炑八韓烤 (黃金廣場) (已結業)

原本被人哋post嘅相片吸引住，一心來試下，點知換嚟激鬼氣。首先原本想訂尖沙咀分店，但打咗成日電話都冇人接聽，唔知係咪唔想做生意，於是改訂銅鑼灣分店。電話訂枱平平無奇，但到步坐低就出事。等人期間多口問句有冇分時段，個侍應唔知道要去問，得返嚟個答案係 ... "你哋得個半鐘咋"  what !! 晚飯仲要係燒烤得個半鐘，去打杖嗎？？但隔離枱又有人問同樣問題，佢哋答兩個鐘，到底個半鐘定兩個鐘？還是仍有第三個答案？冇理佢，等齊人就落單。。。"呢樣係咪燒烤架？" "唔知喎，等我問問先" "呢樣有幾辣呀？" "唔知喎，等我問問先"。。。十問九唔知之餘仲咋睇唔到我哋　只係一味推我哋叫套餐，最後還是堅持散叫。坐低後一碟碟的伴菜即時端上。慕隻醬油蟹之名而來，當然一定會叫。蟹殼身比較淋，一咮就咮到蟹肉出嚟。最正是加飯入蟹蓋撈埋蟹羔一齊食～～唔知係咪驚我哋唔夠時間燒，上枱時已經燒好了，也罷，反正條魚又大又厚肉，唔乾幾好味豆腐湯落單時個侍應話幾辣，但入口另一回事，辣呢樣嘢好抽象～～無語！豬皮一碟有四塊，未食過即管試下，豬皮本身冇乜味，好有o趙頭！五花腩肉本身冇加味，所以燒完都係冇味，靠晒豆板醬。反而呢個蒜味

朋友生日 見到依間有醬油蟹就決定黎試試醬油蟹確實不錯 配埋紫菜同白飯 $288 少少貴..但試1次都ok另外點左個2-3人既燒烤餐 味道一般 無驚喜 比其他打住正宗韓燒燒烤既比較遜色有洋蔥 蘿白 生菜等等比你包住黎食... 但係refill吾到, 因為d waiters 係唔會理你...無論做咩都嘛話「等陣」雖然有蛋糕 但朋友都想試下d冰品 就叫左個綠茶紅豆 唔太甜 岩岩好 d冰又唔易融 慢慢食都無問題比起野食 更想提一提佢地既服務態度 因為真係太惡劣！嬲到第一次要打上黎！在場既服務員唔少 但好多望都都扮望唔到 直行直過 全程只見到有一個服務員不停走黎走去幫客人-- 用餐完畢 就同其中一位服務員講可以上生日蛋糕啦 佢確定左係我地個蛋糕後 就直接放上我地枱 然後馬上行開左-- 果一刻感覺好差 但唔想掃朋友興 唯有繼續....點知切蛋糕果刻 發現播緊既音樂轉左係生日歌 真係百思不得其解 望一望 發現原來係另一枱有客人生日！服務員點左蠟燭拎緊個蛋糕出去！原來佢地係有服務 但點解我地無呢？我朋友都生日 點解可以相差甘多呢？ 隔離枱有位員工埋緊數 忍吾住問佢 點解可以相差到甘 但佢既回應實在要用

從前去韓國燒烤，或許只有去某一間，但是現在卻多了選擇，而且每間都有特色。早前也曾吃過韓燒，但是卻又想再去吃多一次，於是就選擇一間未曾去過的炑八韓烤。餐廳環境與之前去過的大同小異，而每次吃韓烤都會有個抽油煙機，可以不沾上任何油煙。當中有小食，包括了泡菜，海帶及洋蒽大豆芽等，其中大豆芽爽脆，海帶幼滑而不腥，泡菜有點辛辣，可以接受的。醬油蟹為在下來說，都幾新鮮的，蟹是生醃蟹並加上醬油。吃的時候，把送上來的紫菜飯放在蟹彀裡，和蟹膏一起吃。當飯蘸上了蟹膏，那種肥美而邪惡立即湧現出來，而且又是甘香，而其他蟹的部份也相當鮮味，愛不惜手。燒烤部份則有牛小排、五花腩、豬頸肉、雞肉、護心肉、虎蝦、帶子等，各款肉類醃得入味，而且肉質不錯，當中虎蝦燒烤過後，就覺得彈牙，不錯。當肉類烤過後，把肉類放在生菜上一併的吃，增加了口感。而爐邊則放置了芝士粒和泡菜雞蛋，當中雞蛋泡菜味道幾夾的，辛辣感覺沒有；弓才吃過的那麼辣，而芝士烤過，依然是濃郁芬芳，很香的芝士味道。原味冰沫。其實另有士多啤朵味的，但是卻選了原味罷了。冰給打得非常的細膩幼滑，沒有那種粒粒細冰感覺。一個醬油蟹加上燒烤肉類，份量也不少的，是足夠一個人的份量。

