左戲院附近商場餐廳到食入到去餐廳環境舒服，感覺似去左咖啡廳，食物款式選擇種類都好多，有小食類，麵類，牛角包類，而且價錢都相當平民，所以非常抵食炯記手撕雞$68雞肉肉質嫩滑，面頭有小小芝麻，味道香口惹味麻辣雞腎$25雞腎口感爽口，而且麻辣汁又香又辣，食得過癮清湯牛魔王撈麵$44裏面有爽滑牛肚，有嚼口牛腩，再配上撈麵，飽肚感十足瑞士雞翼$16(跟餐)瑞士汁好入味，雞翼味道香甜腩叉牛角包(下午茶)$39腩叉肥瘦適中，而且食落口有肉汁，配上香脆鬆化牛角包，口感更加豐富熱檸檬茶(跟餐配)最後叫返杯檸檬茶，暖一暖胃地址炯記餐室長沙灣元州街303號元州商場地下G07號鋪

喺附近放咗工之後，就過咗來食手撕雞啦～咁啱今日晏就食得勁少，於是同朋友食叫咗一個超豐富嘅二人餐！飽到呢🤣🤣🤣店面設計得好好，白色加米色，好舒服嘅配搭無諗過食手撕雞呢啲咁地道嘅嘢，都會去咗一間好似平時打卡Cafe裝潢嘅舖頭！感覺好舒服～可以同朋友吹好耐水～左思右想決定唔到，於是就叫咗呢個二人餐！下次要試下佢哋個All Day Breakfast！手撕雞牛角包好新奇～份量 ：超！級！多！完全係嚇死人🤣🤣🤣鵝油撈粗果然名不虛傳！見佢色水咁深，本身仲好驚好鹹點知味道剛剛好！油香撲鼻～包裹住每條粗面～覺得太油膩嗰陣又可以飲下老火湯，冬瓜薏米湯！清新得來又滿足😋呢間最出名嘅就係手撕雞，果然同預期中一樣。唔好以為佢鹽焗冇乜顏色就冇乜味，實際上佢又有雞味再加咸香，配埋少少芝麻同青瓜襯底，口感更加豐富，送面一流～豬手先最令我意想不到！每一舊色水都超級靚～咬落去果下！！！簡直係自動融化喺口度，炆得超級林，而且充滿醬香，唔會死咸！！必叫🥺小食都唔輸蝕！雲耳正常水準，口感爽脆～麻辣雞腎有驚喜，切得非常之大舊，厚身令個口感更好，咬落嗦嗦聲，而且唔算非常辣，好適合唔食得辣嘅人過口癮😌總括而言，呢間屋村商場入邊嘅舖

行過門口以為係西餐廳, 又見包括長者多街坊排隊;睇到MENU至知係FUSION菜, 但又唔貴喎!! (呢樣好緊要)銷魂腩叉炒蛋飯, 連熱飲 $58賣相唔錯, 熱辣辣香噴噴.叉燒肥瘦適中, 層次分明, 夠滑香口.滑蛋有功夫, 有水準!三扒兩撥KO哂! 手撕雞拼豬手撈麵,  連熱飲 $60豬手份量足, 夠入味夠冧, 離哂骨!同撈麵食非常夾!! 手撕雞揀咗鹽焗雞, 肉質嫩滑, 灑滿白芝麻, 夠味夠香!! 2點後出埋下午茶手撕雞牛角包(下午茶餐, 連熱飲 $36)牛角包鬆軟, 仲夾咗大量手撕雞!!!好fusion, 但好夾!! 

