炑八韓烤親子餐廳

營業中

休息中

新年人日，一於拖男帶女去食餐好少少。近近地去左觀塘親子韓燒，叫了新年套餐韓牛總動員出動燒烤套餐，乜都有，咁晒三心兩意嘅我😁一唻開胃前菜，麻醬沙津菜真係好新鮮爽甜，我自己食晒😋主菜有🐮韓牛西冷、背身肉、霜降牛小排、🦐韓式大蝦、🐔韓式梨汁雞肉、🐙原隻大八爪魚，仲有大醬湯同七彩九節板，十分應節👍🏻阿仔中意食牛同雞，牛肉油脂均勻，香氣四溢；雞肉嫩滑有梨的甜味🍐我中意食大蝦，蝦膏甘甜彈牙；而霖霖最中意食爐邊的芝士粟米🧀🌽同蛋🥚重點係甜品，抹茶紅豆冰沬🍨，紅豆夠大粒，甜度配合抺茶粉加冰沬真係絕配，幾時都話好食嘅甜品絕對係為一餐畫上完美句號。

今日來到炑八親子餐廳，雖然話親子餐廳的主要賣點係兒童玩樂區，但我對食物都係有所期待的。今次試佢地的親子套餐真係好有驚喜。份量足之餘，仲好精巧。韓燒併盤就有大八爪魚，牛肩肉，雪花牛肉，太蝦同雞肉。另外韓式錦盤亦十分靚，有蠏枊絲同肉絲作伴菜。感覺豐盛！一口燒肉，再一口錦包。好幸福喔！

今次就搵左間韓燒親子餐廳，😍韓燒都有親子餐廳，仲有韓服提供可以著黎影相。小朋友玩樂區好大，有波波池、瀡滑梯、玩具廚房等等，小朋友一黎到野都未食就走左入去玩，咁媽媽我可以放心同爸爸一齊開餐填飽個肚先！今次我地就叫左新年套餐既其中一款韓牛總動員出動燒烤套餐，套餐包括有：韓牛西冷、霜降牛小排、韓牛見身肉、大八爪魚、韓式大蝦、韓式梨汁雞肉、名品大醬湯配紫菜飯 、 九節板。有肉類又有海鮮，牛肉有唔同部份，有肉汁有牛肉味、雞肉都算嫩滑、八爪魚同大蝦都好爽口，九節板係韓國傳統食物，第一次食都幾得意，感覺有少少似迷你潤餅。食到咁上下，原來有免費風車工作坊，一齊整DIY風車。最後，我地仲食埋純Oreo冰冰做餐後甜品。個日仲睇到門口寫住，原來提早訂座新春前後既booking都有88折及免收入場費。

去左炑八係觀塘既親子餐廳，見佢最近做緊新春活動喎，有魔術表演畀小朋友，仲有啲工作坊，一入到去小朋友就俾個玩樂區吸引住，內有波波池， 扮靚區，煮飯仔同大量玩具，仲有韓服可以試著。環境方面，地點都算方便，行去地鐵站約10分鐘。 裝修用上韓屋做左啲小房間，仲有卡位， 有配備bb櫈， 每張枱上面都有一同顏色筆同埋餐紙可以畫公仔。現場仲有啲背景位置 提供比人著住韓服影相。食物方面今次order咗個韓牛總動員套餐，包括有霜降牛小排， 韓牛貝生肉， 韓牛西冷，有韓式梨汁雞肉， 韓式大蝦， 仲有一隻搶眼嘅原隻大八爪魚，啲牛肉好味， 本身唔使加其他醬料都已經好有牛味，同埋食材好新鮮。 佢個套餐仲有個大醬湯配飯同比較有特色既九節板， 九折板係用牛肉絲， 蟹柳肉，七彩繽紛嘅蔬菜絲配上薄皮 一齊食， 有少少似北京填鴨既食法，但比較清新因為多咗好多唔同嘅配菜同埋餡料都唔一樣。 另外我哋再order咗兩杯嘢飲。小朋友入場仲有一份兒童小食。因為有新春訂枱優惠，有88折加埋免小朋友入場費，今次覺得又得玩又抵食。

帶住兩個囡囡，要出街食飯真係要好認真咁揀餐廳。今日約咗朋友一齊食飯，兩個家庭總共四個小朋友。首選一定係親子餐廳。今次去咗觀塘一間韓燒親子餐廳。首先入到去裝修已經好有韓國氣氛，一望向左手邊已經見到有落地玻璃房，入面全部都係小朋友波波池同埋玩具。店員帶我地入去坐低，好似自己一個包廂咁，極高私隱度，可以食得好舒服。一坐低，兩位公主已經跑左去play area玩，原來門口仲可以有韓服借俾大人同小朋友著，如果唔多人仲可以一路著住一路係餐廳吃飯。好有韓feel。我一家最愛牛同海鮮，所以叫左新年套餐-韓牛總動員出動燒烤套餐。牛好好食，唔使燒咁耐，一放入口即溶。大八爪魚🐙真係超巨型，開頭我地唔識，成隻放上去。店員姐姐仲好好人幫我地剪細佢，方便我哋燒。兩個囡囡最欣賞的是在燒爐周邊燒的玉子蛋同芝士粟米，食完仲可以無限♾refill，又好食。套餐仲有跟名品大醬湯配紫菜飯同九節板。九節板都幾得意，可以將八種唔同嘅配料捲入去薄餅中，仲有秘製嘅醬。最估唔到係囡囡鍾意食一絲絲嘅配料同薄餅，自得其樂，好讓我們可以專心食野。名品大醬湯配紫菜飯，味道唔錯，有少少海鮮，另外有豆腐，牛肉，蘿蔔，翠玉瓜，菇，湯料豐富，所以湯底