朋友介紹，成班同事網上買左coupon黎試一入座，唔洗5分鐘已經擺好哂所有食物，以晚市時段黎講，速度之快真係好難得👍食物的質素還是不錯的，尤其係甜品冰沫，質地好細膩，分別叫左抹茶、草莓同紅豆味；個人比較喜歡抹茶味，加上煉奶，味道好出好濃郁，必點食物✅海鮮薄餅，趁熱食一流，粉味唔會好重，餅身小小脆，熟度恰到好處👍🉐烤豬皮，有別於平時食車仔麵果啲，質地好厚，烤過之後好有口感，豬皮味都好濃👍🉐韓式炒年糕，適合食唔到辣既朋友，好煙un，口感不錯👌但服務認真麻麻，先講個爐，我地book左6人枱，應該有2個爐，但侍應居然話廚房洗唔切，要我地6個人堆哂係一個爐度食，好唔方便👎然後係爐邊蛋，我地食左成個鐘先發覺無人黎幫我地倒蛋漿，連芝士亦都係我地問先提供比我地👎最後上甜品時，居然只提供4隻羹，仲話廚房仲未洗得切，問我地6個人將就下用住4隻先得唔得。。。😑無言下次去食，儘量都會揀啲非繁忙時間，如果真係注重服務質素既朋友，真係要考慮清楚先好😐

呢個醬蟹我是三月中品賞, 係屬於團購優惠, 見到現時仲有呢個團購餐賣, 我係呢刻真係忍唔住要寫下食評其實一直都好恨食醬蟹, 見到有團購”立即”双眼發光(但九十幾蚊又加一又未至於好抵, 其實只係比一個好好既理由去試)十分祈待又興奮….好可惜…..湯-------微暖飯-------微暖醬蟹醬汁---------好喊醬蟹----------------個膏雖則唔夠多膏色唔夠靚, 但尚可接受, 但蟹肉真係唔ok, 本人都不屬於怕唔腥既人, 但當我想隊隻蟹腳入口之際, 一陣陣腥味湧入口(絶對唔係鮮味及所謂海水味, 大家記住係(一味), 愛吃海鮮的人絶對明白(腥) 為何味, 我真係無辨法呑落肚…..飯又唔熱湯又夠滾再加上腥既蟹肉, 全部凍冰冰, 大家缺點根本不能互補!! 飯熱湯滾對於食生野係一個好重要嘅(基本)原素.當日果餐晏我只係爬左兩啖飯一啖蟹膏一隻一蟹腳半碗湯就走......

1）醬油蟹OK好食2）特級牛肋骨丁點牛味都冇3）五花腩肥到癲4）伴菜冇特別而唔好食5）二人套餐餐牌價錢資料混亂含糊6）每位客人唔會有一客飯和湯，另叫只有飯冇湯，只可以叫一窩窩嘅湯，一點都唔flexible 。醬油蟹就有跟一個飯同一個超級凍冰冰嘅例湯7）冇熱茶只有一樽凍滾水，只可以點那裡的飲品8）另外叫咗一個飯，追咗三四次先有9）叫一杯韓國檸七(原來係罐裝)又要追三四次10）人手超多但多數企係到唔知做乜11）服務態度係OK好同夠主動嘅～

今日同老婆去銅鑼灣行街街。到晚飯時間見到一間韓國野，就諗起朋友曾講起。上到去格局有點似見慣的「韓燒」。我們先食過前菜，前菜有我最欣賞的泡菜，味道很有韓味之後我就試我們最其待的醬油蟹，這個食品是全晚的推介。醬油蟹的肉身充滿韓式泡料的味道，口感十分鮮嫩，最重要沒有《青》味。之後來到主菜，店內有烤肉餐和海鮮燒烤肉餐選擇，我們2個還是自量一點，點了烤肉餐。烤肉餐有8種肉食，牛肋骨，豬腩肉，排骨，牛仔骨，大蝦，雞肉，豬皮和牛笑臉。起初見到一堆肉怕肥膩。但後來發現，當中看似最肥膩的豬腩肉，一點也不油膩，口感還是爽嫩的。其他的肉也是值得一試。最後，當然是甜品時間，綿花冰也是推介的。綿花冰做到入口即化的程度……讚

