炯記餐室

營業中

休息中

去朋友屋企玩 附近搵嘢食見到呢間餐廳～ 見到都幾多人 下午茶時段啲茶餐都好抵食！所以try try 佢😆【手撕雞撈麵】$42手撕雞揀咗鹽焗！ 如果揀唔到嘅人 可以揀鴛鴦 一次過試晒兩款味道😋 手撕雞好嫩 有咸香！ 粗麵撈鵝油 本身以為會好油膩 但係食落一啲都唔油 而且仲有勁大陣鵝油香味！ 見到加$8有蝦籽 即刻加落撈麵 雖然份量唔算多 但食個陣加多份海鮮味道！【腩叉牛角包】$39我最愛腩叉同牛角包夾埋一齊食就真係第一次！ 本身覺得有少少奇怪 加埋胡麻醬淋落叉燒到覺得仲怪🤣 牛角包好鬆軟 牛油味好香 叉燒切到唔會好大舊 放入口岩岩好！ 口感豐富 成件事一啲都唔會奇怪 反而仲好match！ 【瑞士雞翼】【特濃龍蝦湯】呢兩款都係跟餐嗌！推介龍蝦湯 跟餐嗌仲要平啲～ 龍蝦湯真係好好好濃 濃到好似食梗原隻龍蝦一樣！ 瑞士雞翼 家常小菜 都煮得好入味【菠蘿四季春烏龍茶】+$10以凍治凍！ 完全唔記得少冰少甜🤣 不過好彩可能有冰粒嘅關係 都唔算特別甜！ 底部有啲菠蘿粒 記得要攪勻佢先飲！ 菠蘿唔會特別酸 成件事好fresh😛