炑八韓烤親子餐廳

營業中

休息中

呢間韓國餐廳真係一間大人食得舒服，小朋友食玩得開心嘅餐廳！呢到有好多男仔女仔嘅小朋友都愛玩嘅遊樂區仲可以免費體驗韓國服飾添！我就叫左呢set 【期間限定】嘅「慶洲豚肉的神話套餐」$498包括：「醬油牛小排」、「蔥蒜牛五花」、「醬油牛舌」、「特製護心肉」、「慶洲五花肉」、「梨汁雞肉」及「大八爪魚」前菜更包括了韓國人最服嘅泡菜、芽菜、蘿蔔等等冷盤，每款都好入味仲好爽脆添！沙律菜開胃又新鮮，綠綠又新鮮嘅生菜可以包住肉肉一齊食超正！五花肉又長又厚，燒完沾少少鹽食，超好食肉質嫩嫩的又多汁！特製護心牛呢款肉已經醃好味燒時吱吱聲超吸引，唔需要點醬都已經好入味燒到兩邊變食即可食得，肉質非常嫩口而蔥蒜牛五花都好好味，陣陣蒜香味加肉質肥瘦均勻，食落油脂特別香口，超正另外爐邊雞蛋及芝士都係無限任食架芝士唔會太鹹，加埋粟米真係絕配大人細路都鐘意！芝士包牛肉食又得雞蛋加芝士食亦得總之就係點食都好好食啦

HAHAHA一上到黎第一眼就俾個遊樂場吸引左!!仲要可以幫小朋友搞BDAY PARTY, 小朋友又有得玩, 大人就燒肉都幾爽!!XDDDD BUT! 今次係同朋友黎, 所以我地都係直接食燒肉啦XDDDD選擇左慶洲豚肉神話套餐$498 先上前菜、沙律、芝士、爐邊蛋果D~~~個沙律醬汁都夠而且D菜夠FRESH~幾爽脆同JUICY!燒肉拼盤都幾多野食!!有霜降牛小排、蔥蒜牛五花、薄切牛舌、護心肉、梨汁雞肉、大八爪魚!牛小排同牛舌都相當唔錯! 牛小排脂肪比例平均, 雪花靚~輕輕燒至5-6成單食/包菜食都很OKAY! 牛舌一D都唔UN! 不過由於係薄切所以燒時要好小心, 以免OVERCOOKED影響口感啊~~~另外特別一提個梨汁雞肉!! 醃得好好味~~經燒香後果種酸甜梨汁同雞肉汁香真係超級令人回味!!! 包菜食口感更清新!! LET’S GIVE IT A TRY!最後就係跟餐嘅慶洲豬五花肉!!! 份量超大啊~~仲要有認定證XDD 產地係慶尚北道~肉質真係好有彈性, 而且肉汁豐富, 完全唔會話燒到DRY 可以燒到好香口!! 呢個好推薦!!!我地仲叫左兩杯特飲梳打, SIZE超大杯XDDDDD((

好想去旅行食正宗韓燒😋 唯有嚟呢度頂住先啦 呢間係親子餐廳 有個好大area比小朋友玩ga 仲有裝修都有韓屋style今次叫左期間限定嘅$698 慶州勝利豚套餐有好多款肉：特級牛肋骨 韓牛前胸肉醬汁牛小排....重點當然係塊慶州五花肉 黃金比例嘅油脂同肉 夾埋生菜食 家鄉味道番哂嚟個塊韓牛都好高質 點少少鹽已經好好食 好似我係明洞食嘅味 呢個餐仲有炒年糕 2個人真係食到好飽呀 我地仲叫左2杯梳打柑橘士多啤梨🍓神石榴士多啤梨雖然地點係遠離apm個邊 不過呢間特別for親子嘅都好值得帶埋小朋友嚟又玩又食

昨日（14/4/2021）來到觀塘，想食韓燒，便試吓這間餐廳，這間餐廳有別其他分店，多了一個兒童遊玩區，地方頗大，玩樂物品都好多，重要是很乾凈。前菜有4款，味道都麻麻地，大荳芽菜味淡，沒有麻油香味。食飯遇上韓國單身一族節日~黑色情人節，會員咭有1或4號，還送上黑色炸醬麵，甜甜地，幾好味，雖然是送，份量都足。另叫了特級牛肋骨，好味，有濃濃牛香味，蝦就麻麻地香烤豬五花，烤到豬肥肉出晒油及皮脆先食，正飲品叫了凍奶茶及甜米水