銅鑼灣是我其中一個多去的地區, 早前就去了位於黃金廣場的炑八韓烤食晚飯.食得韓燒, 醬料, 前菜和配料一定不少得, 所有也可以無限添加.這裡的前菜款有野菜沙律, 泡菜, 海帶, 酸蘿蔔.醬料有海鹽, 豆瓣醬, 甜豉油.配料有洋蒽和生菜, 可以用來包肉食.我地點了烤肉套餐, 包括特級牛肋骨, 炑八豬腩肉, 秘製排骨, 蒽花牛仔骨, 大蝦, 特製雞肉, 牛笑臉和豬皮, 連飲品和甜品.爐邊蛋當然少不了, 但這裡仲有芝士粟米. 芝士配粟米真係好夾, 最重要是連這兩款也可以無限添加. 對於大愛芝士的我, 不停添加幾次. 但這個只是九點半前供應.九點半後就只是爐邊蛋. 爐邊蛋有泡菜爐邊蛋或淨爐邊蛋選擇. 我地兩款也試了, 自己覺得淨蛋就滑身一點. 飲品點了忌廉鮮奶和檸檬七喜.我是愛牛之人, 所以先燒牛.特級牛肋骨和牛笑臉未有特別醃制, 所以燒完後可以因應個人喜愛, 而點海鹽, 豆瓣醬, 甜豉油.我自己覺得點海鹽能帶出牛的鮮味, 所以我多點海鹽. 肉質尚算可以.蒽花牛仔骨本身已有味道, 燒完後就咁食便可以. 這個肉質幾滑. 我幾鍾意這款.我未食過韓國豬皮, 今次可以一試, 硬硬地, 幾好咬口. 另外

訂左8點，7點幾上到去，話未夠鐘，7:30嘅booking都未入(但門口一個人都無)，叫我遲啲返去，我問咁7:45左右？佢話你8點啦！ok,8點返到去，門口已經一堆人，見到啲人手上有飛，咁去搵店員話訂左位，點知負責嗰個人唔知去左邊，之後陸續有人黎，到負責嘅人出現我就俾人打左尖，算，之後仲要等左半個鐘先有枱，我覺得你做唔切就唔好接咁多booking啦！已經火黎，點知叫野又搞到我火黎！我同朋友兩個人，訂位時已經留左隻醬酒蟹，同埋一心試芝士溶岩飯，咁又想燒下，見到有烤肉餐所以打算叫一份，點知落order嗰陣話一定要起碼叫二人份，醬酒蟹已經有飯，又叫左芝士溶岩飯，仲叫兩人份，點食？！之後打算叫一碟豬排骨，點知又話要起碼要叫兩樣肉先可以開爐，我已經話你地都幾多規矩架喎，朋友都話你地做咩唔寫清楚？！店員係咁講唔好意思，所以迫住叫多左個豬皮！味道就真係一般，芝士溶岩炒飯完全唔覺有咩特別好食，後來我自己加埋爐邊啲芝士先覺得好味少少！好彩個醬酒蟹都算ok但咁做韓燒，我真係寧願食貴少少去返韓國人開嘅店食感覺會好啲，起碼服務同味道都好啲！呢間真係未必有下次！

近年韓風熱潮在本港似乎越吹越勁, 個人對韓國美食的興趣是有増無減，雖然近幾個月已去了三次韓燒, 但依然很想吃韓式烤肉, 加上最近醬油蟹成為城中熱話，所以突然很想吃醬油蟹, 剛從友人口中得知這家炑八韓烤有齊韓燒和醬油蟹, 可以一次過滿足兩個願望, 便即時相約友人一同來試試。餐廳位於銅鑼灣商廈的六樓，正正在銅鑼灣地鐵站上面，交通非常方便，在店內寬敞的用餐區，有韓劇的必定會有的鐵造餐桌、燒爐，以及可伸縮的抽油煙囪，可以能把油煙吸走，同時增加氣流令火勢更猛，燒烤時肉香更濃, 店內擺放圓桶型的座椅，食客可以坐在櫈上用餐，同時也可以掀起椅墊把私人物品放在櫈內, 非常方便, 值得一讚, 整間店鋪的裝潢及氣氛都充滿了韓國地道風味。每次吃韓餐都會被大堆頭的前菜吸引，這回也不例外,未坐定定侍應已先在每枱放一客前菜，另外附上三種醬料，包括有海鹽、韓式豉油、麵豉醬。近年韓燒店都流行在爐邊加了個坑槽位用來做蒸蛋, 店員會先把泡菜蛋漿倒入坑槽，等2-3分鐘蛋熟後就可食用，入口蒸蛋都幾滑, 蛋味適中, 吃完後可通知店員再重新填滿蛋漿。燒爐旁的另一坑槽是用來放入芝士, 燒爐的熱力熔化了芝士半, 燒好的肉可以沾一些半熔

