炑八韓烤 (黃金廣場) (已結業)

唔覺唔覺，韓燒愈尼愈多，今次就試尼間分店愈開愈多既炑八，睇下佢到底有咩魅力吸引咁多人先。一坐低，幾乎都滿曬座，叫左兩杯飲品，好快就送到尼，柚子味唔多講啦，藍天使望落好特別，飲落有啲似雪碧，唔係好飲得出確實既味道。 醬油蟹（$198）醬油蟹係韓國出名之餘，韓風都吹到黎香港！炑八既醬油蟹連白飯、紫菜一齊上，蟹膏好多，蟹食落都好有鮮味，但又唔會腥。食醬油蟹首先將白飯放入蟹蓋，加紫菜加醬油同大量蟹膏一齊撈撈撈，一啖食落去真係好鮮味😍 。司令本身唔係一個好鍾意食蟹嘅人都愛上左呢道醬油蟹，咁出名真係唔係冇原因，難怪佢係韓國比人叫做白飯小偷，因為撈飯食真係一流！鰻魚（$238）鰻魚都係今次嘅新菜式，見著一整條鰻魚慢慢燒到熟，再變金黃，勁吸引！燒好嘅鰻魚好香，帶少少脆口，大家可以包上芝麻葉、點少少蒲燒醬再加薑絲去左個魚腥味。芝麻葉個味未必人人接受到，唔中意既可以包返生菜或直接食個鰻魚，都好好味！薄切五花腩($98)雖然佢話薄切，但其實一啲都唔薄，塊塊都有一定厚度架，如果你覺得齋食五花肉好肥，司令推薦大家將泡菜都燒一燒，用肉捲住泡菜食，連醬都唔需要點就夠味，加埋酸辣既泡菜解膩一流。牛胸肉($125)牛

事前已Book 位，但去到仲要等候入座(入面有吉枱的，但偏偏要我地等）安排入座後，應有的小碟沒有，起碼等20分鐘先有（超差！）叫左支tower, 但佢地送酒時，完全無意識拎杯比我地D waiter 全部都近門口/廚房勁少人會理會已入座ge 客人食物正常，唔太差有Coupon, 醬油蟹有特價，但沒有跟飯的9:30入座仲有折，大家都食到好full 好飽但可惜，服務真係好差完全無服務，d 基本野都做唔到(如一坐低，即有韓式小碟；顧大局，留意客人需要）未必會再去呢間分店！

今晚約了班同事在銅鑼灣食飯，大家沒有訂位的情況下，在openrice 見到這店好像不錯，幸好這店不用等半小時就有得食。//由於近中秋節，所以有個中秋4人餐，有泡菜辣海鮮湯、烤肉拼盤、中秋燒餅、另點一個海鮮煎餅，都算十分豐盛。//菜來了，先有泡菜（沒有影相）泡菜偏鹹，但仍可接受。//烤肉拼盤來了，值得考究的是件五花腩切得好厚，我們都怕不能烤熟，問店員,真的不知何解。佢話幫我們燒，但人手太不足，幸好同事廚藝搭夠，最好燒得幾好味，肥瘦適中，沒有太肥膩。//值得推介係佢既鰻魚，新鮮肥美，沒有任何調味都可食到鮮味。//不過之前提到，人手不足，所以服務真的差，無論refill 水、泡菜和生菜都要提醒幾次先有，有待改善。價錢人均230左右，在銅鑼灣吃飯真的差不多價錢，只可說是食物okay 的一餐。//

我老公知道我最喜歡食蟹，佢聽到朋友講話炑八醬油蟹好好食，今日就比咗個驚喜我，接我放工同我去咗銅鑼灣黄金廣塲嗰間炑八食醬油蟹，一坐低服務員就將沙律前菜小食放上枱，話前莱可以無限添加，真貼心👍，老公就第一時間就order咗醬油蟹比我，服務員同我哋講醬油蟹每日由韓國空運到港保証新鮮，之後見到隔離枱有條長牛肋骨忍不住又叫咗睇見都好想食👍，我記得去韓國旅行時食D醬油蟹係好咸，但今日食這個醬油蟹真係好好食，店員教我蟹盍加D飯同紫菜一齊食，不但唔咸而且好鮮味正👍，之後服務員又幫我燒條牛肋骨，話最好唔好過6成熟加少少海鹽係最好食，亦可點爐邊粟米芝士食👍，牛肉真係好好食👍，服務員話不但前菜可以無限添，連爐邊芝士和泡菜蛋都可以無限添食👍，食完之後見到餐牌上個朱古力冰沬好靚當然就忍唔住叫咗個試試，唔止睇落靚，食落真係好好味，喜歡食朱古力的我當然比佢十個讚👍，佢地D服務員態度真係好貼心😘，食物又新鮮好好食，今日感謝你哋為我們服務😘，下次一定再嚟過！