有左小朋友之後，就好少約朋友出去食飯，基本上佢地冇咩耐性可以陪你坐底食餐飯。 所以而家新興嘅親子餐廳就好重要啦。 今次我帶左小朋友黎左觀塘炑八食飯加參加埋賀年工作坊中既《風車轉轉轉工作坊》有得整風車又有得食同玩，岩晒小朋友。我地今次叫左佢既 新年套餐叫《韓牛總動員出動燒烤套餐》有韓牛西冷、霜降牛小排、韓牛貝身肉、大八爪魚、韓式大蝦、 韓式梨汁雞肉。全部都好好味，肉質 嫩滑，小朋友食都無問題。咁新年同朋友聚會就可以 小朋友有得玩之餘，大人仲有正既韓國燒烤食喇。

今日一家人經朋友介紹 去咗親子餐廳。 地方好大設有波波池 和玩具室，還有韓服借出試著供打卡用，真係大人細路都啱玩！食物以韓燒為主，可預訂傳統韓燒屋，在佈置特色嘅韓屋入邊燒烤。鼠年新menu，店員推介新春套餐，韓牛總動員出動燒烤套餐，足夠一家人份量。韓國燒烤有韓牛西冷、霜降牛小排、韓牛貝身肉 大八爪魚、韓式大蝦、韓式梨汁雞肉。霜降牛小排 油脂豐富，分佈均勻，入口溶化，甘香四溢。 燒烤大蝦 焦香撲鼻，肉質新鮮清甜，爽滑彈牙。大醬湯用牛尾、瓜菜特製醬料淆製而成，香甜清新，牛味濃郁，鹹甜味道平衡適中，伴紫菜飯一流！九節板韓國新年傳統美食，用類似我哋嘅全盒盛載食材蟹柳、牛肉絲、京蔥、青瓜、紅蘿蔔、青紅椒切成絲狀，包裹雲吞皮嚟食，新鮮特別，充滿韓國氣氛!Oreo冰沫雪糕意猶未盡，點了一個雪糕甜品 Oreo冰沫雪糕，為今餐畫上完美句號。

小朋友最鍾意去親子餐廳，因為有得食有得玩。琴日囡囡放學之後，我就帶咗佢去觀塘嘅炑八燒烤親子餐廳。呢度好正有小朋友最鍾意嘅波波池同瀡滑梯，環境報置都好有韓屋嘅氣氛，令我回憶起去韓國旅行既時光，我們更換上韓服體驗下。女女玩左陣，就開爐食野，套餐好豐富，有前菜，有飯有湯，燒肉有牛，雞，蝦，八爪魚同蝦😋，女女還有自己的兒童餐，超級豐富。最後還有一個oreo雪花冰，份量足夠一家三口食。臨近新年，所以女女可以參加埋期間限定的新春工作坊，同扭波波活動。見到餐廳海報寫新春前提早訂座，18/1-31/1 晚市時段 19:00 ，可享88折優惠及免收入場費($130)，book黎食團年飯都好播。

我好like食韓燒 但一帶住小朋友就會就住就住 又怕會d油彈親又怕掛住睇佢 燒到野食燶晒入唔到口 結果上次媽媽GROUP 其他媽媽分享 觀塘呢間炑八韓烤親子餐廳所以今日帶埋奶奶 同小朋友一起又食又玩 大家都放鬆下因為奶奶經常幫我睇仔個仔都要食返餐好野ge一開門入到去見到好大個ball ball池 好吸引而且入面仲有好多其他玩具工作人員話 小朋友可以免費韓服體驗當然大人都可以自費 而且我地揀左有傳統韓屋場景食我地ge大餐食物叫左 韓牛總動員出動燒烤套餐有韓牛西冷 霜降牛小排 韓牛貝身肉大八爪魚 韓式大蝦 韓式梨汁雞肉名品大醬湯配紫菜飯我個人好like韓牛西冷 因為d油脂都好balance仲有梨汁雞肉 好嫩滑 同淋口而小朋友最欣賞係兩邊的芝士粟米 同 蛋食左好多 仲有紫菜飯至於九節板食法好簡單 將喜歡的配料放進皮內而且配了非常合小朋友心意有色彩鮮艷的彩椒紅蘿蔔 青瓜 蟹柳 京蔥 碎肉包住落皮皮就食得了再包兩杯野飲同一份甜品今日去到 仲有賀年親子工作坊--整轉轉行運風車仲有專人扭波波 個個大人細路都玩得好開心埋單時同我講依家提早訂座18/1-24/1 呢個日子晚市時段 有88折優惠及 免收入