大大個波波池係到食野會分心架喎🤣🤣小朋友黎到開心玩啦呢到有韓服體驗架！仲有童心空間有波波池大人負責食小朋友負責玩好去處就係要win win!雖然波波池唔岩我玩喇我就負責食啦今次點左個$498 套餐（期間限定）睇中釜山慶州豬肉，牠來自慶尚北道點解我睇中？因為有住黃金比例口感喎肉汁豐富肉質又有彈性😍😍仲有牛五花、牛小排、我最愛既護心肉大大舊八爪魚🐙當然仲有好味又滿滿既小菜特別鍾意呢間提供既泡菜☺️☺️

每隔一段時間就會好想食韓燒,即刻諗起炑八燒烤,咁岩男朋友係觀塘做野,觀塘原來都有炑八所以就去左觀塘食!!🤪食物方面:🙌🏻叫左期間限定既釜山慶州豬肉主題$698套餐⚪️特級牛肋骨肉質好嫩肥瘦適中,牛味好重口感好好,必食!👍🏻⚪️韓牛前胸肉油脂無咁多,肉質會爽口少少,但仍然牛味好濃😚⚪️醬油牛小排牛小排夠大塊,油脂唔算多,燒到2邊金黃色之後剪開再燒1分鐘就OK,調味岩岩好,配上生菜都唔會好濟👏🏻⚪️牛舌牛舌真係好好食,又爽口又滑🖖🏻⚪️慶州五花肉一大塊五花肉,有店員幫手燒到岩岩熟,唔乾,肉味都幾香😼⚪️慶州豬梅肉比較薄身易熟唔會好老!!⚪️韓風墨魚第一次食燒墨魚,有調味唔錯!!⚪️辣炒年糕炒年糕係小辣,好惹味!!⚪️夏思菠蘿梳打和柑橘士多啤梨梳打好香果味唔會太甜加埋梳打水好飲又解渴🍹整體方面:餐廳好大,係近觀塘碼頭果邊,唔難搵,餐廳係親子餐廳,一入去就見到兒童玩樂區🌈報置好韓風,仲可以借韓服打卡📸當然我都有影啦.有幾套可以揀.食物好新鮮,每次去都有唔同既套餐配搭好哂,唔錯,任食既爐邊蛋同芝士粟米依舊咁好食,前菜,沙律,樣樣齊!

觀塘分店竟然有個小朋友遊樂場果然係親子推介， 食物方面亦都質素唔錯， 裏面有齊曬唔同嘅招牌燒肉， 有選擇困難症嘅就咁叫一個餐就足夠兩個人食， 只飲品方便就普通啦， 環境的確幾好坐， 有小朋友嘅可以嚟呢一度放電食嘢。

細佬係食肉獸，見佢呢排返學咁辛苦所以就帶左佢去食吓燒肉啦，呢間餐廳係親子餐廳，都幾多玩樂設施提供，岩曬一家大細去又食又玩啊！慶州豚肉的神話套餐 ($498)呢個餐期間限定，兩個人食岩岩好，前菜（包泡菜﹑醃蘿蔔﹑芽菜）﹑生菜﹑爐邊蛋同芝士都係任添！正啊～肉就包醬油牛小排﹑ 醬油牛舌﹑ 蔥蒜牛五花﹑特製護心肉﹑慶州五花肉﹑梨汁雞肉﹑大八爪魚，值得一提Ｄ豬肉全部都係由韓國慶州直送，燒落去超香油味，包埋KIMCHI同生菜一齊食，絕對係有韓國既味道啊！夏恩菠蘿梳打 ($38) + 柑橘士多啤梨梳打 ($38)驚太熱氣仲叫左兩大杯SODA，個人中意柑橘士多啤梨味多Ｄ，飲落酸酸甜甜好清新～

今日途經觀塘，同朋友想食燒肉一查之下發現附近有炑八就二話不說上去食呢間主題係親子樂園有場地俾小朋友玩一邊食一邊睇到其他家庭氣氛好開心適逢遇到有期間限定套餐就決定試下揀左$698套餐因為我同朋友都係食肉獸套餐有好多款肉包括特級牛肋肉，韓牛前胸肉醬油牛小排，牛舌慶洲五花肉，豬梅肉實夠食前菜標準韓式小食可以任添😛牛肉擺盤好靚全部都好高質⭐️韓牛前胸肉好肥美，油香最重⭐️牛小排好軟淋⭐️牛舌口感彈牙⭐️五花肉份量好大，食得好滿足⭐️韓風墨魚好新鮮，一定係即日切即食辣炒年糕唔算辣，好惹味