有朋友說：她長期活在地獄中。那是她自找的。明明有路，上人間，甚或乎天堂。她，卻選擇在地獄裏。邊叫苦，邊沉淪。是晚，一行三人去炑八韓烤。友人C，也是活在地獄中的一人。不斷掙扎，仍逃不過惡魔的苦苦糾纏。只能，逆境自強，逐一拆除前路的障礙。但願，她如一團猛火，繼續去對抗黑暗勢力，繼續去燃燒生命激情，早日重返美麗的人間五月天。炑八，乃韓國人的俚語，意指大伙兒一起吃肉暢飲，共享愉快時光的場所。炑八與其他韓燒餐廳不同之處在於，餐廳設有梳化椅卡座，讓客人坐得更為舒適。不過，友人投訴鋪有瓷磚的地面濕滑，估計是烤爐油脂彈地所致，餐廳宜多加留意了﹗炑八設有兩人起的烤肉餐$280/位和海鮮烤肉餐$340/位，三人同行，也可以品嚐多款韓燒美食的。此外，也有大量散點或多人套餐選擇，豐儉由人。我們決定大擦一頓，為C打打氣，補充體力，以作長久的抗戰，故點了烤肉餐$280/位，包特級牛肋骨、豬皮、炑木豬腩肉、秘製排骨、蔥花牛仔骨、大蝦、特製雞肉、牛笑臉，以及飲品和甜品。嘩，一大盤的肉食，蠻嚇人的。徒靠我們三位弱女子之力，未必可以全部吞下的﹗套餐包爐邊蛋、芝士、蔬菜包、海帶湯、芽菜、泡菜、芝麻醬沙律、洋蔥、醃白蘿蔔、麵

韓烤係香港已經開到成行成市~近來興起的韓國醬油蟹亦大受歡迎, 引來一番熱潮呢!!!早排韓燒癮起, 就左去位於銅鑼灣黃金廣場的【炑八韓烤】原來銅鑼灣的分店係新開冇耐架~~這裡係以卡位設計, 我較喜歡這樣的座位, 因為會比較舒適呢!!!!用的都是韓式的抽風系統, 不會太勁的煙味, 亦不怕會弄到成身燒烤味道~~當天約晚上 8時到來晚膳, 整間餐廳都已經滿座了；可能剛巧他們有團購優惠的關係, 所以最好都係BOOK 定台就穩陣 D啦''*先來的是一堆前菜~~~有泡菜, 醃蘿蔔片, 洋蔥, 芽菜, 仲有沙律盤呢!!!還有韓燒必有的新鮮生菜''*而這裡的韓燒係包埋泡菜邊爐蛋, 芝士及配料''*邊爐蛋要等耐少少先熟透架, 不過望落已經感覺好好味啦~~今次我地 ORDER 左個二人套餐 (HK$468)有兩款肉類, 一個石頭鍋飯, 一個海帶湯 先來既係秘製雞肉~~醃得都幾濃又入味, 雞肉都很嫩滑!!!食韓烤就一定要食牛啦!!!這個特級牛肋骨就必點之選~~~牛肋骨係一條肉連骨位, 需要自己剪開再燒熟；醃製左既牛肋骨味都算不錯, 雖然無乜牛味, 但同樣 JUICY''*燒得不太熟就最好食, 好有口感添~~石

