140
5
3
港鐵觀塘站 B1 出口, 步行約8分鐘 繼續閱讀
所有分店 (16)
電話號碼
23262220
開飯介紹
人氣韓國燒烤店,招牌為燒韓牛,當中以肩胛肉及護心肉最為推薦。餐廳設有遊玩區,適合一家大小共享天倫。 繼續閱讀
營業時間
今日營業
11:30 - 16:30
17:30 - 22:00
星期一至日
11:30 - 16:30
17:30 - 22:00
付款方式
Visa Master AlipayHK 支付寶 現金
其他資料
網上訂座
餐廳運作模式 - B類
加一服務費
當面支付
有關獎賞計劃
食評 (164)
等級4 2021-11-11
856 瀏覽
我地上個月去左位於觀塘嘅親子餐廳【炑八韓烤】食+玩+打卡呀~因為萬聖節關係,所以場內佈置得好有節日氣氛~ 職員安排左個卡座俾我地,坐得好鬆動~余小b見到【釜山海之物套餐】$588 有佢最愛嘅八爪魚,所以馬上決定要呢個餐~係燒烤前,店員先幫我地係個爐上面fill左啲芝士粟米和泡菜蛋, 仲上左五碟韓式前菜 (包括: 泡菜、芽菜、蘿蔔等),全部都可以無限refill,另外仲有一大碗沙律和生菜,好豐富呀~主角出場了~ 兩大盤烤肉除左有余小b好期待嘅釜山八爪魚外,仲有醬油五花肉、梨汁雞肉、豬皮、韓國辣椒、霜降小牛扒等,今次有口福了~醬油五花肉油花均勻,口感香而不膩,霜降小牛扒,富油花而且肉質嫩滑香濃,梨汁雞肉味道清新,釜山八爪魚入口彈牙咬口,豬皮好特別,入口好香甜,雖然有點邪惡,但真係好好味呀~ 食左咁多燒肉,飲番杯透心涼嘅特飲先~ 我地點左【青肉蜜瓜梳打】和【青肉蜜瓜沙冰】,一上枱已經好吸睛,味道清甜,仲有滿滿嘅果肉, 大人同小朋友都大愛~呢度除左有得食韓燒外,小朋友只需加$130就可以到playroom大玩特玩,仲包埋一個小食, 好開心呢!亦可以即場借用韓服打卡,個場影相都幾靚呀~ 打卡都打到手軟! 余小b玩到唔捨得走,下次要再嚟朝聖喔~  繼續閱讀
(以上食評乃用戶個人意見 , 並不代表OpenRice之觀點。)
等級4 2021-10-30
779 瀏覽
芊芊bb成日話要去親子餐廳,好啦好啦,呢排咁乖,就帶佢去啦。😙😌黎到位於觀塘鴻圖道90號既炑八韓烤親子餐廳,一入門就被兒童世界吸引左,餐廳專門設有兒童遊樂區(入場費:$130),供小朋友遊玩。重點係:父母終於可以解放啦🤣🤣!!!諗起都興奮🥰,我地第一時間帶左芊bb入去遊樂區,入場兒童遊樂區可以送一小時韓服體驗㗎,即刻幫佢換左套靚靚韓服😍。Omg,換上韓服的芊bb太可愛了☺️🤩。不過唔可以著住套衫去食嘢❌,但可以著住入去玩✔️。配合halloween主題,職員全部換上halloween主題衫,好盞鬼🤣,有節日氣氛!主食:蝸牛紫菜包飯 超級無敵可愛的造型,小朋友見到都食指大開,一上黎就食左雞件,平時見佢食飯都冇咁快🤣。套餐附送埋兒童前菜呢度真係好為小朋友著想,竟然仲有前菜,用獅子🦁️碗裝著,小朋友都食唔少😌。我地點左個釜山海之旅套餐$862套餐已包含:釜山八爪魚🐙、鰻魚、韓國辣椒🌶️、蔬菜南瓜車🎃、醬油五花肉、紅蝦🦐、牛舌🐂、單骨雞翼、韓牛前胸肉。呢個係期間限定套餐,海鮮當然新鮮,大人都要食得滋味㗎嘛☺️。趁小朋友去玩的時候,大人就可以慢慢燒,傾計都舒心d。仲想講既係個halloween主題南瓜車🎃,超級好可愛,搞到好似生日蛋糕咁🤣,小朋友已經不想離開了。炑八韓烤親子餐廳 (觀塘)觀塘鴻圖道90號2樓 繼續閱讀
(以上食評乃用戶個人意見 , 並不代表OpenRice之觀點。)