長沙灣有一間餐室專賣鵝油撈麵，難得入到黎梗係要試吓啦😋我同我朋友叫咗一人一碗撈麵、兩隻瑞士雞翼同一碗龍蝦湯 haha 見到佢嘅餐牌覺得特別吸引，所以就叫咗一碗試吓⭐️手撕雞雙拼撈麵 （拼腩叉）$60不得不講佢嘅腩叉，每一件都好靚好有口感，手撕雞仲有得選擇鹽焗嘅或者係麻辣，我自己揀咗麻辣，令手撕雞嘅味道昇華左。另外值得一提嘅就係佢最出名嘅鵝油撈麵，並唔係出邊普通嘅撈麵咁簡單，食起上嚟唔會特別乾而且有一種特別味道，配埋蝦籽簡直係啱啱好🤪⭐️炯記四寶撈麵 $70呢個份量相當足料，四寶包括手撕雞、豬手、牛腩、牛肚，真係包羅萬有，呢$70係值得嘅🤩⭐️特濃龍蝦湯 $38喺一間比較港式嘅茶餐廳叫一碗西式湯，所以唔抱住太高嘅期望。但出奇地好飲，個湯的確好濃龍蝦味🦞而且仲飲到忌廉嘅味道，值得一讚，另外佢唔會好厚粉，飲起上嚟好舒服😌推薦咁多位朋友試吓⭐️瑞士雞翼 $16覺得佢嘅雞翼幾好食幾入味，如果平番啲就好啦飲品嚟講都真係幾有驚喜，冇諗過一間港式嘅茶餐廳有咁多飲品嘅款式，仲要係好飲嘅

這間炯記裝修零捨唔同，有種新鮮的感覺,就連餐牌都有啲新野，今日我就食下同其他的分別🤭「菠蘿四季春烏龍茶」幾特別的口味！有點菠蘿的甜，烏龍茶有點濃😌「手撕雞雙拼撈粗-鹽焗手撕雞拼腩叉燒」鹽焗手撕雞是麻醬撈成👍🏻👍🏻 叉燒的確是肥叉👍🏻 至於撈粗，是無得頂🤣😂🤣「番石榴四季春烏龍茶」番石榴味唔太出，但配上烏龍茶剛好😊「手撕雞牛角包配龍蝦湯」相當新穎的菜式😍但又好好味呀👍🏻👍🏻 正！ 如果牛角包再脆會更好呀😋😋備註：🔺套餐可以追加小食🤫🔺有高吧台，幾特別😌🔺電子落單，方便！😊

大間光猛o既中式餐室，地方闊落，見人推埋bb 車入o黎都仲得。餐廳以QR code 手機點餐的，佢細項比較多，跟飯定麵、跟乜o野餐飲、多唔多冰多奶，加配乜o野小食等等，自由度高，但也容易遺漏一個半個選項，不過慢慢地操作都唔難完成。我地o黎到o既時候o岩o岩搭正兩點，有下午茶餐牌，實在太好喇！一於試盡佢o既招牌菜，先來一客鴛鴦手撕雞撈麵($44 無加一)，一次過有晒鹽焗同麻辣兩隻口味。d 雞幾嫩滑，鹽焗雞帶有沙薑粉o既味道，濃味香口；麻辣o個d 則呈微紅色，辣度幾高，風味唔錯。佢下面o既麵標榜住係鵝油撈麵，聽落好似好矜貴咁~ 麵質都算爽口，食落惹味得o黎，一d 都唔油膩。跟呢個餐會附一小兜雲耳作為開胃前菜，也是幾辣的。第二個餐則點o左銷魂腩叉飯($40)，幾玩味o既名字。Menu 介紹佢係半肥瘦o既腩肉叉燒，實物見佢擁有一間間o既脂肪層，而最上方仲連帶一層皮，都幾特別。另一個朋友唔想食咁飽，想叫d 輕食，嗌o左個腩叉牛角包($39)，裡面都係夾上一樣o既叉燒，不過淋上胡麻醬，配上鬆脆o既牛角包，相信又係另一種滋味。每個餐都可以追加小食，寫o左瑞士雞翼(2 隻，$16) 同埋特濃龍蝦湯($