經常愛煲韓劇的港女A介紹說最近醬油蟹是城中女孩們必吃的東西,要我幫她安排一下吧,我雖然對港女沒興趣但對她提到的醬油蟹則極度有興趣.一查之下,在面書中最近經常看到炑八燒烤有不同女孩留言說食物一流,待應很像韓仔,決定來這裡查証是否真的吧星期日的下午這裡也是要排隊,畢竟香港現在有70%人口都是喜愛韓流的,所以早有心理準備,幸好有先訂台,所以等候時間不算太久提提大家訂台時一定要預訂醬油蟹,否則只可看著鄰台客人們說好味好味呢預訂的醬油蟹終於粉墨登場,平常是串咀BARBIE裝作很COLD的港女A看到後也大失儀態不停尖叫,看來醬油蟹才是真正的魔力鳥.還以為是她過度興奮,想不到試吃後真的令人有興奮的感覺,韓國精煉的醬油加上生蟹的新鮮香味令人非常陶醉,聽店家說這種蟹是只有韓國的水域獨有的,真令人羨慕別只顧著吃蟹,用蟹穀把醬汁撈飯吃也是另外一道極品菜色吃完醬油蟹後有種生離死別的感覺,非常不捨得.幸好侍應立刻送上前菜,前菜都是大家熟悉的韓式小食,泡菜是一個稱職的開胃小吃,特別要提到的是芝麻沙津,新鮮沙津菜加上特製芝麻醬跟海逸萬豪等大酒店的沙津不煌多讓在享受前菜的同時,相信今日另一主角烤肉拼盤已經同時間出場了

打從有了Alfie仔仔我倆就更享受二人世界來當然地~節目也真的不會多變~但總得去搵食呀!今次兩口子就來到CWB的炑八韓烤來試一下新式韓燒啊~這可是兩口子的一個團年飯來啊~環境不再像傳統的煙霧瀰漫而是乾淨簡約更有店員專門為你燒烤的~不再怕不懂下手而毀了那片肉我們點的是團年套餐啊~主菜還未上就得來來前菜啊~有夠多樣化的~有薄切蘿蔔片，芽菜，茄子，當然不能少的有泡菜圍在整個燒烤爐旁~感覺好豐富滿足啊~而炑八韓烤那爐邊烤蛋烤芝士的燒烤方式更是我第一次試上啊~一半是用上自家調制的雞蛋再放入泡菜一半是用上自家調制的芝士不知怎的~好滑好細膩卻有濃濃的口感~老公愛烤蛋那像蛋卷的口感而我就愛烤芝士那濃濃妯滑的口感啊~烤蛋烤芝士的那格不會直接受火所以不會一下子把烤得過火吃完後更是可隨意再添呢再來上的是韓國直送醬油蟹(附紫菜飯和海帶湯)醬油蟹從韓國空運到港雖然醬油蟹耐放但聽說餐廳最多只放七日便會轉新貨以保持最佳鹹度及鮮度我可是第一次接觸啊~不好生野的我也不得不大讚~是一點青澀腥味也沒有啊~經店員推介, 吃醬油蟹時，可以把飯、醬汁和醬油蟹膏拌勻好美味啊~這個團年set中我最推的一定是護心肉跟五花腩啊~當然也少

大家有吃過韓國的醃生蟹嗎?其實那必須用韓國水域特產藍花蟹,加上特制醬油, 蒜頭, 生薑.高梁等配料醃製3天而成,對於必須新鮮吃的蟹是最佳天然防腐劑,但仍需3-4天內吃完,不然還是會變壞據聞以前中國水域也有這種藍蟹,可惜由於濫捕,現在只剩下較北的韓國, 日本有了既然份量咁少又要新鮮, 當然要落訂啦!我們2兄弟早一星期就BOOK了一隻醃生蟹為的就是品嚐最新鮮的產品~看! 這種肉蟹蟹膏肥美,生蟹肉晶瑩剔透,咬下去CREAMY細緻,味道CHEESEY但不滯漏,鮮味咸味均衡, 非常滿足侍應介紹道還可把紫菜飯混和到蟹殼中,跟紫菜飯同吃, 飯粒盡吸蟹膏跟醃料精華,令人連膽固醇什麼的也忘卻了我們這2個大胃王當然不會就此滿足,接著又叫了一個烤肉2人餐,看著一人才280的價錢, 再想想7080, 唉...由他去吧前菜的沙律爽脆水份充足,為我們吃肉類大餐前清一清口腔爐頭的邊邊塞滿了芝士跟泡菜蛋漿,以微熱的溫度把它們慢慢煮熱, 又不會過熟,但整個過程到全熟差不多用了30多分鐘不過看見牽絲的芝士, 入口順滑無比,等多幾分鐘也划算呢蛋漿同樣非常順滑,加入泡菜很醒胃2人餐份量之大實在難以置信,有趣的是旁邊那對團購夫