天氣開始涼涼地,夜晚去食下韓燒暖暖身😋我揀左炑八韓烤親子餐廳渡過我愉快既晚餐🤣依間炑八同其他分店唔同,係專for親子既餐廳,有遊樂設施俾小朋友放下電仲可以係度租用韓服同小朋友一齊著黎打下卡影下相📸餐牌除左燒肉之外仲有兒童餐提供添😎餐廳設計係用韓屋為主題做設計,好靚好特別,係度韓燒就好似置身韓國咁,黎個偽韓國之旅吧🤣為食餐單: 釜山海之物套餐🥩 $588首先上左個新鮮沙律,好大盆,菜好fresh好新鮮,加埋美味沙律汁好開胃😎另外有盆新鮮既生菜係for包住燒肉食既🥬前菜有4款: 醃蘿蔔、泡菜、芽菜、醃海帶爐邊淋上香濃芝士同泡菜蛋,好惹味😋前菜同爐邊芝士、泡菜蛋款款都可以任refill啊😋而我揀既套餐好豐富,入面有釜山八爪魚、鰻魚、醬油五花肉、梨汁雞肉、豬皮、韓國辣椒、霜降牛小排😋八爪魚好彈牙又爽口好好口感而且醃過醬料好好味啊😋鰻魚好滑好有彈性,燒完入面魚肉仲係好嫩滑好香啊🥰五花肉油脂分佈平均,肉質好好食好新鮮😎豬皮好彈好正😍雞肉好有肉汁好好味呢🥰牛小排牛味好濃,非常美味😋柑橘鮮橙果茶🍊 $48飲品上面有一塊香甜橙肉😍柑橘鮮橙味好sweet好吸引,邊食韓燒邊飲一流😋青肉蜜瓜梳打🍈 $48滿滿啖啖肉既時令香甜蜜瓜肉😋飲品係好香甜既蜜瓜味梳打,飲落好chill又解渴🥰 繼續閱讀
(以上食評乃用戶個人意見 , 並不代表OpenRice之觀點。)
等級4 2021-07-17
2938 瀏覽
星期六同老公出開APM行街,黎到工廠大廈附近嘅呢間餐廳。大約7點到餐廳,一入到餐廳就已經見到有個遊樂場,仲有好多著左韓服嘅小朋友🤣,真係好可愛。Order 了「暑假遊學團套餐」$862有月見和牛肩肉扒、蔬菜南瓜車、醬油五花肉、紅蝦、護心肉、單骨雞翼、韓牛前胸肉、炸雞翼薯條 + 兩杯梳打$38 /杯(青檸 和 菠蘿)。本身個套餐名聽到都夠晒開心😆,放暑假喎!就連食物嘅做型都啱晒小朋友心意:有飛機、超級市場嘅trolley 、 而最值得一贊嘅係蔬菜南瓜車,將蔬菜瓜果吸出多個動物做型,真係又玩得又食得👍🏻另外,佢地嘅韓式燒烤盤設計都非常方便,一直加熱著調味配料:芝士 和 泡菜撈蛋,可連同燒烤食物一齊食。最好食嘅都係和牛肩肉扒😋😋 ,好簡單咁燒熟兩邊就食得,之後再剪到細細塊咁,燒得熟啲都唔怕硬。韓牛前胸肉肉味濃郁,肉質係煙靭有口感但唔硬。醬油五花肉超入味,本身都怕食肥豬肉,但經過燒烤後五花肉上嘅脂肪消失得七七八八,剩低嘅脂肪都係香脆易入口,直接連埋瘦肉部分一齊食都得。前菜有沙律菜、辣椒蒜頭、芽菜、白紅蘿蔔、海滯和泡菜,除左沙律菜之外,其他前菜都無限添加,特別喜歡食佢地嘅泡菜,唔太辣,醃得好好食,更添加了多一碟。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-11-28
0 瀏覽
記得訂位,長期爆場,預約晚市,2人坐卡位,好舒服2人餐由$500左右起,飲品另計,28蚊杯,今期有特色韓式果肉特飲同冰沙冰沙解油膩,特飲清爽好順口,啖啖蜜瓜肉清甜鮮味套餐包括韓牛同各式醃肉,份量十足,仲有八爪魚同鰻魚先食肉再食海鮮,牛肉和牛,韓牛,油花平均又夠肥嫩,肉質嫩又香燒至5成熟已經好好食,雞同豬就要燒熟,和牛就5成已足夠嫩滑另有無限泡菜任食,超好食,自家出品,又香又辣又夠甜,菜香爽脆,開胃又健康鰻魚要就住燒,好易變焦,又香又嫩,肥美甘鮮,肉質細緻八爪魚好大隻,香辣惹味滋味無窮,爽中帶肉汁平均消費$444觀塘鴻圖道90號2樓 繼續閱讀
(以上食評乃用戶個人意見 , 並不代表OpenRice之觀點。)