自從朋友圈大家都有左小朋友後，越黎越少約出黎食飯，因為要搵一間可以容納到咁多個小朋友而又可以食得安落既餐廳實在唔多。但有一次經朋友介紹，第一次試呢間親子餐廳後就愛上左佢！因為大人們終於都可以安心咁放低小朋友去遊戲區玩，然後自己慢慢燒！一入門口已經見到一大個波波池同埋滑梯，果度有個職員會坐係門口睇住，雖然佢地唔係負責湊仔，但佢地如果見到小朋友有咩唔妥都會主動同家長講返聲，呢方面我覺得佢地做得幾好佢地仲會主動幫小朋友揀韓國試穿，即時覺得好有feel食物方面我覺得中規中距，每個小朋友都有一份兒童小食，小朋友見到好開心不過另外order既兒童餐略嫌有d貴，不過老實講小朋友黎呢度都唔係主要食野

因為家庭聚會中有小朋友所以大多數會揀親子餐廳食飯，但大多既親子餐廳都係cafe或者西餐類型多，點知上網見到炑八有呢間親子餐廳所以就訂枱去食。而我係一個韓燒日燒控，所加更加鍾意呢間餐廳❤️好多小朋友都唔會有耐性同願意陪大人燒咁耐野食，餐廳有個playground area比小朋友玩，減低對大人既負擔。入去玩前職員會要大人小朋友先消毒雙手，減低細菌感染。不過要注意既係入去既時候係要著襪，所以媽媽們夏天著涼鞋時要準備定對襪去。

今日又嚟炑八親子餐廳。其實佢係主打燒肉，不過我次次嚟都係lunch, 唔會慢慢燒。由於都係返工時閒日先嚟, 亦用唔著佢個波波池，影下佢個餐牌，整得好可愛。佢午餐質素正正常常，我覺得無咩特別好唔好味咁，反而佢d配菜好好送飯，仲要任加嘅。個湯今日好濃味，咸咗d...朋友話佢個牛肉石鍋飯牛量都幾少，好處係個鍋係好keeep到熱，但七十幾蚊好似唔抵食。我個大醬湯幾好味，個紫菜飯一如以往無咩紫菜，不過今日d蜆唔知做咩好多沙，食到卡卡聲，仲有d唔開口嘅之前唔會㗎喎，不過四十八蚊算ok啦...

位於觀塘工廈隱世韓國餐廳～平時見好多人排隊食～今日下午lunch time 我同一個同事就去食下 ～ 環境都唔錯地方好大～ 一坐底服務員己經放底碗熱辣辣湯比我地飲🍵👍🏻 我地二個女仔只係叫左炑八牛肋骨煲配紫菜飯再加炸雞 😋 二個人食都夠哂飽 👍🏻海帶湯🍵味道鮮甜又足料 👍🏻炑八牛肋骨煲配紫菜飯$76😋 牛肋骨第一口咬落去己經嘩一聲😋 牛肋骨炆到勁軟林😋口感一流🙆🏻‍♀️好小係出面食到甘林身 肉味夠濃👋🏻值得推介食👍🏻甜辣無骨炸雞配薯條（午市套餐優惠價+$28） 🍗甜甜辣辣比較開胃～皮脆肉嫩多汁👍🏻

lunch 同一班同事出去食，觀塘宏利附近韓式餐廳無乜炑八係唯一一間，而且lunch 定價較平蟹膏份量算多，而且上菜熱辣辣搞拌後食，反而唔重蟹膏味，一般但攤耐d, 石頭邊有飯焦，加分牛肉有牛味，粉絲甜甜d,所有野溝埋好食五花肉真係肥架，接受到先好叫泡菜唔夠多，溝埋d 飯之後，味道偏淡，自己加埋前菜送既泡菜先夠味叫lunch set 唔駛加一但都無野飲架如果叫番大menu 就要加一，要留意番呀整體水準ok, 如果人均六十幾蚊送野飲會吸引d

出晒名食韓烤既炑八韓烤餐廳係觀塘開左間親子餐廳，可惜4點後先可以享用，岩晒一家大細父母一邊食子女就一邊玩。今天我就食左個午市套餐：石頭蟹膏飯$78，包前菜同湯。前菜分別有芽菜、泡菜、青瓜，味道掩得都唔錯，唔會套咸，飲埋個紫菜湯，清清地易入口。主角石頭蟹膏飯熱騰騰上檯啦，要好小心咁食，唔好辣親個口，把蟹膏同飯撈拌後就食得，蟹籽脆卜卜，仲加埋藜麥撈埋飯一齊食更健康，蟹膏鮮甜美味，仲有埋飯焦更食得香脆，午市更免加一，都十分抵食！😋😋👍******************如果大家中意我寫既食評📝，麻煩幫幫手禁個❤比我，我會搵更多正野既餐廳、寫更多食評比大家！😌😋******************