一入到黎就見到有個俾小朋友玩嘅遊樂區，餐廳內嘅環境都唔錯💕之前食過炑八嘅烤肉套餐，覺得個質量都幾好，依家轉左個期間限定套餐都好吸引😍慶州勝利豚套餐 $698前菜依舊有芽菜，白蘿蔔，泡菜，生菜，沙律等，仲有芝士粟米➕泡菜蛋，都系無限添加，侍應們見到我地食完都會主動問駛唔駛再加，服務態度非常好👍🏻個餐有個熱食➡️辣炒年糕，唔算好辣，麵筋同年糕食落煙煙韌韌，幾香口呢個餐最正就系個特級牛肋骨，厚切得黎一啲都唔韌，仲有濃郁嘅牛味，口感一流😋醬油牛小排同埋韓牛前胸肉嘅油花分布得好靚，仲有牛舌，全部食落都好香好juicy ，真系好滿足❣️呢塊慶州五花肉更加系有認證，脂肪同肉嘅分布更加系黃金比例嘅口感，咬落唔會有肥膩感，真系好好味，不過燒果陣記得唔好放系中間燒，最好剪開去靠邊燒海鮮有厚切嘅韓風墨魚，都系有一半辣一半唔辣，食落好惹味飲品叫咗柑橘鮮橙果茶，味道好清香，淡淡的濟州綠茶忌廉鮮奶呢個系第一次飲，感覺幾新鮮，系綠茶味嘅忌廉鮮奶，都幾好飲

朋友介紹觀塘鴻圖道的炑八韓烤， 今晚有時間就過來試下。餐廳位於二樓全層，裝修非常有特色， 是一間非常有特色的親子餐廳， 設置了兒童遊樂場，可以帶小朋友一齊食及玩，餐廳一個個的卡位寬敞舒適。坐下後，餐廳很快送上韓國特色的6小碟小食，有 酸酸甜甜的泡菜、泡白蘿蔔及紅蘿蔔、沙律，還有可以配著燒物食的生蒜粒、生菜……等。我揀了個朋友推薦的套餐。慶州勝利團套餐$698套裝有韓牛前胸肉、醬油牛小排、薄切牛舌、慶州五花肉、慶州豬梅肉、韓風墨魚及辣炒年糕，套餐內還有冬菇。辣炒年糕辣炒年糕大約是小辣，裡面有豆腐干及有少少齋菜，年糕煙煙靭靭帶辣的，是很特別的韓國菜式。侍應先在爐邊放上可無限次添加的蛋漿及芝士粟米，可一邊燒烤一邊慢慢地被烤熟，蛋漿可放辣及不辣， 蛋漿很軟滑可口，我很喜愛食芝士粟米，很香芝士味！韓牛前胸肉韓牛前胸肉切得夠厚，牛肉味特別香濃又好肉汁。醬油牛小排醬油牛小排切得細細件，厚度剛剛好，花紋有點似和牛，經醃製過非常入味帶油香，真的高質又美味！薄切牛舌牛舌帶點煙韌的口感，燒得非常香，真是非常的美味，我很喜愛食！慶州五花肉慶州五花肉是上等的五花肉，燒完之後用生菜及蒜粒夾著食，感覺非常爽口油香，

#觀塘 😯原來觀塘真係好多樓上舖…一幢幢樓, 再一層層咁行, 行到個人有少少攰 😵(最主要係因為銀包薄咗!🥲) 要搵個舒適的地方坐低抖抖再補充體力! 💪👯‍♀️2人選個慶州🐖豚肉的神話套餐 $498! 一開始係比個名吸引, 😎呀豚肉究竟有幾神話呢? 仲要係期間限定, 無理由唔試吧! 餐包括: 🐄醬油牛小排、🥩蔥蒜牛五花、👅醬油牛舌、特製護心肉、🐖慶州五花肉、🐥梨汁雞肉、🐙大八爪魚! .🤤肉類就唔逐個講喇, 普遍高質, 絶對對得起個價錢, 性價比高! 🐙呀八爪魚呢, 堅唔細! 肉質唔靭 (同點燒都應該有少少關係😌), 最主要係唔好燒咁耐, 按下變少少硬便可! 🌟主角登場, 🐖慶州豚肉! 有認定証架, 慶尚北道出產, 最可愛係竟然有2隻薯仔小豬一齊上枱...🥩肉, 眼見有點肥, 但唔肥燒又唔好食呢🤤🤤, 當燒時油脂被迫出, 香到一個點! 豚肉質嫩滑, 燒至外脆內軟, 肉汁及油脂滿滿!🤔成件事最神話應該係…🔥個火🤣😂🤣😂, 豚寶寶非常惹火! 🍹再來2杯飲品, 🍋柚子檸檬梳打, 🍓神石榴士多啤梨梳打! 味道香甜唔假, 梳打夠解渴! 👨‍👩‍👧‍👧原來呢度有兒童樂園