早前有個朋友介紹我們有間韓國燒烤叫「炑八韓烤」都幾好，所以今晚我們去咗他們喺銅鑼灣黃金廣場嘅分店食晚飯！我們叫咗個頂級套餐「烤肉」、牛笑面、水冷麵、士多啤梨梳打、菠蘿梳打、藍天使同韓國士多啤梨冰沫！我們落咗單後個店員就攞咗沙律、泡菜、海帶同大豆芽菜等嘅餐前小食！炑八牛肋骨嘅牛味好濃，燒完之後嘅香味更加濃郁！牛小排腌得非常入味，肉質好嫩滑！厚切牛舌好爽口彈牙！厚切五花腩，店員教我們用生菜同白蘿蔔片包住五花腩一齊食，口感非常爽脆同清新，唔會有油膩嘅感覺！大蝦啖啖肉，肉質好彈牙，有專人幫我們燒，燒完仲幫我們起埋殼，真係好自在，係人生一大享受！大八爪魚非常爽口多汁，唔會太韌！水冷麵嘅麵質非常煙韌同爽滑彈牙！另有多款特式飲品！不過最令人推介嘅係甜品韓國士多啤梨冰沫，冰沫好幼滑，因為冰沫係由奶做成，所以有好香濃嘅奶味，味道好均勻！係本人嘅必食推介！

琴晚去同朋友慶生，因為位於老銅，所以就近揀左哩間。為左食醬油蟹，食完真係見面不如聞名囉。唔夠味都算，一D鮮都無，又瘦﹑蟹膏又無乜，$198一隻真係勁唔抵。叫個海鮮窩，隔左一輪先講話今日無蟹，問介唔介意轉其他，$450一窩無蟹既海鮮窩做咩要食......難道淨食八爪魚個D? 最唔高興既係佢地D服務態度好唔得，D侍應唔少，我地食6點幾，埸內都唔係full已經唔多人，但就無咩服務，成日直行直過，都唔知游黎游去做乜事。叫埋單隔左勁耐都未有單出，遲過我地叫埋單既都已經埋完走左先了，都唔知做乜，又唔算忙。間野收費唔平，仲要唔好服務，味道又唔係好，極其量算係高級少少既漢陽苑。喜來稀肉﹑7080好食過佢好多啦。唔會再有下次!

同好朋友farewell🙆一行6個女孩子決定要食餐好既 所以就去左食依間韓燒~入到去 環境都okay唔會話好煙咁😌👍d前菜都好豐富下 個kimchi唔會太酸所以我好鐘意❤我地叫左個4人餐加豬皮加甜品😮女仔黎講已經夠晒飽！佢d肉個味係幾okay既 但個豬皮就薄左d😅加上我地唔識燒就搞到麻麻地咁~而佢個特色酒就差少少凍🙈結果我地加左冰先得！不過對女孩子黎講其實甜品先係重點😂❤我地叫左4個冰~超級正😍💋其中以士多啤梨同oreo最吸引🍓🍨總括黎講我覺得甜品係出色過燒物既haha😛

