炑八韓烤 (黃金廣場) (已結業)

有些熱潮，你以為會一閃即逝，偏偏又持久不退，韓國風是其一，近一年來，我也吃過很多餐韓燒，很多客韓式甜品，眼見的韓食店，亦越開越多。半年前才去過的炑八韓烤，最近又開分店了，新店的位置在人來人往的銅鑼灣黃金廣場，我在農曆新年前，買了球鞋再買玩具後，就來過這裡，跟幾位朋友作個小小的團年聚。銅鑼灣店跟太子店的面積相若，但新店的裝修較為色彩繽紛，明顯較為年輕化，亦有韓國雜誌給食客借閱，我眼見客人亦以30歲以下的為主，似乎韓食真的植入了香港年輕人的日常生活了。上次在太子店已吃過蛋漿爐邊燒，今次試另一吃法，一邊放蛋漿，另一邊則放芝士，再加些少泡菜，經烤爐烘十多分鐘後，便成香滑而帶辣的芝士邊爐。這店在新年期間推出了賀歲團年餐，每位$260，包八款食物和一杯飲品，質和量都不輕的。八款食物包括特級牛肋骨、炑八五花腩、厚切豬頸肉、炑八護心肉、大虎蝦、帶子、炑八冰沫。為節省時間，我們決定一次過將幾樣生肉放進烤爐上，這做法還有個好處，就是肉汁互相四濺，不同的肉類便混入了其他的肉汁。另外，吃韓燒可以一路烤肉，一路用剪刀剪肉，像我這種喜歡煮食的人，感到烹煮的樂趣。套餐中的肉類在太子店都有供應，今次加多了一些豬頸肉，

我地一行3人，係因為有職員係下面派紙仔先上去。可能新開張，唔洗等位。一坐低就攞左2碟泡菜同水紫菜來。泡菜好重辣粉味，得個辣字紫菜就清清地，冇咩味.叫左3個set lunch.1.牛肋骨煲 $72有4舊牛肋骨,每舊都有成隻手指尾咁大嫁骨。好淋好好食，入晒味，唔辣，似甜鼓油味煲裡有D蘿蔔跟餐有湯, 紫菜飯同一罐韓國飲品湯超清，得一小片海帶，冇味道，同熱水冇分別紫菜飯= 一碗白飯面頭放少少紫菜碎2.芝士辣醬年糕 $42完全冇芝士味,辣醬味就有辣度適中，年糕冇特別，同超市果隻一樣有洋蔥同紅蘿蔔，配搭有D奇怪~跟餐有一罐韓國飲品3.韓式石頭豬肉飯$60好食~ 唔辣可能預你自己加泡菜落去食. 肉好少，得肉絲.有隻生蛋係飯面。跟餐有湯同一罐韓國飲品呢間餐廳傾計一流，冇趕客.埋單$191不過不失，唔洗等位又就腳，食物就一般場裡不斷播韓文歌，又有韓國明星poster,氣氛唔錯

雖然近年韓風大舉入侵, 各式韓式食店如雨後春筍般, 開遍各區, 令食客多了不少選擇. 之前在一間日式燒肉店吃了一餐不甚了了的燒肉, 有點意猶未盡, 於是決定去試試近期大熱的韓燒. 今次選擇了這間叫"炑八"的韓式燒烤店, 位於銅鑼灣的中心地點, 對面就是某大日式百貨公司, 位置很方便. 到達時大約是六時半, 晚市剛剛開始不久, 所以食客不多. 我被店員領到四人卡位坐下, 座位寬敞, 而且枱之間不會太密, 不錯. 餐廳內也有不少韓文海報, 不過最特別的還是這塊寫有各種食物的黑板.正當我細閱餐牌的時候, 店員便遞上數款前菜, 包括薄切蘿蔔片、生洋蔥、大荳芽、泡菜和海帶片, 還有一籃生菜. 餐牌上的食物種類和款式相當齊全, 令人花多眼亂! 店員見我獨自一人光顧, 建議我點一人份量的賀歲團年餐, 包括數款肉類和海鮮燒烤, 甜品和飲品. 雖然只是單獨吃飯, 但也決定吃得豪一點, 對自己好一點, 所以點了這個團年餐之外, 另外點了醬油蟹.點好食物之後, 等待店員準備烤爐時, 開始試試枱上的前菜. 大豆芽很爽脆, 不會有草腥味, 而且辣味不重; 薄切蘿蔔片味道像中式的酸蕎頭, 酸酸甜甜的很閞胃; 泡菜

晚飯時間黎到，一早已經book左枱唔使等，環境乾淨濶落，全場人都食緊韓燒但居然一啲油煙味都無，最怕食完成身油吖嘛。枱上餐具閃閃發光呀～抽煙管，都好乾淨喎。燒盤，唔使落油同紙一樣唔會痴底。坐低一陣冷盤即上:韓式泡菜，清爽微辣，沒有化學味。涼拌海帶，清清嘅海帶，無乜調味，但食到海帶嘅清爽，就咁空口食哂，我覺得好好味。辣醬大荳芽，微辣，大荳芽爽脆新鮮。酸蘿蔔，真係好酸，留返一陣先食。生菜青瓜蒜頭等韓燒咁多肉，食番盤沙律平衡下，淋上少許凱撒沙律醬，菜新鮮爽脆，又係好快食哂。辣醬，海鹽，醬油枱上有水一瓶，入面加左青檸，個樽係韓國貨！侍應加入芝士，泡菜。再加入蛋汁。get ready啦。醬油蟹，有睇過韓劇都知醬油蟹好出名，梗係要叫番客試下。醬油好香呀，聞到都流哂口水。用上水蟹，吸左醬油嘅鹹香，啲肉入口即溶。將蟹殼上嘅蟹膏連埋啲醬油撈飯一流呀，真係飯都食到幾碗。白飯，軟綿有飯香。海帶湯，濃濃嘅海帶味，好飲。主角到啦，有牛豬雞蝦帶子等，叫左呢個新春團年餐，包羅萬有吖嘛，唔使自己諗食咩就可以試到好多款。店長先燒大蝦同五花腩剪剪剪，整到成朵花形之後再燒其他剪幾下隻大蝦就同個殼分離左侍應張個一卷牛肋骨剪成幾

剛剛經過就上去一試，叫左兩個一人套餐，肉類豐富，肉質香嫩😚，著樣講下：1)主打🐂肋骨唔會醃過頭，肉味嫩；2)兩隻大虎蝦，冇雪到霉，有鮮味；3)腩肉經烤後出油，口感好； 4)豬頸肉，雞肉都唔錯，整體唔醎，有首爾風味；5)再加一碟炒粉絲，反而好正，乾身唔太濃，粉絲彈囗唔黐到實，有水準😚6)加送甜品沙冰有特色，冰碎加上奶油及朱古力，唔會甜爺爺，🍧好吃。唯一冇換烤板，要食客出聲D😕