有小朋友既家庭平時去食烤肉真係有啲擔心，會驚小朋友燙傷有危險⚠️所以少機會去食。呢間燒肉就可以解決到家長們既擔心，因為餐廳有個小朋友天地樂園，只要叫份兒童餐，小朋友就可以入去盡情地玩，大人就可以好放心喇環境裝修都好韓feel 又夠哂大又闊落，坐得舒服😌可以慢慢燒烤都得。叫左個慶州豚肉套餐，樣樣都有啲，唔洗諗！呢個套餐主打食慶州豚肉，豚肉有認定證，保證產地係慶尚北道😁餐前菜有沙律🥗，泡菜，蘿蔔，芽菜，芝士粟米，泡菜蒸蛋。除左沙律，所有既前菜仲有生菜都可以無限追加♾️，正呀！慶州既豚肉果然唔同啲，肉質肥美，脂肪分佈好好，一放落去燒爆哂肉汁，好搶火😍食落好香又嫩肉👍🏻包埋生菜🥬食更加好，可解一解膩！除左豚肉好味，佢既牛小排，蔥蒜牛五花，薄切牛舌，護心肉既肉質都好好，好有牛味，唔洗沾醬汁都已經夠哂味。食燒肉一定要叫杯野飲解一解渴！叫左兩杯梳打都好飲。柑橘🍊士多啤梨梳打同神石榴士多啤梨梳打。大大杯，仲有粒粒果肉，飲落好fresh 好清甜解渴！🤩正呀

肉肉我又黎啦😍，今次黎到觀塘既炑八韓烤食肉肉🤣。呢間原來係親子餐廳，入到黎門口隔離就有大大玩樂設施俾小朋友玩。。慶州勝利豚套餐 $698呢個set勁豐富，有好種肉食，分別有韓牛前胸肉、牛小排、牛舌、慶州豚五花肉、豬梅肉、墨魚、炒年糕。。肉質好嫩滑，好有牛味，當中尤其鐘意牛小排，入口即溶勁好食👍🏻。而慶州豚亦都好有驚喜🤩，豚肉肉質好有口感，脂肪同瘦肉既比例分佈得好靚😍，燒好用菜包住塊肉，再放d調味同泡菜，一啖食落口，正😝。。韓國燒肉佢嗰邊都會有芝士粟米，係拉絲既感覺啊，隔離仲有泡菜蛋，有得無限refill 正呀🤪另外，沙律菜🥗同炒年糕都好好味。

一直未黎過屋企對面呢間炑八，呢排有個期間限定⏱以釜山慶州豬肉為主題嘅餐牌，今次就嚟試吓「慶州豚肉的神話套餐」（$498），食物分別有👉🏻醬油牛小排、蔥蒜牛五花、醬油牛舌、特製護心肉、慶州五花肉、梨汁雞肉、大八爪魚，另外加$20有杯梳打，於是揀左青檸梅子梳打仲有藍天使梳打。除咗經典韓式前菜，🍳爐邊蛋同🧀芝士粟米🌽都好出色，同前菜一樣都係可以refill嘅。燒肉拼盤擺盤一流😻，慶州豬肉五花，肉汁豐富而且肉質有彈性，🥩唔算好肥膩。牛肉、雞肉，🍗都用左醬油、梨汁醃製，令肉味升華。食燒肉配梳打一冷一熱啱曬，夠曬refreshing🍹！📸值得一讚呢度嘅燈光比起好多韓燒餐廳更勝一籌，中間個吸氣管冇擋住啲光搞到好大個影🥰。另外呢度係一間親子餐廳，門口已經有好大個波波池，而且仲有育嬰室，啱晒一家大細👍🏻。