炑八韓烤@#foodki銅鑼灣燒肉餐(5/10)($520/2位)眾所鳩知,銅鑼灣係一個燒肉集中地,除左韓式既BBQ7080,達人,喜來稀肉,仲有日式既大阪Futago,牛角,乜都有。foodki當日就係想去食fuatgo,但係又無位，走左入去食呢間韓燒。但對比同區其他韓燒，foodki唔會再食呢間囉。一個餐有牛肋肉,厚切五花腩，大蝦，醬醃八爪魚，冬菇，L.A牛仔骨，牛舌，牛小排。其實以520蚊有蝦有牛有肉,都算幾抵。foodki最鍾意係佢地醃製牛仔骨,醬料入曬味,燒完真係幾好味。而大蝦都唔錯,有姐姐幫我地燒,岩曬我呢啲懶人，新鮮。除左上面講果兩樣野,我覺得其他都係伏,由其係牛助骨肉，好多foodie都讚過好食,但foodki真係覺得好伏,無肉味,韌到完全咬唔到,真心好伏,其餘都係唔好食。所以，foodki建議大家去食7080,喜來,都唔好食呢間 。

見近排炑八韓烤開得咁勁，一直都冇機會試，今日行開銅鑼灣見到就上左黎。一入到去見到好多卡位，問左個侍應可否坐卡位，佢帶左我地去張圓枱，之後話卡位人地訂哂枱。。我地冇訂枱冇辦法啦坐底左之後原來係個風口位 好鬼大風角落位好難先叫到侍應 一叫到人，即刻叫左個520既頂級套餐同叫佢較一較個風口位，過左陣佢又叫我地坐番卡位。。笑左 牛 全部都ok 好正 八爪魚可能防腐劑太勁。。有陣怪味 不過個厚切五花腩就好吾得，個侍應幫我燒香個表面再剪開，(因為太多有啲我夾番落隻碟，所以表面熟入面仲係生的)，燒熟一咬。。好諧好硬好難食，個侍應話我燒得太耐，幾驚佢同我講係咁架啦，再燒燒到岩岩好熟都係咁，冇乜分別。。 燒足成晚既板都冇人過黎換。。。收左生菜籃又吾問下要吾要加多碟。。。換gas，換完又lock番佢，又吾幫我地開爐。。。因為我朋友吾食牛肉，得我一個食，所以最後吾想浪費野食打包走，叫個侍應比個盒打包，佢真係淨係比個盒你。。。揸住個盒太吾方便最後都係買左個膠袋

前晚跟同事們一齊黎食，餐廳感覺都好韓國，個服務員就好明顯係香港人啦，燒肉推介牛舌，但至正都係個飯，食牛肋骨時店員建議點芝士食，係幾好既但芝士太漏既關係好快就飽到食唔到喜歡食肉同芝士就啱食腩肉太肥唔敢食，送返張芝士泡菜飯圖俾大家參考

早前試過尖沙咀分店，今次試試銅鑼灣的，食物尚可，但服務質素卻有天淵之別！點了多春魚和牛肉，原本打算慢慢享用，豈料食材拿來時，中年侍應二話不說，爐還未熱，就一連把五條多春魚放到烤盤上，還厲言警告我們二人說千萬不要碰，起碼要等五分鐘才可把魚反轉。我們不虞有詐，以為他真的清楚自家爐頭的熱力。誰知，過了才兩分鐘，同一位中年大叔就回來用大鉗把多春魚夾起，第一條一夾即碎，而且黏底，整條魚爛了。侍應不但沒有停手，反過來責怪我們為甚麼沒把爐烤熱！繼而轉身拿來一把小鏟，粗暴地把其餘四條多春魚鏟起。烤盤不夠熱，油又落唔夠，五條魚全部碎晒爛晒，但中年侍應不理好醜，繼續把魚肉碎反來覆去，烤熟了就把變成了肉糜的多春魚分給我們。接著，更問也不問就夾起我們點了的牛肉，用三塊來鋪滿烤盤。起初，我們還以為這是替我們烤牛肉，誰知，牛肉烤出了點油後，他竟然二話不說把其餘兩條生的多春魚放在牛肉上！還教訓我們說︰「嗱！咁咪唔黏底囉！」說罷即揮袖離去！天啊，難道韓式的烤牛肉不是用來吃的，是用來墊烤盤的嗎？其實，韓烤本來由客人自行烤製食物就可，何必硬要侍應動手？這侍應根本不懂煮食，卻硬要胡來，蹂躪食物，還要恫嚇食客不要亂動，如此服