烔記又開分店！這間fancy茶餐廳就是夠特別！道道菜都有特色環境：非常光猛，白晰的牆身加上數張高身的吧枱，像家CＡＦＥ服務：雖然是茶餐廳，但侍應頗有禮貌，有處身CＡＦＥ的感覺食物：二人餐＄１９８非常豐盛的套餐！鹽焗手撕雞雖是例牌但份量夠大，鹽焗雞醬夠鹹香，適量芝麻吊起味道，入口軟稔，意想不到那麼多！差不多有近半隻雞了秘制醬皇豬手極稔！入口即溶，漿口非常，而且非常入味，口味濃郁，正！酸辣雲耳微辣小酸，有夠開胃的爽口雲耳，前菜來說很不錯鵝油撈麵鵝油香甚重，麵質口感彈牙，份量又是巨大，非常惹味~油菜簡單，清新，入口爽脆鹽焗雞腎爽脆同時鹹香重，份量同樣夠大飲品正常水平腩叉牛角包入口即溶，肥瘦均衡的叉燒不配中式包，配上西式牛角包別有一番風味，油香甚重，很有特色

返工嘅地方附近開咗間新嘅餐廳，主打手撕雞牛角包，聽落好似好特別，當然要試吓佢賣相幾靚，手撕雞 + 牛角包，第一次聽到嘅配搭（可能不嬲都有，我孤陋寡聞only 😅）最後叫咗下午餐 set +錢 upgrade 上即磨咖啡返到公司食，食落口感一般，只可以話未試過可以一試；下次我會試第二樣

老公硬拉我去吃手撕雞大餐，甚麼！！我又不是手撕雞愛好者，幹嘛要全手撕雞宴？大概吃一盤就膩了吧！他說他一定要點炯記四寶撈麵，他說在網上看到很多人推薦，裡面除了有手撕雞，還豬手、牛腩、牛肚。豬手和牛腩超嫩，牙齒不好的人也可以放心吃（喂？！）重點是醬汁味道調得超好吃，雖然是滷水汁，但一點都不咸！手撕雞和麵條沾滿了醬汁好好吃。我尤其喜歡他們用粗麵，麵的味道很香！！！本來我還在煩惱要吃哪一種手撕雞餐點，才可以讓這一頓手撕雞餐不沈悶，結果就看到手撕雞牛角包🥐啥米？！就點個手撕雞牛角包配南瓜忌廉濃湯來嚐嚐。牛角包好鬆軟(๑˃̶͈̀∇˂̶͈́)و⁾⁾在牛角包裡夾了大量的手撕雞，好特別好過癮！南瓜忌廉濃湯真的是超濃郁，也超燙！我一口放進嘴裡燙到超疼（因為平常外面的湯上桌後很快就變涼了吧？）因為想吃海蜇，所以點了海蜇手撕雞腸粉，手撕雞則選了麻辣。海蜇很爽好好好好吃(｡･ω･)ﾉﾞ手撕雞變了麻辣口味，感覺更惹味！腸粉也太滑了吧～沾著滿滿的醬汁吃好邪惡又好滿足！跟餐配了杯水蜜桃梳打，老公說這杯的水蜜桃味道夠突出，甜甜的加上有氣梳打，好喝到不要不要(๑˃̶͈̀∇˂̶͈́)و⁾⁾

元州商場新開左一間餐室個裝修幾靚，似後生嘅style，今日去試吓個lunch海蜇手撕雞腸粉，佢個腸粉好有驚喜，我同老公都覺得好滑，唔會差得過出邊嘅專賣腸粉小食店，而且佢嘅麻醬甜醬所有嘢都配合得好好，真係估佢唔到，手撕雞就叫咗鹽焗味道，雞肉都好滑，而且都幾入味腩叉炒蛋飯，叉燒肥肉層次分明，半肥瘦啱啱好，又唔會太乾。滑蛋味道濃，配飯食一流，如果再多啲豉油汁會更好食鴛鴦手撕雞撈麵，可以一次過試晒鹽焗同埋麻辣口味，我個人鍾意鹽焗，覺得比較入味一啲，麻辣佢係撈左啲辣油，如果更入味會再好食，個人最推介係旁邊嘅人鵝油撈麵，真係好好味，面嘅軟硬度剛好，油香味道不會太濃，真係好想食多碗