約左朋友係銅鑼灣食午餐, 大家都無咩目的之下就來此店試下...我地可能比較早, 所以店內都無咩人,這裡LUNCH SET都幾抵平均都係$58左右就有包埋野飲同餐湯仲有2款前菜...我自己都好喜歡這裡既前菜, 泡菜夠入味而另一款係醬汁海帶第一次食覺得好開胃...我就叫左個蔥炒牛肉粉絲午餐, 而友人就叫左個冷麵..不過我自己就覺得2款食物都麻麻, 個冷麵個湯底唔算清甜如果無前菜配食都覺得非常齋下, 而我既牛肉粉絲就更加麻麻, 粉絲又無味又偏油, 只覺得整個午餐都只屬一般.

如 果 吾 系 為 左 試 隻 醬 油 蟹 , 真 系 吾 會 黎 醬 油 蟹 幾 好 食 , 送 飯 好 鮮 ..但 $200 一 隻 , 點 解 連 蟹 鉗 都 無 ? 野 食 一 般 之 外 ~~~~服 務 真 系 差 到 ........ 無 論 系 嗌 野 食 + 加 水 + 要 餐 具 都 要 嗌 3 次 以 上 先 會 幫 你 問 店 員 :添 加 蛋 , 添 加 芝 士 需 吾 需 要 另 收 費 ?一 位 答 9 點 後 要一 位 答 任 何 時 段 收 $ 10一 位 答 吾 需 要 收 費服 務 員 的 確 吾 少 , 但 個 個 都 系 直 行 直 過 or 企 系 到 吹 水 其 實 做 生 意 做 到 咁，不 如 吾 好 做 啦

之前見哩間韓燒幾近希慎，所以與友人相約行完誠品就過去食～因為有Book枱，所以唔洗等位～入到去都唔係好多人，而且無咩油煙味。睇左套餐之後，決定要280位X2 再散叫其他野食叫左個烤肉肉餐，個蝦腸挑得好乾淨!Great!食之前不得不提個前菜，我自己幾鐘意個豆腐，既滑又不會雪得太凍至於泡菜對我黎講無咩特別，但友人就係咁話好好食，叫左成四碟(因為佢地既前餐係無限refill!!!)我地第一舊時覺得個牛肋骨好淡，已經點左sauce都係咁淡。但之後有個staff上其他野食既時候話我地知要落D鹽係上面，先會更有味。個刻我先恍然大悟...... 個牛真係好好食haha之後個staff真係好好人，仲教我地點食個豬腩肉，要同個酸蘿白再點個sauce seems called 大醬，真係好夾，因為個酸蘿白令到豬腩肉唔太膩但又散到個豬肉既香味！而大醬個味同豬肉味亦都好配合！而芝士泡菜飯係幾好食，不過唔算好特別！而個staff同我地講係pure泡菜，無豬肉／牛肉，所以食落唔會好濟。個staff仲好細心見到我地未食個蟹蓋，教我地撈D飯黎食。撈左黎食食到好香既醬油＆蟹膏味，令我出奇既係撈左飯之後反而無左種腥味，好

      燒烤餐 味道一般 無其他正宗韓燒燒烤既比較遜色一 ) 我3個小時前打電話留7人位,去到時她說無記錄叫重新登記「等陣」,二 ) 第一個感覺,入到去齊個餐廳地面好油, 好滑,如果唔小心會跌倒,三 ) 7個人燒烤,比一個爐你????????!!!!!!!!!!!!!!!,叫佢開多一個爐,她說要問經理,經理來了,說未有爐      等陣,至賣單都無人理你,四 ) 餐具少了,叫他取又等陣,最後第二次叫才有,五 ) 套餐有飲品的,D服務員唔會理你...,最後沒有,賣單走人,六 ) 燒烤個爐頂有吸油煙口,放張紙巾上去,跌落黎,叫她睇又是等陣, 最後又沒有理你,七 ) 味道無乜特別,比起其他正宗韓燒餐廳我祇可評分2粒半星,       更想提一提佢地既服務態度真係唔得！算是經理都係一樣!!!!!,在場既服務員唔少, 但好多都扮望唔到 ,直行直過 ,服務態度差到甘既餐廳真係唔會再黎第二次！....咁差服務態度既餐廳,幾好食都假啦,